خديجه: حضرتك في واحده هنا اسمها فاطمه..

الممرضه: ايوا هناك في الطواريء..

مالك: شكرا...

خديجه فضلت تدور بعينها لحد ما شافتها..وراحتلها 

وقالت بخوف: تيته حبيبتي..انتي كويسه؟

فاطمه: الحمد لله يا خديجه..كنت دوخت شويه اصلي نسيت اخد الدوا بتاع الضغط..

خديجه: طيب ينفع كده يا تيته..

فاطمه: اهو اللي حصل بقي..الحمد لله..

مالك بابتسامة: الف سلامه..

فاطمه: الله يسلمك..مش تعرفينا يا خديجه..

خديجه: ده استاذ مالك..مديري في الشغل..هو اللي وصلني هنا.. وبصت لمالك وابتسمت وقالت: شكرا بجد..مش عارفه من غيرك كنت هعمل ايه..

مالك: العفو مفيش حاجه..

فاطمه: ربنا يباركلك يابني...باين عليك ابن حلال..

مالك بابتسامة: ربنا يخليكي..

الدكتور: بقيتي عامله ايه دلوقتي..

فاطمه: احسن الحمد لله...

الدكتور: الحمد لله..ضغطك بقي كويس..تقدري تخرجي لما المحلول يخلص..

خديجه: تمام شكرا يا دكتور..

الدكتور: العفو بس اهم حاجه العلاج..متنسيهوش تاني..

خديجه: تمام..

الدكتور: عن اذنكوا..

خديجه: استاذ مالك انا تعبتك معايا..تقدر تمشي عادي عشان الكافيه..

مالك: لا انا هوصلكوا الاول..بعدين اروح الشغل مش هيطير...

خديجه: لا احنا هنأخرك كده وهنتعبك معانا..

مالك: خلاص يا خديجه مش كل حاجه تعترضي عليها..

خديجه: طيب اللي انت شايفه..

مالك: ايوا كده..

خديجه هزت رأسها بابتسامة..

مالك: ادخل الشارع ده..

خديجه: ايوا..البيت اللي في الاخر ده..

مالك: تمام..

خديجه: بس كده وصلنا..ونزلوا من العربيه..

مالك نزل هو كمان وقال: الف سلامه..الحمد لله انك كويسه..

فاطمه: الله يسلمك يا يبني..كتر خيرك..

خديجه: مش عارفه اشكرك ازاي يا استاذ مالك..تعبتك معايا انهارده..

مالك: لا ابدا مفيش تعب ولاحاجه..عن اذنكوا

فاطمه: اتفضل تعالي نشربك حاجه حتي.

مالك: تسلمي يارب انا همشي بقي عشان الشغل..

فاطمه: ماشي يبني مع السلامه...

خديجه: يلا يا تيته هاتي ايدك..

فاطمه: الشاب ده ذوق اوي..ربنا يباركله..

خديجه: اه استاذ مالك محترم..وساعدني كتير اوي في الشغل..

فاطمه: ربنا يوقفلك ولاد الحلال علطول يا بنتي..

صبري: الو يا مالك فينك جيت الكافيه مكنتش موجود..

مالك: كنت في مشوار كده يا بابا..

صبري: طيب يا حبيبي انا قلت اطمن بس..

مالك: تمام يا حبيبي..

صبري : مع السلامه..

ساره: استاذ مالك...امال فين خديجه.

مالك: هي جدتها كانت تعبانه شويه..وروحت معاها .

ساره: طيب وبقت كويسه..

مالك: اه الحمد لله..معلش بقي اخرتكوا انهارده..

ساره: لا عادي متأخرناش كتير يعني..

مالك: تمام تقدروا تروحوا..

ساره: تمام..

مها: ساره

ساره: نعم يا مها.

مها: هو استاذ مالك راح مع خديجه..

ساره: اه يا مها كتر خيره وصلها..

مها: وده من امتي شويه يوصلها وشويه يخليها تشتغل باريستا..هو ايه الحوار..

ساره: حوار ايه..خديجه فعلا شاطره..وبعدين استاذ مالك ساعدنا كتير..

مها: امتي ده..مش شكل السنيوره يعني..

ساره: انتي بتتكلمي كده ليه يا مها..شيلي خديجه من دماغك شويه..البنت غلبانه ومش قد حركاتك دي..ومشيت..

مها بغل: غلبانه..هنشوف..

خديجه: تيته انا راحه الشغل خلي بالك من نفسك وخدي الدوا ولو حسيتي انك تعبانه رني عليا..

فاطمه: حاضر يا حبيبتي متقلقيش..

خديجه: طيب مع السلامه..

فاطمه: مع السلامه..خلي بالك من نفسك..

خديجه: حاضر..

مالك دخل الكافيه لقي خديجه بتلمع الترابيزه..: خديجه..

خديجه: نعم يا مستر مالك..

مالك: بتعملي ايه يا خديجه..

خديجه: بلمع الترابيزه..

مالك: مش احنا قلنا ده معتش شغلك..ولا ايه..

خديجه: ايوا منا عارفه بس قلت انا فاضيه..اساعد يعني..

مالك: لا يا خديجه..فاضيه اقعدي..اشربي حاجه او كده..قبل ما المكان يبقي زحمه..

خديجه بابتسامة: حاضر..

مالك : تمام..ولسه هيمشي.. لف وقال: بقولك صحيح جدتك بقت احسن..

خديجه: ايوا الحمدلله..

مالك: كويس..ممكن اسألك عن حاجه..

خديجه: اكيد اتفضل..

مالك: هو انتي عايشه انتي وجدتك بس..

خديجه: ايوا..اصل انا اهلي متوفيين من وانا صغيره..وعايشه مع تيته...

مالك زعل عشانها وقال: انا اسف مكنش قصدي افكرك بحاجه زي دي..

خديجه: لا مفيش حاجه عادي...

مالك: ربنا يرحمهم..

خديجه : امين يارب..

مالك: بقولك ايه صحيح فكرتي في اسم للمشروب..

خديجه بابتسامة: اه هسميه ( secret blend )..

مالك: واو تعرفي يا خديجه انك كل مره بتبهريني..

خديجه بابتسامة: شكرا..مناسب يعني..

مالك بابتسامة:جدا..

ساره: خديجه في حد طلب المشروب الجديد..

خديجه: ازاي هو نزل في المنيو..

مالك: اه انا نزلته بس كتبت جنبه جديد بس علي مانتي اختارتي..يلا بقي روحي اعملي..

خديجه بحماس: حاضر..

ساره: خديجه..في اتنين كمان طلبوه..

خديجه: حاضر خدي ودي ده..علي ما اعمل الباقي..

ساره: حاضر..

وبدأت خديجه تعمل وهي مبسوطه انها حققت حاجه بتحبها..

مالك : الطلب جاهز يا خديجه..

خديجه: ثانيه..بس كده جاهز..

مالك: يلا يا احمد اتفضل..

احمد: تمام..

ساره: تعالي يا ديجااا..

خديجه: نعم فيه ايه..

ساره بابتسامة: المشروب واخد تقييم عالي اوي..

خديجه بفرحه: بجد..الحمد لله يارب.

مالك بابتسامة: كنت متوقع..برافو يا خديجه مستني منك الاحسن..

خديجه بابتسامة : ان شاء الله..

مها واقفه بتبص عليها ونظراتها كلها غيره وقالت: بقي اللي انا بحاول اعمله في سنتين جاتي عملتيه في يومين..استني عليا...

مالك: يلا يا خديجه خشي كملي شغل..

خديجه: حاضر..

مها رسمت ابتسامه علي وشها ودخلت ورا خديجه:

خديجه بجد برافو فرحتلك اوي..

خديجه بابتسامة : تسلميلي يا حبيبتي..

مها: انا شايفاكي خلصتي..هاتي وانا اوديهم اصل ساره مشغوله.

خديجه: متتعبيش نفسك..انا هوديه..

مها: ولا تعب ولا حاجه مفيش بينا الكلام ده..كملي انتي

خديجه: شكرا يا مها..

مها: العفو وخدت المشروب وبصت حواليها ملقتش حد ودخلت المطبخ..

مها: امم احط ملح ولا كمون...وابتسمت بخبث وقالت..ولا شطه..بس كده كفايه..نشوف استاذ مالك هيدافع عنك المرادي ازاي..

ساره : استاذ مالك تعالي بسرعه..

مالك: فيه ايه يا ساره..

ساره: في زبون عامل مشكله كبيره...

مالك: ليه..

ساره: بيقول ان فيه شطه في المشروب بتاع خديجه..

مالك: نعم!!! شطه..ازاي

ساره: مش عارفه..

مالك: طيب تعالي...

احمد : اهدي حضرتك..اكيد في غلط..اهو استاذ مالك جه اهوه..

مالك: اتفضل حضرتك ايه المشكله..

الزبون: المشروب فيه شطه..ده عادي؟

مالك: اكيد لا ممكن اشوفه..

الزبون: اتفضل شوف بنفسك..

مالك بص فيه حس ان لونه متغير..واضح ان حصل غلطه..اتفضل حضرتك اقعد واحنا هنجيبلك مشروب تاني بدل ده..

الزبون: ايوه اكيد غلط انا مش اول مره اجي هنا يا استاذ مالك...

مالك: تمام حصل خير اتفضل والمشروب هيجيلك..وراح عند خديجه..

خديجه: فيه حاجه يا استاذ مالك...

مالك: اتفضلي كده اشربي...

خديجه باستغراب: اشرب ليه..

مالك: اشربي بس..

خديجه شربت وتفته تاني في الكوبايه..: ايه ده..

مالك: انتي بتسأليني انا...

خديجه: دي شطه.. انا محطتش شطه..

مالك: امال مين..انا مش شايف غيرك هنا.

خديجه: قصدك ايه يعني..انا اكيد مش هغلط غلطه زي دي..

مالك: امم انتي عارفه اكتر حاجه بتزهقني..ان زبون يشتكي من مشروب..وتاني اكتر حاجه بتزهقني ان الواحد ميعترفش بغلطه..

خديجه بزهق: بقول لحضرتك انا محطتش شطه..انا متأكده..

مالك: يعني هيكون مين مثلا..متقولي انك غلطتي وخلاص وانك مش مركزه..

خديجه بضيق: حضرتك انا فعلا معملتش كده..وانا مغلطتش  حضرتك اللي مصمم تسمع ده..

مالك: لا يا خديجه دي غلطتك في تفسير تاني..

خديجه: هو حضرتك ادام مش واثق فيا..شغلتني هنا ليه كنتي سبني زي منا..

مالك : طيب يا خديجه اديني تفسير للحصل ده..

خديجه: انا مش عارفه..بس دي مش غلطتي 

مالك: الظاهر اني غلطت فعلا.. و لازم افكر تاني..

خديجه زعلت من كلامه وسكتت ثواني وقالت: انا اللي هبقي غلطانه لو اشتغلت هنا دقيقه كمان..وقلعت المريله..وخدت بعضها ومشيت...

ساره: استني يا خديجه..خديجه..

مالك: ساره اتفضلي علي شغلك...

مها ابتسمت ابتسامه نصر وقالت: مع السلامه يا ديجاا..

يتبع...