وبدل ما يرق لحالي

بالعكس دا تركني وطلع ينام علي السرير

وهو بيملي عليا اوامر جديدة

وقالي...

اقلعي الروب دا

فا قلعت الروب وانا فاكراه هيطالب بحقوقة كا زوج

فا قلت الحمد لله اهو كدا ممكن يتاكد اني عذراء يعني بريئة

لكن لقيتة بيبصلي بغضب

وبيقولي...

خلي البرد ياكل جتتك

طول منتي في غرفتي مش هتشوفي راحة

لا اكل...ولا نوم...ولا دفا

ومن هنا لغاية ما الشهر يخلص هتنامي في الارض جنب السرير

ومش عايز اسمعلك صوت نهائي

فا رديت وانا مفتورة من العياط

وقلتلة...حاضر

 وبالفعل

نمت في الارض بدون غطاء ولا فرشة ولا حتي مخدة

ومكنش عليا غير قميص قصير مش نافع يحمي جسمي من البرد

للكاتبة...حنان حسن

المهم

فضلت قاعدة جنب السرير في الارض طول الليل

وكنت خايفة انام لاني كنت كل  ما ابص ناحية جلال 

الاقية عمال يبصلي ومشلش عينة من عليا طول الليل

وطبعا انا كنت بدور وجهي لاني كنت بعيط

المهم

فضلتا علي كدا

لغاية ما روحت في النوم

والصبح صحيت علي صوت خبط علي الباب 

وسمعت حماتي وهي بتنادي علي جلال

فا قمت من نومتي المتعبة 

ودخلت علي الحمام

واثناء ما كنت في الحمام

سمعت جلال بيقول لامة خلي الاكل تحت احنا نازلين

وبعدها جلال خبط عليا في الحمام

و كلمني بصوت عالي ادام امه

وقالي...احنا منتظرينك تحت خلصي وانزلي

فا فهمت ان جلال ناوي ينزلني لاهلة عشان يكملوا عليا ويذلوا فيا 

هما كمان

المهم..

لحظتها كنت باخد دش وشوفت مكان الحقنة اياها...فا صعبت عليا نفسي

ورجعت اعيط 

وفضلت انادي علي نادية اختي واقولها

انتي فين يا نادية ؟

تعالي انقذيني من الورطة الي انا فيها

لكن للاسف عفريتة نادية مظهرتش

فا لبست وخرجت من الحمام

و ..لما خرجت ملقتش جلال فعلا في الغرفة

فا لبست هدومي ونزلت عند عيلتة

 تحت

وكنت نازلة بقدم خطوة وارجع خطوة

لغاية ما وصلت لاوضة السفرة

واتفاجئت بالعيلة كلها مجتمعة في غرفة السفرة الكبيرة

ومكنش في حد غايب من عيلتة غير العمدة فقط

فا وقفت انتظر واشوف مين اول واحد هيهين كرامتي فيهم

لكن الغريبة ان اهل جلال اول ما شافوني

 قاموا وقفوا يرحبوا بيا بكل احترام...

دا حتي زوجة العمدة اخدتني في حضنها 

وقالتلي ...نورتي بيتك يا مرة الغالي

ولقيتها بتاخدني تقعدني في الكرسي الي جنب جلال

ولحظتها هو كان عامل نفسة مشغول بالاكل لكن طبعا كان متابعني بجنب عينة

للكاتبة...حنان حسن

المهم

بعد الاكل حماتي عرفتني علي كل افراد العيلة

وبعدها اخدتني لغرفتها واعطتني اسورة ذهب خرافية الشكل

وقالتلي انها هدية جوازي

ومش كدا وبس

دي اعطت امر للشغالات الي في البيت انهم يكونوا رهن اشارتي

وفعلا...الشغالات بقوا مهتمين بخدمتي وبيتمنوا رضايا

والي فهمتة ساعتها

هو ان الكل كان  بيحترمني لاني زوجة جلال الدين

 الي كل البلد بتهابة وبتحترمة وبيعملوا له الف حساب

وبالرغم من دا كله انا مكنتش مركزة معاهم ولا كنت رايقة لترحيبهم

انا بالي كان مشغول ببرائتي انا واختي  الي لازم اثبتها 

عشان اخد الترياق وانقذ حياتي

المهم

بعد شوية لاحظت ان العمدة رجع من بره

 و نادي علي جلال 

و كان واضح من منظر عمي العمدة ان في مشكلة كبيرة حصلت في البلد

لان العمدة كان عمال يتكلم مع الشرطة والمركز ...وشوية يكلم المستشفي

 وقلقة البالغ  كان بيوحي ان المشكلة تمسة هو شخصيا

و اتاكدت ظنوني لما لقيت مراة عمي 

(ام صبري وكاظم) داخلة تجري وتستنجد بالعمدة

وبتقولة...ايني صبري مرجعش البيت من باليل يا عمدة ...والصبح سمعت الناس بيقولوا انهم لقوة مقتول في الغيط

للكاتبة...حنان حسن

في اللحظة دي

سمعت العمدة بيحاول يهديها وبيقولها...

اطمني

ابنك بخير

هو صحيح طلعوا عليه حرا...&مية وضر...بوه بالن...&ار امبارح

 لكن...العيار صابة في رجلة

فا اغمي عليه من شدة النزيف

 عشان كدا الناس افتكروة م..&ات 

لكن هو دلوقتي بخير

وبعدما زوجة عمي سمعت كلام العمدة عن الي جري  لصبري

لقيتها خرجت تجري علي المستشفي

عشان تطمن عليه

وجلال راح يوصلها

 لكن المصيبة انها بعدما خرجت هي وجلال

لقيت العمدة بيطلع من جيبة موبيل

وبيحاول يفتحة 

فا لما زوجة العمدة سالتة 

وقالتلة...بتاع مين الموبيل دا ؟

قالها ...دا موبيل صبري ابن اخويا اخدتة من الدكتور الي عمله العملية 

فسالتة زوجتة تاني

وقالتلة...

امال بتفتح التليفون ليه يا عمدة؟

فا قالها...هشوف يمكن يكون صبري صور العيال الي ضربوه

 وساعتها هقدر اجيبهم واسلمهم

 نهارسووووود

العمدة هيفتح الفيديوهات الي  علي موبيل صبري

عارفين دا معناه ايه......؟