لكني مش عايزه اخسرك"

بصتلها بصدمه والدمُوع بتتجمع في عيُوني وقولت:

_ ليه كدا؟ليه تعملي فيا كدا طول عُمرنا اقرب اتنين لبعض وفي الاخر تبقى دي اخيرها يعني؟!

_ عملتلك ايه علشان تعملي فيا كدا؟تخونيني مع جُوزي للي اتجوزني بسببك جه يتجوزني وهُو بيحب اختي وانتِ متجيش تحكيلي تسيبيني علىّ عمايا وفوق كُل دا بتخونيني حتي بعد ما اتجوزنا لييييييه؟!

بدأت تعيط وقالت:

_ سامحيني يا ليلى والله عُمري ما حبيت جُوزك عُمري ما حبيت يُوسف يا ليلى؟

اتكلمت وأنا ببصلها بجمُود وقولت:

_ وايه الماسيدج للي اتبعتت علىّ موبيله منك دي هاا؟؟

لقيتها نزلت عنيها في الأرض وقالت:

_ انا محبتش يُوسف عُمري ما حبيته،

_ كُنت في الجامعه واتعرفت علىّ يُوسف بالصدفه قعدنا فتره بنتكلم لحد ما في سنه تانيه جه واعترفلي انه بيحبني وانا كمان قولتله اني بحبُه...

كملت وهي بترفع راسها وعيُونها متغرقه دمُوع وقالت:

_ كُنت فاكره اني بحبُه لحد ما قابلت عاصم،عاصم يبقى صاحب يُوسف ولفت نظري من اول ما شُوفته جه كلمني في مره كان بيسأل علىّ حاجه في المُحاضره والكلام بدأ يجُر كلام لحد ما عدت فتره كبيره وعاصم اعترفلي ب حُبه وانا كمان قولتله اني بحبُه وللاسف كُنت ساعتها مُرتبطه ب يُوسف،حاولت ابعد بكُل الطرق واطنشه وهو نفسه لاحظ وبدا يعاتبني بس مهمنيش وكُنت كل مره بقوله حجه شكل،لحد ما قولتله اني مش عايزه اكمل معاه فضل ورايا علشان يعرف السبب لحد ما في يُوم شافني كُنت في الكافيه مع عاصم واتصدم وحصلت مُشكله كبيره جداً بين عاصم ويوسف،ويوسف اتهم عاصم بخيانته...

كملت وهي بتعيط بهستريه وقالت:

_ والله عاصم مكنش يعرف اني حبيبت يُوسف،يُوسف حب ينتقم مني جه واتقدملك واتجوزتو لحد ما عرفتي الموضوع...

بإصتلها بإستغراب وقولت:

_ وانتِ ايه للي رجعك ل يُوسف وتكتبي ماسيدج زي دي؟

لقيتها بتفرك في ايديها وبدات تعيط وقالت:

_ عاصم سبني واتهمني اني بوظت علاقته ب صاحب عُمره واني خاينه ومتأمنش فا رجعت ل يُوسف انا محبتش يُوسف بس حبيت اهتمام يُوسف حبيت حُبه ليا...

قاطعتها وقولت وأنا بزعق:

_ فا قولتي تلعبي علىّ الحبلين مفيش عاصم يبقى يُوسف،يُوسف للي يبقى جُوز اختي صح كدا؟

_ ليلى سامحيني والله مكنش قصدي ابوظلك حياتك انا حبعد عنك انتِ وجُوزك خالص والله عُمري ما هقرب منكو تاني...

ضحكت ب سُخريه ووجع وقولت:

_ خلاص بقى طليقي يُوسف طلقني...

لقيتها جرت عليا حضنتني جامد وفضلت تعيط وهي بتطبطب عليا....

مدتش اي ريأكشن ولا ضمتها ليا مش قادره أصدق ان دي اختي للي كُنا كل حاجه في حياه بعض بقت كدا قلبي وجعني منها وعليها،كان نفسي يطلع في اي حاجه غلط لآخر ثانيه...

بعدتها عني بهدوء وسحبت نفسي لاوضتي وفضلت اعيط على حالي لحد ما نمت غصب عني...

تاني يوم:

صحيت علىّ خبط نيره علىّ الباب قومت فتحت لقيت نيره دخلت وقالت:

_ يُوسف مستنيكي برا يا ليلى...

بصتله بإستغراب وقولت:

_ وهو عايز ايه؟

_ بيقول عايزك..

_ بس احنا مبيناش حاجه خلاص!!

_ مش فاهمه جُوزك برا يا ليلى اطلعيله شوفيه عايز ايه؟

اتنهدت تنهيده طويله وقولت:

_ دا مبقاش جُوزي خلاص بقى طليقي يُوسف طلقني...

بصتلي نيره بصدمه وقالت:

_ دا امتي يا ليلى؟اطلقتو امتي؟

_ عادي من فتره..

_ انتِ اطلقتي ومحدش يعرف مننا يا ليلى..

بصتلها بصمت وبعدين طلعت ل يُوسف...

للي قال:

_ ازيك يا ليلى عامله ايه؟

_ الحمد لله خير؟

_ امي يا ليلى..

_ مالها؟

_ حالتها ادهورت من ساعت ما عرفت خبر طلاقنا...

_ متقلقش حتابع حالتها بنفسي وحفضل معاها...

بصتله لقيت عينه مش عليا ببص تجاه ما هو باصص لقيته بيبص علىّ لمى...

وفي اللحظه دي ضحكت بيني وبنفسي بكُل سُخريه ووجع بس وقتها قررت اني حنسى يُوسف وحعيش حياتي ومش حبكي عليه ولا ثانيه هو بنادم ميستهلش كُل للي عملته علشانه ومتاكده ان مفيش حد حيعمل للي انا عملته مع يُوسف...

أدرك يُوسف الموقف وبعدين بصلي وقال بإرتباك:

_ ليلى انا...

قطعته وانا بقول:

_ احنا مطلقين دلوقتي ملكش حق تبررلي اي حاجه وأنا مش هممني...

قومت لبست وطلعت ل يُوسف ومشينا علشان نرُوح المُستشفى..

وصلت الاوضه للي فيها مامته دخلت حضنتها وقالت وهي بتعيط:

_ ليه تطلقوا اي اتنين بيمروا ب مشاكل مش من اول مُشكله تسيبوا بعض!!

خدت نفس اجمع فيه قويتي وقولت:

_ والله يا طنط اكتر حاجه مزعلاني اننا اطلقنا هو انتِ؟!

_ طب ارجعوا لو ليا خاطر عندك يا ليلى...

_ مش حينفع يا طنط خلاص ربنا يوفقه في حياته...

_ ليه مش حينفع يا بنتي؟عُمري ما شوفت حد انسب ل يوسف غيرك...

_ مفيش توافق بينا يا طنط احنا مُختلفين انا عُمري ما حسيب حفضل اسال عليكي واجيلك كمان...

هزت راسها فضلت قاعده معاها بتابع حالتها وكُل شويه كان يُوسف يعدي علينا...

___________________________________

عدت سنه وقدرت اتخطى كُل للي حصلي بس قلبي لسه شايل ومش مسامح غصب عني...

بحاول اتخرج بامتياز من كُليتي ونزلت تدريب تحت إشراف دكاتره كُبار وبقى كُل همي مُستقبلي وحياتي وبس...

_______________________________

عدى خمس شهُور وجتلي منحه في ألمانيا ودا من حظي علشان بابا هناك،وافقت منغير تردد ونيره وماما وافقوا طبعاً لان بابا هناك...

علاقتي انا ولمى متغيرتش انا مش بتكلم معاها وهي دايماً بتحاول بس انا مش متقبلى مُحاولتها...

_________________________________

عدى شهرين وتم السفر فعلاً النهارده طيارتي ل ألمانيا ركبت الطياره وانا واعده نفسي اني حرجع بنادمه تانيه حركز في مُستقبلي وعلاقتي ب ربنا....

نزلت من الطياره قعدت ادور ب عيني علىّ بابا لحد ما لقيته اخيراً طلعت جريت عليه حضنته جامد وهو ضمني لي وقال:

_ وحشتيني يا ليلى..

_ وانتَ كمان يا بابا...

اتكلم بابا بمرح وقال:

_ ايه رايك اعزمك علىّ الغدا قبل ما اوصلك السكن بتاعك...

هزيت راسي بفرحه بانت علىّ وشي وفعلاً روحنا كالنا وبعدين وصلني السكن ونمت علىّ طول...

تاني يوم:

_ قومت روحت الجامعه وبعد الجامعه روحت المستشفى دخلت وبدا الدكتور يعرفني علىّ زمايلي للي حيشتغلوا معايا وقال:

_ ودا دكتور باسل و حتبقي تحت إشرافه..

روحت مع دكتور باسل وللي فاهمني الشُغل وبدات اشتغل معاه...

لحد ما في يُوم جت واحده و كان معاها ابنها محتاج يكشف وكانت عَربيه مش المانيه..

دكتور باسل قال:

_ روحي يا ليلى اكشفي علىّ ابنها...

هزيت راسي وفعلاً روحت كشفت عليه وادتها ادويه....

وبعد شويه روحت كلت ونمت علىّ طول...

صحيت الفجر علىّ رنت موبيلي مُدير المُستشفى وهُو بيزعق وبيقول:

_ ليلى ثواني والاقيكي هنا..

بصيت للساعه وقولت:

_ ازاي حضرتك الساعه 3 الفجر؟!

سمعت صوت زعيق فا زعق اكتر وقال:

_ قولت يا ليلى تعالى...

مستناش ردي وقفل قومت لبست ونزلت روحت المُستشفي ومن حظي انها مش بعيده اوي عن البيت...

دخلت المُستشفى لقيت نفس الست بتاعت الصُبح بتزعق قربت وقولت:

_ في ايه؟

أتكلمت الست دي بعصبيه وصوت عالي وقالت:

_ اهي الدكتوره الفاشله للي ادت ابني ادويه غلط وابني تعبان من ساعتها...

_ ادويه ايه غلط حضرتك؟انا متأكده تماماً من الادويه للي مدياها ل حضرتك...

علت صوتها اكتر وقالت:

_ انتِ بتبجحي معايا كمان؟انتِ بنت مش متربيه..

في اللحظه دي منعت دموعي من انها تنزل بالعافيه لقيت دكتور باسل قرب وقال:

_ في ايه حضرتك بس واحنا نشرحلك..

_ البنت دي ادت ابني ادويه غلط ومن وقتها تعبان بتشغلوا عندكو حمير مش فاهمين ليه؟هي أرواح الناس لعبه بنسبالكو...

بصلي دكتور باسل وقال:

_ في ايه يا ليلى ادويه غلط ايه؟

مقدرتش امسك دموعي اكتر من كدا علىّ الاهانه والفضيحه قُدام الدكاتره والمرضي عيطت فا قال دكتور باسل:

_ دكتوره ليلى اهدي وقولي ايه للي حصل؟

_ محصلش حاجه يا دكتور والله الادويه للي هي خدتها ليها اعراض جانبيه قويه شويه وهي لو قرأت مكتوب في الدوا...

وفعلاً قرأ دكتور باسل وكشف عليه وطلع نفس للي انا قولته..

مشت الست وقرب مني دكتور باسل وقال:

_ معلش يا ليلى حقك علينا والله علىّ مجيتك وكل دا...

_________________________________________________________

يتبع...