رواية لن اعود كما كنت من الفصل الاول للاخير بقلم سوليية نصار
رواية لن اعود كما كنت من الفصل الاول للاخير هي رواية من كتابة سوليية نصار رواية لن اعود كما كنت من الفصل الاول للاخير صدر لاول مرة على موقع التواصل الاجتماعى فيسبوك رواية لن اعود كما كنت من الفصل الاول للاخير حقق تفاعل كبير على الفيسبوك لذلك سنعرض لكم رواية لن اعود كما كنت من الفصل الاول للاخير
رواية لن اعود كما كنت من الفصل الاول للاخير
-كريم أنا متقدملي عريس.....
قولتها وانا بعيط وكملت :
-بابا مش راضي برفضي المرة دي شغال يضغط عليا ...أعمل ايه يا كريم ساعدني ...
بصلي هو ببرود وقال:
-ارفضيه زي كل مرة واصري على رفضك ...اضربي عن الأكل ...اتصرفي يا اسمهان ...مش هتغلبي...
-ولحد امتى يا كريم ...لحد امتى هرفض واقاوم وانت مش في الصورة ...بقالنا تلات سنين مع بعض وانت لا بتتحرك ولا بتتقدملي ...حرام عليك ...ليه بتعمل كده ...تعالي اتقدم ...هتستنى لما اضيع منك .....
-اوف ...لو هتفضلي تزني بالطريقة دي أنا همشي...
وفعلا كان هيمشي ويقوم...بس وقفت في وشه وقولت :
-لا انت هتقعد وتسمعني كويس ....أما تيجي تتقدم او ننهي علاقتنا للأبد وهوافق على أول عريس يخبط على بابنا فاهم ولا لا ....خد القرار دلوقتي !!!
بصلي بضيق وقال:
-هاخد ميعاد من ابوكي حاضر ...
ابتسامتي ملت وشي ..مكنتش مصدقة اللي بسمعة ضحكت بسعادة شديدة وقولت ؛
-بجد...بتتكلم بجد ...
نفخ بضيق وقال:
-ايوة بتكلم بجد ...هتصل بيه واخد ميعاد منه ....
كنت طايرة من الفرحة ...أخيرا ربنا هيجمعني بالانسان اللي انا بحبه...أخيرا !!!
.......
تاني يوم ...
كان كريم فعلا اتصل ببابا واتقدملي ....
......
-يعني انتِ بجد موافقة على العريس ده المرة دي يا اسمهان ..مش هترفضيه زي كل مرة ...
هزيت راسي بالنفي فبصلي بشك وقال:
-اشمعنا يعني؟!
ارتبكت وقولت :
-يعني قولت كفاية رفض عرسان لحد كده...أنا كبرت برضه ....
هز بابا راسه وقال :
-بتحبيه ؟!
ارتبكت وقولت ؛
-هو مين ...
اتنهد وقال:
-اللي اخد معاد مني وعايز يقابلني ...اتكلمي وقولي بتحبيه ؟!ومن امتى ...
بلعت ريقي بتوتر وقولت :
-من تلات سنين ...
-وكل ده وانا نايم على وداني يا اسمهان ...
-صدقني يا بابا أنا معملتش حاجة غلط ...
-لا كونك تخبي عليا غلط ...كون انكم تكونوا سوا تلات سنين ده غلط ...وطبعا كنتوا بتتقابلوا...
-بابا ...
قولتها وانا حاسة نفسي قليلة اووي فقال هو :
-هي.دي غلطتي اني ادتلك ثقتي ...مرضتش اشك فيكي حتى وانتي بترفضي العرسان الكتير اللي بتجيلك....تكافئيني كده ...
عيطت جامد وانا بحضنه وبقول؛
-اسفة...اسفة بجد يا بابا ....ابوس ايديك سامحيني ....بعدين والله ما اتجاوزت حدودي معاه ابدا ...وهو جاي يتقدملي ...ابوس ايديكي سامحني ومتكسرش فرحتي ....
بعدني شوية واتنهد وقال:
-طيب هو كده كده هيجي بالليل هستناه ...
.....
بالليل ...
كنا قاعدين أنا وبابا مستنين كريم يجي....كنت لابسة فستان ازرق لونه المفضل ...كنت متحمسة وانا مستنية يخبط أي أي وقت ....فجأة رن تليفوني وبصيت عليه لقيته كريم ...بعدت شوية وانا برد عليه وبقول بصوت واطي:
-ها وصلت فين ؟!
لقيته بيقول :
-معلش يا اسمهان يا روحي مش هقدر اجي النهاردة مسافر الساحل مع اصحابي ...كلها اسبوع وجاي وهنحدد ميعاد تاني ...يالا باي!!
يتبع
وقع التليفون من ايدي وانا مش قادرة اصدق انه عمل فيا كده ...هو اكيد بيهزر....دموعي نزلت من عيوني وانا حاسة اني مش قادرة اتنفس ...لا لا ايه اللي بيحصل ...اكيد ده حلم ...هو مستحيل يعمل فيا كده .......
بابا قرب مني ومسكني بصتله وانا بقوله :
-سابني يا بابا ...سابني ...قال رايح المصيف مع أصحابه.....أنا حاسة اني بحلم ...لا اكيد اكيد ده هزار هو اكيد بيهزر ....
كان بابا بيبصلي بشفقة ...كان عايز يتكلم ويقول اني السبب في اللي حصلي ده بس سكت لما لاقاني منهارة....
......
-يا بني انت سايكو تتفق مع ابو البنت وبعدين تكسنله وتيجي معانا الساحل ....
قالها صاحبه علي وهو بيضحك...كان بيسوق العربية ورايح الساحل ...كان كريم حاسس بخنقة بس سيطر على نفسه وقال :
-يا سيدي هتجوزها والله بس اعيشلي اسبوع بعيد عن النكد والهم واعيش حياتي ...عشان لو اتخطبنا هبقى كده مخلص ليها رسمي ...هي برضه اتحملت مني كتير ...
ابتسم كريم وقال :
-تخيل هي قفشتني مرة بخونها وسامحتني...أنا عمري ما هلاقي واحدة بتحبني زي اسمهان ...هي دي اللي اطمن انها مش هتشوف غيري ..هقدر اشكلها زي ما انا عايز...
-افرض راحت لغيرك يا سطا هتعمل ايه ؟!
قالها على صاحبه فهز كريم رأسه بثقة وقال:
-مستحيل. ..هي بتحبني انا ...أنا وبس يا علي ...أنا واثق أنها مش هتحب حد غيري....
-طيب يا سيدي ...
-انا هروح اقفل تليفوني عشان متتصلش تاني ...الإجازة دي للدلع مش النكد ...
.....
كنت على السرير وانا بعيط بعنف ...مش قادرة اتخيل أنه عمل معايا انا كده ...هو ذنبي أنه حبيته ...بيكسرني قدام بابا....
قرب بابا مني وطبطب عليا وقال:
-دي نتيجة الحرام يا بنتي ...
بصتله بصدمة وقولت بصوت مخنوق :
-انا معملتش حاجة غلط يا بابا ...
هز رأسه وقال:
-لا يا بنتي انتي غلطتي لما ارتبطتي بيه ووافقتي تدخلي وتخرجي معاه وانتي مش في ايدك دبلته ...رفضتي عشانه عرسان كتير ...اكيد هيشوفك سهلة ورخيصة الراجل بيحب الست اللي يتعب عشانها يحفي وراها لكن اللي تديله كله حاجة من غير تعب هيشوف غيرها ....أنا مش عايز ازعلك ...انتي أمانة امك الله يرحمها وهي دي الحقيقة. ......
-انا اسفة يا بابا ...
قولتها بصوت مخنوق وانا بحضنه جامد وبعيط...طبطب عليا وقال:
-انتي كسرتيني يا اسمهان بس برضه أنا هنصحك وده لمصلحتك انسي العيل ده ووافقي على مروان اللي اتقدملك تلات مرات قبل كده ...هو بجد بيحبك !!
مسحت دموعي وقولت بصوت :
-موافقة يا بابا !!
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
تاني يوم ....
كنت قاعدة على الانتريه قدام العريس وانا بفرك ايديا بتوتر ...مروان يبقى ابن صاحب بابا ...أبوه اتوفى من هو وصغير وكان بيعتبر بابا زي باباه لأن بابايا هو اللي اتكلف بيه من صغره بعد ما سرقوا عمامه ورثه اللي لما كبر قدر يرجعه ....كان بيبصلي وعلى وشه ابتسامة هادية وقال :
-انا مبسوط اووي انك ادتيني فرصة ....يمكن مفيش اي مشاعر جواكي حاليا ليا بس اوعدك انك هتحبيني قريب ...
رفعت حواجبي وقولت:
-ايه الغرور ده ...
-مش غرور ...ثقة بالنفس ...أنا إنسان بتحب بسرعة عادة.....
وديت وشي بعيد عني وقولت ؛
-متبقاش واثق بالشكل ده ...ممكن محبكش ...
-انا متأكد انك هتحبيني....لو عايزة نراهن معنديش مشكلة ...
بصتله بدهشة فقال :
-ايه رأيك نعمل رهان ...انك في النهاية هتحبيني ....
ابتسمت بتريقة فقال بسرعة :
-على فكرة بتكلم بجد ...لو كسبتي الرهان هعمل اي حاجة تطلبيها ...بس لو أنا كسبت الرهان انتي هتعملي اي حاجة اطلبها....
المشكلة أنه مسكني من ايدي اللي بتوجعني...انا بعشق التحديات والرهان ....
ابتسمت وقولت :
-تمام ماشي موافقة ...
ابتسم برضا وقال؛
-يبقا خلاص أول خطوة أننا نتخطب في اقرب وقت ...ايه رايك الخميس اللي جاي ...
-اللي بعد يومين ...
قولت بصدمة فهز كتفه وقال؛
-ممكن تروحي تشتري الفستان من دلوقتي ...مش عايزين خطوبة كبيرة ...
كنت ببصله مصدومة ...كانت شخصيته غير شكله خالص ..انسان مرح ودمه خفيف ...رغم شكله الرجولي الخشن ..بشرته السمرا وعينيه البني ....
ابتسمت وقولت بدون إرادة مني:
-تمام موافقة ....
.......
بعد اسبوع ....
قام كريم من النوم وهو بيدعك عينيه من التعب والسهر ...بص لقى البنت اللي كانت معاه مشيت ...يظهر أنه نام كتير ....النهاردة مفروض يرجع وهيواجه اسمهان ...كان خايف شوية أنها تعصلج معاه ...بس هو متأكد أنه بكلمتين هيلين دماغها ....
قام بكسل وراح الحمام وهو بيستحمى وبينشط نفسه ...
بعد نص ساعة خرج من الحمام وهو لابس روب الحمام ..كان بيدفن أيده في شعره الطويل وهو بيبتسم ...هيرجع النهاردة لحبيبته..هيصالحها ...كان محتاج للاجازة دي ....واحسن حاجة أنه كان براحته خالص وعمل كل اللي نفسه فيه وهي مش هتعرف ....
-كريم ...كريم ...
قالها صاحبه علي وهو بيدخل ...كان بينهت جامد
بصله كريم وهو حاسس بروقان :
-ولا متصيحش أنا عشت ليلة امبارح ولا في الخيال ....البنت كانت.ج....
-بنت ايه وزفت ايه شوف ...افتح الموبايل بتاعك وافتح صفحة ريهام صاحبة اسمهان وشوف ....
بصله كريم بحيرة وقال :
-اشوف ايه ...
هز علي رأسه بيأس وهو بيديله الموبايل وبيقول بتوتر:
-شوف....
مسك كريم التليفون وبص فيه ...فجأة توسعت عينيه لما شاف اسمهان ...جنب واحد ومكتوب (مبروك لصاحبتي اسمهان خطوبتها!!!
ضحك كريم وقال:
-ايه الهزار البايخ ده بتعملوا فيا مقلب ولا ايه ....هي اسمهان عايزة تعاقبني يعني ...
هز علي رأسه وقال:
-للاسف أنا اتصلت بصاحبتي واكدت الخبر ...اسمهان اتخطبت !!!
-لا ...لا ...ده مستحيل ..
قالها كريم بإنهيار...
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
-مستحيل اللي بيحصل ده ...ده خدعة عاملاها فيا اسمهان ...انتوا بتكدبوا عليا صح ....مستحيل تعمل كده. ..مستحيل تروح لغيري....
كان بيتكلم بسرع. وهو حاسس بسخونة...حاسس أنه نفسه يضرب حد في اللحظة دي او يقتله ...كان بيتنفس بسرعة لدرجة أن علي خاف وارتبك من منظره ....
-كريم ...
قالها علي وهو بيحاول يطبطب عليه إلا أن كريم صرخ :
-لا ابعد متقربش ....ده مش حقيقي ...هي مراحتش لغيري ...مينفعش تروح لغيري....
هز الموبايل اللي في أيده وقال :
-الصورة دي مزورة اسمهان متقدرش تبص لراجل تاني غيري....متقدرش ....ده كله مش حقيقي....
قال كلمته الأخيرة بصراخ وبعدين حدف الموبايل على الحيطة عشان يتدشدش ...لطم علي وقال وهو كان هيعيط :
-الايفون بتاعي....انت عارف ده بكام ؟!
كان كريم شغال يلف حوالين نفسه ...عيونه مليانة دموع ...لا مستحيل تروح لحد غيره ...هي بتحبه ...هي سامحته قبل كده ...ليه مش قادرة تسامحه دلوقتي !!!!....سامحته لما خانها ...ليه دلوقتي تعمل كده فيه ..بس هي مش هتروح لغيره مش هيسمح بكده
-احنا هنرجع دلوقتي !!!
قالها كريم وعينيه حمرا من الغضب ....
.....
قومت من النوم بكسل ...النهاردة يوم إجازتي من أالكلية ...قررت افطر وبعدين اقعد واتفرج على مسلسلي اللي كنت محملاه من يومين ..... فجأة جاتلي رسالة على الواتس من خطيبي مروان ...فتحتها وقريتها:
وَتَسْأَلُنِي مَا الحُبُّ؟
الحُبُّ..
أَنْ أَكْتَفِي بِكَ..
وَلاَ أَكْتَفِي مِنْكَ أَبَدًا.
— نزار قباني
ابتسمت وانا حاسة الفراشات بتتحرك في معدتي ...ممرش اسبوع واحنا مخطوبين وكل يوم بيعاملني كأني حلم حققه ...رغم اني لسه مجروحة بسبب كريم لكن لما بكون مع مروان بنسى أي حاجة ....
ضحكتي وسعت وانا شايفاه بيكتب وبيقول:
-صباح النور يا لوزة حبيت بس اقولك اني استأذنت من باباكي وهنطلع أنا وانتِ ونروح السينما ...هستناكي الساعة خمسة ونص ..يالا باي...
ضحكت وانا بقوم بنشاط وحاسة ان الدنيا وردي ..مين كان يصدق اني من كام يوم كنت ببكي بسبب كريم !!
...
على خمسة ونص ودقيقة كنا بنمشي بالعربية .....كنت ببصله وانا مبتسمة ...ابتسم هو وقال؛
-شكلي كده هكسب الرهان .......شكلك هتحبيني قريب. ..
وشي حمر وانا بودي وشي الناحية التانية ...ابتسم وهو بيقول :
-حقك عليا خلاص متتكسفيش ....
....
روحنا السينما وبعدها عزمني على العشاء وبعدها شربنا قهوة...حسيت الحياة مثالية اووي....
-ما تعترفي بقا ...
قالها بما كنا بنشرب القهوة...قولت وانا بستعبط :
-اعترف بإيه مش فاهمة ....
-اعترفي انك بتحبيني ....
حسيت بالكسوف ولسه كنت هتكلم صوت مألوف قاطعني وهو بيقول :
-أسمهان!!!
ببص لقيته كريم عينيه مليانة غيرة ....لسه كنت هستوعب لقيته بيقرب مني وبيحسبني من ايدي وبيقول :
-يالا هتمشي معايا ...مستحيل اسيبك لحد تاني !!
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
-ايه اللي انت بتعملوا ده يا جدع انت...
قام مروان وضرب كريم على وشه لحد ما وقع على الأرض....
قام كريم واتخانق معاه والكافيه كله اتلم علينا ....
....
بعد شوية كنا في القسم ...أنا كنت بعيط جامد ...صاحب الكافيه أصر يبلغ على كريم ومروان عشان بهدلوا الكافية ...رغم أن كريم هو اللي غلطان بس البوليس اخدنا احنا التلاتة ....لما صاحب الكافية شاف انهياري قرر يتنازل وروحنا ....
....
خرجنا احنا التلاتة من القسم فقال كريم وهو بيبصلي أنا و مروان ووشه كله مكدوم وبيقول؛
-الموضوع منتهاش لحد هنا يا اسمهان انتي بتاعتي انا وبس ...وهرجعك منه ...احنا اتفقنا اني أنا اللي هتقدملك ...ليه بتلفي من ورايا وبتتخطبي ...بس بسيطة لما نتجوز أنا هحاسبك على الحركة دي ....
-انت عايز تتضرب تاني صح ...
صرخ فيه مروان ولسه هيقرب ويضربه مسكت فيه وانا بعيط بإنهيار وبقول :
-ابوس ايديك خلاص....خلاص يا مروان احنا قدام القسم ....
بصلي مروان بغضب ...حسيت بالخوف منه للحظة وهو بيسحبني من ايدي ....دموعي نزلت اكتر وانا ماشية وراه ...كان قلبي بيدق جامد وحاسة اني بخسره....كنت بدعي اني مخسرهوش
..أنا بحبه اووي مش هتحمل يبعد عني ....عيطت اكتر فدخلني العربية وساق وهو متضايق....
-مروان أنا ....
قولتها بصوت مخنوق فقال ببرود :
-مفيش داعي تقولي لوالدك اللي حصل مش عايزين نقلقه على الفاضي ....
سكتت وانا بعيط فراح ضرب على داركسيون العربية بغضب وقال وبروده كان اختفى :
-عشان كده مكنتيش قادرة تحبيني صح ...عشان بتحبي غيري ...وانا المغفل اللي كنت بحاول اخليكي تحبيني ...أنا كنت عارف ان مفيش اي مشاعر جواكي ناحيتي بس مكنتش أتخيل أن قلبك ملك واحد تاني ...واحد.انتي كنتي متفقة معاه على الجواز ....
عيطت وانا بقول :
-حرام تظلمني ...اسمعني الأول وبعدين قرر ....
بصلي وسكت وانا بدأت احكي كل حاجة ...حكيت ازاي حبيت كريم...ازاي سامحته على كل حاجة عملها معايا ...ازاي كنت بعرف خيانته واسكت لحد اليوم اللي كسرني فيه قدام بابا ...
خلصت كلام وانا بعيط وبقول :
-والله العظيم رغم كل حاجة انا حبيتك...أنا بجد بحبك يا مروان ....
ابتسم بألم وقال:
-يعني كان واخد ميعاد يتقدم ومجاش فقررتي تنتقمي منه واكون أنا البديل ...
-هو ده اللي فهمته من كلامي يا مروان ....
سكت وساق العربية ...باقية الطريق كنت ببكي...وصلني البيت وهو مشي ..مسحت دموعي كويس قبل ما اطلع عشان بابا ميشوفنيش بالشكل ده ......
.....
تاني يوم .....
خرجت من اوضتي وانا بفرك عينيا الحمرا بسبب العياط لقيت بابا واقف قصادي وبيقول بشك :
-هو ايه اللي حصل بينك وبين مروان امبارح ...جيتي امبارح معيطة بس مرضتش اتكلم قولت تيجي تقوليلي...
-مفيش حاجة يا بابا...
قولتها بصوت مبحوح من العياط فرد وقال:
-طيب ما دام مفيش حاجة ...مروان ليه اتصل بيا وفسخ الخطوبة!!!!
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
حسيت وكأن مية ساقعة اتكبت عليا ..دموعي بدأت تنزل لوحدها ومحسيتش بنفسي غير وانا بعيط وبنهار جري عليا بابا وحضني ...كنت بعيط جامد وانا بقول بصوت مخنوق :
-سابني...سابني يا بابا بعد ما علقني بيه ....
-اهدي بس وقوليلي اللي حصل ....
مسكني وخلاني اقعد على الانتريه وهو ماسك ايدي ...أنا كل اللي كنت بعمله اني بعيط جامد وانا حاسة قلبي هيطلع من مكانه ...مكنتش مصدقة أنه يتخلى عني بالسرعة دي ......
.
بدأت احكي وانا ببكي لبابا كل حاجة ....
بعد ما خلصت بابا فضل يشتم في كريم اللي مصر يبوظ حياتي ...
بصلي بغضب وقال :
-هو ده اللي كنتي عايزة تتجوزيه ...شوفتي عمل معاكي ايه ...بوظ حياتك...
حطيت راسي في الأرض وانا بعيط وحاسة قلبي بيتقطع ...بصلي بابا بشفقة وشد على أيدي وقال:
-حقك عليا يا بنتي ..حقك عليا .......
مسح دموعي وقال :
-انا هتصل بمروان واكلمه بس متزعليش ....
هزيت راسي ...اتمنيت أنه يسمع من بابا ....
.......
بالليل ...
كان مروان بيتكلم مع بابا في الصالة وانا واقفة ورا باب الاوضة وقلبي بيدق جامد ....
كان بابا بيتكلم معاه بس للاسف مكنتش سامعة كان صوتهم واطي جدا....بعدها بفترة مش طويلة بابا نادى عليا اتفزعت من مكاني وروحتلهم وانا حاسة بتوتر ....مروان كان بيبصلي من غير مشاعر ...بلعت ريقي فقال بابا :
-انا هقعد في البلكونة جمبكم عشان تتكلموا وتحلوا مشاكلكم ...
ابتسمت ابتسامة بسيطة ليه فخرج بابا ...بصيت لمروان وانا متوترة وقولت بصوت ضعيف :
-ازيك ...
-بتدخلي ابوكي عشان نرجع ؟!انتي يعني كده بتلوي دراعي ....
دموعي نزلت وقولت بصوت مخنوق ؛
-والله ابدا بس انت نهيت كل حاجة حسيت أن حياتي انهارت ...أنا بس عايزة افهمك ...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
-وأنا مش عايز افهم يا اسمهان ....أنا خلاص فهمت اللي عايزة ...أنا كنت مجرد بديل لكريم واهو رجع ربنا يوفقكم ...مفيش داعي تكلمي عمي وتحرجيني لو سمحتي ...
-مروان بس اسمعني ..
كان صوتي مخنوق وانا بعيط فقال:
-ليه مش قادرة تفهمي ...خلاص أنا مبقتش عايزك ...هو مش بالعافية يا اسمهان ...
سكتت فجأة ...كل محاولاتي اني أفهمه اني بحبه اختفت وهو بيقول الكلمة دي ...بصيت للأرض وقولت :
-تمام ربنا يوفقك مع غيري ....متمشيش الا لما تاخد حاجتك ...
بعدين قومت من مكاني ودخلت اوضتي وانا منهارة ..
.
مرت الايام وانا محبوسة في اوضتي...كنت حتى كليتي مش بروحها .....
....
دخل بابا عليا في يوم وهو شايل في ايديه قفص ...
فيه قطة.....
-ايه ده قطة ...
قولتها بفرحة رغم صوتي المبحوح ...أنا كان نفسي من زمان اني اربي قطة ....طلع بابا القطة من القفص وهو بيدهاني وبيقول :
-لو كنت اعرف انك هتفرحي بيها كده كنت جبتهالك من زمان ...
بصيتله وعينيا بتلمع وقولت :
-شكرا يا بابا ....
وبعدين حضنته باس راسي وقال:
-روحي كليتك يا بنتي ...مفيش حد يستاهل انك تضيعي مستقبلك عشانه حتى مروان ....
حضنته اكتر وانا بعيط وبقول :
-حاضر يا بابا ..
......
تاني يوم ....
كنت داخلة الكلية وانا ماسكة شنطتي والحزن لسه مسيطر على وشي ....
-اسمهان حبيبتي ....
اتجمدت مكاني وانا بسمع صوت كريم بيقرب مني...بصتله فقال وهو مبتسم :
-انا عرفت انك خلاص فسختي خطوبتك مع العيل ده ..عشان كده بقولك اخيرا حددي ميعاد مع والدك عشان اتقدملك يا روحي ..
ولسه هيمد أيده ويمسك ايديا كنت نازلة بالقلم على وشه ...
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
-بتضربيني يا اسمهان ...
قالها كريم بصدمة ...كان مصدوم من البنت اللي كان قادر يشكلها بسهولة بتمد ايديه عليها ...البنت اللي كان يقدر يسيطر عليها بسهولة ...البنت دي كانت متقدرش تجادله ....كانت هي اللي بتترجاه يكون معاه ...سامحته على كل حاجة عملها معاها ازاي دلوقتي بتتصرف بالطريقة دي وكأنه ولا حاجة بالنسبالها ...وكأنها نسيته ...
ده اكيد اللي كان بيفكر فيه كريم ...هو فاكر اني عشان سامحت مرة واتنين وعشرة اني هسامح علطول ...عرفت اني غلطت في حق نفسي وحق بابا لما ارتبطت بواحد زيه ....
-انتي بتضربيني يا اسمهان !!!
-ايوة بضربك...ده واضح صح ....ولو قربت مني بأي طريقة مش عاجباني أنا هضربك تاني ...
-انتي ايه اللي حصلك ...مش كفاية سامحتك عشان ارتبطتي بغيري....واتخطبتي ...
ضحكت جامد وانا ببصله ...مكنتش مصدقة قد ايه هو بجح ......
-انا بجد مشوفتش ابجح منك ...انت اللي اتصلت ببابا وحددت ميعاد وبعدها اختفيت عشان متتحملش المسئوولية وروحت عشان تعك بعيد عني صح ...
وشه بهت وقال:
-لا انا ....
ابتسمت بتريقة وقولت:
-انت فاكر اني غبية مش فاهمة ...هو انا فعلا كنت غبية وانا عارفة انك بتعك مع بنات تاني وكنت بسكت. ..كفاية قرفك اللي اكتشفته وسامحتك عليه ....بس خلاص عرفت اني كنت غلطانة والحمدلله ربنا كشفك ليا والحمدلله فوقت يمكن متأخر بس الحمدلله ....
وبعدين سيبته ودخلت عشان المحاضرة بتاعتي ....
......
قضيت ساعتين بعد كده قررت امشي رغم أن كان عندي محاضرة تاني بس انا كنت فعلا تعبانة ....
....
خرجت من الكلية ولسه همشي لقيت كريم وقف في مشي ...
نفخت بضيق لقيته بيقول بعذاب :
-والله اخر مرة هعمل كده ....اسمهان والله هموت لو سبتيني ...أنا زودتها أنا عارف...أنا صحيح اخدتك كأمر مسلم بيه في حياتي وانا اسف ...والله العظيم اسف ...بس انا بحبك وصدقيني هموت لو روحتي لغيري ....اديني فرصة واحدة فرصة واحدة واوعدك عمري ما هزعلك تاني ....وهتجوزك.من بكرة لو عايزة
بصلته ببرود وقولت :
-كريم استوعب الموضوع ...أنا مبقتش احبك ..
وبعدين لسه همشي مسكني من ايدي وقال بهوس:
-مستحيل اسيبك ..مستحيل انتي ملكي ....أنا هموت لو سبتيني وانا مش مستعد اموت ...هترجعي ليا بإرادتك أو غصب عنك....
ولسه هتكلم حسيت بحد بيشدني وراه وبيقف في وشه ...بلعت ريقي وانا شايفة مروان قدامي وهو بيقول :
-لو شوفتك ماسك ايديها تاني أنا هكسر ايديك الاتنين يا شاطر ....
كريم اتجنن ومسك فيه وقال:
-مش خلاص فسختوا خطوبتكم ..ابعد عنها بقا ..اسمهان ملكي أنا .. .
صرخت فجأة لما مروان مسك كريم وفضل يضرب فيه....
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
-انتوا ايه حكايتكم بالضبط ...دي تاني مرة تشرفوني ...هو انا مش ورايا غيركم انتوا التلاتة ....
قالها الضابط بغضب وانا كنت قاعدة في النص بعيط ....
مروان وكريم طحنوا بعض والناس اتلمت وجه البوكس لمنا احنا التلاتة ...
اتكلم مروان وقال :
-لو سمحت يا باشا هي ملهاش ذنب ..روحها أنا وهو اللي غلطانين ....
اتنهد الضابط وقال :
-انتوا باين عليكم صغيرين ...ليه عايزين تضيعوا نفسكم ... دلوقتي أنا هروحكم انتوا التلاتة بس وديني لو شوفتكم مرة تانية لاحبسكم ...
وبعدين بصلي وقال :
-انتي يا ستي بطلي عياط خلاص هنروحك ....
....
بعد شوية .....
خرجنا من القسم وانا ببص لكريم بكره وبقول:
-ممكن تحل عني ...انت دمرت حياتي ....
-اسمهان أنا بحبك ...
-اخرس خلاص متتكلمش ...وانا مش بحبك يا اخي ...هو عافية ...أنا مش عايزاك ...
-اسمهان .. .
-متنطقش اسمي ...ابعد عني خلاص اللي بيننا انتهى. ..البنت الغبية اللي كانت بتسامحك على كل حاجة خلاص ماتت يا كريم ....أنا نهيتك من حياتي فخلي عندك كرامة وروح لو سمحت ....
وشه احمر من الغضب وقال:
-بتكلميني أنا على الكرامة يا بنت ال....
ولسه هيقرب منه مروان منعه وقال:
-اقسم بالله لو ماحترمتش نفسك وبعدت ما هخلي الدكتور يعرف يخيط فيك حتة....أنا عندي استعداد ادخل السجن بسببك معنديش مانع ....
حسيت الحزن اثر على وش كريم ويصلي وقال :
-اسمهان متضيعيش تلات سنين حب عشان غلطة زي دي ....
كنت حاسة بالوجع وقولت:
-انا طول التلات سنين استحملت منك كتير ....تقدر تقول جبت اخري....خلاص يا كريم ليه مش عايز تفهم ...مش بحبك ..ده مش عافية !!!
كان حاسس بالحزن ....أنا كنت عارفة اني خسارتي صعبة عليه ...رغم اللي عمله كنت عارفة أنه حبني وأنه شايف أنه مش هيقدر يلاقي حد زيي يسامحه على كل حاجة ...بس انا خلاص قررت اني مش هكون الشخص اللي يجي على كرامته اكتر من كده .....
-انا اسف يا اسمهان ...
قالها بندم وبعدين كمل:
-انا هندم كل عمري عشان خسرتك ..
وبعدين مشي وسألنا ...اتنهدت بتعب وانا بمشي في طريقي قرب مروان مني بسرعة وقال بتوتر:
-استني يا اسمهان هوصلك ...
ابتسمت ليه بحزن وقولت:
-شكرا بس انا هركب ميكروباص...مش عايزة بابا يقلق لما يشوفني معاك ...
وبعدين كنت همشي....مسك ايدي ....بصتلي بتوتر فساب ايدي وهو بيقول :
-انا اسف...بس انا حابب اتكلم معاكي....
-مظنش ان فيه حاجة نتكلم فيها ...شكرا على اللي عملته وبتمنالك التوفيق في حياتك ...
كان بيبصلي بيأس ......بس انا مهتمتش وانا بمشي فجأة اتفزعت لما شوفته جه قدامي ....
بلع ريقه وقال :
-اسمهان...أنا بحبك وعايز ارجعلك ....
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بصتله للحظات ووشي احمر ...كنت عايزة اختفي من وشه بسرعة....
حطيت راسي في الأرض وانا بقول :
-عايزة اروح لو سمحت ابعد ....
كان يائس وهو بيقول :
-اسمهان لو سمحتي ...أنا الايام اللي فاتت مكنتش قادر اعيش ...أنا كنت بجيلك الكلية كل يوم بس مكنتش بشوفك ... كنت حاسس ان حياتي فاضية ...أنا أول مرة احس بالفراغ ده من اول ما سيبنا بعض ...
ابتسمت بحزن وقولت :
-تقصد.من وقت ما سبتني واتخليت عني ...عموما متقلقش الوقت كافي ينسيك وان شاء الله تقدر تنساني وترتبط بالمناسبة ليك ...
-مفيش حد مناسب ليا اكتر منك ...ليه مش قادرة تفهميني أنا بحبك ....وانا اسف ...اديني فرصة واحدة بس وانا والله ما هخذلك مرة تانية...أنا اتضايقت انك مقولتيش الحقيقة من الاول ...أنا كان من حقي اعرف متصدمش أن فيه حد في حياتك كان قبلي ...
-معرفتكش عشان كنت مكسوفة من نفسي كنت عايزة انسى الماضي ...انت كنت عارف اني مش بحبك ورغم كده كنت مستعد تحاول ولما حبيتك سيبت ايدي وقولت مش عايزك ....يعلم ربنا اني عمري ما عملت حاجة غلط من اول ما اتخطبنا ...حتى كريم عمري ما غلطت معاه بالعكس ادتله بدل الفرصة عشرة ....
-طيب ادتيله هو عشرة ...اديني أنا فرصة واحدة والمرة دي مش هخذلك ...أنا عارف انك بتحبيني ....
غمضت عيني بتعب وقولت بصوت مخنوق :
-انا اسفة بجد ....مش قادرة ...أنا تعبت من كل حاجة ....أنا دلوقتي مش عايزة اركز الا في دراستي وحياتي ....مش بفكر في الارتباط حاليا ....ربنا يوفقك مع غيري....
بعدين مشيت من قدامه وكان باين عليه الحزن...الحقيقة أنا مش زعلانة من مروان ...أنا مقدرة ردة فعله العنيفة بس انا تعبانة مش قادرة اعافر...صحيح بحب مروان بس خلاص تعبت جدا
....
مرت الايام وانا بذاكر وبس .....حاولت اهتم بنفسي شوية ...شوفت اني اديت اهتمام لكل اللي في حياتي ما عدا نفسي ...بس غيرت ده ....
مروان كان بيجي لوالدي علطول وبيطلب منه اني اديله فرصة تانية ....بس انا كنت مطلعة كل حاجة من دماغي ...كنت عايزة انجح السنة دي بإمتياز زي العادة .....
......
مرت الايام وامتحنت...واستنيت نتيجتي على جروب الدفعة عشان كانوا بينزلوها هما ...جات النتيجة وفتحتها بلهفة وانا شايفة اني اخدت امتياز ....
ضحكت وانا فرحانة اني حققت حلمي ...حضنت بابا أنا وببكي ...بالطريقة دي هقدر اكمل دراستي
..هقدر ابقى معيدة في الجامعة ...ضحكت بسعادة...
....
بعد شوية ...
بابا جاب تورتة وشوية حلويات عشان نحتفل سوا
-تعالي يا احلى دكتورة...
قالها بابا وضحكت وانا بقرب منه وبحضنه ولسه هنقطع التورتة جرس الباب رن ...بصيت لبابا بحيرة بس لقيته مبتسم...
-روحي افتحي ...
قالها بهدوء ...كنت مستغربة من تصرفاته بس روحت ناحية الباب عشان افتح الباب ...اتصدمت وانا شايفة مروان في وشي ماسك ورد ومبتسم وهو بيقول :
-مبروك يا دكتورة ...
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
-مروان ...
قولتها وانا حاسة بالتوتر ...مد ايديه بالورد وقال:
-الف مبروك يا احلى دكتورة ...
اخدت الورد منه بكسوف وانا بخليه يدخل ...بصيت لبابا لقيته مبتسم براحة ...اكيد هو اللي عزمه ...
-الله ده انا حماتي نورا الله يرحمها بتحبني بقا ...تورتة وبسبوسة ...أنا بحب البسبوسة اووي.....
اتكسفت اكتر ووشي بقا شبه الورد اللي انا شايلاه
-الله خلاص خليت مراتي نورا حماتك مش لما أسمهان توافق ...
-هتوافق يا عمي ...أنا بقالي اكتر من تلات شهور باجي كل يوم ...
ابتسمت بكسوف وانا بفتكر أنه عمل المستحيل عشان نرجع ...كان بيكلم بابا كل يوم عشان اقعد معاه وانا كنت برفض ...كنت عايزة احقق هدفي الاول ...
كمل كلامه وقال:
-انتي حققتي حلمك اهو ...حققي حلمي بقا وارجعيلي يا لوزة ...خليني اكمل نص ديني أنا خللت جمبك
ضحكت وهزيت راسي وانا مش قادرة اتكلم من الكسوف .. ء
-الله أكبر ...ضحكت يعني قلبها ماااال..اتصل يا عمي بالمأذون عايزين نكتب الكتاب الحين !
بصتله بصدمة فابويا اتكلم وقال:
-نكتب كتاب ايه يا ولا أنت معتوه ....روح يا حبيبي يادوب تكون خطوبة وبعدين تتعرفوا على بعض سنتين وبعدها نفكر في الجواز ...
-اتعرف عليها في سنتين ليه ؟!انت عايزني اعنس جنب بنتك ...لا يا حاااج الكلام ده مينفعنيش....هي خطوبة شهر بس اسيبها تجهز حاجتها ...
بعدين فضل بابا ومروان يتجادلوا وانا فضلت اضحك ...
...
بعد ست شهور .....
وقفت في الاوضة وانا ماسكة فستان الفرح ...النهاردة كان فرحي على مروان ....مروان اللي رضي بالعافية يستنى ست شهور ...بابا كان نفسه اكمل دراستي الاول عشان ابقى معيدة بس مروان عاهده أنه هيهتم بتعليمي وهو اللي هيتكفل بيه ....ابتسمت وانا بفتكر ايام الخطوبة .. مروان عيشني اجمل ست شهور في حياتي كلها ...كان بيعاملني كأني أميرة....بيطيب جرحي منه ......لدرجة اني حاسة اني عمري ما زعلت منه خالص ....صحيح كريم جرحني بس ربنا عوضني بمروان ..
-عروستي ..
قالها مروان وهو بيفتح الباب ...بصلي بشغف وشمر قميصه وقال:
-ابوكي كان عايز ينام هنا في الشقة ....خليت عمتك اخدته بالعافية ...عينيا دمعت وانا بفتكر حزن ابويا عليا عشان اتجوزت ...
-لا بقولك ايه مفيش عياط النهاردة ...بكرة هنروح ونقعد اليوم كله عنده ...كده كده انا وانتي ملناش غيره بعد ربنا ...
ضحكت فقرب وعينيه فيها نظرة افتراس وقال:
-تعالي بقا يا قطة ...
صرخت وانا بمسك الفستان وبجري منه وبقول :
-مالك يا مروان اتحولت كده ليه؟!
-اتحولت ليه...ده ابوكي دوقني المرار عشان اتجوزك ...أنا قولت الخطوبة تكون شهر وهو خلاها ست شهور ...أنا مش هحلك ...
ضحكت وانا بجري وبقول:
-وأنا مالي...
-مليش دعوة ...هتدفعي تمن اللي عمله ابوكي ...
فضلت اضحك جامد وجريت بس دوست على الفستان من غير قصد وكنت هقع لكن فجأة حسيت بدراع مروان بيشلني قبل ما اقع .....وحضني وهو بيبوس راسي وبيقول:
-بحبك يا لوز ♥️
-وانا كمان ♥️
تمت بحمدلله