_مش مصدقه نفسي. انا ابقا اول كاتب متصدر عالمياً كتابه.

 قولتها بفرحه وانا بلف في اوضتي . ضحكت عليا مني صحبتي وقالت بحب. 

_تستاهلي كل خير والله. انتي تعبتي علي الكتاب ده جامد. وربنا رضاكي. 

بصتلها بحب وانا باخد نفسي بهدواء وقولت.

_مين يصدق.. اول كتاب ليا يحقق نجاح كبير كده.حاسه اني بحلم. معقول بعد ما كنت سنيين بقراء في صمت. لما اجي اخرج احساسي للناس يتقبلوه ويفهموه. لا وكمان يعجبوا بيه.

حضنتني مني وقالت بثقه ولمعه في عيونها. 

_كنت ومازلت واثقه ان كتبك الجايه هتبقا من افضل كتب في العالم.انتِ مبدعه ينورا. والاهم من ده انك بتمارسي دورك كا طالبه جامعيه كويس اوي.انتي عندك اكتر من حلم وان شاء الله كلهم يتحققوا. 

بصتلها بحب وقولت بفخر بيها. 

_طلما عندي صاحبه زيك ناجحه. في كذا مجال طبيعي اتعلم منها النجاح. 

فجاءه لقيت رساله من دار نشر كبيره اووي. 

بصينا انا ومني لبعض بصدمه وبعدين فتحت الرساله وانا بقراها بصوت لمني. 

_(​من: دار المحمدي للنشر والتوزيع

الموضوع: دعوة حفل توقيع وتكريم استثنائي

​عزيزتنا الكاتبة المبدعة، بإشراف ونظرة كبار أساتذة الأدب والنقد لدينا، يُسعدنا إبلاغكِ بأن كتابكِ عن معاناة الشعوب المستضعفة وفلسطين قد كسر كل التوقعات وحقق مبيعات قياسية غير مسبوقة.

​نتشرف بدعوتكِ رسميًا لمقر "دار المحمدي" لتوقيع العقد، والبدء في تجهيز أكبر حفل توقيع وتكريم لشخصكِ الكريم.

​كلماتكِ هزّت العالم، ونحن بانتظاركِ بشغف لتتويج هذا النجاح!

​إدارة النشر – دار المحمدي). 

صوت وانا بقراء اخر كلمه في الرساله واتنطط انا ومني بفرحه. قولت بصدمه 

_لا لا اكيد بعتوها بالغلط. ازاي طب طب مين انا! 

ردت مني وهي بتبصلي بثقه. 

_اومال انتي فاكره نفسك قليله ولا اي. 

بصتلها بدموع وقولت

_تفتكري صوتهم وصل.. 

بصتلي بحب ودموع وقالت

_طبعاً ولسه. 

بصتلها بتفكير وانا بخد التلفون بسرعه البرق وبكتب بايد بتترعش

_السادة المحترمون في إدارة دار النشر،

​السلام عليكم ورحمة الله وبركاته،

​قرأت رسالتكم ببالغ التقدير والامتنان. سعادتي الحقيقية ليست فقط بالتكريم، بل لأن صوت أهلنا في فلسطين وكل المستضعفين استطاع أخيرةً أن يصل ويلمس القلوب.

​يشرفني جدًا الحضور، وأتمنى من كل قلبي أن تكون هذه المناسبة منبرًا قويًا لإيصال صوتهم للعالم أجمع.

​برجاء إبلاغي بموعد ومكان الحفل، وإن شاء الله سأكون متواجدة.

​مع خالص الشكر والتقدير، [نورا ابوشوشه]

(سبحان الله وبحمده سبحان الله العظيم) 

وريت الرساله لمني اللي داست ارسال علي طول وبصينا لبعض وقولت بثقه. 

_دي البدايه لسه هنوصل صوتهم وصوت كل بلد مستضعفه. 

بصيتلي بفخر وبعد شويه مشيت.. 

صليت العشاء وجهزت مذكرتي اللي هاخدها معايا الكليه. 

نمت وصحيت صليت الفجر. وعملت روتيني. وفطرت ولبست ونزلت اروح كليتي. 

اول ما دخلت الكليه. كذا شخص ركز معايا وكانو بيتهمسوا.

طنشت ده ودخلت قابلت جني صحبتي وحضنتني جامد وقالت بسرور وحماس

_ايوه يعم الكتابه بتاعتنا. كتابك مكسر الدنيا وكل البرامج بتتكلم عنه. وفي اللي حاولوا يوصولوا للكاتبه يعم. 

بصيت حواليا بتوتر وانا بحط ايدي علي بقها. وبقول

_بس بس. يبنتي مش عاوزه حد من الجامعه يعرف. 

بصتلي برفعه حاجب وقالت

_هنبتديها تكبر بقا.

بصتلها وقولت بهدواء 

_لا مقصدش. قصدي انا مش عاوزه اكون متكبره وامشي افتخر بده. انا كل اللي عملته وصلت رساله وربنا شاء تدخل القلوب قبل العقول. 

قالتلي بستغراب. 

_طب يذاكيه. اسمك مكتوب علي الكتاب. لو عاوزه يعني تبقي سريه ومحدش يعرف عنك حاجه. 

قولت بهدواء وثقه. 

_طبيعي اسمي يكون موجد. انا مش عاوزه اكون سريه انا عاوزه الناس اللي تحكي عن نجاحي وتاخده قدوه. مش انا اللي احكي عنه وده فرق. 

بصتلي بأنبهار وقالت. 

_كاتبه كاتبه. مفيش كلام. 

ضحكنا وداخلنا المحاضره. 

وكنا عندنا دكتور جديد. 

دخل الدكتور وهو بيعرف عن نفسه. 

_السلام عليكم ورحمة الله وبركاته. ازيكم يا شباب انا الدكتور اللي هيشرحلكم ماده# اتمنا يكون تعرفنا لذيذ. 

انا عندي شويه قواعد. ودي لتسهيل التعامل بنا و النظام. 

ممنوع حد يدخل بعدي. او يتكلم في محاضراتي او يجي من غير دفتر يدون فيه او ميذكرش محاضراتي. لو حاجه من دول متناسبش حد فيكوا يقدر ميجيش والمحاضره هتمشي طبيعي. انا هنا دكتور للماده. بره المدرج انا زي زميلكم وممكن نتكلم بره الدراسه. 

كله سقفله بحماس. 

وبدا يتعرف عليهم وسألهم عن اكتر حاجه جاذبه انتبهم الفتره دي. 

اللي قال تريند فولان واللي قال احتفال لاعيبه الاهلي واللي قال... واللي قال

لحد ما معظم الاجابات اجمعت علي الحرب اللي شغاله لسه وده لفت انتباهم لكتاب شدهم اسمه (ارضي قذفتني) 

 اعجب الدكتور زين برأيهم الاخير وقال بأعجاب

_حقيقي وانا كمان معجب بالكتاب ده جدا. فكره ان الكاتبه توصل صوت كل المستضعفين ويحصل اقبال كبير بسبب شعوها وتوصيلها للمعني. او اختيار الاسم المميز اللي بيعبر عن انو بيحمي ارضه وفي المقابل بيحصله قذف بكل المعاني. قذف جسدي قذف معناوي قذف مادي. حقيقي ابدعت وان شاء الله منتظر صوت اهلنا يوصل اكتر من كده. 

كنت قاعده جنب جني لحد ما بدا الكل يتكلم عن كتابي. وكان بعض الطلاب بيتهمسوا عليا. وجني بتضحك ومبسوطه بنجاحي. 

رفع طالب ربنا يسمحه ايده وقال

_حضرتك تعرف ان الكاتب موجود وسطنا. 

فجاءه قلبي دق جامد وكنت هعيط من الخضه. 

بصله الطلاب باهتمام. وقال دكتور زين بفضول وعدم تصديق. 

_بجد! عمتاً لو ده حقيقي في سنكم ده وحد يعرف يوصل رساله بالطريقه دي. يبقا ده انجاز كبير جدا. اتمني لو فعلاً الكاتب موجود يتفضل يقوم ويعرفنا بنفسه وحقيقي يستحق كل الشكر والتقدير. 

بص زين بعيونه علي المدرج كله وبعدين قال بهدواء 

_لو عاوز يكون عنده خصوصيه مفيش مانع. طبعاً مع كل الشكر. و رساله مني ليه. انت ليك مستقبل مبهر ربنا يوفقك. 

كله سقف بحماس

في كام طالب عارف اسمي الثلاثي ف بتالي عرفني لاكن معظم الطلاب لا. 

قلبي دق جامد واتوترت اووي لما الدكتور شكر فيا..

حقيقي مش عارفه هعمل اي في حفله التوقيع. 

وجني طبعاً قالت بهمس

_ايوه يعم الكتابه. 

دوست علي رجلها. فسكتت ببرود

خلصت المحاضره. اللي كانت محاضره نتعرف فيها علي الدكتور ونظامه وبعدين نبدا منهج من المحاضره الجايه. 

مشيت انا وجني ودخلنا الكافتريا. 

طلبت جني ايس كوفي وانا عصير برتقال.. 

شربنا واحنا قاعدينا وقالت جني باستغراب. 

_ازاي الولد ده عرف ان الكاتب موجود وطلما قال كده يبقا عرفك. 

بصتلها بتوتر وقولت 

_مش عارفه والله. بس ان شاء الله خير.الفكره اني بتوتر اووي لما حد يتكلم عني. انا لحد دلوقتي ايدي بتترعش. 

بصتلي بحماس وقالت.

_ خلاص يعم هتتعود علي الشهره متخافيش. 

بصتلها بقلع حيره وفجاءه حد شد الكرسي وقعد قدامنا. 

كان الولد اللي قال عني في المدرج. 

قالي بخبث

_الكاتبة بنفسها في كافتريا كليتنا. 

بصتله بصدمه من قله ادبه انو يقعد معانا وكمان كلامه. 

ردت جني وقالت بحده وهي بتقوم وانا معاها.

_اي قله ادبك دي. قوم من فضلك بدل ما ننده الامن. 

بصلها بتوتر شويه وبعدين قال بأستفزاز 

_مع اول كلمه هتقوليها للامن هكون قايل للدفعه كلها مين الكاتبه اللي مبتحبش الاضواء حوليها. 

كلامه استفزني لدرجه قولت بثقه 

وانا ببص في ساعتي. 

_وماله قول للدفعه علي الكاتبه اللي حققت نجاح كبير في وقت قياسي وانا اعرفهم بنفسي شخصياً. وبرضو هعرف العميد انك بتعترض طريقنا وبتديقنا. وشوف ساعتها هيكون عقابك اي. تحب تمشي بهدواء ولا... 

لسه هكمل كلامي لقيت كل اللي في الكافتريا بيبصولي بأنبهار وهما بيقرابوا.. تحت تعليقات سمعتها بقلبي قبل ودني. 

_مش مصدقه. الكاتبه طلعت بجد معانا. 

_حقيقي انتي وصلتي رساله عظيمه. واثقه ان هتتحرك ادارات و رواساء عليها. 

_بجد طلعتي انتي. مش قولتلك ي ريم انا بشبه علي اسمها. 

_امته جتلك الفكره دي. وازاي عرفتي توصليها بالاحساس ده. 

_هيكون عندك حفل توقيع كتاب؟ 

وكلام كتير اداني الثقه في نفسي. وقولت بهدواء و بسمه. 

_حقيقي فرحانه ان رسالتي وصلت وبالطريقه الصح. وان شاء الله هيكون في حفل توقيع للكتاب ومنتظراكم كلكم تنوروني. 

اتفرجت علي الفديو اكتر من عشر مرات. 

فديو اتصور ليا وانا بقول الكلام ده للبنات والشباب اللي كلموني في الكافتريا. 

تحت شعار: 

اول ظهور للكاتبه صاحبه اقوي رساله حتي الان من ارض سلبت منها حريتها 

فرحانه ان صوتهم وصل و متوتره ان صورتي وصلت. 

 وقرايبي دلوقتي افتكروني وبيكلموني يبركولي. 

كلمتني مني وهي بتصوت بفرحه. 

_مبروك يا نوري. رسالتك وكتابك بقا رقم واحد في ترند متصدر جميع تطبيقات السوشيال مديا. الحمدلله يحبيبي عرفتي توصلي صوتهم. 

رديت بفرحه

_ده انجاز حقيقي. الحمدلله. 

قالتلي بأستغراب. 

_بس مين صورك كده. 

حكتلها الموقف كله تحت صدمتها وهي قالتلي. 

_بس شطوره انك عرفتي تردي عليه. بعد كده تروحي على طول علي مكتب العميد. 

قولتلها بهدواء 

_حاضر يماما. 

ضحكت عليا وكملنا كلامنا. 

علي الجانب الاخر. 

____________________

زين روح بعد الكليه علي المسجد صلي وبعدين قابل صحابه. 

قال مالك صاحب زين. 

_وحشتيني والله يجدع. 

رد زين بضحك. 

_والله وانت. اي اخبار المستشفى. 

رد مالك بزعل 

_وحشه من غيرك والله 

ضحكله زين وقاله بحب 

_يعم هما يومين اللي اخدتهم اجازه. 

ضربه مالك بحب وقاله 

_يومين حسيتهم سنتين. 

بداوء يتكلموا عن مصالحهم لحد ما قال مالك وهو بيقلب في التلفون. 

_بس شاطره اوي وكمان في سن صغير. 

رد زين بأستغراب

_مين وشطاره في اي. 

لف مالك التلفون و واراه فديو نورا والاشعارات المكتوبه عنه. 

شد زين التلفون وهو بيدقق في ملامحها وقال ب اعجاب بطريقتها. 

_دي تقريبا كانت في المدج. بس بجد مبدعه. 

بصله مالك وقال بخبث

_زين بيه قال علي بنت مبدعه عجايب الدنيا طلعت تمانيه. 

زقه زين وقاله 

_بس يلا. قصدي طريقت تعبرها فيها ابداع. 

قاله مالك بغمز 

_وعلى كده هتحضر حفل توقيع كتابها يا مبدع انت. 

بصله زين بترف عينه وسابه ومشي جري وراه مالك وهو بيقول 

_خلاص والله.. بهزر اللاه. 

____________________

تاني يوم كان صدمه للكل بالذات نورا. 

صحيت صليت الفجر وعملت روتيني بمسك فوني لقيته سخن من كتر الرسايل قولت خلاص راقمي اتوزع.. كان صامت. 

فكيته وعيني مصدومه من اللي بتقراءه وشايفه. قلبي بيدق جامد دموعي بتنزل ورا بعض. وهو في ايدي رن رقم غريب. اتخضيت وخوفت ارد. 

بعدها رن تاني قولت ارد وامري لله. 

رديت وخدت تاني صدمه... 

يتبع"