"سليم خرج من المحاضره وكان واقف مستني ضحي ورقيه"

بعد شويه خرجوا..

ضحي: ايه ده سليم..خلصت ولا ايه؟

سليم: اه خلصت قلت استناكي نمشي سوا..

ضحي بابتسامة: ربنا يكرمك هتريحني من المواصلات..

سليم: اي خدمه..

ضحي: يلا يا رقيه..سلام.

رُقيه بابتسامة: مع السلامه..

سليم: رُقيه..

رقيه: نعم..

سليم: بما ان حصه امبارح اتلغت..فممكن نعوضها انهارده لو فاضيه..

رُقيه: ايوا مش ورايا حاجه..

سليم: تمام..اتفقنا وعايزين نشد حيلنا شويه وخصوصا ان الامتحانات قربت مش عايزين نضيع وقت..

رقيه بابتسامة: تمام..

سليم: مع السلامه..

رُقيه: سلام..

سليم لسه هيمشي..جات بنت وندت عليه..

البنت: مستر سليم..

سليم لف وقال: نعم فيه حاجه..؟

البنت بابتسامة: ابدا انا كنت جايه اقول لحضرتك ان شرحك كويس اوي..واني مبسوطه ان حضرتك هتشرحلنا وتبقي معانا وكده..

سليم بابتسامة: شكرا لذوقك وان شاءالله ابقي عند حسن ظنكوا..

البنت بابتسامة: اكيد..

رقيه كانت واقفه وشايفه ده كله وقالت في سرها: حسن ظن ايه..دانت غلبان اوي..دي تلاقيها مركزه في كل حاجه الا الشرح..

>>>>>>>>>>>>>>>>

ضحي : يلا يا سليم عشان تاكل..

سليم: مش عايز..

ضحي: انت لسه قافش مع ماما..

سليم: اه يعني..

ضحي: طب تعالي وسيبها عليا..

سليم قام وقال: اما اشوف..

وراحوا وقعدوا علي السفره..

ساميه كانت متجهلاه وسليم عمال يبص لضحي عشان تتكلم بس هي بتاكل ضربها برجله..

ضحي: ايييه عايز ايه..

سليم برقلها وشاور بعينه علي امه..

ضحي فهمت وقالت: ايه يا سوسو يا قمر مش بتتكلمي ليه؟

ساميه: اتكلم اقول ايه..كل واحد بيعمل اللي في دماغه..

ضحي: طب ده كلام برضو دانتي ست الكل ولا ايه يا سليم؟

سليم بابتسامة: اكيد..

ضحي: متزعليش من سليم يا ماما هو كان مضايق شويه..وخلاص هنسيبه براحته لحد ما يهدي..

سليم: انا  فعلا كنت مضايق شويه..ومفيش حاجه مستهله ده كله الموضوع خلص وهي راحت لحالها وخلاص وانا بقيت تمام والله وركزت في حياتي..

ساميه: طيب يا سليم..انت ادري بمصلحتك وكبير وعارف انت بتعمل ايه..موضوع وراح لحاله..

سليم بابتسامة: حبيبتي يا ماما والله وقام باس رأسها..

ضحي: الله انا هشتغل مصلحه اجتماعيه بعد كده..بقول كلام حلو برضو..

سليم ضحك وقال: طلعتي بتفهمي..

ضحي: طول عمري يا باشا..

" رقيه كانت في اوضتها بتجهز عشان وقت الحصه قرب...وكانت متردده تلبس ايه وعماله تختار احلي حاجه..وكان باين عليها انها متحمسه..لحد ما لقت دريس بسيط كده واختارته"

كانت واقفه قدام المرايه بعد ما جهزت ومبتسمه وقالت: كده تمام..

وقعدت كل شويه تبص في الساعه..فقالت باستغراب: ايه يا رقيه مالك بقيتي تستني ميعاد الحصه وتبقي مش زهقانه خالص وانتي في الحصه..هو فيه ايه..هو انا..؟

هزت رأسها وقالت: لا لا ده اكيد عشان هو ناجح بس ونفسك تكوني شكله مش اكتر..ايوا  هو ده السبب اكيد..

" سليم كان واقف بيسرح شعره..بص علي التسريحه لقي الساعه الجديده ابتسم ولبسها.."

اما رقيه كانت وصلت وقاعده مع ضحي بره..

سليم خرج وقال: اهلا يا رقيه..

رُقيه: اهلا يا دكتور سليم..

سليم: ايه دكتور دي..

رقيه: امال اقول ايه؟

سليم: قوليلي يا سليم عادي مفيش داعي للرسميات..

رُقيه بابتسامة: حاضر..

سليم: طيب من الاول..اهلا يا رقيه..

رُقيه ضحكت وقالت: اهلا يا سليم..

سليم: ايوا كده..

ضحي: طيب واشمعنا احنا تقعد تقولي انا وماما قولولي يا  دكتور...هااه

سليم: بحب احسسكوا بقيمتي..

رقيه ضحكت..

ضحي ضحكت وقالت: اه امال..

سليم: عندك اعتراض؟

ضحي: لا ياخويا..

سليم: شاطره وبص في الساعه وقال يلا نبدأ بقي..

ضحي غمزتله وقالت: الساعه هتاكل منك حته..

سليم ضحك وقال: شغل الذل ابتدي اهوه..

ضحي: شوف دايما تفهمني صح..

سليم: عارف..

ضحي: المفروض بقي تشكر رُقيه..عشان ذوقها عجبك..

سليم بص لرقيه وقال: تسلم ايدك يا رقيه..ذوقك حلو بجد..

رُقيه بابتسامة: العفو يعني كنت خايفه ميطلعوش حلوين..

سليم: لا بجد حلوين اوي..

رُقيه بابتسامة: كويس. 

" وسليم بدأ يشرح ورقيه كانت بتبصله باهتمام وهو بيرشح..وكانت فاهمه الشرح جدا"

>>>>>>>>>>>>>>>>>>>>>>

ساميه: تعالي يا بت يا ضحي..

ضحي: نعم يا ماما..

ساميه: بقولك صاحبتك رقيه دي حد مكلم عليها..

ضحي: مين ده اللي مكلم عليها؟

ساميه: انتي غبيه يا بت..بقولك يعني مخطوبه..

ضحي: لا ليه؟

ساميه:  يعني شايفاها محترمه كده وعسل..واخوكي بقي عامل معاها ايه؟

ضحي: عادي يعني بيشرحلنا و خلاص.. هيعمل معاها ايه يعني؟

ساميه: يا بت  طريقته معاها  يعني وكده..

ضحي ضحكت وقالت: اه انا فهمتك..انت عايزه سليم تبقي عينه من رقيه وكده..

ساميه: اه فهمتي اخيرا..انتي رأيك ايه؟

ضحي: والله مش هنلاقي احلي من رقيه..بس سليم لسه بيموف اون..

ساميه: بيعمل ايه يختي

ضحي ضحكت وقالت: يعني بيحاول ينسي مي يعني لسه عايز وقت علي ما يحب جديد..

ساميه: اه فهمت..بس دي ينزعل عليها دي البت رقيه دي احلي منها بعشر مرات وتدخل القلب كده..

ضحي بابتسامة: اه معاكي حق..بس برضو في النهايه كان بيحبها..

ساميه: طيب بس كل حاجه بتيجي واحده واحده..عايزاكي كده تقربي الدنيا..

ضحي: هتديني كام..

ساميه: قومي يا بت يا ماديه انتي من هنا..

ضحي: انتي اللي خسرانه..

ساميه: امشي..

>>>>>>>>>>>>>>>>>>>

تاني يوم في الكليه..

سليم شاف رُقيه ونادي عليها...

سليم: رُقيه تعالي كده ثواني..

رقيه: نعم يا سليم..

سليم: ده زي ملخص كده للمحاضره التقيله اللي شرحناها..ذاكري منه كويس..

رُقيه بابتسامة: شكرا..تعبت نفسك..

سليم: ولا تعب ولا حاجه..

رُقيه: تمام..انا هروح انا عشان عندي محاضرة..

سليم: تمام..

ومشيت ولسه هتدخل المحاضره واحده نادت عليها..

البنت: لو سمحتي استني..

رقيه لفت وقالت : نعم..

البنت: هو انتي اللي كنتي واقفه مع دكتور سليم واخته امبارح؟

رقيه: ايوا فيه حاجه..

البنت: هو انتي قريبته او كده؟

رُقيه باستغراب: ليه؟

البنت: اصل يعني كزا مره اشوفك واقفه معاهم وكمان بتقوليله يا سليم بس..

رُقيه ضحكت وقالت: زي ما اتوقعت انتي مركزه علي الاخر..

البنت: نعم!!

رُقيه:  نعم ايه و بتسألي ليه يعني..

البنت: عادي يعني..

رُقيه: لا مش عادي..انا مش مضطره اجاوبك بس علي العموم اه  احنا عارفين بعض..

البنت: قريبين يعني ولا معارف بس؟

رُقيه ضحكت وقالت: روحي يا حبيبتي ركزي في محاضراتك وسيبك من الكلام ده ونصيحه مني ركزي في الشرح بس..وسبتها ومشيت..

البنت باستغراب: هي قصدها ايه؟

ضحي : مين دي يا رقيه..

رقيه ضحكت وقالت: مفيش معجبين اخوكي..

ضحي: اخويا؟!

رُقيه: اه والله واحده جايه تقولي هو انتي قريبته اصل بتقفي معاهم وبتتكلموا عادي..

ضحي ضحكت وقالت: بتهزري؟! طب وانتي قلتلها ايه..

رقيه: قلتلها معارف عادي..مرضتش ادخل في تفاصيل وكده..

ضحي بمكر : امم طب ومقلتهاش ليه يمكن الدنيا تحلو وكده..

رقيه: تحلو ازاي..بينهم يعني..

ضحي: ليه لا..

رقيه اتضايقت بس قالت بهدوء: وانا مالي انا بعدين هي عندك ايه روحي وقوليلها..

ضحي ابتسمت وقالت: لا يمكن نلاقي واحده احلي..

رُقيه: طب يلا عشان المحاضره..

ضحي ابتسمت بمكر وقالت: يلا يا قلبي..

رُقيه: مالك كده..

ضحي: ايه مانتي قلبي فعلا..

رُقيه ضحكت وقالت: يلا يا حبيبتي ربنا يهديكي..

ضحي: ايه ده عدوه الكلام الحلو..

>>>>>>>>>>>>>>>

سليم : الو يا سيف انا في الكليه تعالي وهطلعلك اهوه..

سيف: طيب عشر دقايق وابقي قدامك..

سليم: ماشي يا صاحبي..

رُقيه وضحي كانوا طلعوا من المحاضره..

رُقيه: ايه يا بت هتروحي معايا..ولا هتستني سليم..

ضحي: لا هروح سليم رايح مشوار..

رُقيه: طيب يلا..

ضحي : ايه ده مش ده سيف؟

رُقيه: سيف مين؟

ضحي: اه ده هو زمانه مستني سليم..

رقيه: مين ده؟

ضحي: يا بت صاحب سليم اللي حكيتلك عنه..

رقيه: اه الواد اللي عجبك ده..

ضحي: بتقولها في وشي كده..اه هو يستي..

رُقيه: شافك اهوه..اوعي تبتسمي شبه الهبله..

ضحي: لا عيب عليكي..

سيف شافها وابتسم لها..

ضحي بابتسامة: ايه ده سيف ازيك..

سيف: اهلا ضحي..ايه الصدفه الحلوه دي..

ضحي بابتسامة: شكرا..جاي لسليم صح..

سيف: اه راحين مشوار...بقي ليكي واسطه بقي هنا..

ضحي ضحكت وقالت: ولا كأنه يعرفني..

سيف: ليه كده المفروض يروح لكل واحد يقول دي اختي..

ضحي ضحكت وقالت: صح انا بقول كده..بس انا قايمه بالواجب..

سيف بابتسامة: طبعاا..اهو سليم جه ورا اهوه..

ضحي: تمام..انا همشي بقي مع السلامه..

سيف: سلام..

رقيه: ده اللي متخافيش..ده ناقص اجيب اتنين لمون احسن..

ضحي: هو احنا لحقنا..

رقيه: علفكره الواد ده عينه منك عمال يجر كلام..

ضحي: جبتي التايهه منا عارفه..

رقيه: بجد..طيب وساكتين ليه؟

ضحي: يعني انا اللي هروح اقوله بحبك..

رقيه: خلاص اتقلي عليه..

ضحي: اكتر من كده..

رقيه: ده فكرك عن التقل..امشي قدامي..

ضحي:ثانيه.. يعني انا كده مش تقيله؟!

رُقيه ضحكت وقالت: تقيله يا حبيبتي..تقيله خالص..

سليم: انت شفت ضحي صح؟

سيف: اه كانت ماشية..

سليم: لوحدها؟

سيف: لا كان في واحده معاها..

سليم : طيب تمام..

سيف: بتسأل ليه؟

سليم: عادي يعني..يلا بينا..

سيف: ماشي يلا

>>>>>>>>>>>>>>>>>>>

ضحي: هااه قلتي ايه؟

ساميه: عرفي ابوكي..

ضحي: منا رنيت عليه وقلتله..وقالي روحي بس متتأخريش

ساميه: طيب الساعه عشره تكوني هنا..

ضحي: عشره ايه بس..هتكون العروسه لسه مجتش..بعدين دي صاحبتي ولازم نحضر نص الفرح حتي..

ساميه: طيب ١١..

ضحي: ياماما بقي..

سليم: فيه ايه؟

ضحي: راحه فرح صاحبتي..وماما بتقولي تعالي الساعه ١١..

سليم: امال هتيجي امتي الساعه ١٢ في نص الليل..

ساميه: قولها..

ضحي: امشي يا سليم خش جوه..

سليم:ده الادب.. طب انتي راحه مع مين؟

ضحي: هنروح انا ورقيه..

سليم: امم طيب انا عندي حل..

ضحي: قول..

سليم: بصي انا هضحي بوقتي واسيب مسؤولياتي واجي معاكي الفرح..واقعدي فيه براحتك..

ضحي: لا..

سليم: شايفه يا ماما..انا غلطان يلا خشي مفيش افراح..

ضحي: يا ماما خليه يسكت..

ساميه: هو قال حاجه غلط..

ضحي: يا ماما بيقعدني جنبه وينكد عليا مش بيخيلني اسقف حتي..

سليم: انا!!.. كفايه ظلم بقي..

ضحي: طيب ماشي يا سليم..تعالي بس لو زهقتني هصوت واقولهم خاطفني..

سليم: ده تهديد؟!

ضحي: يعني..لا 

سليم: جدعه..كده احترمي اخوكي الكبير..

ضحي حدفته بالمخده وقالت: اسكت بقي..

سليم: كده..طيب..

ضحي: انا داخله البس..

" بعد شويه سليم كان جهز وضحي كانت في اوضتها وخلصت"

سليم: يلا بقي يا ضحي..زهقت..

ضحي طلعت وقالت: ايه رأيك؟

سليم ابتسم وقال: حلو اوي..انتي كده هتجيبي عريس بقي وانا مش هجوزك..

ضحي: ليه؟

سليم: كده مزاجي..

ضحي: يلا يا سليم يلا..عشان هطق..

نزلوا وركبوا العربيه..

ضحي: الو يا رقيه..جهزتي؟

رُقيه: اه..هنتقابل فين؟

ضحي: احنا قربنا من بيتكوا اهوه..

رقيه: انتوا مين؟

ضحي: انا وسليم..

رقيه بتوتر: هو سليم جاي.؟

ضحي: اه ماما مرضيتش غير لما هو ييجي معايا..

رقيه: طيب انا هنزل اهوه..

ضحي: ماشي..يلا..

رقيه بصت في المرايه بصه سريعه وابتسمت وخرجت..

سليم وصل بالعربيه..ورقيه كان واقفه في الشارع جنب الورد بتتصور..سليم ابتسم من غير مايحس..

ضحي: رقيه اهيه..لقيته باصص عليها ابتسمت..

يتبع....