اما عند سليم فهو اطمن ان ليلي بتحب صقر بجد وهو كمان بيحبها عشان كان عارف انه بيجي ليها وقرر يرجع المانيا سليم ظابط امن دوله كبير في المانيا كان شايف انو لازم يقول لصقر كده عشان يواجه ويقرر يحكي لليلي كل حاجه وده فعلا الحصل عند صقر وليلي صقر اتخض وقام من مكانه 

صقر : ليلي انتي اي الجابك انتي لسه تعبانه تعالي 

ليلي بدموع : جيت عشان وحشتني ليه تسيبني كل ده هونت عليكي 

صقر مسح دموعها : والله مهونتيش عليا انا كنت كل يوم باجي اطمن عليكي 

ليلي : يعني انت كنت بتيجي بجد مكنتش بحلم

صقر : ايوه يا حببتي 

ليلي : ليه مشيت وسبتني انت زعلت من سليم انا عرفت انو قالك كلام يزعل بس هو مكنش يقصد انت ملكش ذنب يا صقر الطلقه دي لو كانت جت فيك انا كنت هموت 

صقر : بعد الشر عنك يا حببتي

ليلي : انا بجد حبيبتك؟ 

صقر : ايوه طبعا 

ليلي بزعل : لو كنت حبيبتك مكنتش بعدت عني 

صقر : غصب عني صدقيني 

ليلي : انا عايزه اعرف كل حاجه يا صقر لو بتحبني بجد زي م انا بحبك احكيلي 

صقر : انتي قولتي اي

ليلي : اي 

صقر : قوليها يا ليلي 

ليلي : بحبك يا صقر 

صقر حضنها جامد وقرب باسها برقه واخدها في حضنه ودخلوا الاوضه 

ليلي : يلا احكيلي انا عايزه اسمعك واساعدك يا صقر 

صقر : من عشر سنين وانا نازل شغلي كان عندي قضيه مهمه وانا بودع امي ببوس راسها وبلف اديها ضهري وماشي اخدت طلقه ووقعت بين ايدي بسبب تاجر مخدرات كنت السبب ان ابنه يتعدم عشان قبضت عليه صقر دموعه بدأت تنزل مقدرتش انقذها ولا عرفت احميها يا ليلي امي الكانت دايما في ضهري ماتت وبين ايديا قعدت فتره كبيره في صدمه ومش قادر اتخطي ظهرت ندي تبقي بنت خالتي فضلت جنبي وبدأت احس ناحيتها بمشاعر وحبينا بعض واتجوزنا وبعد مفوقت من الصدمه الاولى دخلت في التانيه لما رجعت من شغلي اول مدخلت بيتي تاني يوم بعد معرفتي ان مراتي حامل في بنت وكلها كام شهر وتيجي ضربوني طلقه في رجلي وكتفوني بجنازير ومراتي مربوطه قدامي بتعيط وبتبتسم ليا ولدوها وهي حيه قدام عيني يا ليلي وبعدها دبحوها دفنت بنتي ومراتي في التراب دفنت بنتي قبل متيجي الدنيا ليلي بتاخده في حضنها وبتعيط علي كل الحصل في وازاي استحمل كل ده 

ليلي بدموع : يا حبيبي انا اسفه اسفه بالنيابه عن كل الحصلك هما اكيد في مكان احسن مين يا صقر العمل في ندي كده 

صقر : مافيا كبيره كنت ماسك قضيتهم وقت الحصل واخوكي معايا ومازال معايا كانوا بيهددوني عشان اسيب الشغل وقتلوا مراتي وبنتي وفعلا سيبت الشغل وقعدت سنتين في البيت بس رجعت تاني لما عرفت انك في خطر واخوكي وابوكي وسليمان بنفسهم طلبوا مني قررت اني ارجع وانتقم بس مع اول موقف مقدرش مش هقدر اخسر حد تاني يا ليلي مش هعرف صدقيني 

ليلي : ششش انت مش هتخسر انت هتحميني وانا معاك وكلنا معاك و اي حاجه تحصلي انا راضيه يا صقر كفايه انك معايا انا بحبك 

صقر : وانا كمان يا حببتي 

واخدها في حضنه وناموا 

تاني يوم عند سليم ودع باباه المكنش عايز يسيبه ومحمد وصله المطار 

محمد : شكرا يا سليم 

سليم : علي اي يا محمد انا في الخدمه علي طول ياريت ترجع الباشا بقي انا خليتك ترجعله مراته اهو خليه يرجع احنا خلاص يا محمد قربنا نمسك ولاد الكلب دول

محمد : حاضر خد بالك من نفسك 

سليم : حاضر ابقي سلم علي صقر وليلي 

صقر صحي الصبح لقي ليلي في حضنه باسها برقه وقام جهز فطار وفضل يفكر ان العملوا ده افضل حل كان لازم يعرفها عشان يرتاح هو فعلا ارتاح انها بقت جنبه ومعاه دخل صحاها وكلوا ومشيوا راحو لزهران عشان ميقلقش عليهم وقعدوا مع بعض وعدت فتره الدنيا مستقره وصقر ومحمد وسليمان وسليم شغالين علي القضيه جه يوم حكم الاعدام علي ساره وابوها الصممت ليلي تحضر وصقر اخدها معاه وحكم علي ساره وأبوها بالاعدام 

ليلي : للاسف يا ساره انتي ضحيه لكل ده ربنا يسامحك 

ساره : انتي السبب انتي السبب 

وبعد قرار الاعدام صقر وليلي روحوا ودخلوا البيت لقوا ...