فتح عينيه و قام بفزع 

عامر بص له بقلق:- مالك 

هارون مسح على وشه باختناق :- مفيش اومال فين التالت 

عامر:- الوطي لم صدق ان البرنسيسة فاقت و جري عليها و الحمدلله امك مش فايقة كانت زمانه دفنته 

هارون ساكت خايف يساله على خلود يقول نفسه الكلمة الى الدكتورة قالتها في الحلم 

عامر:- خلود فاقت من بدري 

كمل بمزح:- و بتتخانق مع امها و اخواتها معرفش اي الى جابهم عالم غريبة 

هارون سابه و مشي اتجه لغرفة خلود اما في غرفة خلود 

يوسف:- انا هوديهم في ستين داهيه هما فاكرين نفسهم مين 

اسلام بعصبية:- قعدي تسيبي تسيبي لحد ما كنتي هتروحي فيها 

خلود بتسمع ولا اكنها سامعة حاجة:- خلصتو ولا لسه 

حسني اخوها الكبير:- لسه دا انا هكسر دماغك كمان بتبجحي 

خلود لابوها:- شايف يا بابا 

اسلام اخوها التوام:- و كمان مش عجبك غلطانة و مش عجبك 

ابوها بحدة:- اخرس منك ليها اي الى حصل.... ازاي تتخنقي معاهم و انتي بطولك 

صابرة بعصبية؛- هو دا الى ربنا قدرك عليه بدل متمسكها من ايديها و ترجعها معانا 

محمود:- هى مش صغيرة علشان اشخت فيها و اكسر دماغها ااي انا موت علشان تزعقو ليها يا حمار منك له... اي الى حصل 

خلود:- مفيش يا بابا عمرو جاه و كان بيحكي لهارون انا راضية و هو على اختلاف و كانت لوحدها و البت يتيمة و متعرفش حد غيري و غير هدير ف اخدت منه المفتاح علشان اطمن عليها و فعلا بعد خناق انا و هارون بعد محايلة وافق فتحت الباب شوفت حنين و سحر قعدة عند دماغها و بتجبسها بالهروين حتي مزعقتش فتحت الفون و لسه هتصل بى الاسعاف حنين خنقتني بالطرحة محستش بحاجة تاني بعدها 

اسلام:- طب والله لحبسهم 

حسني:- هى سايبة ولا سايبة انا هعلمهم الادب و انتي مش قعدة معاها ساعة بعد الى حصل 

خلود:- ما تشوفي جوزك يا نورهان 

نورهان:- معاه حق 

صفاء بحزن:- للاسف يا خلود وجودك مع هارون خطر عليكي 

خلود اتنهد بهدوء و ثبات:- يعني مسبتوهوش في المحن و أسوأ حالاته اسيبه دلوقتي بعد ١٦ سنة و كمان حامل الحلم الى بقلنا سنين مستنينه انسوا 

صابرة بعصبية:- ما تقول حاجة يا محمود 

خلود:- انا مش هسيبه و الى عندكم اعملوه 

محمود طبطب على راسها بهدوء و فخر:- بنت ابوكي بصحيح ايوة كدا الى يابيعك بعيه و اكسبي فيه و الى يشتريكي اشتريه و حطيه تاج على راسك الشهادة لله احنا مشوفناش من هارون حاجة وحشة 

خديجه:- بس اخواته يا بابا بجد انا مصدومة فيهم اوى ازاى جالهم قلب يعملوا كدا 

خلود:: و انا مليش دعوه بيهم انا ليا دعوة بهارون و مش هسيبه و مفيش محاضر هتتعمل فيه لانه ماذنيش في حاجة ما تقول حاجة يا بابا 

محمود:- طب ابقو قربو منه و انا هوريكم هعمل اي 

اسلام:- انت بتوقف في وشنا علشانه دا جوز بنتك 

محمود:- معلوم و بقول لو حد قرب منه هزعلكم الكلام لجميع اخواته اعملو فيهم ما بدالهم لكن ميبقش الراجل شايل اختكم على كفوف الراحة و نردله المعروف بالاءساة 

اسلام معجبوش كلام محمود قام بغضب و خرج و الباقي وراه محمود قام يتكلم معاهم و يعقلهم شوية و الباب اتفتح كان هارون وقف مكانه بارتياح لم لقها قعدة على السرير بتعمل ضوافرها بالمبرد بصتله و قالت بحزن و حدة مزيفين:- لا والله كتر خيرك انك افتكرت انى موجودة في حياتك شكرا يا ابن الاصول اتجه ليها قعد قدامها بصلها رفع ايديه بقا بيحركها على وشها بيتاكد انها حقيقه مش حلم قال بابتسامة و الدموع في عينيه :- انتي عايشة صح انتي لسه موجودة ممشتيش 

خلود فهمت خوفه و الكابوس الى شافوا شالت ايديه من على وشها و قالت بمزح:- امشي و اسيبك تتجوز التانية مانا عارفة امك هتموت و تخليكي تتجوز بس انا قعدة على قلبك و قلبها و مش هسيبك غصب عنك و عنها 

هارون قبل كف ايديها و راسها حضنها ضمها له اكتر و هو بيردد بالحمد لله يارب ان الكابوس خلص اما في غرفة راضية كانت راسها ملفوفة بالاشاش الطبي مربعة ايديها و مكشرة وشها 

عمرو:- يعني مفيش امل 

راضية:- ولا وفاء 

عفاف:- حقك عليا يا حبيبتي والله لو كنت اعرف كنت قطمت رقبتهم حقك عليا هما مكنوش قصدهم 

عمرو قام بعصبية:- يطلعو شقتي في غيابي يتهجمو على مراتي يضربوها و كانوا هيخلوها مدمنة و تقولي مش قصدهم اومال طالعين ليه يتفرجو على الشقة مثلا انا استحملت كتير و لو هارون اتنازل عن حقه ف هو حرا لكن أنا مش هسيب حقي انتي امى على عيني و راسي لكن مراتي الى يجي عليها هزعل اهلو عليه 

عفاف قامت و بتضرب على وشها:- هتحبسهااا اخواتك و تضيعهم 

عمرو بعصبية اكبر:- دول مش اخواتي دول شياطين و لازم يتعقبو و لو انتوا مش عارفين تربهم الحكومة تربيهم 

راضية:- كفاية فضايح انا مسامحة في حقي عفا الله عما سلف خلاص حصل خير 

عمرو بعصبية خلها تتنفض مكانها:- كنتي هتروحي فيها و اخسرك انتي و الى في بطنك و تقوليلي خير انهي خير دا الى يجي من وشهم 

الباب اتفتح و كان هارون و خلود الى أصرت تشوف راضية و تطمن عليها 

هدير جريت عليها حضنتها و بتعيط:: كان نفسي اشوفك بس امك قلبت على الكل و رفضت تخليني ادخلك 

خلود بتعب:- خلاص يا هدير 

خلود بعدتها عنها:- ما خلاص بقا يا لزقة الجو حر و انا مش طيقة روحي 

عفاف قربت منها و حضنتها :- كدا برضو يا خلود توجعي قلبي عليكي 

خلود بصت لراضية باستغراب راضية هزت كتفها بمعنى متعرفش سبب تغير حماتها لكن خلود فسرتها ان عفاف محضرلها مصيبة بعدت عنها بهدوء و راحت لراضية قعدت قدامها:- اي يا رورو عاملة اي 

راضية اترمت في حضنها و بقت بتعيط بانهيار كل ما تفتكر الى حصل مكنتش خبطة 

بعدتها عنها و بقت بتتكلم بطريقة عفاف لاول مرة:- طب تعرفي انا لم كنت قدك كنت برمي نفسي من الدور السابع و مكنش بيحصلي حاجة دلع ماسخ جتك الارف على دا جيل مهبب و منيل بنيلة 

هدير ضحكت غصب عنها لان خلود جبت عفاف بالظبط 

هدير:- حااا و على راي المثل كل ما يخيب يفتري على المسكين 

عامر:- لا و انتي مسكينة اوى اي المثل العجيب دا عجبك يا خلود امك هزقتني و قالت غور في داهية 

خلود:- طب كويس دي كدا بتعشقك بعد شوية كانت هدير نايمة على سرير راضية و خلود قعدة على الكنبة و مربعة رجليها و راضية على الكرسي 

راضية بضحك:- دا اي المأذون التحفة دا كيوت خالص 

هدير بغيظ:- دول اكنهم متفقين عليا كانوا هشلوني خلود فاكرة يوم الولادة و ام محمد الداية 

خلود:- مش عايزة افتكر كان يوم ما يعلم بيه الا ربنا السباكة بايظة و الكهرباء قطعة و الماية قطعة و الجو موت معرفش انتي و بنتك عايشين ازاى 

راضية:- طب ما تحكي انتي و هارون شوفتو بعض ازاى 

هدير:- راضية حبيبتي هو ليه دايما دماغك بتبرمج غلط اي شوفتو بعض ازاى ما هو ابن خالتها 

خلود:- الحسنة الوحيدة في خالتي ابنها اه والله 

اما في الجنينة 

عامر:- انا قررت قرر مصير للاسف 

عمرو بعصبية:- هتتجوز على مراتك يا واطي 

هارون لعامر:- حقه يشتم الصراحة 

عامر:- ياريت بس صعب لان الاتنين محتاجين مصاريف 

عمرو:- انجز 

عامر:- استغفر الله العظيم انا هشتري شقة برا بيت العيلة 

هارون:- و موطي صوتك ليه 

عامر:- علشان امي متسمعش 

عمرو بص الناحية التانية بملل 

عامر:- هارون هى شقتك الى اخدها في العجوزة من كام سنه بكام 

هارون،:- كانت بمليون و نص على المحارة 

عامر:- و دلوقتي 

هارون:- عشر مليون و مينقصوش جينيه دا غير الفرش 

عامر  قام بصدمة:- ك كام 

هارون ببساطة:- عشرة مليون مش حاجه 

عمرو:- فعلا عشرة مليون يجيبو اي دلوقتي 

عامر بصلهم بذهول:- ا اه مش حاجة 

حط ايديه على قلبه و اغمو عليه.........