وجة عمي قط...ع&ت عضو حساس من الراجل الي كان في الفيديو مع نادية

بمساعدة ولادها

ودلوقتي ...عفريتة اختي نادية

 مصممة اني انا الي اعمل عملية لزق الي اتقطع

هارسوووود

ودا هوصلة ازاي دا؟

الجزء الثاني

سهرة مع مراة الاسد

للكاتبة...حنان حسن

في اللحظة دي

سالت خالتي تاني

وقلتلها...

ما تردي عليا يا خالتي انا هعمل ايه في موضوع القص واللزق دا؟

فا ردت عليا خالتي 

وقالتلي...

مفيش حل غير انك تسمعي كلام اختك وتطلبي من جلال الدين ابن عمك انه يساعدك

فا رديت عليها بغضب

وقلتلها...في ايه يا خالتي سلامة عقلك؟

دا جلال ابن عمي  عليه تكشيرة  ترعب لوحدها 

 انا كنت  بخاف اسلم عليه بسبب الي بسمعة عنة من شدتة وقسوتة واسلوبة الجاف  الي بيعامل بيهم خلق الله 

عايزاني اول ما اجي اتكلم معاه اقولة ..والنبي هات ابره وفتلة و تعالي ساعدني  نوصل ونلزق  ال... الهباب الي اتقطع؟

دا كدا هيقول عليا مجنونة

وهتسبب في  فضيحة المرحومة اختي علي الفاضي

لالالا يا خالتي  انا مش هقدر اكلم جلال في الموضوع دا ولا اجرؤ اقولة حاجة زي دي اصلا

فا ردت خالتي بعدما فكرت شوية

وبعدين قالتلي

خلاص يبقي ابعتيلة رسالة من مجهول 

 واشرحيلة فيها كل الي حصل مع اختك..

 واطلبي منه في الرسالة 

انه يطلع علي التوقيت الي في الفيدوا الي بيثبت وجود اختك في مكان تاني وقت تصوير الفيديدو

 عشان يتاكد ان الفيدوا متفبرك

وبالمرة اذكري موضوع القص واللزق

وانا متاكده ان جلال ابن عمك راجل شهم

 وبمجرد ما يعرف بالي حصل لنادية..

ساعتها هو الي هيسعي للحقيقة عشان يثبت براءة المرحومة بنت عمة 

وهتبقي انتي بعيد عن الموضوع

بدل ما ولاد عمك ما  يعرفوا انك فضحتيهم عند العمدة و النار تشعلل اكتر بينك وبين مراة عمك

ويخلوا عيشتك مرار

كفاية المعاملة الهباب الي بيعملوهالك من ساعة ما اختك نادية راحت

بصراحة بعدما سمعت  اقتراح خالتي 

لقيت ان الحل دا معقول جدا

فا قلتلها ....يظهر ان مفيش حل غير كدا وانا قررت انفذة بالفعل

فا ردت عليا خالتي وهي بتحذرني

وقالتلي...خلي بالك جلال ابن عمك فرحة الليلة وبعدها هياخد عروستة ويسافروا لشهر العسل

يعني لازم توصلي له الرسالة النهاردة قبل الفرح

للكاتبة..حنان حسن

في اللحظة دي

افتكرت ان مراة عمي كانت قاعدة الصبح مع صبري  خطيبي وبتقولة ان العمدة عزمنا علي فرح جلال ..الي كان اتأجل لبعد الاربعين بتاع نادية

وفي اللحظة دي

لقيتها فرصة اني ادخل بيت عمي العمدة بحجة الفرح واوصل رسالة المجهول لجلال ابن عمي باي طريقة

وبالفعل

كتبت الرسالة لجلال ودفستها في صدري

وروحت بسرعة لبست فستان يليق بالفرح وادعيت اني هروح اساعد مراة عمي العمدة في الخبيز والطبيخ بتاع الفرح

وبمجرد ما اخدت الاذن من مراة عمي

خرجت اجري قاصدة بيت العمدة

لكن قبل ما اوصل لباب الدار

لقيت ادامي صبري خطيبي

بيسالني رايحة فين؟

فا خوفت اقولة رايحة بيت العمدة لا يجي  معايا

وانا عارفة صبري لازقة ومش هيسيبني اغيب عن عنية لحظة

فا اخترعتلة حجة تانية

وقلتلة... انا رايحة لخالتي استعجلها عشان تيجي معانا الفرح

فا بصلي صبري با ابتسامة

وقالي...لا خليكي انتي وانا هروح اجيبلك خالتك لغاية عندك

فا هزيت راسي

وقلتلة..خلاص روح هاتها وانا هستناك هنا

فا انتهز صبري اللحظة الرايقة دي

وسالني

وقالي...متيجي نعمل فرحنا احنا كمان الاسبوع الجاي

فا لقيتني برد بزهق

وقلتلة...انت مبتزهقش من الكلام في الموضوع دا يا صبري؟

انا قلتلك مية مرة مش هتجوز قبل السنوية بتاعة اختي

للكاتبة...حنان حسن

في اللحظة دي

لقيت ملامح وشة اتغيرت

واتعصب عليا

وقالي... انا بقالي فترة كل ما اكلمك علي كتب الكتاب والفرح تطلعيلي بحجة شكل

متجيلي دوغري يا بت عمي وتقولي مش عايزاك وخلاص

فا رديت بحسم عشان انهي الكلام واروح انفذ المهمة

وقلتلة...بص يا صبري انا مش هتجوز غير بعد السنوية ودا اخر كلام

ولو مستعجل علي الجواز اوي روح شوفلك عروسة تانية

فا بصلي صبري بغضب وسبني. ومشي

 بدون ما يرد عليا

للكاتبة..حنان حسن

وانا طبعا انتظرت بمجرد ما صبري خرج انا كمان خرجت واتوجهت لبيت عمي العمدة

وبمجرد ما دخلت دوار العمدة

سألت الشغالة علي مراة عمي العمدة قالتلي في الدور الي فوق مع ام العروسة بيجهزوا غرفة العرسان

ام العروسة دي تبقي شقيقة مراة العمدة

انا كنت سمعت قبل كدا ان جلال هياخد بنت خالتة 

المهم

فسالتها تاني

وقلتلها..امال العريس فين؟

فا قالتلي...يعني هيكون فين ؟

اكيد العريس  في المندرة  مع حضرة العمدة بيقابلوا الناس الي جايلهم 

بعدما سمعت كلام الشغالة

واتطمنت بان غرفة جلال فاضية

قررت انتهزالفرصة وقلت اطلع فوق لربما اقدر ادخل لغرفة جلال الي هيرجع يلبس فيها

 واحط الرسالة 

بدون ما حد يشوفني

للكاتبة..حنان حسن

وبالفعل

اتسللت وطلعت علي الدور التاني بحجة اني طالعة لمراة عمي ..لكن بمجرد ما وصلت لغرفة جلال فتحت الباب ودخلت وقفلت ورايا بسرعة

 حتي بدون ما افتح نور الغرفة عشان ملفتش الانظار 

المهم

فضلت اتحسس طريقي في الغرفة المظلمة لغاية ما وصلت للسرير

وكان هدفي اني احطلة الرسالة تحت المخدة عشان محدش يوصلها غيره

لكن ..اثناء ما كنت بتحسس السرير اتفاجئت بملمس جسم بشري مسك ايدي وقبض عليها

وبعدها سمعت صوت جلال

الي فتح كشاف الموبيل في وجهي  بيقولي...انتي ايه الي دخلك هنا؟

فااتفزعت وفضلت ارتجف واقولة

من فضلك افتح النور واهدي وانا هفهمك كل حاجة

وبصراحة خوفت اقولة علي موضوع الورقة وفضيحة اختي فا قلت افكر في اي حجة تانية لوجودي في غرفتة

لكن...قبل ما افكر في اي حجة

اتفاجئت بالباب بيتفتح عليا انا وجلال وبيظهر ادامي صبري خطيبي

الي كان واضح انه بيظبطنا

واحنا في السرير مع بعض

والمصيبة ان جلال كان عاري الجسد

لحظتها الصدمة ثبتتني مكاني

واتخرست

وتقريبا لو كنت حاولت ادافع عن نفسي مكنتش هلحق اقول حاجة

لان صبري دخل زي المجنون عشان يخلص علي جلال

للكاتبة..حنان حسن

وفي اللحظة دي

انا فضلت اصرخ...عشان حد يلحقهم قبل ما يقتلوا بعض

وطبعا البيت كله اتلم 

ولما رجالة العمدة  فصلوا بينهم 

صبري قالهم انه ظبطنا متلبسين

في اللحظة دي

مراة عمي واختها الي هي (ام العروسة)

انقضوا عليا وجابوني من شعري

 وكانوا ناويين يخلصوا عليا

وفهمت لحظتها اني هالكة لا محالة

لان حتي لو هما مخلصوش عليا

اكيد صبري  كان هيخلص عليا

وفي كل الحالات كنت متأكدة  بان مصيري هيكون نفس مصير اختي

لكن فجاءة

سمعت صوت جلال بيزئر زي الاسد الجسور

وبيقولهم...

حذار حد منكم يلمسها...ريم بنت عمي اشرف بنت في البلد

فا ردت ام العروسة بغيظ وغل

وسالتة بسخرية

وقالتلة..

طب ممكن تقولنا يا سيد البلد

 الست ريم الشريفة موجودة معاك علي السرير بصفتها ايه؟

فا رد جلال الدين بمنتهي الحسم

وقال...

ريم تبقي.... زوجتي

فا برقت عنيا من الصدمة

وسلكت وداني عشان بصراحة مصدقتش الي سمعتة

لكن جلال عاد الجملة تاني

واعلنها مدوية

وقال...

انا وريم بنت عمي متجوزين علي سنة الله ورسولة....؟