ساره: انا همشي انا يا خديجه..سلام..

خديجه: مع السلامه..

مالك: انتي بتعملي ايه يا خديجه..لسه مروحتيش..

خديجه: قلت المع الترابيزات قبل ما امشي..عشان بكره تبقي نضيفه..

مالك: انتي دايما مصره تتعبي..نفسك..

خديجه: انا عملت ايه يعني..ده تلميعه خفيفه..

مالك ابتسم وقال: انتي كل يوم بتثبتيلي انك شاطره بجد..مش في شغلك بس..

خديجه فرحت من كلامه وابتسمت وقالت: وانا محظوظه اني عندي مدير  بيقدر تعب الشخص...

مالك ابتسم..وقال : تمام..هروح انا اقفل الحساب الباقي..

خديجه بابتسامة: تمام..

وبعد شويه...مالك جه وشايل كوبيتين في ايده..

وقال: خلصتي..؟

خديجه: اه خلصت..

مالك بابتسامة: اتفضلي...

خديجه: ايه ده تعبت نفسك ليه..

مالك: كنت بعمل قهوه قلت اعملك..زمانك محتاجاها..

خديجه بابتسامة: جات في وقتها الصراحه..

مالك قعد علي كرسي..وقال: تعالي اقعدي..هتشربي وانتي واقفه..

خديجه قعدت..في الكرسي اللي قدامه..

فضلوا ساكتين شويه...

مالك: خديجه...

خديجه رفعت راسها : نعم...

مالك: انتي متعلمه..اقصد يعني اخدتي كليه..

خديجه : انا دخلت ثانوي وكل حاجه..وجبت مجموع كليه هندسه..كانت حلمي..بس الظروف مسمحتش اني اكمل..فاشتغلت..وقلت اني ان شاء الله بعد ما استقر في وظيفه..هقدم في الكليه..

مالك اتأثر اوي من كلامها وسكت ثواني وقال: انا مش عارف اقول ايه..بس اللي اقدر اقوله انك قويه و شاطره وان شاء الله تدخلي الكليه..

خديجه: ان شاء الله..وحضرتك بقي معاك ايه..

مالك: انا يستي..كنت في كليه حقوق..ولسه متخرج من تلت شهور...بس حبيت اني اشتغل في الكافيه احسن..

خديجه بابتسامة: كويس..اهم حاجه تشتغل الحاجه اللي بتحبها.. 

مالك:ايوا فعلا هتشتغل فيها وانت راضي..وتطلع احسن ما عندك..

خديجه بابتسامة: تمام..شكرا علي القهوه المظبوطه جدا دي...

مالك: اي خدمه...

خديجه ضحكت وقالت: انا همشي..بقي عشان اتأخرت..

مالك: تمام..

خديجه خدت شنطتها..وقالت: سلام....

مالك بابتسامة: مع السلامه..

......

عادل: خديجه استني...

خديجه بقله صبر : نعم عايز ايه يا عادل

عادل: مانتي عارفه انا عايز ايه..

خديجه: لا معلش فكرني..اصلي بنسي..

عادل: عايز اتجوزك يا خديجه..

خديجه: اه رجعنا للسيره دي تاني...انت عايز تسمعها تاني يعني..مش موافقه يا عادل شيلني من دماغك..ركز مع مراتك وعيالك..

عادل: لا ماهو المرادي مش بمزاجك..

خديجه: ايوا يعني هتجبرني مثلا..

عادل: حاجه زي كدا..بصي بقي يا بنت الناس..ابويا اللي كان بيدافع عنك ومياخدش منكوا ايجار والكلام ده..مات خلاص الله يرحمه..

خديجه بحزن : الله يرحمه..ايوا يعني عايز ايه..

عادل: يتوافقي واتجوزك..ياما تاخدي بعضك انتي والست الكبيره دي وتطلعوا من هنا..من بكره..

خديجه بصدمه: انت بتقول ايه...

عادل: زي ما سمعتي...كده 

خديجه: انت اصلا متقدرش تعمل حاجه..عمي حسن قالي هكتبلك عقد للبيت..

عادل: امم هو انا مقلتلكيش مش هو مات خلاص..ويخساره مكتبش حاجه..

خديجه: طب خلاص انا هدفعلك إيجار..

عادل ضحك جامد وقال: ايجار ايه يا حلوه..شايفاني عايز فلوس..انا قلت اللي عندي..قدامك..يومين تفكري..يا توافقي واشيلك فوق رأسي واكتبلك البيت باسمك..ياما مشفوكوش هنا تاني..سامعه..

خديجه واقفه مش عارفه تعمل ايه حاسه كأن عقلها وقف..

عادل: اييه اعيد كلامي تاني..

خديجه: حزبي الله ونعم الوكيل فيك...

عادل مسك ايدها جامد وقال بعصبيه: بت انتي لمي لسانك..عشان باين عليكي عايزه تتربي..وانا معنديش مانع..

خديجه: انا متربيه غصب عنك..واوعي كده سيب ايدي..

عادل ضحك وقال: ليه هو فيه واحده متربيه..تركب جمب واحد العربيه..وتخليه يوصلها كزا مره..

خديجه: اللي انت بتتكلم عنه ده مديري في الشغل..انسان محترم..

عادل : بقولك ايه محترم مش محترم لنفسه..سامعه اياك اشوفك راكبه معاه مش هيحصل خير...وعايزك تفكري..عشان هما يومين..انا ماشي..

خديجه بصتله بقرف وقالت: في داهيه..هعمل ايه دلوقتى..بس 

ودخلت شقتها..لقت جدتها نايمه...راحت اوضتها..

وفضلت تعيط.. وقالت: الدنيا صعبه عليا اوي بجد..والحمل زاد اعمل ايه دلوقتي..واروح لمين وفضلت تعيط لحد اما راحت في النوم..

فاطمه: خديجه..اصحي يا خديجه عشان الشغل..

خديجه وهي بتفتح عنيها بصعوبه..: نعم يا تيته..

فاطمه: الشغل يا بنتي..انتي نايمه بهدوم الشغل ليه..

خديجه بصت علي نفسها وابتسمت غصب عنها وقالت: يوه اصلي نمت من غير ما احس..

فاطمه: ماشي يا حبيبتي..قومي عشان تفطري وتروحي الشغل..

خديجه بصت في الموبايل: ايه ده فاضل ربع ساعه بس..لازم البس بسرعه واروح..هفطر هناك يا تيته..

فاطمه: طيب يا حبيبتي..ربنا معاكي...

.........

خديجه واقفه تعمل المشروب وهي سرحانه..

مالك: كفايه يا خديجه اللبن كده كتير..

خديجه فاقت وقالت : معلش يا استاذ مالك سرحت شويه بس..

مالك: انتي مالك كده يا خديجه من الصبح حاسك في حاجه مزعلاكي..

خديجه: لا ابدا دنا تعبانه شويه بس..

مالك بابتسامة: الف سلامه عليكي يا خديجه..اقعدي هنا وانا هكمل..

خديجه: لا انا هكمل باقي حاجه بسيطه..

مالك جابلها الكرسي وقال: اقعدي بس يا خديجه..انا اصلا مش ورايا حاجه..

خديجه بابتسامة: شكرا يا استاذ مالك..

مالك: العفو يا خديجه...مفيش بينا الكلام ده..

وبدأ يشتغل وعمال يتكلم معاها..ويهزروا..

خديجه وهي بتضحك: انت بتتكلم جد..

مالك: اه والله بجد..يومها بقي امي مسكتني اديتني علقه..وخلتني اغسل معاها..

خديجه ضحكت جامد وقالت: معاها حق..حرام بجد ده ترويق المطبخ متعب..

مالك: منا برضو كنت عايز اتعلم..واجرب وكده..بس الظاهر ان الواحد لازم يدفع التمن..

خديجه: اكيد محدش بيتعلم بالساهل..كانت مبسوطه وهي بتتكلم معاه...مالك قدر يخرجها من اللي هي فيه..وينسيها حزنها..

مالك لف لقي خديجه بصاله ومبتسمه...فهي لاحظت قامت باصه في الارض بسرعه..

وقالت: هات يا مستر مالك اودي الاوردر ده..وقامت بسرعه داخت ومسكت رأسها وفجأه اغمي عليها...مالك مسكها وقعد بيها علي الارض..

مالك بخوف: خديجه..خديجه..ونده بصوت عالي علي ساره..

ساره جات جري: نعم يا استا.. خديجه..خديجه مالها..

مالك: مش عارف جات تقوم..اغمي عليها..هاتي كبايه مايه..

ساره: اهيه اتفضل..

مالك قعد يرش عليها مايه لحد ما فتحت عنيها اتنفس وقال: الحمدلله..

خديجه وهي ماسكه رأسها فتحت عنيها: انا فين اه يا دماغي..

ساره: انتي كويسه يا خديجه..

خديجه:ايه اللي حصل..

مالك: انتي قمتي من علي الكرسي..واغمي عليكي..

خديجه بصت لقت نفسها في حضنه اتعدلت بسرعه..

مالك: براحه..انتي تعبانه يا خديجه..لازم تروحي المستشفى..

خديجه: لا ده عشان انا مأكلتش اي حاجه من امبارح..

مالك: انتي بتهزري صح..ينفع الكلام ده..

ساره: ليه كده يا خديجه..

خديجه: مكنش ليا نفس خالص..

مالك: فيه حاجه اسمها كده..وطلع موبايله..

خديجه: انت بتعمل ايه..

مالك: هطلب لك أكل يا خديجه..

خديجه: لا..مش هاكله انا مش هقدر اكل..اللي هتطلبه ده..

مالك: كلي علي قدك طيب..

خديجه: لا مش عايزه اكل من بره..

مالك: طيب خلاص..هروح اعملك انا حاجه خفيفه..

خديجه لسه هتتكلم..مالك: اشش ولا كلمه..مش عايز اعتراض..

خديجه ابتسمت بتعب وقالت: طيب...

ساره سندتها وقعدتها علي الكرسي.. وقالت: مالك يا ديجاا..

خديجه: مفيش حاجه يا ساره..متقلقيش انا لما مش باكل بيحصل معايا كده..

ساره: كنتي خايفه عليكي اوي..

خديجه حضنتها وقالت: متخافيش انا بقيت كويسه..

ساره بابتسامة: الحمد لله..

مالك جاي وشايل صنيه في ايده عليها اكل..

خديجه: ايه ده..

مالك: بصي يا خديجه عايزك تخلصي الاكل ده كله..زي الشاطره يلا..

خديجه: لا..هاكل ده كله ازاي..

مالك: انا نفسي افهم هي كل حاجه في الدنيا..انتي بتعرضي بس..يستي جربي الاول وبعدين قولي لا ولا اه..كلي بس..كلي..

خديجه : خلاص حاضر هاكل..

مالك: جدعه

ساره ضحكت عليهم...

بعد شويه...خديجه: شبعت الحمد لله..

مالك: يعني جات علي دول يا خديجه..كليهم..

خديجه: جيت علي دول اه شوف  انت جايب كام رغيف كلت والله..

مالك: ده هما يدوبك اربعه..

خديجه ضحكت وقالت: يعني خيالك صورلك انتي هاكل اربعه. .بس الصراحه تسلم ايدك..الاكل توحفه..

مالك بابتسامة: انا اي حاجه بعملها بتبقي توحفه..

خديجه بابتسامة: اكيد...

مالك: تقدري تروحي بقي يا خديجه الشغل خلص..واستريحي بقي متتعبيش نفسك..

خديجه: حاضر..

مالك: ايه رأيك اوصلك؟..

خديجه قالت بسرعه : لا..انا هروح..

مالك: طيب اللي انتي شيفاه..

خديجه: قصدي عشان مش كل مره اتعبك..معايا..

مالك: تمام..هطلع اوقفلك تاكسي عشان متستنيش كتير...

خديجه هزت رأسها: تمام..وابتسمت وقالت: انا متشكره اوي يا استاذ مالك..تعبتك معايا كتير..

مالك: والله يا خديجه مافي تعب ولا اي حاجه..مفيش...بينا الكلام ده..

خديجه ابتسمت  وبصت عليه وهو ماشي وقالت: انت مفيش زيك بجد..

يتبع.....