خديجه بابتسامة: وانت عايز ايه بقي يا عسول..

الطفل: عاوز شوكلاتة..

خديجه: في شوكولاتات كتير اوي..عايز تشربها ولا تأكلها..

الطفل: امم الاتنين..

خديجه بلطف: الاتنين دانت بطل بقي..

الطفل: اه انا قوي كمان....وانتي بقي اسمك ايه..

خديجه: اسمي خديجه وانت اسمك ايه يا بطل..

مازن: اسمي مازن...ابتسم وقال: عمو مالك..

مالك وهو بيشيله: حبيب قلب عمك..وحشتيني يا زيزو..

مازن حضنه : وانت كمان..

خديجه: هو قريبك يا استاذ مالك؟

مالك: اه ابن اخويا..

مازن: خديجه قالتلي انها هتجبلي شوكلاتة كتير عشان انا بطل..

مالك: دانتوا بقيتوا صحاب بقي...

خديجه ابتسمت..

مازن: خديجه..خديني اقعد معاكي..

خديجه بصت لمالك..

مالك : خديه عادي هو قاعد معايا طول اليوم...

خديجه بابتسامة: طبعا  تعالي يا مازن..

مالك: تعرفي اول مره يقعد مع حد هنا..

خديجه: بجد دنا محظوظه بقي..

مازن: انا صحبتي اسمها خديجه..بقولها يا ديجا ايه رأيك اقولك شكلها بس بشرط..

خديجه: شرط ايه..

مازن : تقوليلي يا زيزو..

خديجه بابتسامة: طبعا يا زيزو..يلا بينا..

مالك واقف باصصلهم ومبتسم...

مازن: باي يا عمو انا رايح مع ديجا..

مالك: باي يا زيزو..

....................................

خديجه بتلم الاطباق من علي الترابيزه..

مالك: امال فين مازن مش شايفه..

خديجه: فضلنا نلعب شويه وبعدين نام..

مالك: امم كويس..زمانه تعبك..

خديجه : لا ابدا ده لطيف اوي..كمان انا بحب الاطفال اوي..

مالك: واضح ان هما كمان بيحبوكي..

خديجه بابتسامة: اه الحمد لله..

مالك: طيب انتي خلصتي شغلك هنا..

خديجه: اه..

مالك: تمام..انا كنت عايز اعرض عليكي عرض..

خديجه: اكيد..اتفضل..

مالك: بصي انتي شاطره جدا في المشروبات..فانا

فكرت وقلت انك تنفعي باريستا..وتبقي مسؤوله عن المشروبات وكده..ايه رايك..

خديجه بفرحه: انت حضرتك بتتكلم جد..

مالك: اكيد..

خديجه: انا موافقه طبعا..ده كانت حاجه نفسي اعملها..

مالك: يبقي اتفقنا..تقدري تبدأي من بكره..

خديجه بابتسامة: تمام..هو لو انا عندي حاجه مثلا جديده ممكن ادوقها لحضرتك..ولو عجبتك ممكن تضيفها للمنيو..

مالك: طبعا..تقدري تعمليها دلوقتي..بما انك فاضيه..

خديجه: ايوا تمام..

مالك: يلا بينا..

خديجه: يلا..

خديجه بدأت تعمل المشروب بحماس متابعها وهو منبهر..

خديجه حاطت اللمسه الاخيره..وقالتله كده تمام..

مالك: الشكل لوحده خطير اصلا...

خديجه بابتسامة: اتفضل دوق بقي...

مالك: انا متحمس الصراحه..بسم الله..

خديجه واقفه متبعاه والتوتر باين عليها..

مالك شرب..وبان علي وشه الدهشه..

خديجه: ايه انا مش فاهمه من تعابير وشك..

مالك بصلها وابتسم وقال: خديجه انتي ممتازه..المشروب ده طعمه في حته تانيه بجد..

خديجه بفرحه: بجد الحمد لله..

مالك: استني...يا شباب تعالوا...

احمد: نعم يا استاذ مالك..

مالك: انا هدوقكوا مشروب دلوقتى وتقوله رأيكم..اتفضلوا..

ساره: ده جامد جدا..

احمد: ده حلو اوي..

مالك: ايه  رأيكم نضيفه للمنيو..

احمد: اكيد طبعاا..

ساره: ده هيبقي التوب في المنيو..

مالك: عارفين مين اللي عمله..

ساره واحمد: مين..

مالك: خديجه اللي عملته...

ساره : بجد..برافو يا ديجا..جامد اوي..

احمد : شطره يا خديجه..

خديجه بفرحه: متشكره اوي..

مالك: خديجه احنا هنضيفوا للمنيو بس انتي اللي هتختاري الاسم فكري في واحد وقوليلي...

خديجه بابتسامة: حاضر..

.............................................

مالك : خديجه مازن ماشي..ومصمم انه يسلم عليكي..

خديجه وهي بتشيله: حبيبي يا زيزو..بس ان زعلانه..

مازن: ليه يا ديجا..

خديجه: عشان انتي هتمشي..

مازن: انا هاجي تاني  يا ديجا..وهقعد معاكي كتير اوي..

خديجه: وعد..

مازن: وعد..

مالك: يلا بقي يا زيزو..بابا مستني بره في العربيه..

مازن: باي يا ديجا..

خديجه بابتسامة: باي يا زيزو..

مالك حضنه وقال: باي يا حبيبي..

مازن: باي..

مالك: تعرفي مازن ارتحلك اوي...مكنش بيكلم حد..

خديجه: ليه ده حتي باين عليه بيحب يتعرف علي الناس..

مالك: اصل مامته ماتت من تلت سنين...وهو من ساعتها مش بيحب يكلم حد وكل اسبوعين باباه بيجيبه هنا يفك شويه..

خديجه بحزن: يا حبيبي..طب وباباه بيعرف يربيه لوحده..

مالك: في الاول كان صعب..بس هو اتجوز بقاله ست شهور وهي كويسه مع مازن..

خديجه: كويس الحمد لله..بس محدش بيعوض الام برضو..

مالك : اكيد..

خديجه: طيب انا هروح اشوف الترابيزه اللي هناك..

مالك: تمام..

............................

احمد: وانتي مجتيش قلتيلي ليه يا ساره..

ساره: يعني هجيبك تتخانق معاه واعملك مشكله.. انا مديتلوش وش وخلاص..

احمد: وفيها ايه اما اتخانق واضربه كمان..ولا انه يقولك كلمه زي دي.. انتي شايفه خطيبك كيس جوافه..

ساره: خلاص بقي يا احمد ..روق كده محصلش حاجه..

احمد: ماشي يا ساره اما اشوف اخرتها..

ساره: اخرتها خير ان شاء الله..اضحك بقي..

احمد وهو بيضحك : اهوه كده حلو..

ساره بابتسامة: قمر..

......................................

مالك: خديجه انتي واقفه عندك بتعملي ايه..

خديجه: بعمل مكالمه بس..وجايه

مالك: طيب يا خديجه..خلصي بسرعه عشان انتي شايفه الزحمه..

خديجه: حاضر..انتي مش بتردي ليه يا تيته..هبقي عليها بقي كمان شويه..

ساره: خديجه خدي دي وديها ترابيزه عشره..

مالك: مش دي يا خديجه..ركزي..

خديجه: حاضر..معلش سرحت بس..وخدت الطلب و راحت قدمته..وموبايلها رن...ايه ده رقم غريب..

الو..انتي استاذه خديجه..

خديجه: ايوا نعم..

حضرتك قريبه الحاجه فاطمه..

خديجه بقلق: ايوا..

هي تعبانه وفي المستشفي لازم تيجي بسرعه ..

خديجه بخوف: حاضر انا جايه حالا...وقلعت لبس الشغل حطته علي  اقرب ترابيزه وجريت..

مالك باستغراب: خديجه..هي رايحه فين..وطلع وراها..

خديجه واقفه والقلق باين عليها..مش لاقيه ولا تاكس..

مالك: في ايه يا خديجه..

خديجه دموعها نزلت ومش عارفه تجمع كلامها: جدتي..تعبانه وفي المستشفي..

مالك: طب اهدي..ان شاءالله تبقي كويسه..هو مفيش حد معاها..

خديجه وهي بتمسح دموعها: لا ملهاش غيري .

مالك: انتي صعب تلاقي اي تاكسي دلوقتي..انا هوصلك..

خديجه: لا متتعبش نفسك.

مالك: مفيش تعب ولا حاجه احنا لازم نوصل بسرعه ..هدخل اجيب المفتاح..استنيني هنا دقيقه..

..............................

يتبع..