ريان بغضب :انتي بتقولي ايه؟! وياترا هو عارف بقي

رانيا بسرعة : لا، هو ميعرفش كدا ولا اي حد يعرف.... انا بس كنت معجبة بيه بالسر

ريان حس بالغيرة الشديدة : معجبة بيه، اه وايه تاني

رانيا بتوتر قامت ومسكت ايده :ولله انا كنت معجبة بيه، يمكن عشان مكنتش بطلع كتير برا، وهو الراجل ال كان قدامي.... بس هو لما اتجوز بيان انا اتقبلت الوضع، وفي النهاية دا نصيب

ريان بغضب شد ايده منها :طب وانا؟!

رانيا قامت وقفت قدامه :ا انت جوزي يا ريان، واكيد مش هبص لواحد تاني وانا متجوزاك

ريان بغضب :بس انتي كنتي بتحبيه، يعني ممكن حبك ليه يرجع تاني

رانيا  بخوف :لا مش هيحصل كدا طول ما انت معايا، ا انا بحس بمشاعر ناحيتك انتا دلوقتي

ريان بصلها شوية وسكت، لان هو كمان بقي في مشاعر ليها جواه

ريان بحدة : بكرا تلمي هدومك وهنروح بيتنا

رانيا بتوتر :طب وماما؟!

ريان :هناخدها معانا، والبيت دا رجلك متعتبوش الا للضرورة

رانيا بحزن :حاضر

ريان بصلها وحس بالضيق وخرج من الاوضة

ورانيا قعدت علي السرير بحزن

@@@@@@@@@@@@@@@@@@@@@

في اوضة يونس وبيان

بيان كانت قاعدة علي السرير بتتفرج علي شاشة ال تي في

ويونس قاعد جمبها ماسك الابتوب

يونس بص علي التلفزيون، لاقاها بتتفرج علي كرتون، وبعدين بص عليها لاقاها منسجمة في التلفزيون خالص

فجاة الباب خبط وسمعوا صوت ريان

يونس بهدوء : ادخلي اقعدي في البلكونة شوية

بيان بزعل طفولي :بس انا عايزة اشوف الاميرة هتعمل ايه

يونس اتنهد : خدي الابتوب واتفرجي عليه في البلكونة

بيان اخدت الابتوب بسرعة وجريت علي البلكونة

يونس بحدة :اياكي تقربي من الملفات ال فيه

بيان وهي بتجري بطفولية :ماثيييي

بيان دخلت البلكونة وقفلت عليها الباب الزجاجي وقعدت في الزاوية عشان محدش يشوفها

يونس بصوت عالي :ادخل يا ريان

ريان دخل ويونس قام وقعد علي الكنبة، وريان قعد قصاده

يونس بهدوء :اممم

ريان بضيق :ا اولا سلامتك، ثانيا انا همشي انا ومراتي وحماتي بكرا من القصر

يونس برفعة حاجب : ليه؟!

ريان بتوتر : لا ب بس يعني حابب اكون علي راحتي، وكدا كدا هكون هنا كل يوم عشان الشغل

يونس بشك : في حاجة حصلت ولا ايه؟!

ريان بتوتر :لا ب بس انا عايز كدا

يونس حط ايده علي كتفه بهدوء : اعمل ال انت عايزه، بس خليك فاكر ان اخوك موجود

ريان بابتسامة : ودا العشم ياخويا

يونس ابتسم ليه بخفة

ريان قام : طب استأذن انا بقي، عشان ترتاح شوية

وخرج

وبعدين دخلت بيان بخوف وهي ماسكة الابتوب بتوتر

يونس حط ايده علي راسه واتنهد : عملتي ايه تاني؟!

بيان بخوف عطته الابتوب وجريت علي الحمام

ويونس فتح الابتوب، ولقي الملفات اتمسحت

يونس بحدة وصوت عالي شوية : اطلعي

بيان بتردد وبتطلع ببطيء

يونس بصلها بحدة : تعالي

بيان قربت بخوف ووقفت قدامه، يونس فجاة شدها وقعدها علي رجله، بس مش ناحية الجر*ح

بيان بصدمة وخوف : ا انت عامل عملية علي فكرة 

يونس بنبرة حدة : ايه ال عملتيه دا!

بيان بخوف وتوتر زي الاطفال :و ولله ا انا مكنتش اقصد، ب بس هي ا ال ات اتمسحت ب بالغلط كدا لوحدها

يونس بهدوء  :انا مش قولتلك متقربيش من الملفات دي

بيان بخوف :و ولله اخر مرة، مش هعمل كدا تاني

يونس بهدوء :طب انا اعمل فيكي ايه بقي دلوقتي

بيان حطت ايدها علي كتفه بتوتر : و ولله انا اسفة، م مش هعمل كدا تاني

يونس تاه في حركاتها وعيونها و لاول مرة يركز في تفصيلها

بيان استغربت انه ساكت وبخوف :ه هو انت  ساكت ليه؟!

يونس ركز في كلامها وبعدين قال بحدة خفيفة : اول واخر مرة تعملي كدا.... يلا روحي نامي

بيان حست بالراحة، واستوعبت انها قاعدة علي رجله قامت وقفت بسرعة وكسوف

بيان بخجل : ط طب انا،  ه هروح انام

سندت يونس وقعدته علي السرير، ويونس استلقي عليه وبيان نامت جمبه وهي بتبصله، يونس بصلها وهي اتوترت ولفت الناحية التانية بكسوف

@@@@@@@@@@@@@@@@@@@@@

مر اسبوع، وريان ورانيا وعايدة راحوا بيته.... وراية بقت بتبعد عن كريم قد ما تقدر وكريم بيحاول يصلح صداقتهم.... وروان لسة بتحاول تقرب من يونس، ويونس مش شايفها اصلا وبيان بدات تلاحظ تصرفاتها.... وريان ورانيا علاقتهم بقت كويسة بس لسة مقربش منها.... وغنوة ويوسف علاقتهم اتحسنت بس غنوة لسة زعلانة ان يونس مش بيكلمها.... وبيان اعترفت لنفسها انها بتحب يونس، للكن مقالتش ليه خوفا من رده....ويونس بقي كويس والجر*ح بدا يلم ويختفي

@@@@@@@@@@@@@@@@@@@@@

في الصباح في القصر

في المطبخ

راية والخدم كانوا موجدين وبينضفوا المكان بعد ما الكل فطر

دخل كريم

صفية قربت منه :نعم يا بيه عايز حاجة؟!

كريم وهو باصص لراية : اطلعوا كلكم برا دلوقتي

الخدم استغربوا وطلعوا من الباب الخلفي وجت راية تطلع كريم مسك دراعها، وبعدين الكل خرج ومفيش غيرها هي وهو

راية بعدت ايدها بحدة :عايز ايه يا بيه؟!

كريم :راية، انا بجد اسف وولله مكنتش اقصد و....

قاطعته راية بحدة : وانا مش هسامحك، انت مستوعب كنت عايز تعمل ايه.... انت كنت هضيعني

كريم :ولله انا مش عارف جرالي ايه، بس اول ما شوفتك مقدرتش اسيطر علي نفسي

راية بعصبية وصوت خفيف : لا كنت تقدر، بس انا ال نسيت انك بتاع بنات ومتعود علي كدا

كريم : انا قولتلك مكنتش اقصد، ارجوكي خلينا نرجع علاقتنا من الاول

راية بحدة :علاقة؟! علاقة ايه، انا ميربطنيش بيك اي علاقة انا مجرد خدامة هنا مش اكتر.... يبقي يستحسن ان كل واحد يخليه في مقامه

كريم بضيق :انتي بتتكلمي ليه كدا، انتي احسن واحدة عرفتها.... بس ارجوكي اديني فرصة

راية :انا مكانش لازم اكلمك من الاول اصلا،مع السلامة يا بيه 

وخرجت، وكريم بص عليها بحزن وضيق

@@@@@@@@@@@@@@@@@@@@@@

في الجنية بيان دخلت وهي شايلة صنية وعليها قهوة ليونس ال قاعد في الجنينة

شافت روان قريبة منه وبتديه الدوا، بيان قدمت رجليها بسرعة وقربت منهم وحطت الصينة علي التربيزة

وبعدت روان عن يونس ووقفت جمبه، وروان بصتلها بش"ر

بيان وهي حاطة ايدها علي كتف يونس: عامل ايه دلوقتي ياحبيبي

وشدت اوي في كلمة حبيبي دي

يونس بصلها باستغراب : كويس

بيان لزقت جمبه علي الكنبة وبصت لروان : هو انتي هتمشي امتا؟! اصل يعني انا شايفة انه بقي كويس وانا اقدر اديه الدوا في ميعاده مش محتاجينك يعني

روان بغرور وضيق :الدكتور ال قالي اقعد معاه لسة

بيان بصتلها بغيرة ومسكت في دراع يونس

بيا بغرور مزيف :طب روحي انتي بقي، مش شايفة واحد ومراته عايزين يقعدوا شوية مع بعض

وكل دا ويونس باصص عليها ومستمتع بالمسرحية ووحب يجاريها في ال بتعمله

حط ايده علي خصر*ها وقربها منه

وبيان اتصدمت وروان واقفة بتاكل في نفسها

يونس بابسامة خبيثة وهو باصص لبيان وموجه كلامه لروان :زي ما قالتلك حابب اتكلم مع مراتي حبيبتي في حاجة خاصة 

كل دا وبيان بصاله بصدمة وتوتر.... روان اتضايقت ومشيت

وبيان بعدت بسرعة عن يونس

بيان بتوتر :ا احم، ا ا ايه

يونس ابتسم عليها  بهدوء ومردش وبص في الابتوب