بصيت للشخص وطلع مُراد مدير المطعم بصلي وقال:

_ انتَ واقف مع دي ليه؟

بصيت وقولتله:

_ مالها دي مش فاهمه وبعدين هو للي موقفني...

بصلي بقرف وقال:

_ مش بكلمك انتِ..

_ بس الكلام عليا ولا ايه؟!

كان لسه مُراد حيتكلم أتكلم آدم بسرعه وقال:

_ شكراً يا ريڨَال بجد...

_ شكراً علىّ ايه يا آدم وانتَ واقف مع الأشكال دي ليه؟

بصتله وأنا بتصنع القوه وقولت:

_ بقولك ايه انا مش شغاله عندك علشان تتكلم عليا بالاسلوب دا!!!

ضحك مراد وقال:

_ كنتي فعلاً شغاله عندي!!  

قال كدا ومشي...

معرفتش اقول ايه فا إتكلم آدم وقال:

_ معلش يا ريڨَال هو بس اسلوبه كدا بس قلبه طيب والله...

هزيت راسي ومشي آدم....

______________________________

في العربيه:

ركب آدم وقال:

_ ايه الطريقه الزفت للي بتتكلم بيها مع ريڨَال دي؟

_ بنت مش محترمه...

_ عيب يا مُراد كدا انتَ خالي والمفروض اتعلم منك مش اعلمك و ريڨَال بنت محترمه جداً و هي ازاي كانت شغاله عندك مش فاهم؟

نفخ مراد وقال:

_ كانت شغاله في المطعم يا آدم...

_ مش فاهم وايه للي حصل...

اتكلم ببساطه وقال:

_ طردتها امبارح...

صرخ آدم في مُراد وقال:

_ انتَ اهبل ازاي تطردها؟!!!

اتنرفز مُراد وقال:

_ آدم احترم نفسك انا خالك...

حاول آدم يهدي نفسه وقال:

_ مُراد انتَ ازاي تطردها بجد؟

_ في ايه ايه المُشكله مش اول ولا اخر واحده تطرد من شُغلها..

_ هو انتَ ايه معندكش قلب البنت دي بتصرف علىّ ابوها وأخواتها ودراستها انتَ متخلف ايه للي مش اول ولا اخر واحده تطرد مش شُغلها....

أتكلم مُراد بسخريه وقال:

_ ابوها للي ملهوش لازمه مخلي بنته تصرف عليه ليه؟

أتكلم آدم بتأسف ويأس وقال:

_ مُراد ريڨَال باباها قاعيد مش بيمشي ميقدرش يشتغل وانتَ تطردها حتلاقي شُغل ازاي وهي معندهاش خبره و لسه بتدرس...

_ والله بقى معرفش هي بنت مش ملتزمه ب مواعيدها وانتَ عارف دي أهم حاجه عندي.....

_ مُراد انتَ لازم ترجعها الشغل...

_ لا طبعاً مش بعد ما طردتها...

بصله آدم نظرات غضب وسكت...

____________________________

خلصت المُحاضره ومشيت حتي مستنتش دينا ورنا ومشيت وأنا مش عارفه اتصرف ازاي قعدت اليوم كُله ادور علىّ شُغل وللاسف ملقتش يأست وتعبت فا روحت وقولت بكرا حدور تاني....

فتحت باب البيت ودخلت لقيت ريتال جت عليا حضنتني وقالت:

_ وحشتيني في الشويه دول بجد....

حضنتها وقولت:

_ وانتِ اكتر يا حبيبتي...

ريَّان طلع وقال:

_ ريڨَال ممكن مش وقت حُضن الاخوه انا جعان...

اتكلمت ريتال بعصبيه وقالت:

_ هو دا للي انتَ فالح فيه جعان جعان بس دا دورك في اليوم...

_ ملكيش دعوه انا برجع من الدروس تعبان...

ضحكت بغُلب عليهم وقولت:

_ خلاص يا حبايبي مش وقت خناق انا تعبانه والله حدخل اعملكو الاكل دلوقتي....

دخلت عملت الأكل وخلصته وقعدنا كلنا واكلت بابا وقال انه عايز ينام شويه دخلته نام شويه وبعدين قعدت لقيت ريَّان جاي عليا وهو بيفرك في رقبته وقال:

_ ريڨَال عايزك في موضوع...

_ اتفضل يا حبيبي قول..

_ بصراحه عايز فلوس...

غمضت عيني وقولت:

_ ليه؟

_ عايز اطلع رحله مع صُحابي في نص السنه علشان المُدرسين حيدونا اجازه و نفك عن نفسنا شويه...

_ طيب يا ريَّان حبقى اديك...

_ ما أنا عايزهم اليومين دول..

_ ليه؟

_ علشان الحجز...

_ ماشي يا ريَّان حاضر...

الفرحه بانت في عينيه وقام حضني وقال:

_ والله انتِ احسن أخت في الدُنيا دي...

ضحكت و لقيت ريتال جايه علينا وقالت:

_ دلوقتي احسن أخت في الدنيا مش كانت صوتك قد كدا وانتَ بتقول جعان...

بصلها ريَّان بقرف وقال:

_ نفسي تبطلي تدخلي في حياتي...

_ مبدخلش في حياتك بس انتَ بتاع مصلحتك...

_ انا بتاع مصلحتي يا للي ملكيش لازمه...

اتكلمت بحده وقولت:

_ خلاص مش وقته روح يا ريَّان شوف للي وراك...

مشي ريَّان جت ريتال قعدت جمبي وقالت:

_ ريڨَال؟

_ عايزه فلوس ل ايه؟

ضحكت ريتال وقالت:

_ حبيبي للي فاهمني...

ابتسمت وقالت:

_ عايزه فلوس علشان خلاص كام يوم وحرجع تاني الكُليه...

_ طيب يا ريتال حاضر...

قومت دخلت اوضتي وأنا مش عارفه حتصرف ازاي علشان اكيد ريَّان عايز فلوس الدروس و بابا عايز ادويه غاليه غير فلوس العمليه للي بحاول احوشها غير ريتال للي عايزه فلوس سكن وكليه ونت وحياه تانيه.....

حسيت ان دماغي حتنفجر من التفكير ومحدش يعرف اني سبت الشُغل قومت صليت ركعتين و سجدت وقولت كُل للي في قلبي....

وبعدين قرأت قُران ودخلت نمت...

_______________________________

عند مُراد و آدم:

دخلو البيت وراح آدم ل مامته رانيا وجدُو محمد وقال:

_ تعالى شوف ابنك يا جدي...

_ ماله عمل ايه؟

_ طرد بنت من المطعم..

_ ليه كدا يا ابني؟

أتكلم مراد ببرود وقال:

_ عادي هي مش ملتزمه ب مواعيدها....

_ تقوم تطردها كنت حذرها؟

_ متحذره كذا مره...

_ يا جدي بس البنت دي بتصرف علىّ اهلها ابوها قاعيد وهي يعيني بتصرف علىّ اخواتها وبتبقى في الكليه علشان كدا هي بتتاخر...

اتكلم الجد بحده وقال:

_ من امتي وإحنا بنيجي علىّ الناس كدا؟

_ يا بابا..

قطع جد آدم كلام مراد وقال:

_ اتفضل روح اعتذرلها ورجعها الشغل...

_ نعم انا اعتذر ل دي؟

_ اه يا مراد حتعتذرلها يا إما تمشي من البيت ومشوفش وشك وأنا غضبان عليك...

أتكلم آدم بسرعه وقال:

_ يلا يا مراد نروح...

_ نروح فين انا مش حعتذر ل لحد!!

اتكلمت رانيا بحده وقالت:

_ اتفضل يا مراد يلا روح وانا جايه معاكو...

_ يلا يا ماما اطلعي البسي بسرعه...

طلعت مامت ادم لبست ونزلت ومراد بيزعق وبيقول:

_ مش رايح في حته ومش رايح ل حد...

أتكلم الجد بحده وقال:

_ يلا يا مراد قوم روح مع اختك وابن اختك يلا....

_ قولت مش رايح...

_ طب تمام اتفضل اطلع برا وملكش فلوس ولا مطاعم ولا اي حاجه...

نفخ مُراد ومشي مع رانيا وآدم وركب العربيه... 

ووصلو البيت...

طلعو خبطو كنت قايمه اشرب حسيت بخبط الباب روحت افتح اتصدمت لما لقيت مُراد و آدم و واحده غريبه....

_____________________________

يتبع...