حضنها زين من وسطها وشألها وهي جايبه شعر منى في أيدها وبتتهدد عشان تضربها تاني ..

صاحت بها سماح : انتي مجنونه ازاي تعملي كده والله لاربيك يا****

ردت سلطانه بغضب أعماها تعالي قربي عشان وحيات ابوي لأكلك بأسنان انتو زب*اله مش متربيين بقى انا تعملو فيا كده والله لاوريكم 

زين بيحاول يمسكها وهي بتضرب الأرض برجليها بغيظ عاوزه تطولها تضربهم : سيبني بقولك سيبني

خلاص زعق بيها زين بغضب 

سكتت وبصت ليه بصدمه 

زين:  في ايه .. بتعملي كده ليه 

اسراء اتدخلت وقالت : سلطانه عندها حق يازين 

زين بغضب : عندها حق ايه جايه تضرب وتشتم بتاع ايه مفيش احترام ليا او حتى لعمي قالها زين بغيظ

اسراء : شوف ده الاول وبعدين اتكلم 

زين خد فون اسراء واتصدم من اللي شافه وقال: ايه ده 

اسراء : انا شفتك امبارح تمشي بتتطوح وكانت منى بتجرجرك معاها وسماح بتمشي وراكم  قلت اكيد في حاجه غلط لحقتكم وصورت كل ده ..

سلطانه بصت لزين وقالت : اتفضل يااستاذ روح اسأل البنت اللي بتعملنا الأكل اللي مأمنين فيها  قولها بيحطولك ا ايه في القهوه بتاعتك .. وكملت بغيظ وهي بتتفللت عليهم : بقر انا يتعمل فيا كده بسببكم يا ****

- خلاص كفايه ياسلطانه ده كان صوت ابوها زين كان بيبص للفون بتاع اسراء والمشاهد بتتعاد بص لمنى اللي رجعت ورى بكسوف مشي ناحيتها وقال اي ده 

منى بحرج : زين اصل  انا  يازين اصل انا ...

زين ضربها بالقلم بغل وغضب واترمت عالأرض 

حامد اتدخل وقال : زين مش كده 

زين بانفعال : اومال ازاي ياعمي انت عارف انا كنت عايش ايه في الفتره اللي فاتت عارف اني شكيت في نفسي ..

منى عيطت وسماح قربت وضربت زين على صدره : انت ازاي تمد ايدك عليها انت اتجننت  ولسا بتتكلم وتضربه زين كان هيضربه وهو مش في وعيه وقف حامد قدامه ومسك أيده وقال: هتضرب مرات عمك نسيت اني عمك يازين مفيش احترام ليا..

زين : انت مش عارف دول عملو فيا ايه ياعمي مش قادر استوعب انهم كانو مغفليني كل ده 

منى كانت بتعيط ومحرجه هي ازاي وصلت نفسها لكده 

اما سماح مكنتش حتى متأثرة ولا خايفه معتمده على حب حامد ليها  

سماح: ده اتجنن رسمي ياحامد نسي نفسه انت تبقى مين انت عمه الكبير  والمفروض يحترم مرات عم.. مكملتش كلامها لما حامد سكتها بقلم على وشها بظهر ايده وقالها بحسم خدي منى واطلعي اوضتك 

سماح عيطت ونزلت دموعها اول مره حامد يمد أيده عليها دائما كان بيدافع عنها ..

سماح بصدمه : انت بتضربني 

قرب منها حامد بغيظ وقال : بتحذير اخفي من وشي ياسماح . وكمل بزعيق .يلاااا

وفعلا جريت على أوضتها وهي بتعيط ومنى جريت وراها 

زين قعد عالكنبه بتوهان 

سلطانه وقفت قدامه وقالت : ورقت طلاقي توصلني يازين لحد كده وكفايه ولسه هتمشي.

مسكها زين فجأة وقال:  على فين 

سلطانه : سيب ايدي 

زين كان خلاص جايب آخره ومش سأل عن حاجه : اطلعي اوضتك ياسلطانه

سلطانه : بقولك سيبني وبصت لابوها وقالت:  قوله يسيب ايدي يابابا 

ابو سلطانه : زين انت.. 

اتكلم زين وهو لسه ماسك أيدها خالي انا مش عايز أطلق .. واديك عرفت ان اللي حصل مكنش ذنبي ولا على هوايا ولا كنت واعي اصلا ..

سلطانه بعناد وتحدي : وانا عايزه اطلق خلاص معدش ليا كلام معاك سيبني وبصت لابوها وقالت : يابابا قوله سيبني 

زين : بعد اذنك يا خالي انت فاكر وصيت جدي وانا مش جاهز اكسر كلمته قال كلامه وهو بيجرها وراها وقال هنزلك كمان شويه دخلها اوضتها وهي بتصرخ وبتقول: سيبني ياأخي انت اي مفيش إحساس بقولك مش طيقاك .. 

زين دخل الأوضه وقفلها وراه وبص ليها

سلطانه: انت بتعمل افتح عايزه امشي 

زين : مفيش انتي هتفضلي هنا في بيتك..

سلطانه بعناد : بقولك سيبني يابابا الحقني..

زين قرب منها وعينيه عليه وهي بتدأت ترجع ورى وهي بتقول: متقربش مني عارف لو قربت مني هعمل ايه والله لأ..  بلع كلامها ببو*سه عميقه بث فيها شوقه وتوتره وارتباكه طوال المده اللي فاتت زقته بصعوبه وهي بتاخد نفسها بالعافيه وقالت انت ايه ياخي انت ايه انا هنزل دي منى هي اللي شبهك اصلا انا ندمت اني جيت وقطعت جوازكم كنت سبتك تتدبس بيها ابتسم بجانب شفتيه وهو بيقول: هنزل اكلم خالي ورجعلك

سلطانه : استنى هنا افتح الباب بقولك متقفلش الباب افتحه يا زين افتحه بقولك.

لكنه قفل الباب عليها ونزل بسرعه كان خاله مستنيه اول ما دخل زين خاله :  زين اللي بتعمله ده مينفعش انت لازم

قاطعه زين بجديه: عارف يا خال عارف اني غلطت وعارف اني جيت عليها لكن لو سبتها تمشي دلوقتي جوازنا هينتهي وانا مش عايز انهي جوازنا..  انا محتاج وقت بس وصدقني هنسيها كل اللي حصل لكن طول ما سلطانه عندك في بيتك وبعيده عني مش هعرف اصلح حاجه خليها معايا. انا اوعدك هصلح كل حاجه

الخال : بس يازين

زين : افتكر بجدي وهو بقبره لما يشوف الجوازه اللي تعب عشان يتممهها تنتهي بالشكل ده هيعمل ايه 

الخال : ماشي يازين لكن وربنا يازين لو بنتي جاتلي معيطه تاني هنسى كل صله مابينا وهقفلك انا

زين: وانا اعيطها ليه سلطانه مراتي وكل حياتي .. خلاص خلص وقت العياط ياخال وسلطانه حقها هيرجع تالت ومتلت..

الخال : ماشي يازين هشوف اخرتها معاك. هديك شهر عشان ترجع اللي كان ما بينكم لو محصلش يبقى كل واحد يروح لحاله 

زين ارتبك لكنه اضطر يوافق 

والد سلطانه قال: هطلع اكلمها 

زين :ماشي ياخال وانا هروح اشوف عمي حامد

*********

حامد كان في الجنينه بيبص للفراغ مش عارف يعمل ايه من جهه مراته اللي بيحبها وبقالهم اكتر من15 سنه متجوزين ومن جهه تانيه ابن اخوه واللي عملته معاه .

حس بحد بيربت على كتفه بص وشاف زين 

حامد : انا اتصلت بأهل منى وهيجو ياخدوها ..

زين : عمي انا عارف اني غلطت لكن انا مستحملتش اللي حصل

حامد : غلطك على مرات عمك كأنك بتغلط فيا يازين وانا مش هتحمل ابن اخويا اللي مربيه يغلط عليا 

زين : حقك عليا انا والله مش

حامد : خلاص يازين 

زين بجديه : عمي مراتك غلطت وانا والله مكنتش هعمل كده لو ما...

حامد : قلتلك خلاص يازين سماح غلطت وهتعتذر واحنا عيله وهننسى اللي فات..

زين اتضايق كان بوده أن عمه حامد يعاقب مراته أقل حاجه يعملها عشان كانت هتخرب بيته لكن حامد اكتفى بأنها تعتذر وقف زين ومسح وشه بضيق وقال: اللي تشوفه ياعمي  وسابه ومشي وهو مخنوق 

اما عند سلطانه وأبوها 

سلطانه: هتسيبني مع زين تاني يابوي ده كان هيتجوز منى يابوي ده عمل معايا حجات محدش يعملها مع مراته

الاب : ادي لجوزك فرصه تانيه لو كل اتنين اتخانقو أطلقوا يبقى مفيش جوازه تكمل

سلطانه بدموع :ليه ..ليه انا اللي المفروض اكمل في الجوازه يابوي انا مش عارفه اشوفه تاني انت معشتش اللي عشته .

الاب : هقولك كلمتين ياسلطانه جوزك لو مكنش هامك مكنتيش جيتي وقلبتي كتب كتابه كده احنا مش هنضحك على بعض انا عارفك اكتر من نفسك

سكتت سلطانه. .

الاب ابتسم وهو بيطبطبب على كتفها بحنان اتدلعي عليه براحتك واعندي معاه بس وانتي في بيتك الا لو حابه تقطعي حبال الوصل نهائي لكن بعدها مفيش رجوع سمعاني يابنتي مفيش رجوع .

سلطانه ..

الاب :جوزك شاريكي وباقي عليكي واللي حصل منه مكنش في أيده انتي سمعتي الشغاله قالت ايه هما كانوا بيحطوله حجات في القهوه .

سلطانه:  بس كان هيتجوز

زين : اي حد مكانه راجل وابن أصول كان هيعمل كده دول وهموموه أنه عمل الغلط مع البنت عايزاه يتخلى عنها .

سلطانه ..

الاب باس جبينها وقال بهمس: انا اديته مهله شهر عشان يصالحك شوفي انتي بقى واتصرفي على  ده الاساس  دلوقتي هامشي وابقى اكلمك اطمن عليكي

سلطانه...

**********

حامد لسه في مكانه مش بيتحرك بيفكر في الموقف المحرج اللي اتحط بيه قدام ابن اخوه هو بيحب مراته ومش هيعرف يتخلى عنها ابدا .

التفت لما سمع حد بينده اسمه وكانت سماح بتعيط 

: حامد 

بص ليها بزعل

سماح قربت منه بدموع ووو

********

هناء فاقت من نومها وبصت حوليها مكنش في حد جنبها ندهات بنعاس كنان اتجمعت الدموع في عينيها ونزلت تدور على كنان خرجت للشارع وووو

يتبع.