رجع بصلي = مين ادهم دا ؟

برقت _ ديفيد!!!

= ديفيد دا جوزك؟

هزيت راسي ب اه _ لو عرف إني هنا مش هشوف نور الشمس تاني 

= متخافيش ، ملك خديها الاوضة الي جوا ومتطلعوش منها خالص لحد ما أقولك تخرجي 

° مش انت قولت أنها بنت صاحبة الشغل ، يعني مديرك الي برا المفروض أبوها ، هو فيه ايه؟ 

= مش وقته ، دخليها حالا وخليكي معاها

دخلت أنا وهي الاوضة وأحمد فتح باب الشقة 

= اتفضل يفندم ، نورت المكان 

° الله يخليك يا احمد ، مجتش النهارده ليه؟

= تعبت شوية ف قولت أريح ، شيلت حاجات كتير اوي امبارح 

° وانا يسيدي مش هحسبلك يوم الغياب دا

= كتر خيرك يفندم 

° اعرفك ، أدهم بيه من كبار رجال الأعمال في البلد

= أهلا وسهلاً 

° كنا جايين عشان مرات البيه هربت من الفندق امبارح 

= لا حول ولا قوه الا بالله، شوف الدنيا غريبة والله 

° حضرته جاي يسألك عن كام حاجة ، هو سأل كل الي شغالين في الفندق قبلك 

بصلي ووشه كله مليان غضب _ شوفت مدام لابسة بني امبارح؟

= أنا كنت طلعت الشنط ومشوفتهاش من وقتها 

_ مشوفتهاش خالص بعدها ؟ 

= أيوة يفندم هو فيه حاجة ! 

_ اصل غريبة 

= ايه الغريب في كده؟

_ الكاميرا جايبة وهي جارية علي البدروم وجيباك انت كمان وانت داخل بعدها بشوية 

= أصل.. كنت بجيب حاجة من جوا ولما دخلت كان البدروم فاضي مكنش حد موجود ، الظاهر انها هربت قبل ما ادخل 

_ بص يا احمد، انا هكلمك بطريقتك ، دلوقتي شغلانتك دي أخرك تاخد فيها كام في الشهر ؟ ٣٠٠٠ جنيه ب التبس؟ هتعرف تعيش بيهم في مصر؟ تفتح بيت وتبقي مسؤول عن عيلة وزوجة وأطفال؟ مستحيل ، بس لو قولتلي أي معلومة عن مراتي أنا هديلك مبلغ كويس اوي ، ولو قولتلي هي فين هديلك اتنين مليون جنيه ، اعتبرهم مساهمة مني ل شاب في أول حياته ، تفتح بيهم المشروع الي بتحلم بيه وكمان العملية بتاعت والدتك 

بصله بخضة = انت عرفت منين إن والدتي تعبانة؟ 

_ انا لو عوزت أعرف اي حاجة عن حد بعرفها في خمس دقايق مبالك سواد الليل الي عدا ، والدتك أكيد هتبقي اغلي عندك من مجرد واحدة متعرفهاش هربانة من جوزها ، صح؟  انا مش هأذيها أنا عارف انك إنسان، أنا عاوز أطمنها وأرجع بيها بيتنا 

=..

_ هي فين ؟

كان بيفرك في إيده ومش عارف يرد ف ملك طلعت بسرعة من الأوضة وندهتله 

° أحمد لو سمحت ممكن ثانية؟

= بعد اذنكم جاي حالا 

جه ودخل الاوضة وملك وقفت قدامه 

° انت بتفكر في ايه؟ أنا سمعت أنه عرض عليك اتنين مليون جنيه ، انت ازاي مقولتلوش لحد دلوقتي أنها هنا ؟

= عشان هي مش عاوزة تروح معاه 

° دا جوزها ودي مراته احنا ملناش دعوة ، دي فرصة العمر يا احمد متضيعهاش ، عملية مامتك وجوازنا وحياتنا كلها واقفة انك تسلم واحدة ل جوزها وانت قاعد تفكرلي!

_ دا مش جوزي

بصولي هما الاتنين ف كملت ب عياط 

_ دا إسر_ائيلي ، اتجوزني ب اسم مش اسمه ، أنا مسلمة وقدام ربنا الجواز دا باطل ، لو رجعت معاه مفيش حاجة هتمنعه أنه يبقي جوزي ، أهلي بعيد وممكن هو ياخدني ونروح مكان ميعرفوش يوصلولي فيه أبدا، لو خدني من هنا.. هموت 

° وأحمد مش ذنبه يحصله مشاكل في شغله أو أن جوزك يأذيه بنفوذه بسببك!

سكتت وبصيت علي الأرض _ عندك حق ، أنا فعلا اتسببتلك في مشاكل كتير يا احمد ، كتر خيرك

حطيت ايدي علي الأوكرة بتاعت الباب ف قفل الباب تاني قبل ما اطلع 

= مش هتخرجي ، أنا هقولهم اني معرفش حاجة عنك وهرجعك لأهلك

ردت ملك بصدمة ° أفندم؟؟ انت اتجننت يا احمد ؟

= ابقي مجنون لو سيبتها ترجع مع جا*سوس ، انتي مسمعتيش هي قالت ايه؟ دا مش جوزها دا ميتسماش جواز ، ولو وافقت ابقي بشارك في جريمة ربنا ميرضاش بيها ، هنعرف ننام ازاي يا ملك واحنا السبب في تسليمها لإسرا_يلي؟ 

° دي حاجة متخصنيش ، الي يخصني أنت، احنا مش قدهم ، انت مشوفتش بيتكلم عليها ازاي؟ دا لو حس لحظة أنها هنا مش هيرحمنا كلنا 

= افضلي معاها وانا طالعلهم وهمشيهم 

° يبقي بتضيع علينا الفلوس الي لو اشتغلت عمرك كله مش هتعرف تعمل زيهم!

=..

° احنا محتاجين الفلوس عشان عملية مامتك ولا نسيت؟

طلع من الأوضة ف رجعت بصتلي 

° لو حصله حاجة هتبقي انتي السبب 

كنت بعيط ومش عارفة اعمل ايه ، راجل لسه عرفاه امبارح وحصله كل المشاكل دي بسببي ، كان أي واحد مكانه هيوافق يسلمني ، أي حد عاقل كان هيعمل كده .

= عفواً يبشوات ، بس طلبكم مش عندي ، لو عرفت أي معلومة هوصلك بيها يا ادهم بيه 

_ انت متأكد؟؟ 

ملك فتحت الباب عشان تخرج فجأة، عيني جت في عين ديفيد قبل ما الباب يتقفل تاني ، جسمي اتنفض من مكانه من الخوف 

_ مراتي جوا ، هاخدها من سكات ولا هنعمل شوشرة ؟

احمد فتح الباب وبصلي وشاورلي عشان أروحله 

= تعالي يا مريم

كنت بمشي بتقل في رجلي ، هي دي النهاية معتش فيه اي حاجة ينفع تتعمل ، مستحيل يشيل عينه من عليا لحظة عشان هربت قبل كده ، من اللحظة دي مش هعرف أهرب منه تاني .

= اجري يمريم بسرعة 

قالها وهجم علي ديفيد كتفه ، اتخضيت بس خرجت من الشقة بسرعة ، ركبت الاسانسير ونزلت فيه وانا بترعش، وصلت الدور الارضي وجريت نحية باب العمارة لكن.. اتنين من رجالة ديفيد كانوا تحت ومسكوني ، فضلت اصوتت وأقاومهم عشان أعرف افلت منهم بس محاولاتي كانت ضعيفة ، نزل ديفيد بسرعة واحمد نزل وراه 

_ امسكوه 

مسكوا أحمد وديفيد وقف جمبي وضمني ب أيده

= ابعد عني 

_ لو فاكرة انك ممكن تهربي مني تبقي غلطانة ، أنا قدرك 

= سيبني في حالي ، لو رجعت معاك هموتك واموت نفسي 

ابتسم وبعدين بص ل أحمد _ كان ممكن تستخبي عند حد اذكي من مجرد شيال غلبان! 

= متأذهوش ، هو معملش حاجة ، سيبه يا ديفيد 

_ لو مشيتي معايا من سكات هسيبه ، لكن لو فضلتي عنيدة ومش راضية تمشي ف هعتبره السبب في انك تهربي ليلة كاملة مني وهاخد حقي دلوقتي ، ايه رأيك؟

كنت باصة ل احمد ، ملوش ذنب في أي حاجة حصلتلي ، أنا مش هعرف اتصرف لكن هو مينفعش يدفع تمن غباء واحدة ميعرفهاش!

= سيبه أنا هاجي معاك

رجالته سابوه لما ديفيد شاورلهم ، بصيت ل احمد وانا بعيط

= أنا آسفة 

مسك ايدي ومشيت معاه وفتحلي باب العربية ، ركبنا وروحنا علي الفيلا بتاعته ، دخلت وقعدت علي كرسي وانا باصة في الأرض 

_ نورتي البيت 

=..

_ جعانة؟ تحبي تاكلي ايه واقولهم يجهزوه ؟

=..

قعد قدامي ومسك أيدي ف سحبتها علي طول 

_ مريم انتي متعرفيش ممكن كان يحصلي ايه لو ملقتكيش، انتي الوحيدة الي مينفعش أخسرها

= انت استغلتني ، استغليت اني.. حبيتك واختارت انك تاخدني في الضلمة ، انت حتي مسألتنيش! ، ازاي ولا مرة مشكتش فيك؟ ازاي كنت واثقة فيك ومغمية عيني للدرجاتي؟ 

_ محدش في الدنيا كلها هيحبك قدي 

= وانا مبكرهش في الدنيا قدك 

_ لاء يمريم ، أنا عملت كل دا عشانك 

= انت اناني عملت كل دا عشان نفسك 

_ هتنسي، الوقت قادر ينسي كل حاجة 

= أنسي انك اسر_ائيلي؟ 

_ أنا جوزك 

زعقت = أنا اختار اني أموت ولا إن دا يحصل ، قسيمة الجواز مزورة ، اسمك مزور ، مفيش اي حاجة حقيقية حصلت يومها 

_ أنا هسيبك ترتاحي النهارده ونبقي نتكلم بعدين 

سابني ومشي خطوات ف وقفت مكاني 

= ديفيد 

رجع بصلي = لو عدي ميت سنة عمري ما هبقي مراتك 

مشي ف رجعت قعدت مكاني ، الفيلا حواليها جارد من كل مكان ، مش هعرف اطلع من المكان دا ابدا! 

بليل كنت قاعدة في الأوضة ، الباب خبط ودخل 

_ انتي لسه مكلتيش أي حاجة من الصبح؟

=..

_ العشا برا جاهز ، انزلي عشان ناكل سوا 

=..

_ هتفضلي كده لحد أمتي؟

= لحد ما تطلقني

_ مش هيحصل ، أنا مش هطلقك يمريم 

= يبقي سيبني اموت 

_ ولا دي كمان هتحصل ، اديني فرصة ، فرصة واحدة 

= مفيش حاجة في ديني تخليني أدي فرصة ليك ، ربنا عمره ما هيسامحني لو عملت كده 

زعق _ انتي عاوزة ايه ؟

= عاوزة امشي من هنا ، ترجعني ل أهلي زي ما خدتني، والله ما هقول عنك كلمة واحدة وحشة ، والله هقولهم اني انا السبب وانك كويس، سيبلي أي حاجة حلوة افتكرك بيها ، والله ما هقولهم حاجة يديفيد ، رجعني أنا حاسة اني مش عارفة أتنفس طول منا موجودة في المكان دا ، لو بتحبني صحيح ارحمني وسيبني امشي 

صوت عياطي بدأ يزيد ، جه وقعد قدامي وعينيه بتدمع 

_ يمريم أنا طول عمري لوحدي ، محستش اني عايش غير لما شوفتك ، أنا ضحيت بكل حاجة عشانك، شغلي علي المحك وحياتي كلها هتبوظ ومستقبلي الي فضلت سنين أبني فيه هيتهد قدام عيني واختارت اني اتجوزك ، انتي الست الوحيدة الي حبيتها ، لا كنت عاوز اتجوز ولا شايف حاجة غير نفسي والي بعمله ، لما بقيتي موجودة غيرتي كل حاجة ، دا انا اموت عشانك يمريم اموت عشانك 

كان هو كمان بيعيط ، صعب عليا؟ يمكن ، فضلت بصاله وهو بالضعف دا قدامي ، شايفة الراجل الي حبيته بس عقلي رافض يصدق أنه نفس أدهم ، شبهه في كل حاجة لكن مش هو .

= أنا ممكن اديلك فرصة تاني بس بشرط

رفع وشه ليا بسرعة _ أي حاجة ، اطلبي الي انتي عوزاه

= تأسلم وتبقي مصري تاني 

_ إيه؟؟؟؟

= دا الشرط الوحيد الي يخليني أقبل انك تبقي جوزي ، واوعدك اني هحاول انسي كل الي حصل 

_ أنا عمري ما أقبل اني ابقي مصري ، انتي متعرفيش أنا حصلي ايه هنا ، متعرفيش اداس عليا كام مرة ولا وقفت في طوابير العيش قد ايه ، متعرفيش أتخصملي كام يوم عشان جيت متأخر عشان مفيش مواصلات وجاي محطوط وسط كوم لحم عشان أوصل شغلي ، متعرفيش نمت كام يوم من غير عشا ولا كام مرة اتظلمت ، لما روحت الدولة في تل أ_بيب بقي عندي فلوس معرفش أعدها ، عربية وبيت مكنتش أحلم بيهم لا اتظلمت مرة ولا حد يعرف يجي عليا ، عوزاني اسيب كل دا ؟؟ 

_ انهي دولة الي بتتكلم عنها؟ دي ملهاش وجود حتي علي خريطة! ، شايف مصر وحشة اوي كده ومش شايف الناس والأطفال الي بتتقتل ظلم كل يوم ؟ كل ساعة ؟ ، انتوا بتقتلوا ب دم بارد ولا كأن الأرض بتاعتكم ، طبعاً مفهمينك إن يا حرام كل الحرب دي معمولة عشان رد الوطن والكرامة ، انتوا عمركم ما كان عندكم كرامة، لما الحرب بتبدأ بيبقي الخايف انتوا، علي الاقل يديفيد الي بيستشهد مننا معروف بيروح فين ، لكن انتوا بقي بتبقوا خايفين عشان عارفين أخرتكم ايه 

= أنا ميهمنيش الا أنتي وان نفوذي تفضل موجودة ، أنا مبقتلش حد 

_ بس بتشارك ، منتمي وراضي ، أنا قولتلك الي عندي وانت اختار 

سابني وخرج ، كنت عارفة أنه مش هيوافق ، هفضل سجينة آسيرة ومحدش عارف عنها حاجة .

فتحت شنطتي اخد الفون بتاعي ، لقيت ورقة وجهاز صغير ، دا.. GPS!!!!! 

فتحت الورقة كان مكتوب فيها رقم تليفون ، بصيت ب استغراب علي الورقة وطلعت فوني وكتبت الرقم ورنيت 

_ أيوة، مين ؟

= انتي كويسة؟

_ أحمد؟؟؟ 

= أيوة ، حصلك حاجة ؟

_ لاء ، انت حطيت الورقة دي أمتي؟ وايه ال GPS دا؟ أنا مش فاهمة حاجة

= هتفهمي كل حاجة في وقتها ، اهم حاجة خلي الجهاز دا معاكي في أي مكان تروحي فيه مع ديفيد 

_..

= متقلقيش مفيش حاجة هتحصلك ، أنا معاكي 

_ انت مين؟ أنا مش فاهمة

= هنتقابل قريب واقولك كل حاجة ، خلي بالك من نفسك 

قفل ف خبيت الجهاز بسرعة اول ما ديفيد فتح الباب 

_ مريم 

= أيوة ، فيه حاجة ؟

_ أنا موافق 

= موافق علي ايه؟

_ علي شرطك 

بصيتله وانا مش مصدقة الي سمعته 

= انت بتتكلم بجد؟

_ أنا ممكن اعمل اي حاجة عشان تفضلي معايا ، مش مهم أي حاجة تانية 

وقفت قدامه = يعني بجد هتأسلم وتبقي في مصر علي طول؟

_ بس اديني وقت ، لازم عشان أمشي من عندهم ميتشكش فيا عشان ميخلصوش مني 

= بعد الشر عليك 

حط أيده علي وشي _ حقك عليا في أي حاجة عملتها 

هزيت راسي ب تفهم ف كمل _ ممكن بقي تنزلي تاكلي؟

= ممكن 

نزلنا سوا لتحت ، وفي ساعات قليلة قلبي رجع تاني مطمن ، طلع زي ما حبيته جواه حتة كويسة ، يمكن ظروف الدنيا الي حكمت عليه يعمل كده بس اهم حاجة أنه فاق ودا المهم .

افتكرت كلام أحمد ، الجهاز ومكانا ، هو اه ممكن ميأذنيش بس ممكن يأذي ديفيد؟؟

_ ممكن اطلب منك طلب؟

= أكيد، اتفضلي 

_ ممكن أخرج ؟ أنا هرجع تاني بس محتاجة أخرج شوية

= العربية برا تقدري تروحي أي مكان 

_ عاوزة أخرج لوحدك 

سكت وبصلي _ هرجع تاني صدقني ، هخرج بكرة ومش هتأخر ، أنا محتاجة الشوية دول 

= ابقي خلي بالك من نفسك 

_ ديفيد متبعتش ورايا ناس تراقبني 

ضحك = طب انتي عرفتي منين؟

_ حفظاك، هتبعت؟

= لاء ، أنا واثق فيكي وعارف انك هترجعي 

ابتسمتله _ شكراً 

معرفتش أنام يومها من التفكير ، يوم واحد وحصل فيه كل الاحداث دي! ، الصبح كلمت احمد وقولتله اني هجيله البيت وإن حصل حاجات كتير لازم يعرفها، روحتله بعد العصر وخبطت علي الباب 

_ انتي متأكدة أنه مجابش حد معاكي ؟

= لاء أنا لوحدي

_ اتفضلي 

دخلت وقعدت علي كرسي ف قعد قدامي 

_ انتي كويسة ؟

= أنا كويسة الحمد لله ، كنت لازم اجي أفهم وكمان عشان اشكرك 

_..

= واحد غيرك مكنش عمل معايا الي عملته ، لسه الدنيا بخير مدام فيها ناس زيك يا احمد ، أنا بجد متشكرة جدا ، دا مبلغ يقدر يساعدك شوية في الظروف الي انت فيها ولو عوزت أي حاجة اعتبر إن بقي ليك اخت

بصلي ب استغراب _ هو انتي هترجعي ل ديفيد وتعيشي معاه؟

= أيوة

_ يبقي اتجننتي! ، انتي فاهمة بتعملي ايه؟ دا اسر_ائيلي خا*ن بلده ، هتأمني علي نفسك معاه ازاي؟

= ديفيد هيأسلم وهيبقي مصري ، وانا هعيش معاه وهو مسلم 

ضحك وبصلي _ انتي طيبة اوي يمريم ، انتي صدقتيه؟

= دا جوزي وانا مصدقاه 

_ مش جوزك ، انتي نفسك عارفة إن الجواز دا باطل 

= لما يأسلم مش هيبقي باطل 

_ وانتي مصدقة أنه ممكن يسيب النفوذ دي كلها ويرجع علي الحديدة تاني ؟ دا هيسلبوا منه كل حاجة لو فكر يعمل كده 

= هو قالي أنه هيفضل معايا ، انت بتتكلم عنه كده ليه؟

_ افهمي يمريم ، متخليش عاطفتك تخسرك كل حاجة 

= وانا مصدقة جوزي ، بعد اذنك 

_ مريم ، أنا ظابط في المخابرات المصرية 

وقفت مكاني وانا متجمدة = نعم؟؟؟؟

_ وعاوزك تساعديني عشان اقبض علي ديفيد وكل الي بيساعده في مصر وأعوانه كلهم الي برا 

كنت واقفة ومش قادرة أنطق ، بصيتله وانا ببلع ريقي بصعوبة = يعني كل دا كان تمثيل ؟؟

_ دا شغلي 

= عملت كل دا عشان شغلك مش عشان تساعدني! وانا بقول بردو مفيش حد طيب كده 

_ كان لازم كل حاجة تبان طبيعية جدا  ويبان لما هربتي انك راجعة غصب عنك مش برضاكي عشان ميشكش في حاجة ، أحنا مراقبينه من فترة طويلة بس محدش عارف يمسك عليه حاجة ، مأمن نفسه مية في المية ف عاوزين مساعدة من حد قريب منه أو يمكن اقرب حد ليه الي هو  انتي ، أنا هبلغك ب الي مطلوب منك بالظبط

= اسفة يا حضرت الظابط ، أنا مش هأذي جوزي

_ ديفيد كان سبب في خراب كتير جوا مصر 

= هيتوب ، هو قالي أنه..

_ انتي مصدقة واحد اسر_ائيلي قاتل؟ ، أنا عارف انك طيبة وانه يمكن مثل قدامك أنه خلاص هيتغير ف صدقتيه بس فكري كويس يمريم ، لو ديفيد حس انك عقبة في طريقه ممكن يخلص منك

= مستحيل ، ديفيد مبيحبش حد في حياته غيري وهيتغير عشاني ، وانا عشان كويسة مش هقوله ب الحوار الي حصل بينا وهعتبر كل الي فات كان حلم ومش هفتكره 

_ اسمعيني انتي كده..

= أنا معتش عاوزة اسمع حاجة! ، ممكن تسيبني في حالي؟

خرجت من عنده وانا متعصبة ، كل شوية اكتشف حاجة ، للدرجاتي أنا ساذجة؟ مبحسش ب اي أذي من حد قدامي ؟

_ اتبسطتي؟

= ها؟ أيوة

_ طب كويس ، كنت عاوز اطلب منك طلب 

= أكيد، اطلب 

_ أنا عندي مشاكل كتير في مصر الفترة دي ، لازم أسافر 

= تسافر فين؟

_ تل أ_بيب 

= بس انت وعدتني انك خلاص معتش هيبقي ليك مكان وسطهم 

_ هخلص بس شغلي هناك وهرجع علي طول ونعمل الي اتفقنا عليه ، تكون مشاكلي في مصر قلت وعرفت أطلع ب أقل الخساير 

= وانت عاوز تطلب مني ايه؟

_ تيجي معايا 

= ايه؟؟؟؟؟