رواية خطيئة الظن مراد وريفال الفصل السابع 7 بقلم ليلان سلامه
رواية خطيئة الظن مراد وريفال الفصل السابع 7 هى رواية من كتابة ليلان سلامه رواية خطيئة الظن مراد وريفال الفصل السابع 7 صدر لاول مرة على موقع التواصل الاجتماعى فيسبوك رواية خطيئة الظن مراد وريفال الفصل السابع 7 حقق تفاعل كبير على الفيسبوك لذلك سنعرض لكم رواية خطيئة الظن مراد وريفال الفصل السابع 7
رواية خطيئة الظن مراد وريفال الفصل السابع 7
هو ايه للي عادي لييييييه عملت كدا؟!
اتكلم شريف بنبره غريبه وقال:
_ علشان مش حكون انا الوحش لوحدي الناس شيفاني وحش وأننا ازاي اتصاحبنا بحاول اخليك زيي ونجحت وبقينا شبه بعض انا وانتَ واحد ويمكن انتَ اسوء...
قام مُراد ومسكه من قميصه وقال:
_ انتَ مجنون انتَ كُنت أقرب حد ليا وانتَ للي بتاذيني وانا مش واخد بالي الكُل حذرني منك بس انا كنت أعمى وفوقت بعد فوات الأوان....
_ مضربتكش علىّ ايدك انتَ عملت كُل حاجه بإرادتك وب مزاجك....
سابه مُراد لانه عارف ان كلام شريف صح وخد بعضه ومشي
__________________________________
كُنت بصحي ناريمان علشان نروح الكُليه...
_ ناريمان قومي يلا...
اتكلمت بنوم وقالت:
_ يا ريڨَال سبيني شويه..
_ يا بنتي مش حينفع اتاخرنا...
قامت ناريمان وقولت:
_ انتِ في كُليه ايه صح؟
_ في كُليه إعلام وانتِ؟
_ فنون جميله...
_ بجد طب يلا بينا نروح مع بعض ونتقابل بعد ما نخلص...
وفعلاً قومت حضرت الفطار وفطرنا وبعدين لبسنا ونزلنا وصلنا الجامعه دخلت قعدت مع صحابي رنا ودينا وخلصت المحاضرات وقولتلهم اني حمشي طلعت لقيت مراد موجود قرب مني وقال:
_ ازيك..
_ الحمد لله..
_ هي ناريمان فين؟
_ حروح ليها كافيه دلوقتي لأننا حنتقابل...
_ طب عايز اشوفها...
_ طب أمشي ورايا...
مشينا وبعدين وصلنا الكافيه سلمت علىّ ناريمان وبعدين شافت مُراد اتخضت بس قولت:
_ حروح انا يا ناريمان حقعد في الترابيزه دي علىّ ما تخلصي...
بصتلي بتبريقه عين بس هزيت ليها راسي ومشيت قعد مُراد وقال بندم:
_ مش عارف ابدا منين ومش لاقي كلام اقوله بس انا اسف اسف علىّ كُل حاجه عملتها فيكي سواء ضرب او كلام مُقرف صدقيني غصب عني انا اسف وانسي ونبدأ صفحه جديده؟!
عيونها اتملت دموع وقالت:
_ نبدأ صفحه جديده بالسهوله دي؟هو انتَ خبطتني منغير قصد؟انتَ دمرتني وانا بكرهك يا مُراد....
بدأ مُراد يتوتر وقال:
_ ناريمان متصعبيهاش بالله عليكي سامحيني انا انا اسف والله معرفش عملت كدا ازاي كُنت مُغيب...
غمضت ناريمان عنيها وقالت:
_ طلقني يا مُراد...
بدأ مُراد دمُوعه تنزل واتكلم وهو مرتبك وقال:
_ بالله عليكي لا مش حقدر اطلقك والله أنا آسف آسف والله صدقيني مُستحيل اعمل كدا تاني واشك فيكي انا بحبك والله بحبك ومش حقدر اطلقك اسف لو ليا غلاوه في قلبك سامحيني و حعوضك والله حعوضك....
_ انتَ انسان زباله يا مُراد حكيتلك وجعي وحياتي وقلبي المدمر علشان تبقى سندي وتحس بيا وتحس ان جوايا طفله فاقده حاجات كتير وانتَ بدل ما تسمعني وتحتويني شكيت فيا وضربتني وهنتني وسمعتني اسوء كلام...
ضحكت ناريمان وسط عياطها وقالت:
_ يمكن علشان مليش حد اتسند عليك عملت كدا؟علشان مفيش حد في ضهري يجبلي حقي؟!!
مسك إيد ناريمان وهو دموعه نازله وقال:
_ اقسم بالله حقك عليا انا اسف وحعوضك انتِ عارفه اني مش حقدر أعيش من غيرك...
شدت ايديها من مُراد وقالت بثقه مصطنعه:
_ ما كُنت عايش منغيري عادي محصلكش حاجه بطل بقى واتفضلي أمشي ومش عايزه اشوف وشك وطلقني...
_ مش حطلقك وحعمل المُستحيل علشان تسامحيني...
قال كدا ومشي....
شوفته وهو ماشي دخلت ل ناريمان وقولت:
_ مالك يا ناريمان؟
_ مش قادره اسامحه مش قادره هو استغل وجعي وعمل كُل دا وجاي يقولي اسف والمفروض اخده بالحضن يعني...
_ اهدي يا ناريمان محدش حيغصبك علىّ حاجه يا حبيبتي...
تعالي نقعد علىّ البحر شويه أيه رايك؟
هزت راسها وبعدين روحنا قعدنا فا قالت ناريمان:
_ ليه الحياه بتعمل فينا كدا؟
_ علشان احنا في دنيا ودار ابتلاءات ربنا بيختبر صبرنا وايمانا وأكيد حيعوضنا...
_ يارب،علفكره أنا معايا فلوس حديهالك؟
قولت بعدم فهم:
_ فلوس ليه مش فاهمه؟
اتكلمت وهي بتفرك في ايدها وقالت:
_ سمعتك انتِ وريتال وانتو بتتكلموا وعرفت انك محتاجه فلوس ل عمليه باباكي انا اسفه والله مكنش قصدي اسمعكو كُنت معديه وسمعت منغير قصد...
ابتسمت وقولت:
_ اهدي يا حبيبتي مفيش حاجه وبعدين أنا بشتغل مش محتاجه شليهم ليكي يمكن تحتاجيهم في يوم...
_ لا يا ريڨَال بس انتِ محتجاهم وأكيد ربنا حيعوضني وبعدين احنا مش صحاب احنا اخوات يعني دا الطبيعي...
_ صدقيني لو احتجتهم حقولك وعد؟
ضحكت وقولت:
_ وعد...
________________________________
الساعه 2 بليل في البيت:
قلقت وصحيت من نومي قومت دخلت اوضه بابا لقيته واقع في الارض....
مكنتش عارفه اتصرف ازاي لحد ما قعدته علىّ كرسيه وروحت بسرعه لبست الطرحه ونزلت روحت مُستشفي قريبه من البيت...
كنت بجري ب بابا حرفياً لقيت دكتور جاي عليا وقال:
_ حصله ايه؟
اتكلمت وأنا بعيط وقولت:
_ مش عارفه دخلت عليه لقيته واقع...
خدو الدكتور ودخل كشف عليه وكنت برا علىّ أعصابي طلع الدكتور وقال:
_ غيبوبه سكر بسبب هبوط حاد في مستوى السكر...
حاولت أسند نفسي حسيت اني دايخه شويه ف قال الدكتور:
_ محتاجين الادويه دي ضروري دلوقتي....
مترددتش وخدت الروشته وطلعت أجري كُل ما اروح صيدليه يقولوا خلصان لحد ما لقيت اربع شباب شكلهم مش مظبوط بيقربوا عليا اترعبت وفضلت ارجع لوا كان لسه في شاب حيتكلم منهم قطعه لما لقيت واحد واقف قُدامي وقال:
_ في ايه يا حبيبي؟
أتكلم شاب منهم وقال:
_ وانتَ مال اهلك يعني؟
ساعتها لقيته مسكه ضربه وللي معاه كانو هربوا وبعدين بصلي وقال:
_ انتِ كويسه؟
هزيت راسي وانا مرعوبه وقولت:
_ الحمد لله..
لقيته قال بحده:
_ طب انتِ بتعملي ايه في الشارع دلوقتي الساعه تلاته...
_ حضرتك انتَ مالك؟
_ انا مالي فعلاً خلي شباب زي دي ياذوكي مليش دعوه...
نفخت وبعدين قولت:
_ أبويا في المستشفى ارتحت؟
_ وابوكي في المستشفى بتعملي ايه في الشارع؟
_ بشتري ادويه مش لقياها من الصيدليه،خلص التحقيق؟
_ طب هاتي الروشته اجبهالك؟
_ لا وانا اضمنك منين؟
_ خلاص انت حُره افضلي لفي...
_ طب حاجي معاك و حمشي وراك...
_ طيب انتِ اسمك ايه؟
_ وانتَ مالك؟
_ مش حُباً فيكي والله...
_ اسمي ريڨَال..
_ وانا سُفيان..
_ بس انا مسألتكش....
بصلي بقرف وقال:
_ انا مش عارف ايه للي موقفني مع اشكالك...
_ مطولش والله وبعدين مالها اشكالي؟
_ مفيش حنفضل نرغي يلا....
مشينا وفضل نلف لحد ما لقينا الدوا روحت المستشفى و سُفيان كتر خيرو فضل قاعد معايا...
_________________________________
تاني يوم:
صحيت علىّ رنت موبيلي وكَانت ناريمان وللي قالت:
_ ايه يا ريڨَال فينك برن عليكي من امبارح...
_ معلش والله في المستشفى من امبارح...
_ ايه دا مالك مستشفى ايه اجيلك...
_ مش انا دا بابا تعب بليل ووديته المستشفى...
_ طيب طيب انا جيالك...
_ لا ملهوش لزوم...
_ ملوش لزوم ايه انتِ هبله...
عدا شويه وقت ولقيت ناريمان دخله وللي اتصدمت وقالت:
_ سُفيان؟!!!
_________________________________________________
يتبع...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا