رواية لماذا نحن زين وحنين الفصل الثالث 3 بقلم نورا ابو شوشه
رواية لماذا نحن زين وحنين الفصل الثالث 3 هى رواية من كتابة نورا ابو شوشه رواية لماذا نحن زين وحنين الفصل الثالث 3 صدر لاول مرة على موقع التواصل الاجتماعى فيسبوك رواية لماذا نحن زين وحنين الفصل الثالث 3 حقق تفاعل كبير على الفيسبوك لذلك سنعرض لكم رواية لماذا نحن زين وحنين الفصل الثالث 3
رواية لماذا نحن زين وحنين الفصل الثالث 3
حنين فجاءه الدنيا زغللت في عنيها وهي بتحاول تقوم واغمي عليها.....
_______________________
عند بيت عيله القاوي.... عيله زين وحنين..
وسط الانتظار والضحك والفرحه.......
.... جالهم تلفون من خالد صاحب زين..
خالد بخوف وهالع/الو يا عمي جاسر.... عاوزك تهدي خالص وتجي بسرعه علي مستشفى****... حصل حادثه لزين ابنك وحنين..
من الصدمه مقدرش يرد جاسر...
خد منه التلفون بستغراب ابنه رضوان...
رضوان بستغراب/الو... ايوه يا خالد في اي.
اييييي.. امته.... طب فين.. جايين بسرعه..
كله خايف وقلقان لحد ما قال الجد بنفاذ صبر./في اي يا رضوان.. وقفت قلوبنا.. خالد قالك اي..
بصلهم رضوان بهلع وقال بسرعه/زين وحنين عملوا حادثه...
نزلت الصدمه علي الكل... وكله جاله هلع وخوف وعياط...
قالت هاله (ام حنين)بعيط وحاله صدمه/بنتييي... كنت حاسه والله كنت حاسه ودوني لبنتي... عاوزه اشوفها.....
رد الجد بصدمه وهو ماسك قلبه /ق.. قلبي... مش قادر..
سندوا بسرعه وجريت رحمه بدموع تجيبله دواء القلب...
وفضلت مريم تسنده وتهديه وهي بتعيط...
راح بسرعه باقي العيله المستشفى...تحت دموع وخوف وصدمه في قلوبهم....
_______________________
في المستشفى....
خالد واقف بيروح ويجي بقلق..... علشان الاستقبال رنوا علي اخر رقم بس مردش ف رنوا علي قبل الاخير وكان رقم خالد......
خالد رن علي عيله زين....... يجوا... وتاليا رنت علي خالد علشان زين مبيردش... ولما عرفت اتصدمت وجايه في الطريق تكون جنب حبيبها.....
فجاءه لقي خالد.....الدكاتره بتجري علي غرفه عمليات زين.... خالد وهو بيحاول يكلم حد من الدكاتره..
زين بخوف /حصل اي يا دكتور.... زين كويس...
الدكتور بهلع وهو بيدخل بسرعه/ للاسف جهاز القلب وقف....بنحاول ننقذ الحاله.... بس الحاله رافضه الاستجابة....
وساب خالد بصدمه واقف مش مصدق..... صاحب عمره بيضيع من بين ايديه..... فضل يدعي القادر علي المعجزات....
_______________________
جريوا عيله زين بهلع علي الاستقبال..... مالك بخوف وهلع/ل.. لو.. سمحت.... زين.... قصدي كان في ولد وبنت جايين بحدثه... هما فين...
رد عليه موظف الاستقبال بهدواء وهو بيحاول يهدي الجو/اهدي يفندم.... قصدك اللي جايين بحدثه عربيه...
رد عليها بسرعه/ا... ايوه.... هما.. فين...
رد عليه موظف الاستقبال بحزن/للاسف يفندم البقاء لله.... توفت حاله وحاله دخلت في غيبوبه...
صدمه نزلت علي الكل سببت شلل ليهم مش قادرين يستوعبوا حاجه..... سبحان الله من كام ساعه بس فرح وضحك وراحه بال..... ودلوقتي.. حزن وصدمه وعياط وهلع......
سبحان الله قادر على قلب الموازين.... نحمد ربنا يشباب علي يومنا العادي.. اللي عند ناس تانيه تعب وغم وحزن.....
الحمدلله....
وهما مصدومين....
مسك رضوان موظف الاستقبال من هدومه بعصبيه /انت بتقول اي.... بطل كدب..... اكيد عايشين.....
شده اسامه من وهو بيقول/ اهدي اكيد في حاجه غلط.....
رن عليهم خالد تاني...
رد بسرعه حسن/احنا تحت في المستشفى... انت فين يخالد..
رد عليه خالد بخوف وتوتر/انا فوق في الدور التاني تعالوا بسرعه.....
طلعوا بسرعه لفوق ولقوا خالد.....
قال خالد بخوف /زين في غرفه العمليات.... وحنين اتنقلت غرفه عاديه بس مفقتش....
سعتها اتأكدوا من كلام موظف الاستقبال..... ان فعلاً حد اتوفي وحد دخل غيبوبه.... لحد ما خرج الدكتور و جريوا عليه.....
جاسر بخوف/ابني... ابني يدكتور عامل اي..... عاوز اشوفه...
دكتور مراد/اهدا يحج.... الحمدلله عرفنا نرجع نبض القلب تاني بعد ما توقف 43 ثانيه.... الحمدلله... حالته استقرت.... نزف دم كتير والشاب ده اتبرعله........(قصده علي خالد)....... عنده شويه جروح مع كسر بسيط في الجمجمه... هيفضل تحت الرعاية 24 ساعه...... ممنوع الزيارات حاليا......
سأله تامر بخوف وصدمه/طب وبنتي..... بنتي كانت معاه... حنين حصلها اي..... كويسه رد عليا....
رد الدكتور وهو بيهدي/الحمدلله حالتها استقرت... شويه كدمات بسيطه... مع كسر في الدراع.... الحمدلله.بس ادنها.. حقنه مهداء.... وهتفوق كمان ساعه وممكن تدخل تشوفها.....
شكروا الدكتور...... وكان هيمشي لحد ما قاله رضوان..
رضوان بغضب/ليه الاستقبال تحت قالو ان في حد منهم توفي وحد في غيبوبه.... طلما مش عارفين المعلومات الصح ليه بتفتحوا من الاساس مستشفي..
رد الدكتور بهدواء/النهارده جتلنا كذا حادثه واكيد قصده علي حاله تانيه.... المهم انكوا اطمنتوا.... والحمدلله..
رد خالد وهو بيحاول يهدي الجو /اكيد.... شكرا يا دكتور...
رد الكتور بهدواء/ الشكر لله.... بعد اذنكم..
مشي الدكتور........
كله قعد وخد نفس وحمدوا ربنا....... وراحوا اطمنوا علي حنين اللي كانت جمب اوضه زين اللي اتنقلها بعد غرفه العمليات......
_____________________
عند حنين.......
حنين فاقت وقالت بهدواء/بابا.... انت جيت امته... ز.. زين فين يابابا.... عاوزه اروحله....
رد تامر وهو بيمسد على شعرها بهدوا/حمدلله علي سلامتك يبنتي.... انا جيت من شويه..... زين في الاوضه اللي جنبك.... متخفيش.... كلي حاجه عشان تاخدي الدواء....
ردت بعند وهي بتقوم/الله يسلمك..... لا مش قادره اكل... عاوزه اشوف زين....
قالها وهو ببحاول يهوادها/طب كلي حاجه بسيطه وهوديكي عنده اتفقنا.....
قالتله ببعض من الضيق/اوف.... ماشي بس حاجه بسيطه.....
ضحك عليها وبدا يأكلها......
________________________
في بيت العيله رنوا عليهم واطمنوا ان زين وحنين الحمدلله بخير....
وكله هدي وارتاح وانتظروا بفراغ الصبر وصولهم....
_______________________
عند زين ابتدا يفوق وبسرعه الممرض جري للدكتور.. يعرفه....
زين بص حواليه بستغراب..... وبعدين افتكر كل حاجه نسي نفسه وحاول يقوم ويشوف حنين... هو مش عارف خاف عليها ليه بس دلوقتي هو عاوز يطمن عليها وبس....
وهو بيحاول يقوم دخل الدكتور وقاله بفرحه.../حمدالله على سلامتك.... بجد متفاجاء.... انك فوقت اسرع من المتوقع.. الحمدلله اهدي.... علشان التعب والمسكنات مش هتقدر تقوم دلوقتي.....
رد زين بتعب/حنين..... حنين فين...... حصلها حاجه....
رد الدكتور/متخفش يعم.... زي الفل وفاقت قبلك كمان...
رد زين برحه/الحمدلله.... طب هو هروحلها امته....
رد الدكتور بضحكه بسيطه /يعم اهدي كده تروح فين... يخلص بس المحلول وتاخد ادويتك... وبعدين تروحلها...
هز زين راسه بهدواء..... وبعدين بص بشرود في الاوضه..... والدكتور اطمن علي حالته وسابه وخرج....
زين استغرب من نفسه ليه قلقان عليها..... رغم انو مبيحبهاش ليه فداها في الحادثه...... ليه بيعمل كده...
راسه وجعته من كتر التفكير.... غمض عيونه علشان يرتاح من كل التعب والتشتت ده...
فجاءه
دخلت عندو بدموع رغم ان الممرضين منعوها....
قالت بعياط/زين حبيبي..... حمدالله على سلامتك..
بصلها بصدمه وقال /تاليا.... مين جابك هنا... ازاي جيتي...
قالته بدموع وكره لحنين/مكنتش عاوزني اجي..... حسبي الله فيها هي السبب...... يارب تموت وتريحنا....
رد عليها بسرعه وعصبيه خفيفه/ بس... بعد الشر عليها..... احنا من امته بندعي علي حد يا تاليا..... المهم اني بخير دلوقتي الحمدلله..... دي كلها اقدار... ونصيب..
بصتله بحب وعياط/المهم انت دلوقتي..... ليه في شاش علي راسك...الدكتور قال حاجه بسيطه..... حاسس بحاجه... دلوقتي؟
لسه هيرود.. دخل خالد بسرعه وقال بفرحه /حمدالله على سلامتك يصاحبي.... قلقتنا عليك.... وقلقت حنين اللي من ساعه ما فاقت وهي عاوزه تجي..... فجاءه لقي تاليا بتبصله بقرف وشر راح قال بسرعه/وكمان ت... تاليا... قلقتها....
ردت تاليا ببرود/يعني هي السبب في حالته والبجحه زعلانه كما...
رد عليها يقاطعها زين /تاليااااا.... قولنا اي..
ردت ببرود /ماشي... ماشي خلاص....
فهم خالد الجو مشحون بالطاقه وبعدين قال/ طب تعالي اروحك ونسيبه يرتاح يا تاليا.... انتي اتطمنتي عليه.... خلاص....
قالت تاليا بعند وعياط/مش همشي من هنا غير و زين ماشي علي بيته واطمن عليه.....
رد زين بتعب /لا... امشي معاه يتاليا.... وهطمنك عليا...
وبعدين سأل خالد/ انت كلمت حد من البيت....
رد خالد بتوتر/حد.... احم عيلتك كلها تحت بتيجب الدواء وفي اللي مع حنين.... محدش يعرف انك فوقت.... دل...
فجاءه دخلت حنين بتعب...و وراها ابوها و جاسر ابو زين و راضوان و حسن...... مالك و اسامه بيجبوا الدوا......
قال خالد بمرح وهو بيكمل كلامه/دلوقتي كله عرف انك فوقت.....
دخلوا سلموا عليه وحمدوا ربنا وحضنه ابوه وقال/كده توجع قولبنا عليك..... قولتلك من الاول نبعتلك سواق بدل ما تسوق انت.....
رد رضوان اخو زين /خلاص يحج حصل خير..... الحمدلله انو طلع بسلامه.... هو وحنين....
فجاءه زين حول نظره لحنين...
تقدمت منه وهي بتمشي برحه وقالت بدموع/حمدالله على سلامتك....
رد بهدواء وبسمه/الله يسلمك.... اي قومك من مكانك انتي لسه تعبانه...
ردت بدموع/ا... انا السبب..... انت لو مكنتش حاولت تفديني... كان زمانك احسن من دلوقتي...
بص لدرعاها المتعلق في رقبتها وقال بزعل/بطلي لوم... ده قدر ومكتوب.... وبعدين محسساني انك انتي اللي سليمه.... وانا واخد الوجع لوحدي....
بصتله ببسمه وانا بنقل نظري....
وفجاااءه.... شوفتها..... شوفت تاليا....
اول ما عيني جت عليها بصيت النحيه المخلفه ليها...
زين خد بالو وبعدين نفخ بهدواء.... لحد ما اتكلم ابوه بستغراب/انتي مين يبنتي..... موجه كلامه لتاليا....
بصيتله تاليا بتوتر وقالت بضحكه خبيثه/انا ابقااااا خط.....
قطعها خالد وقال بسرعه /بنت عمي..... وجت معايا علشان كنا مع بعض لما اتصل بيا قسم الاستقبال.....
قال جاسر ببسمه/ معلش يبني تعبنكوا معانا....
بص خالد لزين اللي ارتاح ان يزن انقذه من الموقف ده وقال /ولا تعب ولا حاجه يعمي..... زين زي اخويا واكتر....
وبعدين قال/ يلا يا تاليا الحمدلله..... اطمنت علي زين تعالي اروحك.....
بصت تاليا لزين وقالت بخبث/حمدالله على سلامتك يا زين.... وانتي كمان يحنين...
وبعدين مشيت تحت نظرات استغراب الكل...
بص زين لحنين واضيق انها شافت تاليا هو مش عارف اضيق ليه.....
بصت حنين لتاليا وهزت رأسها بديق وقالت /بابا هروح ارتاح شويه لحد ما نروح...
قالها تامر باستغراب/اللاه.... مش كنتي صرعتيني بعاوزه اروح لزين.... ماشي يستي يلا... بس عموما انتي وزين هتتنقلوا... اوضه واحده علشان هتبقوا يوم في المستشفى.. او اكتر حسب حالتكم تسمح بخروج او لا.....
قال زين وحنين في نفس واحد/ايييه!....
قال زين بضيق/لا اتصرفوا مقدرش اقعد في المستشفى بدايق.....
وحنين قالت /مبحبش ريحه المستشفيات ولا اجواها...
رد عمها جاسر/يستي هو يوم وان شاء الله تطلعوا..... وهيبقا انتو الاتنين مع بعض يعني متخفوش بقااا....
اضيقت حنين علشان ازاي هتبقا معاه في اوضه واحده.... والمشكله انها ممكن... متتحكمش في مشاعرها وتعيط علي حالته.....
ااااه من الحب.... و وجع الحب.....
دخل الدكتور ومشي الكل وقال /الحمدلله... ان حالتكم اتحسنت شويه... هننقل سرير هنا ليكي يحنين..... علشان نتابعكوا سوا ومتقلقوش.... وبالنسبه للمرافق... فا للاسف مينفعش..... عشان المستشفى مضغوطه....ومينفعش مرافق.... ممكن يجوا الصبح الزيارات هتفتح......
مشيوا كلهم بعد ما اطمنوا عليهم وقالولهم هيجوا بكره بدري....
_________________________
حنين حاولت تتجاهل زين قدر المستطاع.....
بعد ما نقلوا السرير..... قعدت حنين عليه بتعب.... وقالت لزين/حاسس بحاجه؟.....
(ايوه والله يجماعه كده بتتجاهله😂)
رد زين ببسمه وقال /يعني مش قوي..... وانتي....
ردت عليه بضيق/شكرا..... مكنش لازم يعني تفديني....
رد عليها بصدمه/انتي عبيطه..... ولا دي هرموناات.... عموما يستي انا عملت كده علشان عاوز اعمل كده.... مش علشان جميل وتشكريني... وبعدين محسساني انك سليمه منتي كمان تعبتي..... حتي بعد ما حاولت افديكي....
قالتله بشرود/لدرجادي.. بتحبها......
قالها بعد ما فهم قصدها وسبب ضيقها/ممكن منتكلمش في حاجه زي دي دلوقتي......
بصتلها بصه طويله وبعدين بصت بعيد واتنفست ببطئ...... بعد شويه حاولت تنام......
لقته هو نام.... بصتله وتاملت ملامحه الي باين عليها التعب ودمعت..... هو مش حاسس بحبها..... ليه الحب بيوجع...... وبعدين سمعت صوت حركه في الاوضه....
بصت بخوف وقلق وقالت/بسم الله..... بسم الله....
الصوت زاد.... وكان غريب....
قالت بتوتر وهي خلاص هتعيط/زين.... زيييين
...
هز راسه برفق وقال/امممم.....
قالتله بخوف/اممم.... اي اصحااااااا..... يزييين..
صحي وقالها بنعاس/في اي يحنين..
قمت بسرعه ولزقت فيه على سريره...وقالت بخوف /ز.. زين.... في صوت غريب... في حاجه معانا في الاوضه....
حاول يهديها وهو مركز في قربهم/اهدي.... اهدي يحنين.... فين ده....
الصوت بدا يظهر تاني... وحنين دخلت في حضن زين وقالت بخوف /ي... يلا نمشي من هنا.....
قالها زين وهو بيمسد على شعرها /اهدي يحبيبي.......
(حبيبي!؟... ما هذا... والله وانا زي زيكم مش عارفه زين عاوز اي ولا حنين عاوزه اي...تقريبا كده ده تاثير البنج 😂❤)
فجاءه ظهر من ورا ستاره الاوضه......
_____________________________
يتبع....
للانضمام لقناة الواتساب اضغط هنا