-انتي متأخره عشر دقايق..!!!

خديجه: معلش.. الطريق كان زحمه اوي..

 مالك: مش عايزها تتكرر تاني..تعالي ورايا.

خديجه :هو حضرتك المدير؟

مالك لف وقال: لا موظف عادي..بس انا المسؤول عن الشيفت واي حاجه تخص الشغل هتبقي معايا..

 خديجه: فهمت..حضرتك اسمك ايه بقي؟

 مالك: احنا هنقضيها كلام وتعارف..ولا هنشتغل؟

 خديجه : لااكيد هنشتغل.. انا بسأل بس عشان اعرف انادي علي  حضرتك يعني ..

 مالك: اسمي مالك..انتي اسمك ايه؟

 خديجه: اسمي خديجه..

 مالك:تمام..يلا يا خديجه نبدأ شغل..دلوقتي هتاخدي القهوه دي توديها لترابيزه خمسه..

خديجه:طيب..خديجه خدت القهوه.. هو قالي ترابيزه كام..اه ترابيزه سبعه.. وابتسمت وقالت اتفضل..

-ايه ده انا مطلبتش قهوه..

تمام معلش حصل غلط.. وبصت لقت مالك واقف باصص عليها اتوترت كده وقالت: اعمل ايه اوديها فين..انا هروح له بقي وخلاص واسأله..

مالك: هو انا قلت ترابيزه كام؟..

خديجه: اصل انا مركزتش اوي..ممكن تقولي تاني..

 مالك:امم اقولك تاني..احمد..

 احمد:يا استاذ مالك..

 مالك:تعالي ودي القهوه دي ترابيزه خمسه...

مالك بص لخديجة وقال: مفيش حاجه اسمها قولي تاني احنا مش فاضيين للكلام ده..مطلوب منك تركزي في الكلام..

خديجه اتضايقت وقالت: حضرتك انا لسه جديده..وودي اول مره فيها ايه لو كنت قلتلي ووديتها..

 مالك:انا مش شايف ان دي حاجه ليها علاقه بجديده او لا انا مطلبتش منك حاجه كبيره..امال حضرتك لما تشتغلي تحت ضغط هتعملي ايه..لما تودي كزا طلب مع بعض هتعملي ايه..اتمني تركزي عشان مبحبش الغلط الكتير..وسابها ومشي..

خديجه : بني ادم متعملش مع بني ادمين قبل كده..هتشوف بقي مين خديجه..

.......................

-خديجه وهي بتحط الاطباق علي الترابيزه: اتفضلي..تؤمري بحاجه تانيه...

-لا شكرا..

مالك كان مراقب خديجه ابتسم وقال:ده كلامي جاب نتيجه..

خديجه شافته فاتجهلته وكملت..

مالك:  انا مكنش قصدي اضايقك بكلامي..بس عشان تطلعي احسن ما عندك..برافو واضح انك بتتعلمي بسرعه..

خديجه :  تمام مفيش حاجه ودي طبيعتي بتعلم بسرعه..

 مالك:ايه الثقه دي..

 خديجه: لابجد كزا حد قالي كده..

مالك ابتسم وقال: معاهم حق..طيب تعالي بقي اما ننتقل للخطوه اللي بعد كده..

 خديجه:ايه هي..

 مالك:اوقات كتير المكان بيبقي مشغول..فطبعا ممكن يبقي في تأخير..حتي لو علي كوبايه قهوه..

 خديجه:..ايه المطلوب..

 مالك:المطلوب انك تساعدي..مثلا انتي بتعرفي تعملي قهوه اعمليها ووديها..مثلا عصير او اي حاجه من المشروبات السهله..عشان كده هعلمك كزا حاجه بسيطه..

 خديجه:..بس انا اصلا بعرف اعمل ده..

 مالك: منين..

 خديجه: كنت شغاله في مكان من سنه تقريبا..وكنت شطره جدا..

 مالك:طب وسبتيه ليه ممكن كنتي تبقي حاجه كويسه..

خديجه : ابدا حصل شويه ظروف واضطريت اقعد في البيت شويه..ف لما رجعت مكنش فيه مكان..

 مالك:فعلا اوقات الظروف بتحكم علينا وتجبرنا نسيب حاجات بنحبها...

 خديجه: ايوه فعلا..

 مالك:بس صدقيني ربنا بيعوض..وعوضه بينسينا الخساره..

خديجه ابتسمت وقالت: ونعم بالله..

 مالك:يلا بقي..وريني مهاراتك..

 خديجه:حاضر اعمل ايه..

 مالك:قهوه..

 خديجه:وبدأت تعمل وهو باصص عليها ومش مصدق..

مالك: واضح انك شطره اوي..

خديجه بابتسامة: متشكره..اصلي بعمل الحاجه دي وانا مبسوطه ف بتطلع حلوه..

 مالك:هدوق ولا ايه..

 خديجه:اكيد اتفضل..

مالك داق وسكت ثواني..

 خديجه:وحشه..

مالك:مظبوطه اووي..

خديجه بفرحه: بجد..

 مالك:بجد حلوه والله..

 خديجه: شكرا لذوقك....

............................

خديجه: انتي فين يا تيته...

- فاطمه:انتي جيتي يا حبيبتي...

- خديجه:..عامله ايه..

- فاطمه:..انتي عملتي ايه في الشغل..

 خديجه:كافيه كبير كده..والشغل كويس..

 فاطمه:الحمد لله يا بنتي..

 خديجه: خدتي الدوا..

 فاطمه:اه خدته..يلا بقي عشان ناكل انا وانتي..

 خديجه:ايه ده انتي طبختي..

 فاطمه:انا قلت انتي هتيجي تعبانه..

 خديجه:متتعبيش نفسك تاني..

 فاطمه: مفيش تعب ولا حاجه..يلا كلي..

 خديجه: حاضر...

.............................

مالك: عامله ايه يا ست الكل..

ساميه: الحمد لله يا حبيبي..تعالي اقعد جنبي هنا..عاملالك الاكل اللي بتحبه اهوه..

مالك: اوه..تسلم ايدك يا حبيبتي..

صبري: ايه اخبار البنت الجديده اللي جات انهارده..

مالك: كويسه وشطره في شغلها..وكمان ممكن اخليها باريستا ( تعمل قهوه ومشروبات وكده) لانها شطره جدا في المشروبات..ده بعد اذنك طبعا..

صبري: اللي انت شايفه انا واثق فيك..

مالك: حبيبي يا بابا..

.............................

ساره: استاذ مالك ده بقي يستي مجتهد في شغله جداا...

خديجه: اه باين عليه...زمانه تعب جدا علي وصل للمكانه دي..

ساره: ايوا تعرفي تعب جدا مع ان باباه كان ممكن يوصله ده في يوم..بس هو اختار يعمل ده بنفسه..تصوري عرفنا ان هو ابن استاذ صبري غير من كام شهر..

خديجه باستغراب: استاذ صبري ده المدير صح..يعني هو يعتبر ابن صاحب الكافيه..

مالك: ايوا..

خديجه اتخضت من سمعت صوته ووقفت وقالت: استاذ مالك..

مالك: ايوا انا ابن صاحب الكافيه..واتمني تكونوا خلصتوا  بقالكوا ساعتين تتكلموا..

ساره: اه اكيد خلصنا..عن اذنك يا استاذ مالك..

مالك: واقفه ليه يا خديجه..اتفضلي..

خديجه: حاضر..ومشيت بسرعه...

خديجه بتلم الاطباق...

زبونه: يلا يا بنتي شيلي بسرعه خلينا نعرف نتكلم..

حاضر..و بقت تلم بسرعه..ف الكوبايه وقعت من ايديها وانكسرت...

-زبونه بضيق:  كمان مش عارفه تشيلي الكوبايه..

خديجه زعلت اوي..والدموع اتجمعت في عنيها..ونزلت عشان تلم الازاز اللي علي الارض..

مالك بهدوء: قومي يا خديجه..حد هيجيلي يلمه..لاحظ انها هتعيط...خشي يا خديجه وانا هكمل..

حضرتك اتمني متعاقبهاش...هي صحبتي اللي استعجلتها..فهي لمت بسرعه..

هو انا قلتلها ايه يعني..

خلاص كفايه اللي حصل للبنت..

مالك: عن اذنكوا..

ساره: خلاص يا خديجه..اهدي..هو شغلنا كده..ناس معندهاش ذوق..

خديجه وهي بتعيط: والكوبايه اللي اتكسرت دي اكيد هييجي يسمعني كلام دلوقتي..

ساره: معلش انا هقوله مكنش قصدك..خلاص بقي امسحي دموعك..

خديجه مسحت دموعها وقالت: يلا يا ساره..

ساره: انتي كويسه...

خديجه: ايوا..

مالك شاف خديجه ونده عليها..: تعالي يا خديجه..

خديجه : نعم

مالك: انا اللي عارف ان اللي حصل كان قاسي شويه بس انتي لسه يامه هتقابلي من ده..وكلام من ده كتير..

 خديجه:حضرتك عرفت منين ان حصل معايا كده..

 مالك:من صاحبتها قالتلها ان هيا اللي استعجلتك وكده..بصي يا خديجه حتي لو قالتلك كده كملي زي مانتي..

خديجه: ازاي..هتحصل مشكله..

مالك: ايه المشكله اللي ممكن تحصل يعني..تتعصب..تقولك هنادي علي المدير خليها تنادي واحنا هنهديها وخلاص..

خديجه: حاضر..وانا اسفه علي الكوبايه اللي اتكسرت..

مالك بابتسامة: ولا يهمك انا مقدر انك اول مره تتحطي في حاجه زي دي..

خديجه: شكرا لحضرتك..

مالك: العفو..دلوقتي عايزك تعملي..واحد اسبريسو..وعايز اقيمه..

خديجه بابتسامة: حاضر..

................................

يتبع...