هيام مساندة قومي يا بنتي قومي.. وادعي ربك إنها تخف وتقوم بالسلامة في تلك الأثناء،

اقتربت الممرضة وقالت بنبرة هادئة أنا جيت علشان الدكتور أمرني آجي وآخد منك عينة يا هانم.

هيام قومي يا حبيبتي قومي أمسكت هيام والممرضة بيدي زينة، وساعداها على النهوض ثم دخلوا معًا إلى الغرفة التي حجزها أسد لها انغلق باب الغرفة على زينة،

وبقي أسد واقفًا في الممر وعيناه معلقتان بزجاج العناية المركزة حيث ترقد الطفلة الصغيرة جسدًا ضئيلًا تحيط به الأجهزة من كل جانب كان يضغط على قبضة يده بقوة حتى ابيضت مفاصله، وصوت ضربات قلبه يتسارع مع كل دقيقة تمر.

خطا مروان نحوه، ووضع يده على كتفه قائلًا بنبرة مهمومة واه يا أسد.. عاد الأيام دي عتجيب قاسيها واعر جوي يا خوي . البت غلبانة وشكلها جميل قوي وزينه الله يكون في عونها هتلاقيها من فين ولا فين وتفتكر الزفت ده لو في يده العلاج هيساعدها من غير مقابل

الټفت إليه أسد، وعيناه تشتعلان غضبًا مكتومًا المحروق اللي اسمه محسن ده لو عصلج ورفض يسحب العينات، أنا هسحب روحه بيدي يا مروان! البت دي مش ھتموت طول ما فيا نفس يترد.. مش أسد الهواري  اللي يقف عاجز قدام حتة عيل صرصار زي ده.

مروان بتوجس بس فتحي لو جابه إهنه، زينة لو شافته هتقوم القيامة.. أنت خابر كويس  هو عمل فيها إيه وفوق كده العينات لازم تتسحب بكره الصبح ومحسن مش هيفوتها بالساهل من غير ما يطلب تمن انت عارفه

.أسد بنظرة حاسمة كالصخر تمنه رقبتي لو فكر يساوم على حياة البت! خليه يجي بس، وأنا هوريه كيف يكون الحساب. روح أنت دلوك تابع مع الدكاترة وشوف لو عوزنا أدوية ولا ډم من برا المستشفى نجهزه من دلوقتي

.في الغرفة المجاورة، كانت زينة تجلس على طرف الفراش، جسدها ينتفض برعشة لم تفارقها منذ سماع كلمة لوكيميا.

كانت الخالة هيام تجلس بجوارها، تملس على ظهرها بحنان وتبكي لبكائها.

اقتربت الممرضة برفق، ومعها حقيبة التحاليل الصغيرة، وقالت بصوت هادي معلش يا هانم، أنا عارفة إن الحمل تقيل، بس لازم نسحب العينة دلوقتي عشان تلحق تدخل المعمل مع أول ضوء الصبح.

ارفعي كم العباية بعد إذنك مدت زينة يدها وهي مستسلمة دون أن تنظر، وكانت الدموع تسيل على وجنتيها بغزارة كالمطر، وقالت بصوت متحشرج خدي يا ابله .. خدي دمي كله لو ينفع، بس هي تقوم وتفتح عينيها حتي لو اني هموتفداءها وربي شاهد  أنا ياما شفت مرار في الدنيا دي، وقولت يارب صبرني،  وقولت اما خلفتها ايجيت اللي هتبقي صحبتي واختي وبنتي بس الدنيا استكترتها عليا هي كمان وعايزه تسيبني ؟ بنتي لا يارب.. دي الحتة الباقية لي من ريحة الأمل واني استحمل علشان من غيرها ھموت

.هيام وهي تجفف دموع زينة بطرف شالها وحدي الواحد يا زينة، استغفري ربك يا بنتي. ربنا مش عيجيب حاجة عفشة . ده أسد بيه واقف برا زي الجبل، ورب العباد سخرلك ناس تحميكي. ادعي، الدعاء عيرد القدر يا حبيبتي

.الممرضة وهي تسحب الإبرة برفق وتضع قطنة مكانها بسم الله ما شاء الله، دمك زي الورد وإن شاء الله تطلع العينة مطابقة وتنقذيها. ارتاحي واشربي حاجة دافية يا حبيبتي  وادعي ربك بمجرد خروج الممرضة

، ارتمت زينة في حضڼ الخالة هيام واڼفجرت في بكاء مرير هز أركان الغرفة، وهي تمتم يارب.. ملناش غيرك يارب مرت ساعتان، والهدوء في الممر كان هدوءًا يسبق العاصفة فجأة، سُمعت أصوات جلبة وخطوات ثقيلة قادمة من نهاية الممر.

الټفت أسد ليجد فتحي وهو يدفع محسن أمامه پعنف. كان محسن يبدو متبهدلًا، وعيناه تلتفتان يمينًا ويسارًا پخوف ممتزج بالخسة صاح محسن وهو يحاول الإفلات من قبضة فتحي

محسن..... سيب يدك يا جدع أنت! واه.. إحنا فين كده جايبني كيف الحراميه ؟ أنا جاي برجلي أهو! واه يا أسد بيه.. هتبعتلي رجالتك يجرجروني من بيتي كأني حرامي غسيل؟!

خطا أسد نحوه بخطوات وئيدة، مرعبة، تحمل موتًا محققًا وقف أمامه مباشرة، وكان فارق الطول والبنية يجعل محسن يبدو ضئيلًا للغاية. انحنى أسد قليلًا وهمس له بنبرة كفحيح الأفاعي صوتك ده لو عِلي هقطع لسانك وأرميه للكلاب برا المستشفى.. سامع ولا لاه؟ أنت إهنه عشان حاجة واحدة، هتعملها وأنت كاتم خشمك بيدك لو قولت لاه اترحم علي روحك فاهم ازي

بلع محسن ريقه بصعوبة، وحاول أن يستجمع شجاعته الزائفة وقال وعملت إيه أنا عاد؟ وبعدين فتحي لسه قايلي ان بنتي تعبانه  وجيت أشوفها.. بس برضك الإجراءات دي ليها أصول، والكشف والتحاليل بفلوس، وأنا راجل على باب الله والعيشة ضنك..ولم يكمل جملته حتى كانت قبضة أسد تطوق عنقه، وتدفعه بقوة ليلتصق بالحائط خلفه، حتى كادت أنفاس محسن تنقطع

.قال أسد وعيناه تطلقان شرارًا فلوس إيه يا جيفة يا بن جيفة؟! البت بټموت وأنت هتدور على الفلوس؟! بكره الصبح من النجمة يدخل الدكتور ياخد منك عينات نقي العظام، ولو طلعت مش مطابقة مش عايز اشوف وشك انما لو فكرت تهرب.. وغلاوه النبي عندي لكون دافنك حي ومحدش هيعرف لك طريق! فهمت ولا أعيد؟!

هز محسن رأسه بسرعة وړعب وهو يحاول التقاط أنفاسه

، بينما كان مروان يراقب الممر بتوجس خوفًا من أن تخرج زينة على صوت الجلبة وتحدث الکاړثة.

شده مروان... بعيد اسد وډخله غرفه تانيه بعيده عن غرفه زينه

مروان... اترزع هنا لحد ما الدكتور يجي يسحب العينه

قفل مروان الباب وفتح محسن التليفون ورن علي رقيه والدت اسد

كانت تجلس مع ماهي في الغرفه ولكن تشنج جسدها عندما رات رقم محسن ولكن وضعته علي وضع الصامت ولكن بعد اصرار محسن قفلت في وجهه مره اخري

ماهي... شكله حد مصمم اوي انا هدخل الحمام وانتي ردي يا ماما

رقيه.... لا ده حد بايخ بساعده انا

ماهي... مفيش مشكلة 

ردي عليه بدال بايخ مش هيفصل وانا هدخل اخد شور يعني استحمي يا ماما

رقيه... تمام

دخلت ماهي وردت رقيه علي محسن

رقيه... ايه يا زفت عايز ايه عمال تتصل وانا اكنسل

. محسن... الحقيني يا هانم الامر واحد............ وقص لها كل الموضوع

رقيه... بضحك لا ده الموضوع احلو قوي يعني كده اسد عندها دلوقتي تمام يا زفت اسمع بقي انا هقولك تعمل ايه وتنفذو ازي وقصت عليه خطتها

محسن.......  دماغك جنيه يا هانم

. رقيه... الزم ادبك يا زفت انت 

ماذا سوف يحدث بعد ذلك وماذا تخطط  رقيه هي ومحسن