رواية خطيئة الظن مراد وريفال الفصل الخامس 5 بقلم ليلان سلامه
رواية خطيئة الظن مراد وريفال الفصل الخامس 5 هى رواية من كتابة ليلان سلامه رواية خطيئة الظن مراد وريفال الفصل الخامس 5 صدر لاول مرة على موقع التواصل الاجتماعى فيسبوك رواية خطيئة الظن مراد وريفال الفصل الخامس 5 حقق تفاعل كبير على الفيسبوك لذلك سنعرض لكم رواية خطيئة الظن مراد وريفال الفصل الخامس 5
رواية خطيئة الظن مراد وريفال الفصل الخامس 5
ايه دا يا مُراد؟
رد مُراد ببرود وقال:
_ ايه؟
بدأت تتنرفز رانيا وقالت:
_ من امتي وإحنا لينا في الحاجات دي؟
رفع كتافه وقال ببساطه:
_ عادي...
اتنرفزت اكتر رانيا وقالت:
_ ايه للي عادي انتَ بتشرب مُخدرات بقى عادي؟
_ ما خلاص يا رانيا في ايه عايزه تكبري الحوار ليه؟
قام ابو مُراد من علىّ السرير وقرب منه وقال:
_ يعني اخرتها بعد تربيتي ليك تروح تشرب مُخدرات؟
_ يا بابا مك.....
مكملش مُراد كلامه وكان ابوه اداله بالقلم وقال بعصبيه:
_ اه ما انا معرفتش اربيك صح ملكش خروج من البيت يا مُراد وحتتحبس في الاوضه لوحدك...
قال كدا ومشي طلعت رانيا وراه وبعدين بص آدم ل مُراد فا قال مُراد بزعيق:
_ اكيد انتَ للي قولت صح؟
_ والله ما قولت حاجه ماما كانت بتنضف اوضتك وشافتها...
_ طب أمشي بقى اطلع برا مش عايز اشوف وشك انتَ سامع!!!
طلع آدم ونزل ل جده ومامته وقال:
_ ايه حنعمل ايه؟
أتكلم جد آدم وقال:
_ حنخليه محبوس في الاوضه ملهوش خروج.....
_________________________________
تاني يوم:
مروحتش الكُليه حسيت اني محتاجه اريح شويه قومت كالعاده علىّ صوت ريتال و ريان طلعت وقولت:
_ هو حرام لو ارتحنا يُوم منغير خناق؟
اتكلم ريان وقال:
_ يا ريڨَال هي للي مُستفزه وخليها تبطل تناحتها دي...
_ عيب يا ريان كدا دي اختك الكبيره....
_ خليها ملهاش دعوه بيا مش عايزها تدخل في حياتي...
_ قولت عيب يا ريان ودي اختك وخايفه عليك واتفضل قوم ذاكر دلوقتي...
هز راسه ومشي بصيت ل ريتال فا قالت بتوتر:
_ مالك يا ريڨَال بتتحولي كدا ليه؟
_ مالك ومال ريان...
_ دا أخويا حبيبي حيكون مالي ومالو...
بصتلها بقفله عين وقولت:
_ عليا بردو؟قرفاه ليه؟
_ يا ريڨَال هُو للي مُستفز وبيقول كلام مش حاسس بيه...
_ معلش يا ريتال لازم تستحمليه لان هو في فتره ضغط حالياً...
_ ايوا وانا ذنبي ايه؟
_ مش ذنبك حاجه بس هو اكيد مضغوط ومش طايق نفسه ولازم تراعي دايماً ان ريان معش مع ماما اوي يا ريتال اكيد الحته دي مأثره فيه متبقيش انتِ وكُل حاجه كدا.....
هزلتلي راسها روحت حضنتها وقولت:
_ حبيبتي عايزه تفطر ايه؟
بصتلي بإستغراب وقالت:
_ ايه مش رايحه الكُليه؟
_ لا قولت اريح النهارده...
قولت كدا وسمعت تيليفوني بيرن روحت اشوف مين لقيتها ناريمان رديت جالي صوتها وهي بتقول:
_ ازيك يا ريڨَال؟
_ الحمد لله وانتِ؟
_ الحمد لله ايه حنروح النهارده؟
_ ان شاء الله نروح بس انتِ عارفه العنوان؟
_ ايوا طبعاً كُنت بروح هناك كتير...
_ طيب..
_ بس انا خايفه؟
_ خايفه من ايه؟
_ مصدقونيش و من ردت فعل مُراد...
_ متخافيش هُما ناس طيبه اظن انهم حيسمعوكي و ردت فعل مُراد انتِ حكيتي كُل مره بيعمل نفس الحاجه فا متقلقيش.....
_ ايوا بس المرادي انا حروح ل اهله!
_ بس هو ممكن ميكنش موجود...
_ ولو موجود؟
_ ناريمان مش حيعمل حاجه انا معاكي ومظنش من تعاملي مع اخته و آدم انهم يسمحولو يعمل كدا قُدامهم...
= وبعدين هو للي غلطان هو مش راضي يسمعك اصلاً...
_ ايوا...
_ يبقى خلاص متقلقيش ان شاء الله خير.....
________________________________
قفلت معاها وروحت اشوف ريتال لقيتها عامله قهوه روحت شربتها انا وهي في البلكونه وقالت:
_ حتعملي ايه مع بابا؟
_ ولا حاجه بجمع الفلوس علشان العمليه!
_ وايه فاضل كتير...
حطيت القهوه علىّ الترابيزه للي قُدامي وقولت:
_ للاسف فاضل كتير بس إن شاء الله مش حيأس ولو حشتغل شُغل كمان بليل.....
_ يارب يكرمنا وان شاء الله ححاول ادور علىّ شغل بعد الكليه...
_ ريتال متدوريش علىّ حاجه ركزي في دراستك وبس فاهمه؟!
_ طب ما انتِ كمان يا ريڨَال لازم تركزي في دراستك؟!
_ انا بحاول اوازن يا ريتال وبعدين أنا الكبيره والمفروض اعمل كدا عيشي حياتك يا حبيبتي....
بصتلي وابتسمت لقينا ريان واقف وقال:
_ مش حنخلص بقى عايز اكل...
قالت ريتال:
_ انتَ علىّ طول همك علىّ بطنك نفسي تطلب حاجه تانيه غير اكل وفلوس...
_ وانتِ مالك يا بارده وبعدين حعوز منك ايه مثلاً؟
بصتله ريتال بغضب مسكتها ودخلنا المطبخ نعمل أكل...
خلصنا وحطيت الاكل وكلنا.....
________________________________
بليل:
تيليفوني رن وكانت ناريمان وقالت:
_ ايه يا ريڨَال خلصتي؟
_ خلاص بحط الدبوس بس...
_ طب انا تحت!
_ طيب طيب نزلالك...
نزلتلها وركبت و قالت:
_ شطوره نزلتي علىّ طول مش بحب الانتظار...
ضحكت وقولت:
_ بصراحه ولا انا...
ضحكت وبعدين اتحركت وصلنا عند بيت مُراد قالت ناريمان:
_ كدا وصلنا...
_ متاكده؟
_ ايوا يا بنتي والله...
_ طب يلا بينا ننزل...
مسكت إيدي وقالت:
_ حننزل عادي كدا؟
ضحكت وقولت:
_ امل حننزل ازاي يلا يا ناريمان بلاش جُبن....
وفعلا نزلنا خبطت و فتح الباب آدم وللي فاضل واقف مصدوم وقالت رانيا:
_ مين يا آدم؟
مردش آدم فا قالت:
_ يا واد يا آدم مين؟
مردش بردو قامت وهي بتقول:
_ انتَ ايه ملكش لازمه كدا في الحياه....
وصلت عندنا وبصت واتصدمت وقالت:
_ ايه دا ايه للي جابك هنا يا ناريمان؟
_ جايه علشان اوضلكو سوء التفاهم..
هزت راسها وقالت:
_ ادخلي طيب...
بعديها لاحظت وجودي وقالت بإبتسامه:
_ ريڨَال عامله ايه يا حبيبتي؟
_ الحمد لله يا طنط وحضرتك عامله ايه؟
_ الحمد لله بس مش قولتلك بلاش طنط دي...
هزيت راسي وانا بضحك فا قالت:
_ ادخلي يا حبيبتي...
دخلت و اتصدم رفعت جد آدم من وجود ناريمان وقال:
_ انتِ ايه للي جابك هنا؟
_ جايه اوضحلكو كُل حاجه...
_ توضحي ايه خيانتك؟
اتكلمت ناريمان بدموع وقالت:
_ والله العظيم انا مخنتش مُراد هو متخيل اني خونته بس انا والله ما خنته صاحبه شريف للي ربنا ينتقم منه هو السبب...
اتكلمت رانيا بإستغراب وقالت:
_ السبب ازاي؟
_ هو للي خلى مُراد يشك فيا وهو للي عمل فيا كُل حاجه...
قال آدم بتوهان:
_ انا مش فاهم حاجه...
_ ححكيلكو...
وحكت ناريمان كُل حاجه قال رفعت:
_ وانا ايه يضمنلي انك مش بتكدبي...
في اللحظه دي نزل مُراد وهو بيقول:
_ انا مش حفضل محبوس كدا شبه الأطفال...
وبعديها قرب وشاف ناريمان وقال بعصبيه:
_انتِ ايه للي جابك هنا يا حيوانه؟....
اتكلمت رانيا وقالت:
_ احترم نفسك يا مُراد دي ضيفه في بيتنا...
_ وهي ضيفه مش مرغوب فيها...
قرب مُراد وكان لسه حيضرب ناريمان شدها جد مُراد وقال:
_ انتَ حتمد ايدك عليها قُدامي انتَ اتجننت يا مُراد؟
_ هي تستاهل الحرق مش الضرب...
_ مُراد انتَ لازم تقعد تسمع منها...
_ مش حقعد اسمع منها حاجه ويلا اتفضلي اطلعي برا...
اتكلمت ناريمان بعصبيه وقالت:
_ مش طالعه ولو انتَ فاكر اني حفضل علىّ ذمتك كتير مش حيحصل و خليك مع صاحبك الكداب للي انا حزبتلك حقيقته النهارده....
اتكلمت رانيا بتوهان و صدمه وقالت:
_ انتَ مش قولت انك طلقتها يا مُراد؟
أتكلمت ناريمان بعياط وقالت:
_ مطلقنيش لا راضي يسمعني ولا راضي يطلقني انا بكرهك يا مُراد وعُمري ما كرهت حد قد ما كرهتك!!!
_ يعني ايه يا مُراد من امتي وإحنا بناخد حق لينا بالطريقه دي؟
_ محدش ليه دعوه!!
_ يعني ايه محدش ليه دعوه وبعدين طلقها يا مُراد مش عيزها طلقها...
_ اطلقها ايه دي خانتني خليها كدا...
_ النهارده حقابل شريف صاحبك يا مُراد وحتعرف الحقيقه....
ضحك وقال:
_ حقيقه ايه انك خاينه؟
_ خليك انتَ كدا بس صدقني حتندم بس ساعتها حيكون فات الأوان يا مُراد...
أتكلم رفعت وقال:
_ بس وانتِ حتقبلي صاحبه دا امتي؟
_ النهارده...
_ طيب آدم ورانيا حيروحو معاك يا مُراد...
_ انا مش رايح في حته...
_ لا حتروح يا مُراد مش انتَ واثق من صاحبك وبعدين انتَ عارف انا حعمل فيك ايه لو مروحتش...
وفعلاً راح مُراد بالغصب..
وصلت ناريمان مكان ما شريف موجود شافها شريف وقال:
_ اهلاً...
= متردي السلام طيب...
_قالت ناريمان بقرف:
_ أنجز وخلص حنعمل ايه انا مش طايقه مُراد وعايزه اطلق منه انتَ عارف هو مخليني علىّ ذمته وهو فاكر اني خونته اه انتَ زباله بس انا نفسي اخلص منه وحسافر علىّ طول وطول ما انا علىّ ذمته مش حعرف اسافر....
ضحك شريف وقال:
_ متخافيش كُلها فتره ومُراد حيسافر!..
بصت ناريمان ل شريف بإستغراب وقالت:
_ حيسافر فين؟
ضحك شريف وقال:
_ حروح للي خلقُه......
______________________________________________________
يتبع...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا