زين لفها ليه بخبث وقال: تقريبا احنا كنا بنعمل حاجه كده فكريني ايه هيا

سلطانة بصت ليه بتحذير: زين بطل حركاتك دي

زين ببرائه مصطنعه : تبقى مش فاكره مفيش مشكله هفكرك ولسه هيب*وسها .. لفت وشها الناحيه التانيه وقالت: مش بالسهولة دي يا زين انا لسا مسامحتش بحقي

بعد خصلات شعرها ولف وشها ليه وهو ماسك ذقنها وقال: اعملك ايه عشان تسامحي .. وانت عارفه كويس اني ماليش ذنب باللي حصل..

سلطانة بدموع : بس انا مش عارفه اسامح 

زين حرك إبهامه على شفتيها وقال : انا اللي مش عارف اسامح نفسي شكلك ساعتها مش راضي يروح من عقلي كل يوم بلوم نفسي عشان معرفتش أخد باللي واعرف هما بيخططو لأيه وانت اللي رحتي ضحيه لده كله...

سلطانة بعدت اديه وقالت تصبح على خير انا تعبانه واليوم كان طويل  ..سابته وراحت لسريرها 

زين فضل باصص ليها كتتير وخد الجاكيت بتاعه ونزل وهو مخنوق... زين طلع عربيته وراح مكان هادئ كافيه على النيل الجوى كان جميل إضاءة خافته وزين سرحان محتار هيعمل ايه ويصلح علاقته بمراته ازاي فاق من سرحانه على صوت أنثوي رقيق بص لمصدر الصوت "كانت بنت جميله لابسه فستان قصير مبين جمال رجليها وشعرها اشقر وناعم يوصل لحد كتافها عيونها بلون السما" : مش حضرتك زين باشا قالتها بابتسامه 

زين وقف وقال ايوا حضرتك تعرفيني

البنت: ايوا طبعا  مش فاكرني 

زين لا بصراحه مش فاكر

منار مدت أيدها وقالت انا منار كنت قابلتك قبل كده في القاهرة مع العساكر بتوعك انا كنت صاحبة احمد 

زين ابتسم بتكلف ومد أيده وسلم عليها وقال اتشرفت بحضرتك معلش اسف عشان مكنتش فاكر

ابتسمت بإعجاب كانت تحاول اخفائه وقالت متعتذرش انتو الرجاله كده بتنسوى كتتير واحنا الستات للأسف مش بننسى بسهوله 

ابتسم زين بخنقه لما افتكر سلطانة وكلامها لما قالت مش عارفه انسى ولا عارفه اسامحك.فاق من بروده على صوت منار المتحمس :حضرتك مستني حد

زين : لا ابدا

منار بفرحه : طب ممكن اقعد معاك شويه لحد ما صحباتي يوصلوا

زين بحرج اكيد اتفضلي 

منار قعدت مقابل ليه :  حضرتك لسا زي منتا. من ست شهور متغيرتش 

زين : ودي حاجه كويسه أو وحشه

منار بمغازله : هو حضرتك ماشاء الله مفيش حاجه وحشه فيك

سكت زين ومردش

منار : احم حضرتك سبت المعسكر ليه

زين : وانتي عرفتي اني سبت المعسكر ازاي

منار : مش قلتلك اني صاحبة عسكري بيتدرب عندك

زين : آها

منار :ممكن اسألك حاجه

زين :اه اتفضلي

منار بمغازله : هو انت حلو كده بجد

ابتسم زين وقال بمزاح : لا بهزر

منار ضحكت وقالت: ودمك شربات لا انا مش هقدر على ده كله..

زين : احم انتي جريئه اووي اول مره اشوف بنت كده

منار : انا صريحه وكل حاجه بفكر بيها بقولها

زين بجديه : بس دي مش حاجه كويسه 

منار ضحكت وقالت: منا عارفه دائما بحط نفسي بمشاكل بسبب صراحتي الزائده 

زين كان مبسوط وهو بيتكلم مع منار اللي بجد خرجته من مود الزعل بنت لذيذه بتضحك وتهزر وغير كده معجبه بيه وده باين فعنيها هو نفسه مش عارف ليه اتشدلها على غير العاده وفضل معاها لحد ما وصلو صحباتها ومشيت شويه ورجعت بابتسامه : ممكن موبايلك

زين باستغراب: ليه ..

منار : عاوزه اتصل بتلفوني مش عايز تشوفني تاني

زين هو نفسه مستغرب انصياعه للبنت دي فتح موبايله وادهولها ابتسمت بفرحه وقالت هرن على  فوني  وهحفظ نمرتي عندك ..

زين من غير تفكير قال : على فكره يامنار انا متجوز

منار بصت ليه بحرج واتغيرت ملامح وشها ووو

************

هناء ببراءة : انت بتبصلي كده ليه 

حاوط وشها بأديه وقال:  عشان وحشتيني 

با*س جبينها ونزل با*س خدها بهدوء وبا*س جمب شف*اي*فها ولسه هي*بوسها تاني بعدت وهربت من بين يديه وهي بتترعش 

اتضايق كنان عشان بعدت لكنه عارف انها مش عارفه حاجه لسه اتتنهد ووقف مشي ناحيتها مالك ياحبيبتي بعدتي ليه 

هناء بخنقه : عشان انا خايفه 

كنان باستغراب : خايفه مني  مش انا كنان اللي عايزه تفضلي جمبه دائما 

هناء : انا عايزه أخرج حاسه اني مخنوقه في حاجه كابته على نفسي قلبي وجعني مش عارفه ليه ياكنان 

كنان حس بيها ولسه هيحاوط وشها تاني  بعدت عنه بخوف ..

كنان : مالك ياروحي خايفه مني .. انتي قبل كده كنتي تنامي فحضني وتمسكي فأديا وتحضنيني في ايه... اي اللي جرالك

هناء بضياع وهي حاطه أيدها على دماغها مش عارفه .. مش عارفه مالي .. انا حاسه اني مخنوقه

كنان بقلق : طيب طيب اهدي هنخرج يلاا تعالي هخرجك من البيت

بجد

ايوا بجدي يلاا هنروح نمشي شويه وناكل حاجه حلو 

مد أيده ليها وقال تعالي متخفيش 

هناء كنان .. انا.. انا مش عايزه تبوسني تاني . عشان أنا مبحبش كده... 

كنان ماشي ياروحي هنتكلم بعدين في الحكايه دي خلينا نخرج نغير جو لحد ماتهدي

مدت ايديها ليه بخوف وراحت معاه ..

خدها كنان وخارجها عشان تغيير جو ممكن ترتاح بعد كده.  سأل : عاوزه ايس كريم

هناء كانت هاديه على غير العاده هزت راسها باه

كنان: ساكته ليه ياروحي متكلمتيش خالص

هناء مش عارفه في حجات بدماغي وأصوات مش عارفه أوقفها

كنان شدها لحضنه وحاول يطبطب عليه وهي خافت منه لأول مره حس برعشتها وسأل بقلق:  انتي بتترعشي ليه ياروحي

بصت ليه وقالت:  انت مش هتب*وسني تاني مش كده

كنان بتفهم : بس انا جوزك وده طبيعي ياروحي

هناء : بس انا مش بحب كده .. مش بحب البو*س

كنان : خلاص ماشي اللي انتي عايزه هيكون ..

هناء مش عارفه ليه في حجات بدماغها تضغط عليها ومش مخليها على بعضها...

**************

حازم نيم بنته وبيبصلها بتعب خرج موبايله وطلع صوره قديمه عنده كانت صورة هناء 

فضل باصص لها كتتير وقال عارف ياهناء اللي بيحصلي ده كله بسبب اللي عملته معاكي انا اسفه ويارب تكوني مبسوطه مع اللي اخترتيه

قرب موبايله وب*اس الصوره وهو مغمض عنيه...

**************

اسراء خرجت من الحمام وصرخت برعب لما ...

يتبع....