مرة ايام بسيطه على اتفاقهم زين لسا بيرجع اخر الليل لكنه قرب من سلطانه قووي و اتعودوا على بعض و في يوم

رجع زين البيت متأخر زي عوايده و دخل البيت و مكنش عايز يطلع يزعج سلطانه و يفوقها كان راجع مخنوق و مش طايق نفسه قعد في الصاله و ولع سيجاره وقعد يفكر لوحده. حس بايد ناعمه على كتفه كان فاكرها سلطانة مسكها ولفها ليه وهو بيقول بابتسامه : انتي لسه صاحيه .. يا روحي

لكنه اتفاجأ في منى هي اللي ماسك أيدها وقف بحرج و قال : انتي بتعملي ايه هنا في الوقت ده انا كنت فاكرك سلطانه

منى : معرفتش أنام و نزلت عشان اشرب ميه و شفتك شكلك تعبان و متضايق في حاجه ممكن اعملها لك

زين مسح وشه بتعب و قال : اه الشغل ومشاكله

منى : طب هروح اعملك فنجان قهوه يروق عليك

زين بتهرب : متتعبيش نفسك انا اصلا طالع انام

منى مسكت أيده و قالت : مالك يا زين اتكلم ايه اللي تاعبك ممكن لما تتكلم يخف التعب

سحب كفه و قال : مفيش تصبحي على خير

منى بابتسامه : تلاقي خير لكن عاوزاك تعرف أنا هنا لو احتجت تتكلم اعتبرني صاحبتك. ماشي

زين هز رأسه و طلع اوضته بسرعه و هما الاتنين مكنوش يعرفوا أن هنا صاحيه و بتسمع كل كلامهم

هنا اللي اتغاضت لما لاحظة منى تحاول تقرب من اخوها الكبير زين

**********

طلع زين أوضته و هو اصلا كان مخنوق و حتى منى اللي باين انها بتحاول تقرب منه قطعت خلوته بنفسه و تفكيره في مشاكله بص لسريره و كانت سلطانه غرقانه في النوم

قرب منها و قرر أنه هينام جنبها النهارده هو محتاج يكون قريب منها قلع الجاكيت بتاعه ورماه باهمال و اترمى جمبها بهدومه شدها و خدها في حضنه و دفن وشه في شعرها

سلطانه فتحت عينيها بنعاس و قالت: زين انت رجعت

همهم و هو بيقربها ليه اكتر

سلطانه اتوترت و حاولت تبعده و قالت : انت بتعمل ايه يا زين

زين بنعاس : هاخدك في حضني بس متبعديش خليكي في حضني..

سلطانة : طب غير هدومك عشان ترتاح في النوم

زين حرك رأسه في شعرها و قال انا كده مرتاح ..

بصت ليه و شافت ملامحه تعبانه استغربت اول مره تشوفه كده سكتت و متكلمتش ابدا و هو راح في النوم

***********

الصبح بدري فاقت سلطانه و بصت حوليها بتدور عليه لكنه مكنش موجود افتكرت أنه كان تعبان امبارح شافت الجاكيت بتاعه مرمي على الأرض وقفت و راحت تشوفه في الحمام خبطت مكنش في رد منه ندهت عليه: زين .. انت هنا.

برضو مكنش في رد…

قلقت عليه فتحت الباب بتردد و لسه هتبص تشوفه حست بيه بيشدها و بيحاوطه من وس*طها

و شعره كان مبلول دفن وشه في شعرها وهو بيهمس

: صباح الورد .. اي الصباح الجميل ده

سلطانة : زين سيبني اتبليت ميه يا زين سيبني عشان خاطري

زين بعد عنها و هو لسه محاو*طها وبص فعنيها و غمزها و قال: و تبتلي و ماله ناخد شاور مع بعض

شهقت بصدمه و قالت : اي الكلام ده .. عيب كده يا زين

زين: ايه العيب انا جوزك يا بنتي

سلطانه بضيق: زين سيبني بقى بلاش تعمل كده

سلطان بخبث : تؤ تؤ مش هسيبك و لسه هتتكلم و تعترض با*سها و اديه على جسمها تتحرك بجرأة

سلطانة حاولت تبعده و تاخد نفسها بصعوبه ..

و هو بعد و سند جبينه على جبينها و هو بينهج و قال : لحد امتى يا سلطانتي هتفضلي تبعديني كده لحد امتى

سلطانه عضت شفايفها بكسوف و قربت: من ودنه و همست ليه بحاجه و احمر وشها و خرجت بسرعه

زين حصلها بضيق و هو بيقول : و هو العذر ده هيخلص امتى يعني ..

سلطانة بكسوف بصت على الأرض و همست : كمان يومي تلاته كده

زين بضيق و انا هستنى كل ده طب تعالي اديني تصبيره

و لسه هتهرب منه بدلال مسكها و حاوطها و هو بيقول بو*سه يا بنت خالي بو*سه وحده مش هاكلك.

سلطانه حركت صوابعها على صدره العاري و قالت بدلع : زين انت مش هتعرف تمسك نفسك. و انا تعبانه

عض شفا*يفه برغبة و قال دي حتتة بو*سه بس تصبيره يا قلبي

ولسه هتبعد بدلال لكنه با*سها بسرعه و هي مخدتش وقت وبدأت تبادله و

*************

الظهر راح زين الشغل عشان بدأ يستلم شغل العيله و سلطانة و دعته و رجعت ترتب اوضتها..

سمعت خبط على باب الاوضه و قالت اتفضلي مين..

دخلت هنا بتوتر و قالت : عامله ايه النهارده معرفناش نتكلم الصبح على الفطار

سلطانة بابتسامه : في حاجة ياحبيبتي تعالي

هنا بارتباك : كنت عاوزه اسألك عامله ايه انتي و زين

سلطانه: كويسين بتسألي ليه …

هنا : مش عارفه

سلطانة : انتي في حاجه مخبياها يا هنا انا عارفاكي كويس ..

هنا : بصراحه يا سلطانه انا مش مستنظفه البنت اللي اسمها منى دي

سلطانة قعدت جمب هنا وقالت : مش فاهمه

هنا بضيق : البنت بتحاول تقرب من زين يا سلطانة

سلطانه : انتي بتقولي ايه

هنا : دي مش اول مره اشوفها بتحتك بزين و هو بيحاول يتهرب منها دي لازقه فيه وانتي ولا انتي هنا ….

سلطانة: انتي شفتي ايه بالضبط ..

هنا *****

*********

في بيت اهل سلطانة

عمران الاب بغضب: يعني ايه متجوز و عندك بنت

حازم : بابا انا حبيتها و اتجوزتها فيها ايه دي

عمران : فيها انك مش شايف أن لك كبير تروح تتجوز و تخلف و انا ابوك معرفش اي عاوز ايه بحاجه اكتر من كده وحضرتك ..كنت تقولنا امتى يا بيه اتكلم انطق…

حازم يوووه يا بوي انا اتجوزك معملتش حاجه غلط

عمران بانفعال بتعلي صوتك عليا يابن *** انت نسيت نفسك .. نسيت أن انا ابوك

حازم يابوي انا

عمران بكسره :انت ايه .. ايه يا حازم يا بني .. يا بكري انت ايه ..

حازم : حبيتها يا بوي حبيتها واتجوزتها وسالي بقت أمر واقع يابوي وهي جايه مصر مع بنتنا بكرى

عمران فك زرار جلابيته بخنقه وقال خوجايه يا حازم جايبلي خوجايه عاووز تدخلها بيتي وتبقى ام احفادي

حازم مسك أيده برجاء يابوي انا عاوزك ترضى عليا وانت أو ما حتشوفها و الله هتحبها

عمران سحب يده بغضب :مش عايز اتزفت اشوفها ..

حازم : طب وكاميليا حفيدتك مش عايز تشوفها برضوا .. تعرف هي عندها خمس سنين ودائما تسال عنك انا عاوزه اشوف جدوا يابابا

عمران حس بالضعف عشان بنت ابنه وقال بكسره مراتك متدخلش بيتي تروح تأجرلها شقه بعيد عننا…

وبنتك تجيبها وقت ما هي تعزز

حازم يابوي

عمران وقف بانفعال و قال ده اللي عندي ومشي وسابه ..

************

بالليل

رجع زين في وقت متأخر و اول ما دخل البيت اتصدم في منى و هي خارجه من المطبخ

منى بابتسامه : حمد الله بالسلامه

زين : الله يسلمك…رد عليها و كان هيطلع اوضة المكتب يقعد لوحده..

منى : انا عملت قهوه و عملت فنجان زياده هجيبهالك

زين كان فعلا محتاجه قهوه قال: ياريت انا في المكتب

منى فرحت و اخير زين أداها امل .

و فعلا عملت قهوه و حضرتها وحطت ورده في الصينيه مع قطعه حلوى عملتها بايديها و دخلت المكتب ..

زين اتفاجأ من تحضيراتها دي واتضايق أن أداها مجال تعمل كده

منى قربت منه و نزلت عشان تحط صينيه القهوه قدامه ووقع شالها و ظهرت مفا*انها وهي بتقول : الفتره دي انت مطحون في الشغل المفروض ترتاح شويه .. حرام عليك نفسك يا زين

زين ارتباك منى جميله جدا غير كده دي بتحاول تقرب منه وده واضح اووي و هو اصلا معندوش خبره في الستات و عمايلهم بلع ريقه و وقف بتهرب عشان يمشي

لكنها مسكت دراعه وقالت و هي باصه في عنيه: على فين يا زين قهوتك

زين بتهرب: افتكرت حاجه هروح اخلصها .

منى بدلال : تؤ مينفعش تسيب قهوتك انت المفروض تاخد استراحه طول النهار والليل شغل اقعد يلاا عشان خاطري زقته بخفه على الكرسي ووووو