طلع جري عشان يخلصها من اخوها لكنه وصل متأخر كان عيسى خارج وهو بيقفل زراير قميصه وعلى وشه انتصار غريب 

صرخ بيه كنان بغضب:  عملت ايه .. مسكه من قميصه بغل وقاله : عملت في البنت ايه

زقه عيسى عنه وقال:

 عملت اللي حضرتك معرفتش تعمله

كنان : يا اخي روح منك لله البنت ذنبها ايه  ضيعتها وضيعت مستقبلها

عيسى : انا مش زيك قلبي رهيف زقه كنان وهو بيقول :

والله لاوريك يا عيسى مش هنسهالك ياخويا غدرت بيت وغفلتني...

ودخل عليها بسرعه وشافها متتحركش دافنه وشها في السرير مش بيتسمع غير صوت أنينها المكتوم.. هدومها متقطعه والسرير عليه بقع د**م وقف مصدوم معرفش يقول ايه او يعمل ايه كل اللي بيفكر بيه أنه هو السبب هو اللي خطفها وجابها هنا خلاها صيده سهله بايد اخوه الظالم .. 

قرب منه وقال بصوت مهزوز :

انتي كويسه..

 صرخت بحرقه اول ما سمعت صوتها وكأنها بتلومه وبتلوم نفسها و الدنيا والناس كلها على اللي حصلها .. 

فضلت تصرخ وتصرخ لحد ما غميت ووقعت مكانها كنان نزلت من عنيه دمعه ندم قهر حرقه على كسرة البنت اللي كان هو السبب فيها قرب منها شالها بين اديها ومشي .. راح لمكان بعيد هو نفسه مش عارف فين كل اللي عارفه أنه عاوز يهرب بيها يعرف يكفر عن اللي عمله فيها اخوه بسببه ..

*********

زين وهو بيبص حوليه.: اطلعي الشقه معايا بلاش فضايح

سلطانه بدموع :

مش طالعه انت متجوز ومخلف اتجوزتني ليه يا زين ليه انت كدبت عليا قلت مفيش في حياتك غيري ليه تعمل كده ليه ..

زين مسك دراعها لما صوتها بدأ يعلى والناس بتبص عليهم وطلعها الشقه بالعافيه وهو بيقول:

 نتكلم جوى بلاش فضايح اول ما دخلت سلطانة بصت للبنت وهي حامله ابنها وضماه على صدرها بخوف من سلطانه ونظراتها

لفت وشها لزين وقالت:

 عاوز تقول ايه .. اي عذرك عشان قفشتك هتكدب تقولي ايه

زين خد نفسه وقال : انتي اي اللي خرجك من البيت في الوقت ده

سلطانه ضحكت بتريقه وقالت : طبعا عايزني افضل على عمايا وانت عايش حياتك يا باشا .

زين نفخ بضيق وقال:  عايش حياتي ايه

سلطانة بحرقه : مش طلعت متجوز انت والهانم وانا ايه ايه يا زين بصلي.. انا ايه 

البنت قربت منها بحرج وقالت: يا مدام انتي فاهمه غلط

سلطانة بزعيق:  اخرسي انتي متتدخليش ما بينا 

البنت رجعت ورى بكسوف 

زين بزعيق : كفايه بقى خلاص انتي ايه مابتديش مجال لحد يتكلم

سلطانه : عاوز تقول ايه ..قول اي اللي عندك.

زين بص للبنت وقال : لو سمحتي يا اسراء ممكن تعملي شاي 

اسراء:  حاضر سأبتهم ومشيت بسرعه 

سلطانه بغيره: واسمها اسراء هااا بقالكم قد ايه متجوزين وعاوزين تخلفوا تأني كانت بتتكلم بجنون وغيره ومش مستوعبه كلامها اصلا بتزعق وبتقول اي كلام لكنها اتصدمت لما سكنها ببو**سه طويله خلاها تتسمر مكانها بعد عنها وقال معرفتش اسكتك الا كده هتسمعيني دلوقتي والا ايه 

سلطانه عضت شفايفها وسكتت ..

زين : دي اسراء مرات ابويا الله يرحمه والطفل اللي شيفاه ده يبقى اخويا 

سلطانه ..

زين ....

يتبع