دا غير جوازتي الي باظت بسببك 

وفي الاخر ..عادي كدا واخده بعضك ومروحة؟

دا انتي حتي مقولتليش انتي كنتي جاية ليه اصلا؟

وايه الي خلاكي تدخلي غرفتي في الوقت دا تحديدا؟

بمجرد ما سمعت سؤالة

اتلبخت لاني مكنش ينفع اقولة سبب دخولي لغرفتة

فا قررت اغير الموضوع

وقلتلة...بص بقي انت كدا بتضيع الوقت في الكلام

وانا كنت عايزة اكلمك في موضوع مهم

فسالني

وقالي...موضوع ايه؟

فا قلتلة..

بالنسبة للعمدة الي منتظرنا عشان ياخدنا للمأذون ...

لازم تقنعة يعدل عن الفكرة عشان انا مش هينفع اتجوزك

فا برقلي بعنية

وقالي...نعم؟

فا رديت بسرعة

وقلتلة...مهو مش معقول بعد موقف الشهامة الي عملتة معايا 

احرمك من حبيبتك 

ولا اخرب علي عروستك ... واطربق الفرح علي دماغكم

هو انا مش جاحدة اوي كدا يعني

في اللحظة دي

سالني وهو بيبصلي بدهشة

وقالي..انتي هبلة ولا بتستهبلي؟

هو انتي مش واخده بالك اننا في كارثة؟

يا هانم

انا اعلنت جوازنا بعدما ابن عمك قال للكل انه شافنا  مع بعض في اوضة نومي

يعني لو متجوزناش دلوقتي 

 سمعة العمدة وسمعة اهل بيتة هتبقي علي كل لسان

عشان كده لازم حضرتك تغصبي علي نفسك وتقبلي الجواز مني

للكاتبة...حنان حسن

وبالفعل

اخدني جلال

ونزلنا لعمي العمدة الي وصلنا للمأذون بعربيتة واتكتب كتابنا وفي لحظة بقيت مدام جلال ابن العمدة

الموقف كان مرعب بالنسبالي

وفضلت قاعدة في العربية طول الطريق واحنا راجعين مسهمة

وبفكر بيني وبين نفسي

وبقول..هو ايه الي حصل دا؟

طب الي جاي هيبقي عامل ازاي؟

وازاي هقدر اعيش مع راجل اتجوزني غصب عنة ومع زوجة تانية كمان؟

وفضلت انعي حظي

واقول..

بقي ياربي يوم مااروح اجيب براءة المرحومة اختي عشان احل مشكلة عفريتها الي مش عايز يسبني غير لما اثبت براىتها.. 

ارجع بفضيحة جديدة ومشكلة جديدة واتجوز الجوازة المنيلة دي؟

المهم

بعدما رجعنا البيت

اتفاجئنا با العروسة وامها وخالتها عاملين مؤتمر

وكان واضح طبعا ان العروسة شايطة

فا حاول العمدة انه يطيب خاطرها

وقالها...انا مش عايزك تكوني زعلانة يا بنتي.. وجلال مش اول راجل يجمع زوجتين علي زمتة

وليكي عليا اني اخليه يحطك في عنية 

بعد الجواز

بس يلا اجهزي عشان فرحكم الليلة

وبمجرد ما العروسة سمعت كلام العمدة بصت  لجلال 

وقالتلة...انا مش زعلانة من انك خبيت عليا خبر جوازك من بنت عمك

وممكن فرحنا يتم الليلة عادي

لكن بشرط

فا سالها جلال

وقالها...شرط ايه؟

قالت...تطلق ريم بنت عمك

فاسالها جلال 

وقالها...ولو موافقتش علي الشرط بتاعك؟

ردت العروسة

وقالت...يبقي الفرح مش هيتم لاني استحالة اتجوز راجل علي زمتة واحدة غيري

 

فا ابتسم جلال بهدوء

وقالها..انا مش موافق علي الشرط

ومش هطلق ريم

للكاتبة..حنان حسن

في اللحظة دي

قلعت العروسة الشبكة وسلمتها لامها

وام العروسة قربت من العمدة

وقالتلة...كدا ابنك اختار يا عمدة

 والشبكة بتاعتة اهيه

وبعدها اخدت بنتها وغادروا دوار العمدة

لحظتها انا فضلت واقفة ابص لجلال

 وانا حاسة بالذنب

لان  بسبب حماقتي دمرتلة حياتة وقضيت علي فرحتة وسببتلة مية مشكلة

والي زود ما تأنيب ضميري اكثر

لما سمعت العمدة بيسأل هيقول ايه للمعازيم الي بدات توصل بالفعل

هيقولهم الفرح اتلغي ليه؟

لكن لحظتها رد جلال 

وقالة...وايه الي  هيخلينا نلغي الفرح ما العروسة موجودة اهية

واخد جلال الشبكة من ايد العمدة ومد ايده ليا بيها

وقالي...خدي شبكتك يا عروسة

وبعدها طمن العمدة تاني ووعده بان مراسم الفرح هتتم زي ما هية

وقالة...

فستان الفرح هنجيبة جاهز في ساعة زمن

والكوافير بتاع العروسة هنا من بدري 

يعني مفيش حاجة هتتغير بالنسبة للمعازيم غير

 اسم العروسة الي احنا مش بنذكرة اصلا

وبالفعل

لبست فستان فرح جميل وغالي

 وقعدت في الكوشة جنب جلال 

ابن العمدة

الي بدء يلبسني شبكة ثمنها يعدي المليون جنية

وبعدما جلال لبسني الشبكة قبلني من راسي

وكان لطيف معايا للغاية معرفش ليه

وبالرغم من كل دا انا كنت مخضوضة..ومش مطمنة

 وخوفي زاد اكتر لما لمحت صبري ابن عمي في الفرح

واتاكدت ساعدتها ان صبري مش ناوي يسبني في حالي 

لانه جه اخد جلال من جنبي  بعدما باركلة 

ولاحظت انهم فضلوا  يتكلموا مع

علي جنب شوية

وبعد كدا رجع جلال قعد جنبي في الكوشة وصبري اختفي بعدها

للكاتبة...حنان حسن

المهم

بعدما انتهي الفرح

طلعنا انا وجلال علي غرفتنا

وبعدما دخلنا غرفتنا

اخدت قميص النوم بتاعي ودخلت الحمام عشان اغير الفستان

بس المفاجئة

اني لما دخلت  الحمام

عفريت  نادية ظهرلي تاني

بس المره دي

مقالتش غير كلمة واحده

وهي....اهرربببببي

فسالتها...اهرب ليه ؟ ومن ايه؟

فا كررت نادية نفس الكلمة

وقالتلي...اهربي فورا

فا خرجت من الحمام وانا مفزوعة

وقلبي بيدق

وكنت ناوية اهرب فعلا

لولا اني لقيت جلال في وجهي

والغريبة ان وجهة كان مكشر وعنيه حمرا

ولقيتة بيسألني

وبيقولي...اختك ماتت ليه؟

فا برقت عنيا وسكت

ولما جلال  لقاني مبردش عليه

فتح باب غرفتنا وخرج وبعد ما غاب شوية 

رجع ومعاه جنزير بقفل

وامرني اني اقعد علي الارض

ولما سمعت كلامة وقعدت

بداء يرب..&ط رجلي بالجن...&زير وبعدها ربط الج...&نزير في السرير

ورجع سألني

وقالي...مراة الاسد بتعمل ازاي؟

فا قلتلة ..معرفش

فا قرمش علي سنانة

وتركني وخرج من الاوضة ومعرفش هو اتحول ليه...ولا ناوي يعمل معايا ايه

في اللحظة دي انا اعصابي كانت متجمدة من الرعب 

 اترعبت اكتر لما جلال رجع تاني

ومعاه كلب اسود ضخم كبير لعابة عمال ينزل من علي لسانة 

والمصيبة ان جلال رجع يسألني نفس السؤال تاني

وهو ماسك الكلب

وقالي...هي مراة الاسد بتعمل ازاي؟

فا صرخت وقلتلة ...معرفش ..معرفش

ولما جلال لقاني مش عايزة اجاوب

 قرب عليا بالكلب الي معاه و......؟