طلعو خبطو وكنت قايمه اشرب حسيت بخبط الباب 

روحت افتح اتصدمت لما لقيت مُراد و آدم و واحده غريبه...

اتكلمت الست بود وقالت:

_ طب ايه حتفضلي موقفنا علىّ الباب...

قولت بتوتر:

_ لا طبعاً ازاي اتفضلو...

دخلو ولقيت مُراد بيبصلي بقرف وآدم قال:

_ عامله ايه يا استاذه ريڨَال...

_ الحمد لله...

دخلو قاعدو وقولتلهم:

_ ثواني وجايه لحضرتكو...

روحت عملت قهوه وميه وحطتها وطلعت...

اتكلمت رانيا مامت آدم وقالت:

_ ليه يا بنتي كدا ملهوش لزوم...

_ لا ازاي طبعاً لازم تشربو حاجه...

اتكلمت بإبتسامه وقالت:

_ تعالي اقعدي جمبي...

روحت فعلاً قعدت جمبها وقالت:

_ انا رانيا مامت آدم وابقى أخت مُراد...

ابتسمتلها بحُب حسيتها طيبه فا قالت وهي بتمسك إيدي وبتبتسم:

_ احنا جايين النهارده علشان نعتذرلك وانك ترجعي شُغلك مكانك موجود لسه...

حسيت مُراد بيتكلم بعصبيه بصوت واطي مفهمتش هو بيقول ايه....

بس حسيت انه مضايق اني حبقى موجوده في المطعم وقولت:

_ لا يا طنط كتر خيرك مش حرجع الشُغل تاني وربنا يرزقني بشغل غيرو...

_ عيب كدا انا مش زي مامتك ترفضيلي طلب...

اتجمعت الدموع في عيوني وقولت:

_ لا حضرتك علىّ راسي والله بس مش حينفع ارجع الشغل..

_ ليه كدا انا جيتلك بنفسي وأنا والله ما بعمل مع حد كدا..

_ والله شكراً لحضرتك جداً مش متخيله مجيتك دي مبسوطه بيها بس مش حقدر ارجع الشغل تاني....

اتكلمت بإصرار وقالت بمرح:

_ مش بمزاجك علىّ فكره بقى دا امر انك ترجعي الشغل من بكرا ان شاءالله ولو علىّ مُراد مُراد حالاً حيعتذرلك....

_ لا لا يعتذر ايه بس مفيش حاجه...

_ لا والله لازم يعتذر هو غلط فيكي يا بنتي وللي مرضهوش علىّ بنتي مرضهوش علىّ الناس...

اتكلمت وقالت ل مُراد:

_ قوم يا مُراد اعتذر ل...

=اسمك ايه يا حبيبتي؟

_ ريڨَال يا طنط...

_ ما شاء الله يا بنتي اسمك جميل...

_ شكراً لحضرتك...

_ هو ايه حضرتك وطنط دي يا بت انا كبيره للدرجادي...

اتكلمت بتوتر وبسرعه وقولت:

_ لالا مش قصدي والله...

ضحكت وقالت:

_ بهزر معاكي يا حبيبتي بس قوليلي رانيا...

_ لا ازاي مينفعش...

_ ايه للي مينفعش انا بقولك قولي رانيا يبقى تقولي...

ابتسمت وقولت:

_ حاضر...

بصت ل مُراد وقالت:

_ ما تقوم يا مُراد يلا اعتذر لها..

قال منغير ما يبصلي:

_ ارجعي شغلك من بكرا...

اتكلمت رانيا بوعيد وقالت:

_ اعتذر يا مُراد يلا...

قال بقرف:

_ آسف وارجعي الشُغل تاني...

بصتلي رانيا وقالت بحُب:

_ حبيبتي اتاخري براحتك تعليمك اهم ومُراد مش حيعمل حاجه متسبيش المُحاضرات علشان الشُغل شُغلك موجود...

حسيت بنار بتطلع من مُراد وانه علىّ تكه...

فا قولت:

_ لالا ان شاء الله ححاول متاخرش....

_ حبيبتي متصربعيش نفسك في الكُليه خلصي براحتك...

هزيت راسي ليها وأنا ببتسم...

قامت وقالت:

_ خلاص نستاذن احنا بقى..

_ لا ازاي انتو لسه مقعتوش...

_ ان شاء الله حنقعد مع بعض الفتره الجايه كتير يا قلبي...

ابتسملتلها وقد ايه هي شخصيه جميله بجد مشو وبعدين لقيت ريتال بتتسحب وقالت:

_ بخ..

حطيت ايدي علىّ قلبي من الخضه وقولت:

_ حرام عليكي يا ريتال خضتيني...

ضحكت وقالت:

_ مين دول يا ريڨَال؟

_ دا صاحب المطعم واخته وابنها...

_ وجايين هنا يعملو ايه؟

_ لا موضوع كبير مش قادره احكي عايزه انام...

مسكتني وقالت:

_لا دا انتِ تحكيلي بقى...

_ احكيلك ايه يا ريتال عايزه انام بقول...

_ والله يا ريڨَال ما حتنامي غير لما تحكي...

حطيت ايدي علىّ راسي بغُلب وقولت:

_ مفيش يا ريتال اطردت من الشُغل وجم يرجعوني فيها حاجه؟

اتصدمت وقالت بتفكير:

_ وهو اي حد يطرد من الشغل يجيب عائلته ويرجعوكي كلام ميدخلش العقل...

_ يدخل ولا ميدخلش يا ريتال سبيني عايزه انام...

اتكلمت وهي بدبد في الأرض وقالت:

_ لا يا ريري احكي بقى بتفصيل الممل...

قولت وأنا بتاوب:

_ خلاص يا ريتال عرفتي مين دول وجايين ليه بكرا ان شاء الله ححكيلك قصه حياتهم بس سبيني انام...

_ لا يا ريري بقى احكي...

قعدت وحكتلها كل حاجه وأنا حرفيا بنام...

فا قالت:

_ يعني مُراد دا غلط فيكي صح؟

_ ريتال انا مش فايقه ل غبائك انا داخله انام...

مستنتش ردها وطلعت أجري علىّ الاوضه ونمت.....

_______________________________

في العربيه:

أتكلمت رنيا وقالت:

_ والله بنت جميله ومُحترمه وعارفه الأصول والله يا مُراد منك لله علىّ كسرتها دي....

زعق مُراد وقال:

_ ما خلاص يا رانيا ما انتِ رجعتيها و عماله تقولي اتاخري براحتك ومعرفش ايه؟

_ ايوا علشان حرام علينا لما نيجي عليها اكتر من كدا انتَ مش شايف الدنيا جايه عليها ازاي دي بنت بميت راجل والله متحمله للي انتَ والبيه للي جمبك مش قادرين تتحملوه سبناك انا وابوك انتَ و البيه رجعنا لقيتا البيت متبهدل وزريبه والشغل واقف وحاجه تقرف....

= لكن البنت ما شاء الله عليها البيت رغم الضغط للي هي فيه متنضف و بتصرف علىّ عيلتها وكليتها ومش مخلياهم محتاجين حاجه وبنت محترمه لكن انتَ عايز ايه يا مُراد رغم انك عارف ومتاكد ان تأخيرها مش بياثر علىّ الشُغل اوي وانتَ لازم تراعي ظروفها...

_ خلاص يا رانيا مش وقته كلام...

_ دا واجبي يا مُراد اني اوعيك...

وصلو البيت نزلو من العربيه ودخلو البيت قال الجد:

_ ايه عملتو ايه؟

اتكلمت رانيا وقالت:

_ الحمد لله يا بابا رجعناها بالعافيه...

أتكلم مراد بسخريه:

_ اه ما البرنسيسه رافضه ترجع الشُغل...

بص الجد ل مُراد بقرف وقال ل رانيا:

_ وايه البنت عامله ايه؟

_ والله يا بابا البنت كويسه جداً وباين عليها مُحترمه...

قال مُراد بسخريه:

_ محسساني انك عشرتيها مكنوش خمس دقايق المفروض تعمل ايه وهي شيفاكي جايه ترجعيها الشغل تضربك ولا ايه مش فاهم؟

أتكلم الجد بعصبيه وقال:

_ ما تحترم نفسك يا مُراد و اتكلم مع اختك عدل...

_ سيبك منو يا بابا والله بنت محترمه وعارفه الأصول و هي اكيد معروفه في الكليه.. 

أتكلم آدم وقال:

_ معروفه بكُل خير والله في الكُليه...

_ طيب الحمد لله انها رجعت الشغل لتاني مره يا مراد تتصرف من دماغك حوريك شغلك انتَ سامع؟!!!

هز مراد راسه وطلع...

أتكلم آدم بصوت واطي وقال:

_ علىّ فكره عندي احساسي مش متأكد هل صح ولا لا؟

أتكلم الجد وقال:

_ في ايه يا آدم؟

_ خايف تكون ريڨَال بتفكرو بناريمان!!

_ ازاي يا ابني؟

 _ مش عارف بس فيهم شبه بسيط من بعض اتقابلو في نفس المكان هو وناريمان و تقريبا شخصيتهم شبه بعض.!!

_ قصدك دي عقده؟

_ مش عارف بحاول افهمه...

_ بس موضوع ناريمان عدا عليه سنين يا آدم؟

_ايوا يا جدي بس هي كانت مراته وخانته فا اكيد مقصره فيه لسه جدي مُراد اتغير مُراد مكنش كدا!!

_ طب اعمل ايه يا ابني انا مكنتش موافق عليها من الاول واديها اهي عايشه حياتها وابني بيتعذب...

_ مُراد محتاج دكتور نفساني يا جدي...

_ ايدي علىّ ايدك يا ابني بس يوافق الاول...

_ ححاول أقنعه بس موعدكش يا ابني..

_ عارف يا حبيبي انك بتحاول...

_____________________________

تاني يوم:

روحت الكُليه وقابلت صُحابي رنا ودينا وحضرت المُحضرات وروحت الشغل بدأت اشتغل وانا مروحه كان معايا ورق المفروض اديه ل مُراد وقفته وقولت:

_ استاذ مراد؟

_ خير؟

_ خير ان شاء الله الورق دا عايز يتمضي...

في اللحظه دي دخلت بنت و حضنته وقالت:

_ مُراد حبيبي وحشتني....

______________________________________________________

يتبع...