وصل زين بيت عمران لكنه منزلش بلغ البواب يقول لسلطانه تنزل عشان يروحوا عشان كان متعصب منها جامد 

سلطانة بضيق :

شايف يابوي ده حتى ملكفش نفسه ينزل يصالحني وانت لسه بتدافع عنه

عمران بص لبنته وقال :

تلاقيكي معكننه عليه اطلعي اجهزي وضبطي نفسك وانا هروح اشوفه عشان يفطر معانا..

سلطانة بغيظ:

انت عاوز تفطره برضو 

عمران :

اطلعي اعملي اللي قلتلك عليه

طلعت سلطانه وهي متغاظه أما عمران نزل يتكلم مع زين

زين اول ما شاف خاله نزل من عربيته باحترام 

عمران:

مش بتنزل ليه يابني 

زين:

معلش مستعجل ياخالي 

عمران :

زين يابني سلطانه بنتي الوحيده على اربع شباب وهي متدلعه زياده بلاش اسلوب العسكري اللي متعود عليه ده مراتك برضو المفروض تهاودها وتفكر في زعلها

زين بجديه:

والله ياخالي انا بعمل اللي بقدر عليه لكن انت قلتها سلطانه متدلعه بزياده وانا مهما عملت هي مش بترضى ابدا .. انا بحاول اعبر ليها كتتير حجات لكن هي عنيده وانا راجل عندي شغلي ومشاكل مايعلم بيها غير ربنا .. بدل ما تقف جنبي .. جايه مع الدنيا عليا ..

عمران:

قلتلك خدها بالهداوه هي متدلعه اه لكنها بمية راجل وهتقف جمبك لو حست انك مضغوط

زين :

انا بعمل اللي بقدر عليه ياخالي واهو انت شايف بعينك  صحيت الصبح مالهاش اثر و انا جوزها اعرف من الشغالين انها عندكم ليه.. وعشان ايه كل ده .. عشان اوهام في دماغها دي حتى ما كلفتش نفسها تسأل أو تتكلم باللي حصل.. وانا مستحمل كل ده عشان خاطرك 

عمران ربت على كتفه وقال 

ربنا يهدي سركم يابني

زين :

يارب 

في الوقت ده وصلت سلطانه وزين اول ما شافها متكلمش معاها طلع العربيه ووشه جامد

هي بصت لابوها بغيظ وعمران شورلها تحصله وفعلا طلعت معاه العربيه ومشي زين من غير ما يتكلم فضل ماشي بصمت تام وهي برضو ساكته محاولتش تتكلم أو تقول حاجه .. لكنه فجأه وقف العربيه قدام مزرعه بعيده شويه وقال:

انزلي 

سلطانة :

انت جايبني فين

زين :

انزلي هنتمشى شويه قبل مانروح 

سلطانه....

زين ركن العربيه ونزل وهي حصلته بصمت ..

فضلت ماشيه جنبه بصمت وهو طلع علبة السجائر وخرج وحده وولعه 

بصت ناحيته وقالت :

انت فطرت الاول قبل ماتدخن 

زين طلع السيجاره من بقه ونفخ الدخان في الهوى وقال:

يهمك في ايه 

سلطانة:

 مينفعش تدخن على الريق كده

زين بابتسامه:

ايه خايفه عليا

سلطانة حاولت تاخد السيجاره منه لكنه بعدها بسرعه وقال :

هخلص دي بس

سلطانة : انت عنيد جدا بتعمل كده ليه ده مش كويس لصحتك تدخن على الريق 

زين بجديه :

انا كويس ماتخافيش .. وغير الحديث وقال : 

قوليلي انتي سيبتي البيت ليه

سلطانة وقفت وهي شيفاه بيبص ناحيتها بجديه: 

انا قلتلك من امبارح اني هروح بيت ابوي

سلطانة بانفعال طفيف :

وانا مكنتش مصدق انك عبيطه للدرجه دي

سلطانة بغيظ :

انا مش عبيطه

زينب : 

اومال اللي عملتيه ده اسمه ايه 

سلطانة : انت لسه مش مستوعب اللي عملته 

زين بغيظ :

انتي اللي مش عارفه تعملي ايه عشان تعصبيني 

سلطانه بتريقه  : 

اه انا اللي كنت مع حد غريب في المكتب في وقت متأخر من الليل لوحدنا  وورد وقهوه كعك 

زين بيكتم غضبه :

سلطانة بلاش المقارنات دي عشان بتعصبني

سلطانة بعناد :

لا انا عاوزك تحط نفسك مكان انا ممكن اجيب اي حد من الشارع وافضل معاه طول الليل هتعمل ايه وقتها .

 = سلطانة زعق فيها بغضب وهي انتفضت بخوف وحرك صباعه قدامها بيحذرها:

 اخر مره اسمع الكلام ده منك 

سلطانة بارتباك وقوه مصطنعه :

مش انت عملت كده

زين مسح وشه وحاول يهدى لما حس بخوفها وقال:

انا معملتش حاجه وده كان سوء فهم مش اكتر

سلطانة بغيره : 

ياسلام دي مش اول مره ليكم البنت باينها واخده وش زياده ووحده عليك اووي 

زين اتنهد : 

 مش زي منتي فاكره

سلطانة بغضب وعيونها امتلت دموع لكنها مش عايزه تعيط : 

اومال ايه قولي انت ايه

زين : 

انت شكلك عاوزه تتخانقي وخلاص 

سلطانة:

 انا عاوزه حد يعملي اعتبار حد مايجبش على كرامتي 

زين بصدمه :

مين اللي جاي على كرامتك انا عملت ايه انا صديتها بكل احترام

سلطانة :

مش كفايه البنت دي مش هتفضل في البيت ثانيه كمان

زين :

عايزاني اعمل ايه اطرد ضيفت عمي 

سلطانة بزعل طفولي:

 مليش دعوه البنت مش عايزاه في البيت 

زين:

 مش في مزاجك دي ضيفه عندنا وانا مش هاخد وادي معاها تاني مش ده اللي يهمك.

سلطانة وهي بتضم اديها لصدرها  :

وانا اش ضمني متحولش تقرب منك تاني

زين بتبرير :

انتي شفتيني حاولت اقرب ليها اديتها مجال تقرب

سلطانه سكتت

زين رمى السيجاره على الأرض ودعس عليها واتكلم بخنقه :

بصي يابنت خالي هقولهالك لاول واخر مره .. انا مكنتش مفكر في الجواز ابدا و لو ما جدي ربنا يشفيه أصر اني اتجوز كان زماني لسه اعزب .. فجوزتي منك كانت صدفه اتفرضت عليا

اتضايقت سلطانة وحست أنه جي على كرامته ولسا هتتكلم لكنه قاطعها وقال :

وده كله مايمنعش اني حاسس بحاجه حلوه تجاهك ..

وعاوز نكمل لكن لو فضلنا على الحال دي مش ممكن نكمل انا خلقي ضيق وانتي معندكيش صبر وكل حاجه ظاهره للناس.. مفيش اسرار خاصه بينا المفروض اللي بيحصل مابينا يفضل بينا مش كده ..

سلطانة ...

زين: 

 بصي انا حابب نكمل لكن عاوزك تثقي بيا.. انا جوازتي منك جت صدفه وصدقيني معنديش وقت اروح ادور علاقات تاني وانا اصلا ماليش في الحرام...

سلطانة :

 بس دي كانت هتحضنك انا شيفاها بعنيا 

زين نفخ بخنقه وقال:

طب وانا عملت ايه .

سلطانه

زين :

انا عاوزك تثقي بيا ياسلطانة الجواز لو مكنش فيه ثقه اي الفايدة منه واكيد هينهار من اول عقبه

سلطانة بصت على الأرض

زين قرب منها وحاوط وشها وبص في عنيها وقال:

 أنا عندي ضحكتك في الدنيا لا منى ولا غيرها ممكن تأثر عليا انتي مراتي حلالي وبنت خالي. وهتكوني ام عيالي .. ومش هسمح لأي ست تدخل مابين

سلطانة : 

لكن أن

حرك إبهامه على شفايفها برقه :

هسس عاوزك تثقي بيا بس ماشي 

سلطانة وهي تايهه في عنيه هزت راسها بايجاب 

سلطان با*س جبينها وقال الفتره دي حياتي متلغبطه عشان كده شيفاني مضغوط لكن أن شاء الله هتتحل كل المشاكل قريب اووي 

سلطان هزت راسها وهو خدها بحضنه وبا*س راسها وقال اتمنى بعد كده منتسرعش ومشاكلنا تفضل مابينا نحلها بهدوء ماشي 

سلطانة بعدت عنه باستسلام 

زين بابتسامه :

 يللا بقا خلينا نروح نفطر عشان أنا لسه على لحم بطني من الصبح  وبرضو هوصلك وروح النهارده على الشغل اتاخر اوووي 

********

وصلو سلطانة وزين القصر وكانوا ماسكين في أيدين بعض وبيضحكووا وصلها زين وبا*سها وودعها في الجنينه وراح الشغل  منى وسماح ييبصولهم من الشباك

منى بغيره :

شايفه دي رجعت ولا كأنهم متخانقيين

سماح بغيظ:

 الصبر يا منى الصبر ياحبيبتي

منى :

لحد.امتى دول بيقربو لبعض كل يوم اكتر 

سماح:

 المهم عرفنا أن سلطانة غيرتها نقطه ضعفها وانا هعرف اخليها تنفجر وتولع في البيت باللي فيه

منى :

ازاي

سماح : 

اصبري انتي وهتشوفي 

منى بشك:

 مش باين 

سماح :

قلتلك الصبر 

*******

هناء بفضول : كانوا فين كل ده 

سلطانه : 

كنت رايحه اشوف حازم مراته وبنته راجعين من السفر النهارده 

هناء كانت بتشرب ميه وشرقت بالميه وعينيها وسعت

سلطانه بخضه :

بسم الله عليكي ياحبيبتي مالك

هناء :

 شرقت انا كويسه لكن قوليلي هو حازم اتتجوز امتى 

سلطانة 

هناء