- فريده؟ انتي كويسة

= ءءء انا ءء انا كويسة انا كنت محتاجه حاجه ضروري ممكن تيجي معايا؟

- حاجه ايه دلوقتي ما نبعت حد يجبها

= مش هينفع لا محدش هيعرف الى انا عاوزاه بظبط

- طب حاجه ايه منين؟

= مش بعيد!! من المول الى في اخر الشارع هنا انا قولت لعمي وقالي اروح معاك كنت بدور عليك

بصلها بستغراب وعدم فهم: خلاص ماشي تعالي.

" خدها و ركبوا العربية.. ولما نزلوا فريده دخلت محل معين وخدت حاجات عشوائية!! "

- كده خلصتي ؟

حطت الهدوم في ايده: حاسب عليهم هقيس واحد بس جوه

- روحي وانا مستني

= لا روح حاسب عشان نمشي بسرعه ومنتأخرش

" بص على المحل مكنش في ناس يعتبر غير الموظفين فا راح عند الكاشير 

وفي اللحظه دي... فريده بدون تفكير اتحركت في الاتجاة المعاكس وخرجت من باب تاني للمحل و فضلت تجري.. فضلت تجري بعيد عنه تماما.. "

" لحد ما خرجت بره المول الى كان جمبه محطه مترو.. ركبت او مترو قابلها.. ومشي بيها! بقلمي سلسبيل احمد "

>>>>>>>>>>>>>>>>>>>>>>>>>>>>>>>>>>>

" أدهم فضل يدور عليها زي المجنو ن وهو في اقصي مراحل غصْبه من الموقف.. و لكنه موصلش لحاجه! و كلم ناس وفضل يراجع الكاميرات ومكنش عايز يروح البيت من غيرها!!  و كان بياخد اذن عشان يحاول يعرف مكانها من الأجهزه الى رصدتها! و في اللحظات دي عزت راح له المكتب بتاعه "

" ادهم اتفاجئ بوجوده "

- ضيعتها !!!

بصتله بعدم فهم: لا مضيعتهاش !!! هي الى مشيت !!

-مشيت  وانت معاها !!! مش مكسوف من نفسك ؟؟؟ انت يا سياده ملازم حتة عيلة هربت منك ؟!!!! ده انا مرضتش اعين حد من عندنا وقولت انت هتعرف تخلي بالك عليها !!! 

= لا لو هندور على السبب للي بيحصل ده كله يبقي أكيد عشان حضرتك مكنتش بتقول لها الحقيقه !! مسمعتش كلامي و رفضت نوديها لدكتور نفسي ده مش تصرف عيله ده تصرف مريضه !!! مش مدركه انها عرضت نفسها للحْطر بالي عملته ده !

" أدهم كانت دي اول مره يشد هو و عزت بالطريقة دي و من وقت مو ت ياسمين و يونس وهما مش على وفاق!! نزل يومها وهو حاسس بالعجز! وحاسس انوه الى ضيعها فعلا..! ده غير انه مرعوب عليها وخايف..! وهو عمره ما حس بكده " 

>>>>>>>>>>>>>>>>>>>>>>>>>>>>>>>>>>>

اللهم صلِ وسلم وبارك على سيدنا محمد 

|| في فيلا عزت صقر ||

- ياسين اهدي تنزل تروح فين دلوقتي؟

= هفضل قاعد كده يا ماما؟؟ هسيبها!!

- عزت واخوك بيدوروا عليها! اهدي بقي مش عاوزين جدك ياخد باله!! 

" ولكن للأسف الاحداث كانت بتسوء.. ومحدش عرف يوصل لفريده.!! فات تلت ايام ومكنش فيه اي اخبار عنها.. عزت حاول يستخدم معارفه و سأل في المستشفيات وفي كل حتة.. ولكن كل ده كان بلا جدوى.. فريده اختفت تماما.!! بقلمي سلسبيل احمد"

>>>>>>>>>>>>>>>>>>>>>>>>>>>>>>>>>>>

| في محافظه الجيزة | بعد مرور 4 شهور ||

" كنت واقفة في الجيش.. بشكل غير شكلي.. قاصه شعري زي الولاد.. ملامحي متغيره عن الأول!! كل حاجه جوايا مُرهقه! لحد ما سمعت اسمي "

- المجند ليلي على مكتب القائد حالا

" اللقيت التحية و اتحركت.. و اه.. انا غيرت اسمي.. زي ما غيرت شعري زي ما غيرت حاجات كتير اوي! عشان اقدر اوصل للي عاوزاه.. " 

" وصلت قدام مكتب القائد و الحرس دخلوني واللقيت التحية و وقفت بثبات ايدي ورا ضهري "

- اقعدي يا ليلي

قعدت وبصتله: اوامرك يافندم

- انتي خدمتك خلصت من شهر.. و وصلني ان كل الى الوقت الى مازلتي موجوده فيه ده لأنك حابة تكملي.. هنا 

= دي حقيقه.

- و هل ده لأنك مش عايزه ترجعي للشارع؟

= لا سيادتك.. انا من زمان وانا نفسي اخدم في الجيش واعمل حاجه احس اني عايشه عشانها.. مكنتش اعرف اني اقدر اقدم في الجيش وانا جاية من الشارع! ولكن لما اكتشفت ده ساعة لما الظابط خدني القسم وافقت علطول اني اخدم زي اي حد تلت شهور.. والشهر الزياده ده عشان فعلا نفسي اكمل وافضل موجوده.. وافيد بلدي واحميها

- عموما انا هبلغ الإدارة.. وبعد تلت شهور تانين.. احتمال تتحولي قوات خاصة.. انتي مهاراتك عالية.. هنقدم لك طلب عشان تدخلي الاختبارات 

= تحت امرك يا فندم الى تشوفه

- تمام اتفضلي..

" فريده خرجت وهي بتبتسم بخبث..! القصة بدأت تكمل  بظبط زي ما رسمت في دماغها... وافتكرت حوار قديم مع يونس .."

فلاش باك # 

- بتتكلم بجد يا بابا انقذتها من الراجل الشرير؟ وعملتو معاها ايه؟

= الجيش قرر ياخدها يدربها بقا كده 

- ازاي بس دي بنت من الشارع؟ ازاي تدخل الجيش ويثقوا فيها مش حضرتك قولت ان دي حاجات مش لكل الناس

= لأن القوانين دلوقتي غير اي وقت تاني.. المشردين والى ملهمش اهل بيدخلوا الجيش اجباري والبلد تستفيد منهم بدل ما يبقوا في الشارع 

- طب والناس دي بتروح فين بعد كده؟

= ممكن يلاقوا لها شغل عادي بقا ميكنش سري مش هيخاطروا يعني و يعرفوها حاجات سرية وهما مش واثقين فيها

- يعني البنت دي مينفعش تدخل القوات الخاصة مثلا زي مامي كده

= والله بقا يا فيرو ياحببتي ده له شروط كتير وانا عندي شغل بدري بكره وراجع تعبان

- طب قولي بسرعه حبة حاجات وبعدين ننام

= لو مهارتها كويسة و حسوا انهم يقدروا يثقوا فيها.. ممكن يدخلوها قوات خاصة وتكمل 

- واو.. يبختها.. ممكن تدخل بسهوله وانا لا 

= فريده احنا قولنا ايه؟ شيلي الموضوع ده من دماغك

- حاضر يا بابا

باك # 

" فريده بعد لما هربت علطول من ادهم.. راحت محافظه تانيه.. عشان تكون بعدت عنهم و غيرت في شكلها! قصت شعرها كله.. وبقي شكلها متغير و عملت كأنها بتجري من حد و طلبت مساعده ظابط.. الى بدوره وصلها للقسـ ـم وهناك.. ظبطت باقي اللعبه.. وقالت ان طول عمرها عايشة في الشارع.. ملهاش اهل! واول مرحله دخلتها.. هي الجيش الإجباري الى اي حد بيدخله.. ومن هنا خطه فريده الفعليه بدأت اختارت اسم ليلى بدل اسمها.. وبذلت كل جهدها عشان القائد يلاحظ مهارتها.. بيدج الفيس بوك سلسبيل أحمد ، وطبعا بنت المقدم يونس.. فا أكيد مدربة على اعلي مستوي! وبالفعل قدرت تبين مهارتها و بتحاول تكسب ثقة القائد.. عشان توصل لـ حلمها بعد كده.. وتدخل القوات الخاصة.. وتجيب حق ابوها.. وحق امها.. " 

>>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم 

|| في فيلا عزت صقر | اوضة ياسين ||

" ادهم خبط ودخل لقاه قاعد لوحده "

- ياسين؟ 

= نعم

- ايه مقعدك كده؟

مسح عينه: مفيش

" ادهم قعد جمبه وبصله ولمح عيونه 

الى بتلمع اثر الدموع "

ياسين بصله: انت قولت انكم هتلاقوها يا ادهم

ادهم حط ايده على كتفه: والله العظيم مش مبطلين تدوير عليها 

- انا خايف.. خايف يكون حصل اي حاجه..

= لا يا ياسين انا متأكد اننا هنلاقيها وهتبقي كويسة.. خليك واثق في ربنا

- وحشتني اوي يا ادهم.. وحشتني اوي وخايف عليها معرفش حاسة بإيه دلوقتي وهي لوحدها..

انت عارف انها مهمه اوي بالنسبالي! فريده بالنسبالي اختي الصغيره اه الفرق بينا شهور.. بس طول الوقت وانا شايفها الصغيره وبخاف عليها وبحبها و انا دلوقتي خايف عليها اوي

أدهم طبطب عليه: اهدي والله هنلاقيها انا متأكد

خليك واثق فيا اتفقنا؟

" أدهم حضنه وحاول يطمنه في حين ان هو نفسه محتاج حد يطمنه البراكين الى جواه مش بتهدي!! اه فات وقت كبير.. لكن كل لحظه بتعدي بيتجنن اكتر!! فكره انها بعيد عنهم وميعرفش حصلها ايه! مش قادر يتقبلها.. وطبعا جدهم تعبان.. وعزت الهم والحزن كانو باينين عليه بسبب اختفائها..!! "

>>>>>>>>>>>>>>>>>>>>>>>>>>>>>>>>>>>

| بعد تلت شهور | بداخل وحده امنيه | الجيش ||

- ليلي

" بصت وراها لاقته واحد من تجنيد الرجالة "

"مردتش عليه و وقفت بثبات"

- امتحان القوة البدنية بكره.. جهزي نفسك

بصتله من فوق لتحت: تحب اقدم شكوي تانيه فيك يا كريم؟ اصل شكلك نسيت الجزا الى القائد ادهولك

= ما انتي هتدفعي تمنه عالي اوي بكره

" سابها ومشي وهي من جواها كانت خايفه.. "

" امتحان القوة البدنيه بيتكرر مره كل شهر و فالخمس مرات الى فاتو فريده خسرت منهم اربعه وكسبت مره واحده بس.. .. خسرت مرتين كانوا قصاد بنات ومرتين قصاد رجالة..  "

" تاني يوم الصبح الساعه 6 بدأو تمرينات عاديه واخر اليوم الامتحان بدء.. كانوا قاعدين على شكل دايرة و كل اتنين قاعدين قصاد بعض القائد بيقومهم و كريم كان قاعد قصاد فريده و بيبتسم بغل.. ولكن لما جه دورها القائد خلاها تلعب مع بنت تانيه.. "

" بدأت وهي بتتصنع الثقة مع انها كانت قلقانه ولكن البنت للأسف ليها لكمه في وشها.. و وقتها فريده قررت تتشجع وتبطل خوف ! واتجرأت وبدأت هي الى تهجم وفضلت على رتم قوي جدا طول الماتش وكسبت.. "

" بعد لما كل التدريبات خلصت بدأ كل فرقة تروح الغرف بتاعتها ولكن كريم كان مازال مركز مع فريده وعايز يضايقها.. وده بسبب ان المره الوحيده الى فريده كسبتها من شهر كانت امتحان قصاد كريم.. واتصْرب قصاد الكل.. "

" كانت راجعه الأوضة بتاعتها واتفاجئت بأتنين بيشدوها " 

- ايه ده ابعدوا عني !!!

" كريم ظهر من وراهم " 

- واضح ان انتي بقيتي قوية ومحدش قادر عليكي !

= انت مجنو ن !! انت عارف انا لو بلغت القائد هـ

قاطعها: تبلغي مين ؟ انتي فاكره انك فعلا آذتيني لما اخدت جزا؟؟ 

ضحك بسخريه: انتي متعرفيش ان ابن مين ؟

" فريده حاولت تفلت من الاتنين الى ماسكينها "

" كريم شاور لهم يسبوها وقرب منها ومسك وشها بأيده "

- هتلعبي قصادي ونشوف هتعملي ايه وانتي وشطارتك

فريده زقته بغل: انا مش هلعب معاك ده ضد نظام الوحده ابعد عني احسن لك

" قرب منها جدا وهي تراجعت بخوف والاتنين الى معاه كانوا محاصرينها وفي اللحظه دي مكنش قدامها غير انها تحارب... مش تخاف "

" ضربتة بالبونية بقوة وهو حط ايده على وشه بصدمه "

قرب عشان يرد لها الضربة بقمة العصبية فا فريده صدتها و صْربته صْربة تانيه..!! وفضلوا على كده وكريم معرفش يلسمها حتي!! فريده حرفيا بهدلته لدرجه انوه بعد عنها و وقتها الاتنين التانين قربو لها ولكن قاطعهم دخول القائد وهو بيزعق وأمر بدون اي  نقاش بعقاب التلاتة و تحويلهم غرفة العقيد "

" اما فريده فا خدها على مكتبة "

>>>>>>>>>>>>>>>>>>>>>>>>>>>>>>>>>>>

" لا إله إلا انت سبحانك اني كنت من الظالمين "

- اقدر افهم ايه الى حصل ده ؟؟ 

" فريده حكت الى حصل.. وبعد مراجعه الكاميرات الى كريم مكنش يعرف بوجودها شاف انه فعلا سحبها بالعافيه هو والى معاه "

- انا بس كنت بدافع عن نفسي!

خد نفس عميق وبصلها: طلب تحويلك اتوافق عليه.. وانا شايف انك تجهزي نفسك دلوقتي.. وهتروحي مبني القوات الخاصة الليلة دي.. وبالنسبة له.. فا هيتعاقب بطريقتي مع ان انتي روقتيه..

ابتسمت: ده كله تعليم حضرتك.. 

انا بشكر سيادتك جدا

- انتي مكسب لأي مكان هتكوني فيه يا ليلي.. عاوزك تكملي تقدم في القوات الخاصة.. وتعرفيهم انك طالعه من رجالة اشرف صواف

= اكيد يا سيادة القائد..

" قامت واللقت التحية له و كانت فرحانه ومش مصدقه انها هتبدء اخيرا!! "

" راحت لمت حاجتها بسرعه و اتفاجئت وهي ماشية بواحد زميلها "

- انتي خلاص ماشية؟

= انا هتحول قوات خاصة

- وهتروحي دلوقتي؟

= ايوه

بستغراب: ازاي..

= عادي يا أسر..

- الى بيتنقلوا قوات خاصة من الجيش معادهم مش دلوقتي

= انا مش اي حد

ابتسم: عموما هتوحشينا.. لحد ما اجيلك

- انت هتتنقل قوات خاصة؟

= انا طلبي اتوافق عليه من بدري.. بس بخلص خدمه الأول 

ابتسمت: طيب.. حلو.. هستناك بقا

- اشطا.. باي

" خرجت للعربية الى هتوديها.. و طول الطريق كانت فرحانه.. ولكن وسط كل حاجه افتكرت عزت.. و جدها وادهم وياسين الى وحشها!! "

- اتمني تكونوا كويسين.. واتمني ربنا يستر ومحدش يلاقيني.. على الأقل دلوقتي.! لحد ما اقدر اجيب حقهم بنفسي.. ويمكن بعد كده ارجع لكم..

" راحت في النوم شوية وبعدين صحيت لما العربية وقفت ونزلت كان عند بوابة المبني الى كان في القاهرة بصت بصدمه وخوف حواليها "

" كانت فاكره انها لما تتنقل هيكون في الجيزة! مش ترجع القاهرة ! دخلت مع أفراد الأمن على مكتب الإدارة علطول عشان يعرفوها النظام.. " 

- اسمك ليلي