فارس : اسر اتصاب واحنا دلوقتي في مستشفى... ياريت تيجي

ليلي الموبايل وقع منها بصدمه وحطت ايديها على بوقها ودموعها نزلت وفارس لسه على الموبايل

فارس: مدام ليلي مدام ليلي حضرتك سمعاني

ليلي : انا جايه حالا

قفلت ليلي مع فارس ولبست اول حاجه في وشها ونزلت بسرعه حاولوا يسألوها رايحه فين لاكن مردتش على حد كانت خارجه بالعربيه بسرعه كانت هتخبط في حد والحد ده كان يوسف كان داخل الفيلا وليلي خارجه وقفت ليلي العربيه وفضلت تعيط اعصابها سايبه مش عارفه تعمل حاجه نزل يوسف بسرعه يطمن عليها

يوسف: ليلي حببتي انتي كويسه كنتي ماشيه بسرعه ليه كده حصلك حاجه بتعيطي ليه طيب ؟؟

يوسف عمال يسال وليلي بتعيط في حضنه ومش قادره تتكلم لحد ما طلعت من حضنه

ليلي : اسر اتصاب وفي المستشفى وديني ليه ارجوك

حاول يوسف يتدارك الموقف ويهدي ليلي ويروحو

يوسف: طب اهدي قومي معايا انا هوديكي يلا

راحت ليلي مع يوسف واتحرك بعربيته وليلي طول الطريق بتعيط وتدعي يكون كويس وصلوا المستشفى ودخلوا قابلهم فارس

ليلي: اسر فين اسر كويس ؟

فارس: هيبقى كويس ان شاء الله هو في العمليات دلوقتي ادعيله

ليلي: اي الحصل بالظبط

فارس : هي ان شاء الله بسيطه متقلقيش احنا جينا واخدوه على العمليات على طول والرصاصه كانت في دراعه هيطلع كويس بإذن الله

وهما بيتكلموا وليلي بتعيط وبتحاول تفهم اسر حصله اي خرج الدكتور وليلي اول واحده راحت عليه

ليلي: طمني يادكتور ارجوك اسر كويس مش كده؟

الدكتور: مدام ليلي مش كده

ليلي: ايوه انا

الدكتور : ده غلبنا طول العمليه مش وراه غير اسمك واضح انو بيحبك اوي وانتي كمان بتحبيه ومش عايزك تقلقي هو ما شاء الله عليه قوي واتحمل الحصل واحنا خرجنا الرصاصه وهو هيبقى كويس ان شاء الله هيتنقل اوضه عاديه ويفوق كويس بإذن الله الف سلامه عليه

ابتسمت ليلي براحه ومسحت دموعها وحضنت يوسف بفرحه كلهم فرحو وبعد شويه اسر اتنقل اوضه عاديه ودخلت ليلي قعدت جنبه ومسكت ايده السليمه وحسست على شعره ودموعها بدات تنزل

ليلي: كده تخضني عليك تقولي يومين وراجع وتسبني كل ده ولما ترجع توجع قلبي عليك كده انت يعني بتدوقني من نفس الكاس عشان احس انت كنت حاسس ب ايه لما كنت في غيبوبه بس انا قلبي وجعني اوي لما عرفت ان جرالك حاجه متسبنيش تاني يا اسر انا مش حمل خساره خسارتك انت بالذات هتوجعني اوي

قامت ليلي باست راسه وباسته من شفايفه برقه وفضلت ماسكه ايده

ليلي: تعرف احنا كده تعادل انا خدت طلقه وانت خدت طلقه كده خالصين على فكره

اسر بتعب: لازم يعني اخد طلقه عشان تبوسيني

ليلي : اسر انت فوقتت

اسر : لا عفريتي اللي بيكلمك

ضحكت ليلي بعدين حضنته وفضلت تعيط

اسر : اااه ليلي براحه يحببتي اهدي بس انا بقيت كويس بتعيطي ليه

ليلي: انا اسفه وجعتك انا خوفت عليك اوي يا اسر قلبي كان هيقف

اسر بحنيه: سلامة قلبك يا قلب اسر اهدي بقا انا معاكي اهو مش رصاصه اللي تأثر في اسر الخولي يبت عيب انتي متجوزه سوسن ولا اي

ليلي بضحك: بس متقولش كده الحمدلله انها جت على قد كده

اسر : بس بقولك اي انا اتصاب كل يوم عشان اتباس بالحلاوه دي

ليلي: بعد الشر عليك متقولش كده يا اسر

اسر : يعني مقولش كده بس تبوسني

ليلي: وبعدين معاك بطل قلة ادب بقا

اسر : يبتتتت انا بردو اللي قليل الادب ده انتي اللي لسه بيساني حتى

ليلي بكسوف: اسر بس بقا الله

اسر : طب ايه

ليلي: ايه في ايه

اسر : مفيش بوسه كده لأسورتك

قربت ليلي من اسر واسر غمض عينيه جت جنب ودنه

ليلي: اسورتي لو متلمش هدخله العمليات تاني

اسر : بموت في رومانسيتك يقلبي بموت فيها كده

ضحكت ليلي بعدين الباب خبط ودخل فارس ويوسف واطمنوا على اسر

اسر : الا صحيح مين الكلمك يا ليلي

بصت ليلي لفارس اللي قعد يهز دماغه ب لا خوف من اسر ورد فعله بصلهم اسر لقاهم بيبصو لبعض

اسر : بتبصو لبعض كده ليه ما تردو عليا

ليلي : فارس كلمني

اسر : نعم يختيي كلمك ازاي يعني

ليلي : رن عليا

اسر : والله! رن عليكي وانت رنيت عليها ازاي ان شاء الله جبت رقمها منين

فارس: عادي يعني يا اسر كلمتها عشان تيجي تشوفك اخدت رقمها من موبايلك

اسر : وتاخد رقمها ليه بردو مش فاهم

ليلي: اسر حبيبي انت كنت مصاب وبعد الشر هتموت رقمي اي ويكلمني اي دلوقتي اهدى كده

اسر: وانت بتضحك على اي

يوسف : انا مبضحكش مين قال اني بضحك

اسر : ظريف اوي طب يلا اطلعوا بره وسبوني مع مراتي شويه وانت حسابك معايا بعدين

فارس بمرح : عنينا يكبير اللي تشوفه عيش يعم اسر عييش

اسر بنرفزه: يلا ياض من هناا

ليلي : اهدى يا اسر متتعصبش كده جرحك لسه جديد

اسر بغمزه: خايفه عليا

ليلي: لو مخوفتش عليك هخاف على مين بس

اسر : متجيبي بوسه طيب

ليلي : انت مش ناوي تتلم بقا

اسر : لا

ليلي : يووه

اسر: صحيح هاتي موبايلك كده

ليلي: ليه

اسر : هاتي بس

ادته ليلي الموبايل وعمل بلوك لفارس وليلي قعدت تضحك عليه

ليلي: انت غيران عليا من فارس يكوكي

اسر : بس يبت اي كوكي دي

ليلي بضحك: حاضر حاضر

اسر: بطلي ضحك قولت

ليلي: سكت خلاص

عدا يومين واسر خرج من المستشفى بعد ما ناهد وهند وداوود جم زاروه وروح اسر وليلي مش سيباه خالص واسر مش مبطل نكش فيها وصلوا البيت كانو كلهم في استقبال اسر اطمنو كلهم عليه وقعدو سوا واتغدو وناهد كانت عامله كل الاكل اللي بيحبه اسر قعدو كلهم واكلو في جو مرح وليلي مهتمه ب اسر واكله وكانت بتاكله وسط مشاكسته ليها بعد الأكل طلعوا الاوضه عشان يرتاحو

ليلي: كده تمام عايز حاجه

اسر: لا يحبيبي تسلم ايدك تعالي في حضني بقا

ليلي بابتسامه: هغير واجي

قعدت ليلي في حضن اسر وفضلو يتكلموا شويه

ليلي: فاكر لما كنت بتيجي عندنا

اسر: هي دي حاجه تتنسى

ليلي: انا كنت بكره اليوم البتيجو في

اسر: ليه بقا ان شاء الله

ليلي: انت ناسي طريقتك ولا اي يا اسر انت لو كنت تطول تعجني كنت عملتها

"فلاش باك "

محمد : اهلا اهلا نورتونا والله

ناهد: بنورك يحبيبي امال فين ليلي

ليلي: عمتو وحشتيني

ناهد: حبيبة عمتو هاتي حضن تعالي

محمد: امال اسر فين

ناهد: والله قال هيجي ورانا انت عارف شغله بقا

محمد: ربنا يعينه يجي بالسلامه

ناهد: الله يسلمك يحبيبي

فضلو قاعدين شويه وليلي قامت تسقي الورد بتاعها وبعد ما خلصت بتلف عشان تدخل الفيلا خبطت في اسر والمايه الكانت معاها وقعت عليه

ليلي: يا خبرر اسر انا اسفه جدا والله

اسر : مش تبصي وانتي ماشيه يا ليلي يعني ينفع كده

ليلي بدموع: بس انا مكنش قصدي

اسر: طب خلاص خلاص انتي هتعيطيي وسعي خليني اخش اشوف هعمل اي في هدومي دي

دخلت ليلي تجري طلعت على اوضتها وفضلت تعيط من طريقة اسر معاها ومحمد نده عليها مردتش بعدين دخل اسر عرف انو سبب اتنهد وسلم عليه

"باك"

ليلي: بس ياسيدي كل ما تيجو مواقف حلوه من دي تحصل ولا اكني عدوتك

اسر بضحك: كنت بلاحظ نظراتك ليا مكنتش عايزك تتعلقي بيا يحببتي مش عدوه ولا حاجه

ليلي: كنت بخاف منك

اسر : انا بخوف بردو

ليلي : انت مرعب يحبيبي

اسر: والله ظلماني ده انا حتى بحبك

ليلي: طب منا كمان

اسر : انتي كمان اي

ليلي: بحبك

قرب اسر من ليلي ولسه هيبوسها الباب خبط

اسر بضيق: ادخل

ناهد: صحيتكو يولاد

اسر: لا يست الكل تعالي

ناهد: انا جيت اقولك ان جدك والجماعه جايين من البلد عشان يطمنو عليك

اسر : كبرتوا الموضوع والله ماشي يحببتي

ناهد: يلا تصبحو على خير

اسر: كنا بنقول اي بقا

ليلي: بقول ننام عشان الناس الجايه بكره دي لازم نصحى بدري

اسر: وحياة امك

ليلي: امم وحياة امي

اسر: طب نامي يختي نامي

ليلي: خدني في حضنك طيب

اسر: تعالي يا اخرة صبري

نامو ليلي واسر في راحه وجه الصبح وصحيو ونزلو عشان يكونو في استقبال الجايين...