مها: تعرفي يا ساره..زعلت علي خديجه اووي..بس مستر مالك معاه حق..

ساره بضيق: بقولك ايه يا مها مش نقصاكي..وبلاش نفاق بقي انا عارفه انك اكتر واحده فرحانه..

مها وهي بترسم الوش البرئ: انا يا ساره..ربنا يسامحك..دنا زعلانه عشانها اوي..

ساره: اه انتي هتقوليلي..مها شوفي انتي راحه فين..

احمد: بقولكوا ايه هو مين..اللي ودي الاوردر الترابيزه..

مها اتوترت وقالت بهدوء: اوردر ايه..

احمد: المشروب بتاع الشطه..

ساره: ايوا صحيح مين..انا مودتش حاجه..

مها: ولا انا ممكن تكون خديجه هي اللي ودته...

احمد: ايوا ممكن..بس ازاي حطت شطه حاسس ان فيه حاجه غلط..

مها: احنا منعرفش برضو ممكن تكون مكنتش مركزه ..وبعدين انت بتسأل ليه..

احمد: اصل ازاي اللي ودي الاوردر ملحظش حاجه غريبه في المشروب يعني..

ساره بحزن: حرام اللي حصل لخديجه..دي كويسه متستاهلش كده...

احمد: اهدي يا حبيبتي..ان شاءالله نلاقي حل..

ساره: يارب..

مها: مش فاهمه حل ايه اللي انتوا عايزينه..ما خلاص مشيت...

ساره: بقولك ايه يا مها..مش انا قلتلك شوفي انتي راحه فين..

مها: خلاص انا غلطانه بفكر معاكوا..

ساره: متشكرين..هنفكر مع نفسنا..

مها: احسن برضو.. ومشيت..

ساره فضلت باصه عليها وقالت: بقولك ايه يا احمد..انا شاكه في حاجه..

احمد: حاجه ايه..

ساره: تعالي معايا..

مالك قاعد عمال يفكر في اللي حصل..ومتضايق وقال: فيها ايه يا خديجه..لو اعترفتي بغلطك..

ساره: مستر مالك..

مالك: نعم يا ساره..

ساره:  انا حاسه ان الموضوع فيه حاجه غلط..

مالك: انا برضو بقول كده بس مش لاقي تفسير تاني اللي حصل..

ساره: ممكن اطلب من حضرتك حاجه..

مالك: قولي..

ساره: انا عايزه اشوف الكاميرات..

مالك باستغراب: كاميرات ايه..بعدين الكاميرات بتجيب المكان  اللي بره بس مش بتجيب من جوه..يعني مش هنستفاد حاجه..

ساره: وده المطلوب ممكن اشوفها بس..

مالك: تمام تعالوا..

احمد: قصدك ايه يا ساره..

ساره: عايزه اتأكد من حاجه بس..

احمد: ايه هي.. 

ساره: هنعرف دلوقتي..

مالك: اهيه..اجيب من اول فين..

ساره: بس اقف هنا..

مالك: اقف ايه دي مها داخله عند خديجه..

ساره: بس سيبه يكمل بقي..

مالك: انا مش فاهم حاجه..بس هي مش هتجيب من جوه...

ساره: مش مهم..خليه يكمل بس..

مالك: حاضر...

ساره: بس وقف هنا..كنت متأكده..

احمد: ازاي..

مالك: فهموني..

ساره: احنا سألنا مها مين اللي ودي المشروب قالت مش انا..امال دي مين...كمل يا مستر مالك..

مالك: هي بتبص حواليها ليه..

ساره : ثانيه ثانيه..هي اختفت ليه..مرحتش تودي الاوردر...دي دخلت ناحيه المطبخ...

مالك: ايوا...

ساره: هي بتعمل ايه هناك..اكيد بتحط الشطه منك لله يا مها..

مالك: ثانيه هنفهم دلوقتي..امم طلعت بنفس بالكوبايه..

ساره: مش فاهمه..

مالك: يعني هي دخلت..مجبتش اوردر او حاجه طلعت بنفس الكوبايه..

ساره بعصبيه : اه يا مها يا سهنه..دنا هروح اجبيها من شعرها...

مالك: لا اهدي...احنا لازم يبقي معانا دليل اقوي..

ساره: وده هنجيبه منين...

مالك: احمد روح ناديلي علي الشيف محمد..

احمد:  تمام..

ساره: يا حبيبتي يا خديجه..غلبانه اوي..

مالك: فعلا علي نيتها..

محمد: نعم يا مستر مالك..

مالك: قولي يا محمد الساعه ١١ انت كنت في المطبخ صح..

محمد: ايوا..

محمد: طيب..مها جات المطبخ اديتك اوردر تعمله او حاجه..

محمد: ايوا هي مها جات بس مطلبتش اوردر هي قالتلي انا جايه اخد  شويه توابل محتاجينها عشان استاذ مالك هيعمل وصفه جديده..قولتها ماشي..

مالك: امم وكانت شايله مشروب معاها..

محمد: اه..

مالك: طيب تعالي بص كده ده..

محمد: ايوا يا أستاذ مالك..

مالك: طيب وهي خارجه خدت حاجه..

محمد: لا مخدتش حاجه ف سألتها قالتلي لا اللي هو عايزه مش موجود..قلتلها ماشي..هو فيه حاجه حصلت...

مالك: لا مفيش حاجه..شكرا يا محمد..روح كمل شغلك..

محمد: تمام يا مستر مالك..عن اذنك..

مالك: كده كل حاجه بانت..

ساره: انا بجد مش مصدقه..دماغ شياطين..مش عارفه حطه خديجه في دماغها ليه..

مالك: ليه هي عملت حاجه قبل كده..

ساره: اه بتقعد تقولي هو اشمعنا مستر مالك يعمل معاها هي كده..مكنش بيساعدنا زيها...بت غلاويه..

مالك: بس انا هعرف ارجع حقها..ساره عايزك ترني علي خديجه..بعد ما نخلص شغل..تقوليلها عايزه اقابلك في مكان..بس متعرفيهاش اني جاي عشان هي عنيده وممكن متجيش..

ساره: حاضر...

مالك: وانت يا احمد..عايزك تعملي تعملي نسخه من تسجيل الكاميرات دي علي موبايلي..

احمد: اعتبره حصل..

مالك: اصبري عليا يا مها..

فاطمه: برضو مش هتقوليلي مين اللي زعلك في الشغل..

خديجه: مفيش حاجه يا تيته..انا سبته خلاص..

فاطمه: ليه يا بنتي مش كنتي فرحانه بالمكان وقلتي ده كويس..

خديجه: اهو اللي حصل بقي..بكره هنزل وادور علي شغل تاني..

فاطمه: اللي يريحك يا خديجه..ربنا يراضيكي يا بنتي..ومشيت..

خديجه مقدرتش تمسك دموعها..وفضلت تعيط وقالت: انا ليه بيحصل معايا كده..ليه كل ما اقول خلاص هبقي كويسه واعمل الحاجه اللي بحبها يحصلي كده...يارب انا راضيه بس الحمل زاد هونه عليا..

ومسحت دموعها وراحت اتوضت وقررت تشكي همومها لربنا... هو الوحيد اللي عالم بيها..

وخلصت صلاه وبتشيل المصليه..موبايلها رن..

خديجه: ايه ده ساره..الو يا ساره...

ساره: ايه يا ديجاا عامله ايه..

خديجه: الحمد لله تمام..

ساره: طيب بقولك انا عايزه اقابلك..

خديجه: مش هينفع انهارده يا خديجه..اصلي تعبانه شويه..

ساره: محتجاكي ضروري يا خديجه..في موضوع حصل وعايزه اقابلك ضروري..

خديجه: طيب يا ساره ابعتيلي اللوكيشن وهاجي..

ساره: حاضر يا ديجا..تسلملي يارب..

خديجه: مع السلامه..

ساره: سلام

---

ساره: ديجا..انا هنا..

خديجه: ايه يا ساره..قلقتيني..خير..

ساره: اقعدي الأول..

خديجه: فيه ايه..

أحمد: استني بس..

خديجه: انتوا مخوفني ليه..

مالك دخل المكان وبص لخديجه..

خديجه أول ما شافته قامت وقالت: انا همشي..

مالك: استني يا خديجه..لو سمحتي..

خديجه: مفيش كلام بينا يا مستر مالك..

مالك: خمس دقايق بس..ولو بعدهم عايزه تمشي امشي..

خديجه سكتت وقعدت..

مالك: الأول..أنا آسف..

خديجه بصتله باستغراب وقالت: آسف؟..

مالك: آه..لأني ظلمتك..وحكمت عليكي من غير ما أسمعك..

خديجه بحزن: وكنت مستني أقول ايه..حضرتك كنت مصمم إني غلطانه..

مالك: عارف..وعشان كده لازم تشوفي ده الأول..

أحمد فتح الفيديو..

خديجه فضلت تبص وهي مش مستوعبة..

ظهر في الفيديو مها وهي داخلة بالمشروب للمطبخ... وبعدها خرجت بنفس الكوب..

خديجه بصتلهم وقالت: يعني...

ساره: أيوه..إحنا اكتشفنا كل حاجه..

أحمد: ومحمد كمان شهد إنها دخلت بالكوباية وخرجت بيها.

خديجه دموعها نزلت وقالت: الحمد لله...

مالك: أنا آسف يا خديجه..صدقيني أول ما شوفت الفيديو عرفت إني غلطت في حقك.

خديجه: حضرتك وجعتني بكلامك أكتر من اللي حصل كله..

مالك نزل راسه وقال: انا عارف يا خديجه..بس اتمني تسامحيني..وتحطي نفسك مكاني..كل اللي عايزه منك تفكري بهدوء...

خديجه: انا مش هقدر اوعدك اني هرجع..بس هفكر وابلغك..

مالك: ده حقك طبعا..المهم انك تكوني موجوده بكره في الكافيه..

ساره: واتفرجي بقي يا ديجا علي حقك وهو بيرجع..

خديجه: انا مش عايزه مش مشاكل معاها..تروح لحالها ربنا يسهلها..

مالك: لا يا خديجه..انا لازم اجيبلك حقك..مينفعش تسامحني في ده كمان..

تاني يوم..

مها دخلت الكافيه وهي مبتسمة..

مها: صباح الخير..

ساره بصتلها وقالت: صباح الخير يا مها..

مها بصدمه : ايه ده خديجه بتعملي ايه هنا..

مالك: تعالي يا مها..

مها: نعم يا مستر مالك..

مالك: عندي كام سؤال بس..

مها بابتسامة: اتفضل..

مالك: انتي امبارح دخلتي المطبخ ليه..

مها اتوترت وقالت: قلت لحضرتك..كنت بدور على التوابل..

مالك: امم..

شغل الفيديو قدامها..

وش مها اتغير..

ساره: كمل يا مستر مالك..

الفيديو كمل وهي داخلة بالكوباية وخارجة بيها..

مالك: تحبي تفسري؟..

مها: أنا...أنا...

مالك: ولا أجيب محمد؟..

أحمد: محمد..

محمد دخل..

مالك: قول يا محمد..مها قالتلك ايه امبارح؟..

محمد: قالتلي إنها بتدور على شوية توابل...وكانت شايلة الكوباية معاها.

مالك: وخدت حاجه؟..

محمد: لا.

مالك بص لمها وقال: دلوقتي عندك تفسير؟..

مها سكتت..

ساره بعصبية: انطقي..

مها: أنا...أنا كنت بهزر...

ساره: هزار؟..هزار يخلي واحدة تتطرد؟!

مها: انا مكنتش هعرف اني هيوصل لكده..

مالك: طب و مجاتيش وقولتي ليه وقتها..

مها: اصل...كنت هقول..

مالك بحده : كفاية.

الكل سكت.

مالك: من اللحظة دي...انتي مفصولة من الشغل.

مها بصدمة: نعم؟!

مالك: وإحنا هنبلغ بابا بكل اللي حصل...واتفضلي امشي.

مها: بس يا مستر مالك...

مالك: مفيش كلام...خديجه تعالي..يلا يا مها..اعتذري من خديجه..

مها ورأسها في الارض: انا اسفه ومشيت..

مها خرجت وهي منهارة.

خديجه كانت واقفة ساكتة.

مالك قرب منها وقال بهدوء:

"أنا عارف إن اللي قلتله يجرح بس اتمني اني اكون جبتلك جزء من حقك و اوعدك ان ده مش هيحصل تاني لأن ثقتي فيكي مقلتش يا خديجه بالعكس دي زادت اوي..."

خديجه بصتله وسكتت....

مالك كمل بابتسامة خفيفة:

"والشغل...مكانك لسه مستنيكي. بس القرار في إيدك...ترجعي أو لأ انا مش هضغط عليكي."

وخديجة سكتت ثواني وقالت: انا مقدره اللي حضرتك عملته وانك رجعتيلي حقي وشكرا لساره واحمد بس انا ..مش عايزه كل شويه افتكر الظلم اللي حصلي هنا.. انا مش هقدر اكمل...

يتبع...