قالتها و الشر في عينيها 

الدجال و هو بيبص لصورة:- هعملو و ترميه في البحر علشان ولا الجن لزرق يعرف طريقه ولا يفكه 

ابتسمت بارتياح و شر:- عايزها تتجنن كل ما الموج يشد عقلها يروح و تتكره من كل الناس 

الدجال:- اطمني انا بعتت الاسياد يسمعوها و يرقبوها علشان نشتغل على نضافة اومال 

نارة مرات امين طالعت تلات بواكي:- خد دول 15000 الف و لم يحصل المراد ليك تلاتين الف 

الدجال اخد الفلوس:- عينينا ليكي يا هانم النهاردة مفيش نوم لا ليا ولا للاسياد 

نارة خرجت و الدجال بص لصورة و بدا يعمل زى ما نارة طلبت اما في بيت ابراهيم 

نعمة باطمان:- باذن الله هتتحسن 

ابراهيم بحزن:- مش باين يا نعمة عملت اي انا وحش في حياتي يارب صدقات و بطلع مفيش حد بيحتاجني غير لم اساعده.... استغفر الله العظيم اللهم لا اعتراض 

نعمة حطت ايديها على ايديه بابتسامة:- هتعدي يا ابراهيم هتعدي قوما صلي و ادعيلها ربنا يعفي عنها و ينور طريقها مفيش حاجة بعيدة عن ربنا 

ابراهيم:- امين يارب ربنا يشفيكي يا سحر و يهديكي 

اما عند الدجال كان العمل بيتفك كل ما يعملوا و الكلام يتمسح 

الدجال حط ايديه في شعره بغضب و جنون:- ازاى اتمسح انا كتبته بايدي خمس مرة اعملو و يتفك ازاااي 

فجأة الصورة طارت من شدت الهوي 

الدجال بجنون:- لا لا لازم تتجنن لازم يحصل زى ما اطلب مني 

فجأة النار بقت بتزيد بيحاول يطفيها بس معرفش النار ذات مسكت في المكان و فيه و مات الدجال في نفس الوقت الى كانت خلود و هارون بيقروا في القرآن الكريم هى دي حياتهم صلاة و قرآن خلصوا 

خلود شالت الطرحة من على راسها 

هارون بتركيز:- قوليلي بقا يا ستي اي الى خليكي تتخنقي مع اخوكي 

خلود كشرت وشها قالت بحزن:- بس متقولش اخويا.... محصلش حاجة.... بس حسيت اني مش في مكاني... عارف لم تكون غريب وسط اهلك انا بقيت كدا غريبه وسط اهلي ف قولت غربة بغربة اروح معاك 

هارون بذهول و تفاهم:- الحمل مخليكي مش مظبوطة دول اخواتك يا خلود مهما حصل مينفعش تقطعي علاقتك بيهم خايفين عليكي طبيعي اى اخ عاقل هيعمل اكتر من كدا 

خلود بوجع:- حتي لو كانوا هيبقا السبب في حرماني من حلمي الى بقلي سنين بحلم بيه...  لا يا هارون انا مش مسامحة و مش هسامح متقولش كلام و خلاص لان الى جوا النار غير الى براها 

هارون ابتسم حب:- و مين قال انى برا النار... انا جوا النار معاكي و حاسس بيكي و فهمك اكتر من نفسك .... و عارف انه صعب بس الواحد مينفعش يقطع اهلو 

خلود قامت خرجت من الاوضة دخلت اوضتهم و منها لغرفة الملابس غيرت الاسدال و خرجت كان هارون رتب الاوضة طفا النور و خرج 

كانت هادية بطريقة غريبة بالنسبة له اتجهت لصالة قعدت على الركنة و مسكت الريموت قعد جانبها:- قولي الى في دماغك يا خلود من غير تردد ولا تفكير 

خلود حطت ايديها على راسها :- هو انا لو قولت مش عايزة اروح في حته لم اخرج من المستشفى. هتضيق..... انا عايزة لم اخرج من المستشفى انا و عيالنا اجي على هنا مش عايزة اروح لحد لا عندكم ولا عندنا 

هارون بهدوء مسك ايديها الى على راسها :- لو دا الى هيريحك ف خلاص يا ستي اعمليه و اصلا الاجازة هتكون جت 

خلود باعتراض:- و تكون معايا ليه انا لا صغيرة ولا مشلولة علشان هيكون حد جانبي 

هارون سند راسها على كتفه:- عارف....انتي مش مشلولة بعد الشر عليكي من الشلل. يا روحي انا اخدمك برموش عينيا 

خلود نفخت بضيقه بعدت عنه:- اي الكلام دا متقولش كلام غريب و غلط 

هارون:- اي الغلط في كلامي مش اول مرة يا خلود انا لم بتعب انتي بتكوني جانبي و انتي لم بتتعبي بكون جانبك اي المشكلة في كلامي احنا الاتنين بنخدم بعض.... بنشيل بعض اي العيب في كدا و بعدين امي سبق و شافت ولا اتكلمت 

خلود في سرها:: ما هى هزقتني بعد ما خفيت بس يلا الى يسامح كريم 

رجعت سندت راسها عليه:- و كمان مش عايزة اسيب راضية لوحدها و هدير كفاية الى هي فيه 

هارون قبل جبينها:- الى هيريحك انا معاكي فيه المهم متحرمنيش من ابتسامتك ولا منك ازعلي يا خلود و اتجنني بس متسبنيش 

خلود بضحك:- طب انا لو سبتك هصدع في مين بمصايبي وحوراتي انا مقدرش اسيبك يا هارون 

هارون بعده عنه بصلها بحب:- عايزك على طول بتضحكي شكلك بيبقا احلي لم بتضحكي 

خلود بحب:- شكلي حلو و بضحك علشان انت معايا 

هارون رفع ايديه و بقا بيبص في الساعة:- طب يلا قومي البسي علشان نروح لدكتورة 

خلود:- مش بدري 

هارون:- بدري اي يا امي الساعة اتناشر عقبال ما نوصل و يجي دورك و تخلص الالبوم هيبقا الفجر 

خلود رجعت راسها لوراء:- خليها بكرا مليش دماغ لاغنيها 

هارون مسك ايديها قومها:- يلا يا بنتي مش وقته خالص نشفان دماغك 

خلود راحت تغير هدومها اما في الفيوم في بيت امين 

نارة حطت ايديها على وشها امين:- ازاى تخرجي من البيت من غير اذني هاا 

نارة بارتباك و خوف وقعت على الارض و بقت بتزحف لوراء برعب:- ا انا 

امين اتجها ليها و بقا بيضربها بقسوة و جنون و اكن السحر انقلب على الساحر دا مش امين الى تعرفه لا دا واحد تاني كله قسوة و حقد لاول مرة تشوفه في عينيه هى كانت عايزة تعمل سحر لخلود لكن السحر انقلب عليها اضعاف مضاعفه 

اما في بيت عفاف 

عفاف بعصبية:- شايفة قلت ادبها البت مش عايزة تقعد عندي لم تقوم بالسلامه 

صابرة و هى بتاكل الفشار:- والله المفروض تكون عند امها مش حماتها 

خديجه:: ريحو نفسكم يا ماما انتي و خالتي خلود قررت تطله من المستشفى على بيتها و طبعا هارون اكيد هيوافق كدا احسن انا مش هستحمل عياط طفل مبالك بقا بتلاتة دا غير ابن اسلام الى مش بيبطل زن 

صابرة بعصبية لعفاف:- جرا اي يا عفاف هو ابنك عامل لبت اي لدرجة يقسيها عليا الاصول بتقول انها تقعد في بيت اهلها هو اكيد سحرلها 

عفاف بعصبية:: و ليه ميكنش هى الى سحرله و ضحكة عليه بنتك هى الى خلت قلبه حجر على امو و الأصول بتقول ان اولة بيها حماتها 

خديجه بتاكل فشار و بتتفرج على الفيلم و سيبهم يتخنقو مع بعض تانى يوم في بيت هارون  

حسني:- شايف الى انا شايفه يالا..... مريات السلم عبارة عن مريات شايف الرخام 

اسلام بضيقة:- بقا الفاشلة تعيش هنا عمارة على البحر عشنا و شوفنا 

البواب جاه:- رايحين فين 

اسلام بملل و ضيقة:- طالعين لاختنا 

البواب:: هى اختكم دى ملهاش اسم 

حسني:- احم طالعين للاستاذ هارون ابراهيم 

البواب:- مممم طب تتفتشو الاول دى تعليمات و تمشي على الكل 

حسني و اسلام بصو لبعض 

حسني مسك ايد اسلام قبل ما يتجنن على البواب الى فعلا فتشهم و قالهم على الدور ركبوا الاسانسير و ضغطوا على زر الدور 

حسني:- والله نورهان لو جت و شافت البيت لتقلب عليا و على اهلي 

اسلام:: صفاء هانم لو شافت كدا هترفع عليا قضية خلع 

الاسانسير اتفتح خرجوا اتجهوا لشقة هارون 

حسني خبط على الباب محدش فتح 

اسلام رن الجرس مرة و اتنين الباب اتفتح كانت خلود لبس اسدال و الطرحة على راسها رفعت حاجبها بهدوء و ذهول متزوجين بسخرية ربعت ايديها:- ااي جايين تضربوني في بيتي 

اسلام بعصبية:- تصدقي خسارة فيكي علبة الحلويات الى دافع فيها دم قلبي 

خلود ببرود:- خليهلك 

خلود دخلت و سابتهم على الباب حسني قلع جزمته و دخل و اسلام كمان كانت قعدة في الصالون اتجهوا ليها:- يزيد فضلك يختي 

خلود انتهدت بهدوء و ثبات:- خير 

حسني بتوتر:: جايين نقولك حقك علينا لحظة شيطان 

اسلام:: بالظبط و بعدين يا توأمي الدم عمره ما يبقا ماية لحظة غضب و لم الشيطان يحضر بيكتف عقل الواحد.... احنا فعلا كونا خايفين عليكي 

خلود بابتسامة:- محصلش حاجة و زى ما قولت الدم عمره ما كان ماية و احنا اخوات و عشرة عمرا انا مستحيل ازعل منكم يا اخواتي ...... 

قامت راحت المطبخ اسلام بيبص حواليه 

حسني بإعجاب:- شوفت الشقة يالا.... يا تري دا ذوق مين اعتقد ذوقه اومال فين المراوح 

اسلام بسخرية:- ماشاءالله والله و بقو يعرفوا التكييف 

خلود جت و هى بتقول:- التكييفات دى غير الى عندنا في الشقة القديمة 

قدمت ليهم العصير و قعدت عدت ساعة 

خلود فردت رجليها بوجع:- ااااه يا رجلي يختي عايزة اقوم اعمل المواعين بس مش قادره صحيح الغسالة موجودة بس معظم المواعين حلل 

حسني قام:- خليكي انا هقوم اغسلهم 

خلود بخجل و حزن مزيفين:- يادى الكسوف مينفعش طبعا 

حسني اتجه لمطبخ اتصدم من كيمية المواعين إلى موجودة 

خلود بصت لاسلام و ضيقت عينيها:- اااهى اااهى ااااه يا رجلي عيني عليا و على احزاني مش قادرة اقوم اكنس و الشقة زى ما انت شايفة تضرب تقلب 

اسلام بيبص حواليه:- فين دى 

خلود:- معلش يا اسلام هتعبك معايا يا خويا ممكن تنزل تنزل الستايرة علشان اغسلها كل ستايرة الشقة 

اسلام قام:؛ حاضر 

بعد وقت فى غرفة الاطفال 

حسني بصوت عالي:- اسلام تعال شيل معايا المرتبة دى 

اسلام بصوت عالي من البلكونة:- انت الى تعال شيل معايا المرجيحة دى مممم مش قادر هو وزنها اد اي 

خلود قعدة على الكنبة بتشرب عصير ببرود و بتكلم هارون و هى بتلعب فى شعرها بدلال اما اسلام و حسني بيعملوا الشقة ولا الشغالين عندها بعد وقت 

خلود دخلت المطبخ:- اي الارف دا 

حسني:- مالو ما نضيف اهو نضف 

خلود بحدة:- قصدك اي انه كان معفن.... طب وحيات امي لتعيد عليه من تاني 

حسني بتعب؛- بس انا 

خلود في ثانية بقت بتتكلم بطريقة عفاف:- اااي انت اي حامل و خايف تجهض و انا معرفش ولا فالح بس تجعر و تكون برص قدام مراتك اشتغل و انت ساكت انا مبتصلحش 

خلود زقت جردل الماية:- دا يتعد عليه و لو حاجة اتكسرت يا حسني هقطم رقبتك... انا هنا في بيت جوزي الى هو بيتي و الغلطة بعمرك 

خرجت من المطبخ دخلت البلكونة ربعت ايديها و بتضحك بسخرية:- مالك يختي رابطة راسك ليه 

اسلام بين سنانه؛- امشي من وشي اااااااه 

قالها بوجع و هو حطت ايديه على ضهرو:- منك لله ضهري هيتكسر 

خلود:- لا لا تو ادعك كويس بس البلكونة متربة ازاى الناس يقولو عليا اي يلا علشان بعديها هتغسلو السجاد كله و بعدين تمسحو الشقة.... ولا اتصل بصفاء اقولها على سلوووى حب زمان حب زماننن 

اسلام نط من على السلم الحديد باس ايديها:- استري عليا الله يخليكي... انا بضحك معاكي طب وحياة امك لعملك الشقة كلها و شقق الجيران لو عايزة بس بلاش تقولي حاجة صفاء لو عرفت هتخد الواد و معرفش ليها طريق 

خلود بسخرية:- ليه و امين بيه راح فين هو مش انتوا برضو وصلينا اوى ولا وصلينا في الارف و بسسس...... انا مفتحتش بؤي حاليا لكن لو فكرت تزعلني أو تمد ايدك عليا صدقني هنسا انك اخويا و انك توأمي زى ما انت نسيتي و باعتني ل صاحبك حتي لو مفيش حاجه حصلت بس بمجرد انك فكرت تخرب بيتي... انا كمان عندي كل الاستعداد انى اخرب بيتك.... و مش مسامحة حد فيكم.... عارفين انى كنت هموت على ضوفر عيل رغم كدا اهانتوني و ذلتني 

قالتها بثبات و برود عكس الوجع الى جواها 

خرجت برا بعد وقت كان حسني و اسلام بيغسلو السجاد و هى قعدة على الفون عد وقت كانوا حسني و اسلام مشيو بعد ما خلود هدايتهم و طالعت عينيهم 

بالليل كانوا قعدين في الصالون 

خلود بصت لفون بقلق:- دى امي 

هارون:- اي القلق دا ردي عليها 

خلود فتحت الفون و ضغطت بالغلط على زر مكبر الصوت صابرة قبل ما يجيلها الرد:- يا بت الكلب بقا انا حرقة نفسي علشانك و انتي تعومي على عوم ابن امو تلقي امو الى زرعت الفكرة دى فى دماغه مش كفاية مفرحتش بيكي في جوازتك المنيلة و كمان عايزة تقعدى في بيتك ليه يا حيلت امك ملكيش اهل ولا مقطوعة من شجر.... اخدها مني و ارتاحت يا هارون عصيتها عليا اخص عليك و على امك 

خلود بصت لهارون باحراج:- ا امي 

صابرة بعصبية:- جتك مو عليكي و عليه ان شاء الله يرميكي في الشارع علشان تعرفي انه غدار و ملوش صاحب و بكرا تقولي امى قالت يا اخيب عيالي الناس خبيتها السبت و الحد و انا خيبتي الاتنين و موردت على حد اشربيه يختي و خليه ينفعك ١٧سنة ركنك جانبه ولا عمل حاجة فالحة بس يقعد عند امو ابن امو 

خلود بين سنانها بتوتر و ايديها بتترعش:- امي كفاية ميصحش دا برضو ابو عيالي 

صابرة ضحكت غصب عنها:- دا تلقيه متجوزك عليكي تلاتة عايزة تفهمني انه مبصش لغيرك ليه متجوز ملكة جمال اشحال انكي فاشلة حتي في الطبيخ و مش كفاية خاتم الحمام الى خطبك بيه ولا انه اول ما اتجوزك تخلي عنك و راح الجيش فاكر نفسه امير كرارة 

خلود بحب:- دا اميري و امير قلبي 

صابرة:- بت******راعي انكي بتتكلمي مع امك مش وقت محن ما هو محنك دا الى موديكي في داهية و يا تري هتولدي فين في مستشفى حكومي ولا في البيت 

هارون بضحك و مزح:-  لا يا خالتي هتولد في الشارع و اي حد مش شرط دكتورة أو داية لانهم تكلفيتهم عالية اوى 

صابرة اتصدمت شهقت:- ا انت هنا من امتي يا حبيبي خالتو من جوا 

خلود  متضحكش ولا تعمل صوت خبت نفسها في حضنه هارون كمل كلامه:- من اول ما الغلبانة فتحت التليفون... دلوقتي حبيب خالتو مش من شوية عيني سايغة و بخيل... و خطبه بجلدت حمام 

صابرة بارتباك و احراج:- ما صحيح متربتش تربية عفاف هتكون اااي اسمع ااانت تقولي حالا دفن العمل الى عملو لبنتي فين علشان افكه و ترجع بعقلها بتحرمني من بنتي يا هارون و انى اكون جانبها... انا لم صدقت انى هشيل عيالها 

خلود بعدت عنه قالت بثبات و هدوء:- يا امي دا قراري هارون ملوش دعوة انا عايزة ابقا في بيتي و بعدين هيجرا اي لم تيجي تقعدي معايا.... ولا صفاء و نورهان احسن مني 

قالتها بحزن كملت:- هو انا ليه اخر اهتمامك كل حاجة اسلام و حسني مع ان انا محتاجلك اكتر منهم... لا يا امي انا مش هتحرك من هنا و هقولها تاني دا قراري 

صابرة بعصبية:- انتي فعلا ناقصة تربيه و الدلع فيكي فرعنك سلام 

خلود رمت الفون على الكنبة و قامت بزعل و اختناق عدا خمس شهور في المستشفى في غرفة العمليات كان هارون مسك ايد خلود الى غابت عن الوعي اما برا غرفة العمليات 

عفاف:- مرار طفح 

هدير:- معاكي حق يا حماتي الا صحيح حماتي هو ابنك مكنش موجود لم كنت بولد ليه 

عفاف:- يعني يسيب حاله علشان حضرتك ليه اتجنن و بعدين مانا كنت معاكي ولا انا قليلة 

هدير ودت وشها الناحية التانية و بتبرتم و تشتم في عامر 

صفاء بصت لاسلام:- و انت كنت فين لم كنت بموت 

اسلام بص حواليه:- فين دى مانتي كويسة قدامي اهو 

صفاء بعصبية:- اااه بس لم كنت بتهبب مكنتش موجود 

اسلام:- اكون معاكي اهبب اي هو انا دكتور ما تتهدي بقا 

نورهان بتضحك:- يا بنتي الجو دا في المسلسلات التركي 

صفاء:- بس جوز خلود دخل معاها العمليات اشمعنا انا 

اسلام:- انا سبيلك المستشفى اشبعي بيها 

بعد وقت جت صابرة الى هبت في عفاف بعصبية:- بقااا كدا بنتي بتولد من غير ما اعرف طبعا ابنك الى مخطط لكدا عايز يقطعها مننا بس دا في احلامكم 

عفاف:- والله بنتك الى مش عايزكم انا ذنب ابني اي غير بيتهبب بيحبها الفاشلة بت الفاشلة اكيد سحرلو 

صابرة اتجهت ليها رفعت صابعة:- انا مسمحلكيش لم نفسك يا عفاف 

عفاف:- والله ما في غير الجزمة مع ان بقول خليني محترمة بس يغور الاحترام 

صابرة:- يعني هخاف ولا هخاف انا كمان شبشبي موجود 

يوسف و عمرو جوم وقفوا في النص بينهم 

عمرو:- يا جماعة صلو على النبي مش وقت خناق البيت من ايدينا ربنا اقولكم لنا الى سحرلهم 

يوسف:- انت بتقول اي يا عمرو 

عمرو:- مشي اليوم معايا 

بعد وقت في غرفة العمليات 

هارون:- اي يا دكتورا مين دى 

الدكتورة:- بنتك يا مستر 

هارون بذهول:- يعني ولادين و بت ولا حصل لخبطة 

الدكتورة هزت راسها:- فعلا حصل لخبطة بس مش ولادين و بت... دول تلاته و بنت زى القمر الجهاز هنج و مشوفتش البنوتة