خرج من الاوضه وبعدين اتنفست وقولت" هو عاوز مني اي ده... مُصر يجنني! 

قومت اخدت شور و اتوضيت وكان لسه شويه علي اذان الظهر لميت شعري ديل حصان و لبست بجامه ستان لونها بينك عسوله كده. قولت اعمل فطار سريع. دخلت المطبخ كان في معركه حرفياً. الاطباق كلها في كل مكان والمواعين متبهدله وقشر بصل مرمي ولمون و اكل مطلع بره التلاجه واللي يصدم بجد بقا بيض مكسور علي الرخامه يعني ينهار زفاره بجد. محستش بنفسي غير وانا بصوت وبقول"زييييييييييين. 

لقيته جه ببرود وبيقولي* اي بتزعقي ليه. هو مفيش هدواء خالص. 

قولتله وانا علي اخري"هدواء... وهيجي منين وانت هنا... ايه اللي انت اتزفت وعملته في المطبخ ده.... ده مطبخ ولا زريبه.

 بصلي باستفزاز وقال* كنت جعان وحضرتك ما عملتيش اكل فيها ايه يعني لما تروقيه.....

 قلت و انا خلاص فقدت اخر ذره صبر عندي "اقسم بالله يا زين لو ما جيت لميت ورجعت المطبخ ده احسن من الاول. مش هقولك هعمل فيك اي.... 

قالي وهو بيقرب*هتعملي اي يعني يقطه. 

بعدت وقولت بتوتر"انت بتقرب ليه؟. 

قرب اكتر لحد ما ضهري لزق في التلاجه وقرب وشه مني وغمضت عيني بتوتر وبصيت النحيه التانيه و.. 

فجاءه

خد خياره من علي الرخماه وقطمها وضحك بستفزاز وقال *متخفيش انتي مش نوعي. 

وبعدين مشي.. اتوتر اويي واضيقت من نفسي علشان بضعف قدامه.. ايوه انا بحبه.. غصب عني... لو بايدي كنت مسكت قلبي ده ورميته تحت اقرب عربيه... 

روقت المطبخ وانا بدعي عليه.... في الحقيقه وانا بدعيله. مش قادره ادعي حتي عليه... رغم حبوا لغيري وتعاملوا معايا برضو لسه بحبه... بكره نفسي... بجد علشان الحب ده ضعف بالنسبالي حتي موقف مش قادره اخده ضدده... بعدين خرجت اتوضيت تاني وغيرت هدومي بعد المعركه دي وصليت الظهر وقرات اذكار وبعدين عملت حاجه خفيفه كلتها عباره عن توست بالشكولاته وايس كوفي.... حاجه ايه اخر روقان... وخلصت شغل البيت كان خفيف وانا بشغل نفسي في كتابه روايتي لقيت كائن التلج الرخم ده جاي عليا 

وبيقولي بخبث مطمنتلوش*احنا هنروح نعيش في بيت عيلتنا. 

بصتله بأستغراب وقولت" ليه؟ 

قالي بخبث*انتي مش عاوزه تعيشي مع اهلك وجدو و بنات عمك والعيله. 

قولتله وانا قلبي مش مرتاحله"ايوه طبعاً.. بس اشمعنا دلوقتي يعني.. ما كل العيله اقترحوا كده عليك... وانت صممت نعيش لوحدنا.. 

قالي وهو بيحاول يخبي حاجه *عادي شايف انك بتقعدي لوحدك كتير قولت عيب يعني ابعدك عنهم... 

قولت بصدمه من كلامه وضحكت سخريه"لا يا راجل وانت من امته بيفرق معاك حد غير نفسك.. عموما ماشي بس خلي بالك انا مش مطمنالك.. 

قالي بضحكه مريبه *ههه لا متخفيش اطمني خييييير.. وخير كتير اووي.... 

قام من جنبي ونزل... 

وقلبي دق جامد اوووي حاسه بحاجه هتحصل.. بس طنشت ده وبدات اكتب روايتي ايوه انا بحب الكتابه اوووي... وعندي تلات كتب في معرض الكتاب مكسرين الدنيا الحمدلله.. 

_____________________________

نزلت وقابلت صحبي خالد.. 

قالي بخوف*متاكد من ده... جدك لو عرف هيبقا اخر يوم في عمرك... 

قولتله بهدوا" ايوه متاكد .... اكتر حاجه متاكد منها يا خالد... بالنسبة لجدي ف هعرفوا بعدين بهدواء... واكيد هيتجبر علي الوضع.... زي ما جبرني علي الوضع ده... 

روحنا جبنا ورد و جاتوه وبعدين 

روحنا وخبطنا الباب...  ودخلنا بعد الترحيب  قال خالد بهدواء*زي ما كلمنا حضرتك يا عمي احنا جايين نطلب تاليا بنت حضرتك لي صاحبي واخويا زين على سنه الله ورسوله.... 

_____________________

كلمت اهالي وطمنتهم عليا بس مسألتش علي موضوع اننا هنيجي لحد ما اتاكد..... 

لقيت الباب بيفتح ودخل قومت وقولتله "حمدالله على سلامتك.... 

لقيته وشه مليان فرحه وقال*الله يسلمك..... دلوقتي لمي هدومك وجهزي حاجتك وبكره جدي هيظبطلنا جناح وان شاء الله هبيع الشقه بالعفش..... كده كده مش هنحتجها... 

قولتله بستغراب من فرحته الزياده واستعجاله" ماشي.. هو انت كنت فين؟ 

رد عليا بضحك خبيث*مشوار.....  مشوار جميل اوي. 

سيبته وانا قلبي مش مطمن... ودخلت لميت حجتي وجهزت شنطتي وسبتها مفتوحه علشان لو نسيت حاجه احطها الصبح... 

_______

دخلت انام وانا في اسعد لحظات حياتي وانا بفتكر ان خلاص كل حاجه هتبقا فل الفل... خصوصا ان موضعي مع تاليا خلاص اتحل... 

_______

صحيت الصبح وعملت روتيني العادي وصليت الظهر ولقيته لسه صاحي جاه عليا 

وقال بنعسان* صباح الخير.. جهزتي حجتك. 

قولتله بهدوا "صباح النور... ايوه لميت كل حجتي .. هنتحرك امته.. 

قالي بستعجال*بعد العصر كده.. انا كلمت جدوا وهما مستنيانا كلهم وجهزوا الجناح بتاعنا.. 

قولتله بهدوا" خلاص تمام. 

دخل الحمام ولبس و قالي* انا نازل شويه اول ما تخلصي رني عليا واقفلي الشقه وانزليلي. 

قولتله "ماشي.. 

كل ده وانا حاسه ان في حاجه خصوصا استعجاله في اننا نروح بسرعه ده غريب... 

_______________________

نزلت وقابلت تاليا في كافي. 

قالتلي بحب *اخير يا زين... اخيرا هنبقا لبعض مش مصدقه نفسي... ما تعرفش كنت خايفه قد ايه ان بابا يرفض بس لما حكيت لي ظروفك وانك هتطلق مراتك بعد ثلاث شهور .. وانك مغصوبه عليها وهي ما عندهاش مشكله اننا نتجوز... انا فرحانه قوي مش مشكله اني اكون زوجه ثانيه طالما كده كده هتطلقها اهم حاجه ان احنا نكون سوا... 

رديت عليها بشرود وحب* الحمد لله عمي قدر موقفي.. انا قررت ان اخليها تعيش في بيت العيله هو كبير جدا وجدي جهز لنا جناحنا.. وسبت الشقه علشان نجددها ونتجوز فيها انا وانت.. دلوقتي احنا نعمل خطوبه صغيره بينا...... وان شاء الله يا حبيبي اعوضك بعدين اهم حاجه ان احنا نكون مع بعض.. بالنسبه ل جوازنا يكون بينا و بين باباكي واهلك ومش هعرف حد من اهلي علشان ما يعترضوش خصوصا ان حنين هتصعب عليهم وهيزعلوا ويتضايقوا.. بالذات جدو انت عارفه ان هو تعبان ومريض قلب ولو عرف حاجه زي كده احتمال يروح فيها..... 

قالت بحب * مش مهم اي حاجه يا حبيبي المهم ان احنا نكون مع بعض ... انا بجد بكره اللحظات اللي انت بتكون فيها في البيت وانا حاسه ان كل لحظه بتكون مع اللي اسمها حنين دي ... اهم حاجه تظبط الدنيا ما تخليش حد يحس بحاجه وبعدين تيجي هنا تاني نكتب كتب كتابنا يا حبيبي.. 

بصيت لها بحب وانا ببوس ايديها وقلت لها* اكيد يعيوني.... اكيد... 

_______________

خلصت كل حاجه ولبست ورنيت عليه"السلام عليكم.... 

رد يزن ببرود*وعليكم السلام... خلصتي؟ 

رديت عليه بهدواء "ايوه خلاص... 

رد عليا *ماشي عشر دقايق وانزليلي... 

رديت عليه" ماشي... سلام... 

رد*سلام.. 

اتنفست بهدواء وانا مش مطمنه لحركاتوه خالص.. ربنا يهدي يارب.. 

عشر دقايق ونزلت.. 

___________

فتحت باب العربيه الخالفي علشان اركب.... 

قالي ببرود *ممكن سمو الاميره تركب قدام.... انا مش سواق حضرتك.... 

تجاهلته وقعدت قدام علشان مصدعه ومش فاضيه للجدال.. 

ساق بينا وكان متجاهلني تماماً وانا زيه.... 

هي /سرحانه في الطريق بفكر في مصيري هيبقا اي... وحياتي هتمشي ازاي...  

هو /سرحان في الطريق قدامه. ازاي هيطلقوا بعد شهرين ونص.. جده يروح فيها.. ازاي هيعرفهوم بخطوبتوا علي تاليا... طب جوازهم حتي... تايه ومتشتت... 

وفجاااءه... 

جت عربيه نقل كبيره... قدامه 

فاقت حنين من سرحانه بصدمه وهي بتقول بخوف وهالع"حااااااااااااسب...... زييييين

زين بخوف وصدمه حاول يتخطي العربيه بس للاسف... العربيه اتقلبت بيهم... 

زين ساب الكرسي بتاعه وحاوط حنين بخوف.. ليحصلها حاجه.... 

والعربيه لسه بتتقلب بيهم لحد ما واقفت..... 

_____________________________

في قصر العيله.. 

هاله(ام حنين) بقلق/قلبي مش مطمن.... رن عليهم تاني كده يا تامر... 

تامر (ابو حنين) وهو بيحاول يهديها/ اهدي يا هاله....  مكلميني وقالوا في الطريق.... مفيش داعي ارن تاني واقلقهم وخصوصا زين وهو بيسوق... 

قال الجد عبدالرحمن بهدواء وحكمه/محدش يقلق زمانهم علي وصول جهزوا بس الاكل و الجناح بتاعهم وكل الضيافه.... 

قالت مريم (بنت محمد  )/كل حاجه جاهزه يجدو... 

رد محمد اخوها بمرح يخفف التوتر/هروح اجهز البلاستيشن علشان اهزم سي زين.... 

رد عليه رضوان بضحك(اخو زين)/سمعني كده يلا تهزم مين... انت نسيت ولا افكرك.. مين كان بيخسرك بالخمس جيمات.... 

رد اسامه وهو بيضحك(ابن عمهم اشرف)/اوووف يعم محمد.... 

بصلهم مالك بقرف (اخو اسامه الكبير)/لسه عيال زي ما انتم... خمس دقايق لو لمحت حد فيكوا هنا هنفخوكوا.. يلا على الشركه... 

جريوا بدراما وسط ضحك العيله عليهم.. 

بصت رحمه ل مريم ( اخت اسامه و مالك) / اخيرا... هنشوف حنين... وحشتني اووووووي. 

ردت عليها مريم /ايوه والله رغم انها مبقلهاش كتير ماشيه.... بس بتوحشنيييي... 

اتكلم العم اشرف/يلا يا بنات ساعدوا الداده واهلكم في تجهيز الاكل... 

ردوا بصوت واحد حاضر.... 

اتكلم العم رضوان وهو بيحاور اخواته/تفتكرو.. الجواز عقلهم شويه.. 

رد تامر بضحك /بشخصيه حنين بنتي وزين ابنك مفتكرش خااالص.... 

رد الجد بحكمه/متخفوش حنين عاقله وهتوزن الامور بحكمه.. هي ايوه عنديه حبتين... وزين عندي حبتين تلاته.... بس بكره لما يعماروا مع بعض والحياه تعرفهم علي بعض ويتفهموا... سعتها. بس هتشوفوا قراري صح ازاي.... وبعدها ان شاء الله نجوز بقي الاحفاد... يارب ونرتاح من زنهم ده.... وجنانهم.. 

ضحك معاهم محمد و اشرف  بسعاده...... 

________________________

علي الجانب التاني في المستشفى بعد ما الناس طلبوا الاسعاف وخراجو زين وحنين من العربيه.... 

جري الدكاتره دخلوا زين غرفه العمليات... وحنين غرفه عاديه..... لان زين خد الاصابه الاكبر وهو بيفديهاااا

...عندالدكاتره... 

دكتور مراد/الحمدلله حاله البنت استقرت.... شويه كدمات وجروح خفيف وكسر في الدراع... 

دكتوره مي/الولد حالته صعبه.. لسه في العمليات... لازم نكلم اهلهم ضروري يجوا... الولد بين الحياة والموت... نزف دم كتييير مع كسر بسيط في الجمجمه... محتاج حد يتبرعله... بدم

دكتور مراد/طيب تعالي غرفه العمليات ورايا..... و خالي الاستقبال يتواصلوا مع اهلهم.... اكيد كان معاهم متعلقات شخصيه... 

____________________

عند زين في العمليات .... رفض الاستجابه و

فجاءه زمر جهاز القلب... وتوقف... 

حصل هلع عند الدكاتره.......... 

_____________________

عند حنين صحيت فجاءه وهي بتقول بفزع"زييين... جريت عليها الممرضه بفرحه انها فاقت... سالتها 

بتعب" انا فين... 

ردت عليها بهدواء علشان تهدا*انتي في المستشفى جايه في حادثه عربيه.. 

بصتلها بهلع وتعب"ف.. فين.. فين.. زييين. 

قامت والممرضه بتحاول تمنعها....* اهدي هو موجود في الاوضه اللي جنبك...

قالت حنين بتعب ودوخه وهي بتحاول تقوم "عاوزه اروحله... 

ردت الممرضه وهي بتحاول تهديها *مينفعش... حالتك متسمحش... 

حنين فجاءه الدنيا زغللت في عنيها وهي بتحاول تقوم واغمي عليها..... 

____________________

"يتبع"