فاطمه: يا تري انتي فين يا خديجه..مش بتردي ليه..

بعد حوالي ساعه..الباب فتح...ودخلت خديجه..

فاطمه قامت بسرعه راحت ناحيتها..قالت:كنتي فين يا خديجه..ومش بتردي علي موبايلك ليه.

خديجه: كنت في مشوار مع ساره..والموبايل كنت عملاه صامت..معلش قلقتك..

فاطمه: كنت خايفه عليكي يا بنتي..

خديجه: معلش يا حبيبتي..مش هتأخر تاني..

فاطمه: طيب تعالي كلي..روحي اغسلي ايدك..

خديجه: حاضر..

فاطمه: انتي فيكي ايه  يا خديجه..

خديجه ابتسمت بصعوبه:  انا كويسه مفيش حاجه عايزه انام بس...

فاطمه وهي بتطبطب علي كتفها بحنيه: ماشي يا حبيبتي..كلي وادخلي نامي..

خديجه هزت رأسها بابتسامة..

بعد شويه..خديجه صلت فرضها ودعت ربنا..وقعدت علي السرير تفكر..

قالت: هعمل ايه دنا رجلي وجعتي من اللف انهارده الايجار غالي اوي..يارب حلها...

عند مالك كان عمال يفكر في خديجه...من اول جات وهي شاغله باله..ابتسم وقال: شكلك هتقع ولا ايه..

الباب خبط..

مالك: ادخل..اتفضلي يا ماما..

ساميه: بقولك يا مالك..بعد ما تطلع من الشغل بكره..تعالي عند ادهم عازمنا علي العشا..

مالك: حاضر يا ماما..

ساميه بابتسامة: بقولك ايه صحيح..ابقي هات خديجه معاك..بت عسل كده انا حبيتها..

مالك ابتسم تلقائي وقال: حاضر..

ساميه: ماشي يا حبيبي..تصبح علي خير..وقفلت الباب..

مالك: و انتي من اهله...وابتسم وقال ومين ميحبكيش يا خديجه...وطلع موبايله..

خديجه كانت قاعده بتقرأ قرءان جالها ماسدج..فتحت الموبايل....

لما بصت للشاشه شافت اسم مالك ابتسمت تلقائي..

مالك: بقيتي عامله ايه دلوقتي؟

خديجه ردت وقالت: الحمد لله احسن..

مالك: الحمد لله..لو محتاجه تاخدي اجازه بكره مفيش مشكله..

خديجه: لا الموضوع مش مستاهل..انا بقيت كويسه..

مالك: تمام اللي انتي شيفاه..قلت اطمن عليكي..

خديجه: شكرا علي سؤالك..

مالك: العفو..

خديجه قفلت الموبايل..وسندت رأسها وفضلت تفكر في مالك..وحست انها بدأت تقع في حبه..

◇◇◇◇◇◇

خديجه: الو يا إسراء...

إسراء: الو يا ديجا..عامله ايه..

خديجه: الحمد لله يا حبيبتي..وانتي اخبارك ايه..

إسراء: الحمد لله يا حبيبتي..انتي رحتي الشغل ولسه..

خديجه: لسه راحه اهوه..

إسراء: طيب بقولك انا عامله عزومه علي العشا انهارده..وعايزاكي تيجي..مالك جاي بعد الشغل تعالي معاه..

خديجه ابتسمت لما قالت مالك جاي..

إسراء: هااه قلتي ايه..

خديجه: تمام هاجي..انتي عامله عزومه ليه صحيح...

إسراء: انتي كده هتبوظي المفجأه..بس فداكي عشان انا طلعت حامل في بنوته..وانا وادهم قلنا نفرح مع الناس اللي بنحبهم..

خديجه بفرحه: يحبيبه قلبي الف مبروك..احلي ام في الدنيا..كنت عايزه بنوته اوي..

إسراء: الله يبارك فيكي يا روحي..هسميها خديجه بقي..

خديجه: لا حرام عليكي..هنختار اسم حلو ومميز كده..

إسراء: تمام مستنياكي نختار سوا  يا ديجاا..

خديجه: إسراء..فيه موضوع ضروري عايزه اقولك عليه انهارده..

إسراء: مالك فيه ايه..

خديجه: هبقي احكيلك اما اجي..

إسراء: تمام يا حبيبتي..يلا روحي شغلك..

خديجه: سلام..

إسراء: مع السلامه..

◇◇◇◇◇

مالك: صباح الخير..

احمد: صباح النور يا مستر مالك..

مالك فضل يدور بعنيه علي خديجه بس مش موجوده..مالك: هي خديجه مجتش..

ساره بابتسامة: اهي جات اهيه..

مالك بصلها بابتسامة..وخديجه..بصلته بنفس الابتسامة..

مالك بص للساعه وقال: متأخره عشر دقايق..

خديجه بابتسامة: انت عارف الطريق زحمه بقي وكده..

مالك: متتكررش تاني.

مبحبش التأخير..

ضحكوا هما الاتنين افتكروا اول يوم..

خديجه وهي بتضحك: قفلتني يومها الصراحه..

مالك: بس ايه رأيك مسيطر..

خديجه: جدا الصراحه..كنت حاسه اني هتطرد من اول يوم...

مالك: وانا برضو قلت كده..

خديجه: طب ودلوقتي..

مالك بابتسامة : لا دلوقتي دنا  امشي انا..

خديجه ابتسمت بخجل وقالت : لا ميصحش..

مالك: المكان هيبقي وحش من غيري طبعا..

خديجه بابتسامة مكر: امم مش اوي..ومشيت

مالك ضحك وقال: بقي كده يا خديجه..

خديجه لفت وقالتله : هيبقي وحش اوي الصراحه وكملت..

مالك فضل باصص عليها وهو مبتسم..

ساره: شايف اللي انا شيفاه..

أحمد: اه مستر مالك بقي بيبتسم كتير اليومين دول..

ساره بابتسامة: اه...

احمد: بقولك يا ساره..انا عايز اكتب الكتاب..

ساره بفرحه: بجد..

أحمد: ايوا بجد يا ساره احنا بقالنا سنه ونص مخطوبين..والشقه قربت تجهز...

ساره بابتسامة: انا موافقه..تعالي كلم بابا وشوف رأيه..

احمد: حاضر..هاجي بليل واتكلم معاه..ونحدد معاد..

ساره: انا فرحت اوي بجد..

أحمد: وانا هبقي اسعد واحد في الدنيا والله..

ساره قالت بحب: ربنا يخليك ليا يا حبيبي..

أحمد: ويخليكي ليا يا روحي..

مالك: احم ايه يا عصافير الحب..راعو مشاعري طيب..

احمدز بابتسامة: حاضر...

◇◇◇◇

خديجه واقفه وعماله تشتغل...

مالك راح ناحيتها و قال: الله ينور..

خديجه بخضه: ينهار ابيض خضيتني..

مالك ضحك عليها وقال: معلش..معرفش انك كنتي مركزه كده..

خديجه: عايزه اوريك حاجه..

مالك: وريني..

خديجه بحماس: ايه رايك..

مالك : توحفه يا خديجه..انت بتعرفي ترسمي علي اللاتيه..

خديجه بابتسامة: اه بعرف بس لسه متعلمه الورده..بعرف ارسم قلب وارنب..

مالك: بالعكس ده باين..عليكي متدربه عليها كزا مره...

خديجه: بجد..واديتله الكوبايه وقالتله: اتفضل..

مالك: لمين..

خديجه:ليك..انا عملتها ليك..

مالك خدها وابتسم وقال: شكرا يا خديجه..

خديجه بابتسامة : العفو..

مالك: بقولك صحيح..ادهم وإسراء عاملين عزومه..وقالولي اجيبك معايا..

خديجه: ايوا ماهي إسراء قالتلي..

مالك: تمام..هنخلص ونروح سوا..

خديجه: تمام..

◇◇◇

خديجه: بجد يا ساره..الف مبروك يا حبيبتي ربنا يتملك علي خير..

ساره بابتسامة: الله يبارك فيكي يا ديجا..عقبالك يا حبيبتي..

خديجه لما ساره قالت كده قلبها انقبض وافتكرت عادل..

ساره: ايه يا خديجه..روحتي فين..

خديجه: معاكي يا ساره..سرحت بس..ان شاءالله تبقي اجمل عروسه..

ساره: حبيبتي يا ديجا..

مالك: ايه يا خديجه يلا ولا ايه..

خديجه: حاضر جايه اهوه..

ساره: يلا روحي عشان متتأخريش..

خديجه: ماشي يا ساره..سلام..

ساره: مع السلامه..

مالك فاتح الباب العربيه وواقف...

خديجه جات وركبت..ولسه بتقفل الباب..حد مسكه...

عادل: انزلي..راحه فين يا حلوه..

خديجه نزلت و بلعت ريقها بخوف وقالت: ايه ده عادل..

عادل: اه عادل اللي فكراه نايم علي ودنه..

مالك نزل وقال باستغراب: فيه ايه يا خديجه ومين ده..

خديجه بصتله ومش عارفه تقول ايه..

عادل : بقولك ايه كلامك معايا انا..اللي قدامك دي خطيبتي وكلها ساعات وتبقي مراتي...

مالك واقف مصدوم مش مصدق اللي سمعه..: الكلام ده صح يا خديجه..

عادل بعصبيه: ردي عليه..

خديجه بصتله بوجع وبعدين بصت في الارض وقالت بصوت واطي : ايوه..

مالك حس كأن عقله وقف...ومش عارف يرد يقول ايه..

عادل: سمعت يا باشا...

مالك هز رأسه وقال..: سمعت..وبص لخديجه وقال بابتسامةمكسوره: مبروك..

خديجه بصلته بحزن...

عادل: الله يبارك فيك..بص يا باشا انا جات عشان اقولك خديجه مش هتشتغل هنا تاني..خلاص انا اعرف اصرف علي مراتي..

خديجه واقفه باصه في الارض..مش عارفه تعمل ايه..

مالك بصلها بوجع وقال: تمام وركب العربيه ومشي..

عادل: قدامي يا حلوه..كنتي راحه معاه فين..

خديجه بعصبيه: ملكش دعوه..انت عملت كده ليه..

عادل: بت انتي بقولك ايه واطي صوتك عشان معلمكيش الادب..سامعه وبعدين ليكي عين تتكلمي ياعالم كنتي راحه معاه فين يا محترمه..

خديجه: انا محترمه غصب عنك..وبقولك ايه اتكلم معايا باحترام..عشان مش هسكتلك تاني..

عادل : واضح انك اعصابك تعبانه..عروسه بقي..اسمعي بقي انا هجيب المأذون وجاي بليل..

خديجه: دانت بتحلم..اسمع انت بقي..انت لو اخر راجل في الدنيا مش هتجوزك..يا شيخ انت ايه..دنا مش طايقه ابصلك حتي..مبتحسش..

عادل بعصبيه: تمام يا حلوه..انهارده في خلال ساعتين..تكونوا ختوا حاجتكوا وطلعتوا بالزوق..عشان مجيش ارميكوا في الشارع..

خديجه: من غير ماتقول..ليه فاكر مفيش شقق غير الشقه دي..ده تغور لو من وشك..

عادل مسكها من ايدها وقال بعصبيه: قسما بالله انك لو مسكتيش لحطك تحت رجلي..

خديجه زقته بقوه وقالت: تحط مين تحت رجلك فوق كده فاكرني هخاف واقعد اعيط لا يبقي متعرفنيش...والبلد برضو مش سايبه فيها قانون..

عادل: ماشي يا خديجه..انتي اصلا مش وش نعمه..ساعتين وملمحكوش في الشارع..

خديجه: خلاص عرفنا..شوف انت رايح فين..

عادل : انا ماشي..بس انتي الخسرانه..

خديجه: ياخويا روح..

◇◇◇

مالك فضل يسوق وهو مش مصدق اللي سمعه..: ازاي يا خديجه..ازاي انا هتجنن..

خديجه: انتي فين يا تيته..

فاطمه: انا هنا اهوه فيه ايه..

خديجه: اقعدي عايزاكي في حاجه ضروري..

فاطمه: خير يا حبيبتي..

خديجه حكتلها كل اللي حصل..

فاطمه: منه لله الظالم دهوه..انتي معملتيش حاجه غلط..احنا لينا ربنا..يا بنتي..

خديجه: طيب واحنا هنروح فين يا تيته..

فاطمه: ان شاء الله ربنا هيحلها..ونقعد عند اي حد..

خديجه: يارب..يلا بس نلم حاجتنا..

◇◇◇◇

إسراء: تعالي يا مالك اتفضل..امال خديجه فين..

مالك سكت..

إسراء: فين خديجه..

مالك: مع خطيبها..

إسراء سكت ثواني : نعم..خطيب مين..

مالك: خطيبها هي جه خادها وقال انهم هيجوزوا انهارده ومش هتشتغل تاني..

إسراء: ايه اللي انت بتقوله ده يا مالك..مين ده ولا اسمه ايه..

مالك: معرفش هو اسمه عادل..

إسراء بصدمه: انت سبتها مع اللي اسمه عادل ده ليه..

مالك باستغراب: ليه هو ماله..بعدين هي قالتلي ايوه انا خطيبته..

إسراء: اكيد ضغط عليها....

أدهم : فيه ايه يا إسراء..

إسراء: انا لازم اروحلها..وديني يا أدهم..

أدهم: حاضر..يلا بينا..

مالك: استنوا انا جاي معاكوا..

إسراء: طيب يلا.......

يتبع..