أختي هتتكسر لو عرفت اللي حصل بينا .. هتبقي مصيبه لو عرفت أني اتجوزتك.

يزن بسخرية:  هو أنا كنت ضربتك علي ايدك لما قربتي مني وحصل اللي حصل .. مش انتي اللي اتجوزتيني بأردتك ؟ مش كل ده بمزاجك ؟

هدير بحزن:  مهو عشان بحبك يا يزن اعمل اي ..ومكنش قدامي اي حل تاني غير اني اتجوزك والا هتفضح 

يزن بخبث:  متعمليش حاجه يا هدير ويالله روحي ل امك عشان متقلقش وتعملك تحقيق. 

هدير بهدؤء:  ماشي تعالي وصلني كدا كدا غادة هناك مستنيانا عالغدا .

يزن بعصبيه:  ولما غادة تشوفني داخل معاكي اقولها اي ؟ دا انا مرضتش اوصلها الصبح الشغل وعملتلها كذا حجه.. انتي عاوزاها تشك فينا ؟

هدير بجمود:  لا طبعا .. بص قولها انك قابلتني في الطريق فا خدتني معاك وجينا علي هنا.. مهو مش معقول هتنزلني من عربيتك وتخليني اروح مواصلات ده انا مراتك. 

يزن بغضب:  وهي كمان مراتي وعارف دماغها هيا اه بتحبك اووي بس معرفش تفكيرها ممكن يروح لفين فا ممكن تنزلي تروحي بقي علشان متتأخريش.

هدير بجمود:  حاضر يا يزن زي مانت عاوز. 

في شقة ما.. 

غادة بهدؤء:  اومال هدير اتأخرت ليه يا مرات ابويا. 

سعاد ببرود: مش عارفه .. دلوقتي تيجي .. يلا قومي اغسلي معايا السجاد و في دورين غسيل اغسليهم بالمرة لما هدير تيجي .

غادة بغيظ:  هو انا جاية زيارة ولا جاية اخدمك ؟ وبعدين مانتي قاعدة طول النهار معملتيش الكلام ده ليه ؟

سعاد بغضب:  اقعد ولا اقف وانتي مالك دا بيتي. 

غادة ببرود:  لا يحبيبتي . دا بيتي انا ...بيت ابويا الله يرحمه ومكتوب بأسمي .. وانا اللي سيباكي قاعده هنا بمزاجي ولا شكلك نسيتي علي العموم انا كنت جايه اقعد معا هدير شويه .. هروح انا  وابقي قولي ل هدير اني سالت عنها. 

سعاد بغيظ: امشي امشي جتك القرف متجيش تاني طالما كل ما تيجي تقعدي تذلي فينا كده 

غادة ببرود:  هاجي تاني وتالت وعاشر والف يا مرات ابويا ماهو ميبقاش البيت بيت ابونا وييجي الغرب يطردونا. 

سعاد بغيظ:  ماشي يا حلوة يلا اتفضلي بقي .

غادة قعدت بتغيظها:  طب تصدقي أنا حاسه اني عاوزة اقعد كمان شويه. 

سعاد ضربت كف علي كف بغيظ:  متزهقنيش يا غادة فاكرة الضرب بتاع زمان اوعي تكوني فاكره عشان كبرتي واتجوزتي هتصعبي عليا ومش هقدر امد ايدي عليكي 

غادة حطت رجل علي رجل: لو جدعه اعمليها وانا ارميكي في الشارع واطلبلك البوليس يطردك بالقوه 

سعاد بتوتر: اي ده اي ده ... دا انا بهزر انتي مبقتيش تحبي هزاري يعني ولا اي اخص عليكي يا جوجو. 

هدير بتدخل بابتسامة:  غادة وحشتيني اووي يقلبي كويس اني لحقتك .. عاوزاكي في موضوع مهم. 

غادة باستغراب:  موضوع اي دا وبعدين فين المستردة اللي موصياكي عليها. 

هدير بابتسامة:  عملتهالك وجاهزه الا جوزك  فين صح هو لسه مجاش ؟

غادة بابتسامة:  عنده شغل وهيعدي علينا كمان شويه نتغدي كلنا ويمشي. 

سعاد في سرها:  بالسم الهاري يا بنت جوزي. 

هدير بهدؤء: ماشي تعالي اقعدي وانا هروح اغير هدومي بسرعه وجيالك  ...وحشاني القاعده معاكي. 

غادة بحنان:  وانتي اكتر يا يقلبي والله

.. بليل... 

كانوا متجمعين كلهم علي السفرة.. 

سعاد بخبث:  بم انكم كلكم موجودين ف انا عندي ليكم حتة خبر يجنن. 

يزن باستغراب : خبر اي يا طنط فرحينا 

سعاد بفرحه :  في عريس جاي بكرا بليل يتقدم لهدير ابن ناس وعنده شقة كبيره وعربية ومحترم. 

هدير الشوكة وقعت منها وبصت علي يزن لاقته بياكل ببرود.. 

هدير بجمود' بس انا مش عاوزه اتجوز دلوقتي يا ماما. 

سعاد بغضب:  نعم ياختي ليه .. هو كل ما يتقدملك حد ترفضيه ؟ انتي اي حكايتك بالظبط ؟؟

هدير بهدؤء: ولا حكايه ولا نيله يا ماما بس انا مش جاهزة للجواز دلوقتي. 

غادة بابتسامة:  لي يا هدير انتي متخرجه وعروسه زي القمر اهو ومش ناقصك حاجه غير انك تعملي اسرة. 

هدير بجمود:  انا رأيي قولته ومش هرجع فيه. 

يزن بهدؤء:  بس انا معاهم في رأيهم انا شايف انك توافقي علي العريس طلما ابن ناس ومرتاح ماديا. 

هدير بصدمة:  اوافق عليه انت بتتكلم جد قصدي هو دا رأيك يا يزن. 

يزن بابتسامة:  اه يا هدير العمر بيجري ولازم تفكري في مستقبلك

هدير بصت له بصدمة.. 

سعاد ببرود:  كلنا موافقين و دا اخر كلام هتقابلي العريس بكرا

هدير بدموع:  هتجوزيني غصب عني يا ماما. 

سعاد بهدؤء:  انا اكتر واحدة عارفه مصلحتك وعارفة هتكوني مبسوطه ازاي. 

هدير قامت جريت بدموع علي اوضتها... 

غادة بحزن:  انا هروح اشوفها مالها. 

سعاد بشك:  مالها البت دي مش علي بعضها ليه وكل لما اجيب ليها سيرة الجواز تتخض. 

يزن بهدؤء:  دلع بنات بقا يا طنط اغرفي لي شوية بشاميل من اللي قدامك دول  

سعاد بهدؤء:  ماشي يابني. 

عند هدير.. 

غادة باستغراب:  كل دا عشان جاي لك عريس اي بنت بتفرح بالعرسان انتي قلبتها عياط لي. 

هدير بدموع:  انا مش عاوزه اتجوز سيبوني في حالي. 

غادة بحنان:  هتخبي عليا مش احنا اخوات المفروض تقولي لي علي كل اللي مزعلك  . 

هدير بغضب:  انتي اللي مزعلاني انا حاسة بذنب كبير نحيتك يا غادة. 

غادة بعدم فهم:  ذنب اي اللي انتي حاسة واي علاقته بالجواز مش فاهمه. 

هدير بتوتر:  بذنب انه ... اه امي جوزتك يزن زمان غصب ف لما بشوفك زعلانه معا يزن بحس بالذنب ومش عاوزة اكون زيك .. مش عايزه اتجوز حد غصب عني واندم بعد كده 

غادة بابتسامة:  بس دلوقتي انا مبسوطه مع يزن وحبيته وهو بيحبني واوي كمان ونفسنا نخلف عيال كتير يملوا علينا الشقة ويقولوا لك يا خالتوا دودي. 

هدير بحزن:  خلاص يا غادة روحي انتي وانا هفكر في الموضوع. 

غادة بابتسامة:  فكري ولو مش ارتاحتي معاه قولي وارفضي بس تكوني اديتي للشخص ده فرصه. 

هدير بسخرية:  حاضر هعمل كدا. 

غادة ابتسمت وخرجت ليهم... 

سعاد بلهفة:  ها قالت لك اي. 

غادة بهدؤء:  وافقت تشوفه ولو مرتاحتش هترفضه. 

سعاد بفرحه:  ايوا كدا ان شاءلله هترتاح زي مانتي ارتاحتي مع يزن ولا اي يا يزن. 

يزن بهدؤء:  اه طبعا يلا يا حبيبتي عشان عاوز انام. 

غادة بابتسامة:  ماشي يا حبيبي هجيب شنطتي وجاية لك. 

.. بليل... 

هدير مش عارفة تعمل اي ومصدومه من رد يزن ازاي جوزها وعاوزاها تتجوز غيره.. 

طلعت تليفونها تكلمه.. 

يزن ببرود:  خير يا هدير في حاجه بتكلمني عشانها دلوقتي. 

هدير بجمود:  غادة فين. 

يزن بهدؤء:  في الحمام عاوزاها في حاجه اقولها ؟

هدير بغيظ:  عاوزاك انت اسمع بكرا تكون في شقتنا لازم نتكلم مع بعض فاهم ولا لا. 

يزن ببرود:  فاهم وهقولها الكلام دا هي خرجت اهي خديها. 

غادة باستغراب:  مين دي يا يزن. 

يزن بهدؤء:  اختك عاوزة تتكلم معاكي. 

غادة خدت منه التليفون لاقتها قفلت بصت باستغراب:  في اي مالها قفلت لي. 

يزن بتمثيل الاستغراب:  جايز سعاد زعقت ليها ولا تليفونها فصل مانتي عارفة سعاد تطيق العمي ولا تطيقك انتي بالذات. 

غادة ببرود:  انا ميهمنيش اي حد غير هدير هي صحيح مش اختي وبنتها هيا  بس احنا اتربينا مع بعض من صغرنا عارف لما بابا اتجوزها و جابها البيت هيا وغادة علشان يعيشو معانا كنت مضايقه اوي بس بعد كدا اتعودت عليها وحبيت وجودها. 

يزن بابتسامة:  ربنا يخليكم لبعض يا حبيبتي يلا نامي عشان ترتاحي لك شويه. 

غادة بحنان:  ماشي يا حبيبي. 

يزن في نفسه:  العبيطة التانية دي هتوديني في داهيه ومش هتجيبها لبر.. 

.. تاني يوم.. 

وصلت هدير الشقة بغضب ملقتهوش جه 

رنت عليه.. 

هدير بغضب:  انت مجتش لي لحد دلوقتي المفروض كنت اجي الاقيك. 

يزن بهدؤء:  اهدي بقا يا هدير عندي شغل مهم وفي مشكلة بحلها..

هدير بزعيق:  يغور اي شغل انت متخيل المصيبة اللي احنا فيها ؟ مراتك جاي ليها عريس انت اي مبتحسش وكمان كنت بتشجعني عليه انت مخك فوت صح. 

يزن بغضب:  متعليش صوتك يابت انتي وبعدين هفهمك بس مش دلوقتي اما اخلص الشغل والمشاكل اللي انا فيها دي. 

هدير بغضب:  انا اهم من اي شغل تعالالي حالات يا يزن سمعت والا اقسم بالله هجيلك انا .. احسن انا علي اخري بسببك. 

قفلت في وشه وهو بص للتليفون بغضب:  مجنونه وتعملها وكدا هتفضحنا المغفلة دي. 

.. بعد شوي.. 

كانت رايحه جايه في الصالة بغضب لاقته فتح ودخل.. 

جريت عليها مسكها من شعرها:  انتي مش هتبطلي شغل الجنان اللي فيكي دا  . 

هدير بألم:  حاسب شعري هيطلع في ايدك. 

يزن زقها بغضب:  خير عاملة كل الدوشه دي لي ان شاءلله. 

هدير بجمود:  عشان نتصرف في الورطه اللي احنا فيها دي. 

يزن ببرود:  ورطة اي مفيش ورطة ولا حاجه انتي اللي مكبره الموضوع. 

هدير بغضب:  يا برودك يا اخي هو انا مش مراتك عشان تعمل فيا كده.

يزن بغيظ:  هو انا ضربتك بالنار اسمعي ومتبقيش غبيه احنا وضعنا دلوقتي ميسمحش انه نقول لحد علي جوازنا وانتي عارفة كدا كويس و ان لازم نخبي احسن ليكي قبلي عشان كدا لازم توافقي علي العريس وابقي اتخطبي تلات اربع شهور وطلعي فيه عيوب الدنيا علشان تبقي قدام امك انك  بتوافقي بس مفيش نصيب بدل ما يتشك فيكي. 

هدير بذهول:  وانت هتقبل علي نفسك اكلم واخرج مع راجل غيرك يا يزن ؟؟؟

يزن بخبث : طبعا لا .. انتي مراتي حبيبتي بس دا كله لأجل مصلحتك امك بدأت تشك فيكي بسبب رفضك للعرسان  وغادة كمان شاكه ان في حد في حياتك ودا غلط اسمعي مني انا عارف مصلحتك كويس اوي. 

هدير بغضب :