رواية عشق العقارب الفصل الاول 1 بقلم حنان حسن
رواية عشق العقارب الفصل الاول 1 هى رواية من كتابة حنان حسن رواية عشق العقارب الفصل الاول 1 صدر لاول مرة على موقع التواصل الاجتماعى فيسبوك رواية عشق العقارب الفصل الاول 1 حقق تفاعل كبير على الفيسبوك لذلك سنعرض لكم رواية عشق العقارب الفصل الاول 1
رواية عشق العقارب الفصل الاول 1
بعت جسمي برغيف وحتة جبنة
وبنفس الثمن.. اتورطت في جريمة قتل..
و ساعدت ابو نظارة انه يرضع من جارتة
العمياء
عارفة ان المقدمة غريبة
بس انا هفهمكم تفاصيل الحكاية باختصار
يلا نبدء
الجزء الاول
عشق العقارب
للكاتبة..حنان حسن
رغيف وحتة جبنة اكلة متواضعة
لكن كانت بالنسبالنا انا واخواتي البنات اقصي احلامنا الي بنسعي ليها
اصل احنا ساعتها كنا بنات يتامي الام والاب
اكبرنا كانت اختنا سلوي
ودي كانت عروسة ومخطوبة ١٨ سنة
وانا كنت الوسطانية وعمري ايامها كان ٩ سنين
اما بقي اختنا الصغيرة فا كان اسمها ناهد
ودي كانت طفلة عمرها سنتنان
المهم
اول ما ابويا وامي ماتوا الكل اتخلي عننا
احنا اصلا ملناش قرايب غير خالتي وبنتها اميرة
ودول كانوا معدمين زينا بالظبط
خالتي كانت ارملة ومكنتش بتساعدنا ولا حتي برغيف حاف
بالرغم من انها كانت ساكنة معانا في نفس البدروم لكن كانت مريضة ومش لاقية حق الدوا
والبدروم ...يعني سكن ارضي
في غرفة باحدي العماير ولكن.. الغرفة بتكون تحت الارض
كنا عايشين في غرفة واكلاها الرطوبة والعفش كان متهالك
لكن كانت سترانا وبنحتمي فيها
لكن حتي الاوضة واجهتنا فيها مشكلة
لاننا كنا مهددين بالطرد وكان ممكن بين لحظة والتانية اننا نترمي في الشارع
لان الايجار متدفعش بقاله شهور
عشان كدا اضطرت اختي سلوي تقبل الشغل في شقة الطلبة
ودي شقة فوق سطح العمارة الي احنا ساكنين فيها
بيسكنها ٦ شباب عزاب مغتربين بيدرسوا في جامعات القمة
زي كلية الطب و الهندسة وكدا
الطلبة مكنوش قرايب ولا يعرفوا بعض
لكن اتجمعوا في شقة السطح عشان
يتقاسمو الايجار فيما بينهم
للكاتبة..حنان حسن
المهم
الطلبة دول اشفقوا علينا لما شافوا حالتنا الصعبة
فا بعتوا طالب فيهم اسمه شاهين و عرض علي سلوي اختي انها تطلع تنضفلهم شقتهم
في مقابل راتب شهري
وطبعا وافقت سلوي تشتغل عندهم عشان ناكل
وبصراحة احنا كنا ساعتها في عرض كل قرش
والفعل اشتغلت سلوي عندهم
واعتقدنا اننا خلاص هنودع شبح الجوع
لكن بعد فترة من شغلها...خطيب سلوي عمل معاها خناقة كبيرة
لانه كان معترض علي شغلها في شقة الطلبة
وهددها بفسخ الخطوبة
فا قررت سلوي تترك الشغل عند الطلبة
وتبحث عن شغل في مكان تاني
وفي يوم
خرجت سلوي وتركتنا انا وناهد بدون اكل
وقالتلنا انها رايحة تدور علي شغل
وفضلنا ننتظرها طول اليوم لكن سلوي مرجعتش
وتاني يوم برضوا مرجعتش
ولما خوفت علي سلوي
خبطت علي خالتي وقلتلها ان سلوي مرجعتش
فا قالتلنا ناموا يمكن لقت شغل وهتتاخر شوية
وفعلا نمنا انا وناهد واحنا جعانين
علي امل ان سلوي هترجع ومعاها اكل لكن سلوي مرجعتش
ولما فات علي غيابها كام يوم خالتي قالتلي ..اكيد اختك طفشت
في اللحظة دي
ناهد فضلت تعيط وتقولي انا جعانة
وبدل ما خالتي تأويني انا واختي الصغيرة وتأكلنا
طردتنا وقالتلي...روحي شوفيلك شغلانة اصرفي منها علي اختك
فا اخدت اختي ناهد الصغيرة
وطلعت علي السطوح
وخبطت علي شقة الطلبة
ولما فتحلي شاهين
وقلتله...انا عايزة اشتغل عندكم بدل سلوي
فا بصلي بشفقة
وقالي...بس انتي صغيرة علي الشغل
ورجع سالني با اندهاش
وقالي...
هي سلوي بطلت تطلع تنضف عندنا ليه؟
فا شرحتلة كل الي حصل معانا
وقلتلة...ارجوك شغلني بدل سلوي
فا رفض شاهين
وقالي..قلتلك مينفعش طفلة في سنك تشتغل
خدي اختك وروحي
وبالفعل نزلت
لكن مكنتش عارفة اروح فين ولا اعمل ايه
لغاية ما قابلت اميرة بنت خالتي
الي قالتلي لو عايزة تاكلي انتي واختك اعملي زي ما هعمل
ومدت اميرة ايديها للناس
وبدات تطلب منهم اكل
وتقول...(رغيف وحتة جبنة)
وبالفعل في راجل طيب عطف علينا باكل
واكلنا احنا الثلاثة
وروحنا نيمنا في غرفتنا
وتاني يوم الصبح
لقيت اميرة جاية تطلب مني ناهد اختي بحجة انها هتخرج تشحت بيها
لكن انا رفضت بشدة لاني خوفت علي ناهد
فا بدات اميرة تساومني يا اما تاخد ناهد وتشحت بيها يا اما مش هتجيبلنا اكل
فا فضلت علي موقفي ومرضتش اسيبلها اختي وقلت كفاية اني اتحرمت من سلوي
للكاتبة..حنان حسن
المهم
لما الجوع قرصنا اختي ناهد بدات تعيط تاني
فا اخدتها ونزلت للشارع وقلت اجرب واشحت زي اميرة
وبالفعل مديت ايدي
وقلت ..رغيف وحتة جبنة
لكن للاسف الناس قلوبهم كانت قاسية ومحنتش علينا
ومش كدا وبس
دا العيال بتوع الشارع جريوا ورانا وكانوا بيضايقونا واتبهدلنا اخر بهدلة
فا اخدت اختي واستخبينا في الخرابة
لكن بمجرد ما دخلنا الخرابة اختي رجعت تعيط
وتقولي...جعانة
ساعتها حسيت ان الحمل كبير عليا اوي
فا فضلت اعيط انا كمان
ولما فاض بيا
صرخت فيها بصوت عالي
وقلتلها
اسكتي بقي
اختك سابتنا وطفشت ..
و انا حاولت اشتغل ومعرفتش
وحاولت اشحت وبرضوا معرفتش
وكل دا عشان اجيبلك اكل
انشلة حتي رغيف وحتة جبنة
لكن يظهر اني مش هقدر اتحمل مسؤليتك
وفي لحظة يأس و ضعف
لقيتني بدعي عليها
وبقولها..
يارب تموتي يا تقي
يارب تختفي زي سلوي
للكاتبة..حنان حسن
صفحة حنون المصرية
في اللحظة دي
ظهرادامي ولد صغير من سني تقريبا
والولد كان جسمة نحيف ولابس نظارة طبية
وفجاءة لقيت الولد بيقرب مننا
ولقيتة بيمد ايده في شنطتة و خرج رغيف وعليه حتة جبنة
ومدلي ايده بالاكل بدون ما يتكلم معايا
فا اخدت منه الرغيف واعطيتة لناهد
فا اكلتة بنهم
فا رجع تاني يفتح الشنطة
واعطاني رغيف مليان جبنة
المره دي اكلتة انا وخلصتة كلة
وكل ما كنا نخلص يعطينا تاني
وفضلنا ناكل انا وناهد لغاية ما شبعنا
لحظتها بصتلة
وقلتلة..شكرا يا....
هو انت اسمك ايه؟
لكن الولد مردش عليا وتركني وخرج من الخرابة
فا اتلهيت في اختي الي نامت علي حجري بعدما شبعت
و مسالتش نفسي هو مين الولد دا ؟ وازاي ظهر فجاءة كدا ؟
و ليه مبيردش عليا؟
للكاتبة..حنان حسن
صفحة حنون المصرية
المهم
لما ناهد نامت...مقدرتش اشيلها واخدها واروح فا ركنت راسي جنبها ونمت انا كمان
وبعد شوية
صحيت علي صوت شخص بيصحيني
ولما فتحت عيني
شوفت ولد كبير وجسمة ضخم
و عمره كان تقريبا ١٨ او١٩ سنة
وواضح من منظرملابسة المتسخة انه
مشرد وصاي..*ع
ودا كان باين من الخطوط والتعاوير الي في وشة
ولاحظت ان الواد الضخم بيكشملي
وهو بيسألني
وبيقولي ...كنتي بتعملي ايه في الخرابة مع الواد ابو نظارة
فا رديت وانا برتعش
وقلتلة...
انا واختي كنا جعانين
والولد جبلنا عيش وجبنة
فا رد الولد الضخم
وقالي..امال فين اختك دي؟
فا بصيت حواليا واتفاجئت ان ناهد اختفت و مش موجودة فعلا
فا فضلت انادي عليها
واقول...ناهد...ناهد
للكاتبة..حنان حسن
صفحة حنون المصرية
في اللحظة دي
الواد الضخم فضل يبصلي من فوق لتحت
وقالي...يعني انتي تمامك رغيف وحتة جبنة؟ بسيطة
تعالي اعملي معايا زي ما كنتي بتعملي مع ابو نظارة
وانا اجيبلك عيش وجبنة
وفهمت بعدين
ان الولد الضخم اعتقد بان الواد ابو نظارة كان بيفعل معايا شيئ عيب وحرام
في مقابل رغيف وحتة جبنة
ولما قلتلة اني مش فاهمة حاجة من كلامة
فجاءة
صرخ الواد الضخم فيا وهو بيشاورلي علي الارض
وقالي
اترمي هنا واقلعي هدومك يا بت
لحظتها اتفزعت من منظرة وهو بيقرب مني
فا حاولت اهرب من الخرابة لكن هو قفل عليا كل المخارج
في اللحظة دي
فضلت اعيط واستعطفة لكن هو مكتش بيسمع ولا بيفكر غير في حاجة واحدة بس
وهي انه ي... ينال غرضة
ولما خوفت منه حاولت اصرخ
لكن الواد الضخم كتم نفسي وه...*ددني بالس...*كينة
الي معاه
فا رضخت واستسلمتلة
فما كان منه الا انه وضع السكينة جانبة علي الارض
وبدء ينزع عني ملابسي
وعشان لحظتها انا كنت مرعوبةفا غمضت عنيا وانا برتجف
لكن...اثناء ما كنت مغمضة سمعت صوت صرخة مفاجئة
ولما فتحت عيني.. اتفاجئت
ان الصرخة صدرت من الواد الضخم قبل ما يلمسني
واتفاجئت انه ماسك رقبتة
ولما اتحققت اكتر
شوفت سك...*ينة مغروزة في رقبتة
للكاتبة..حنان حسن
صفحة حنون المصرية
وفي اللحظة دي
ظهر تاني الواد ابو نظارة في الخرابة
وفهمت لحظتها
ان الواد ابو نظارة هو الي ط..*عنة عشان ينقذني
لكن للاسف
الواد الضخم بالرغم انه كان بينزف بشدة
لكنة كان مازال بقوتة
فا سحب السك...*ينة الي في رقبتة وذب...*ح بيها الواد ابو نظارة
لحظتها انا بمجرد ما شوفت المنظر غيبت عن الوعي واغمي عليا
وبعد فترة فوقت علي ايادي الناس الي كانوا ملفوفين حواليا
ولما فتحت عنيا وبصيت حواليا
اتفاجئت بوجود جثتين في ارض الخرابة
الجثة الاولي
هي..جثة الواد ابو نظارة
والجثة الثانية للواد الضخم
المهم
حاولت افتكر الي حصل بالظبط
لكن منظر رجال الشرطة وهما داخلين للخرابة وقفني عن التفكير
لاني كنت مرعوبة منهم ومن نظراتهم
واترعبت اكتر لما لقيتهم بياخدوني معاهم علي القسم
وهناك فضلوا يحققوا معايا ويسألوني اسألة كتير اوي
وبعد وقت ومرمطة كتير... رموني في مكان ضلمة وريحتة وحشة
ساعتها مكنش فارق معايا غير اختي ناهد.. الي مكنتش عارفة هي راحت فين
للكاتبة..حنان حسن
المهم..
فضلت في المكان دا فترة كبيرة لانهم كانوا بيحققوا في مق..*تل العيلين
لغاية ما قالولي اني متهمة بق..*تلهم عشان لقوا بصمتي علي الس...كينة
مع اني ملمستش الس...*كينة نهائي
ساعتها مكنتش فاهمة هما بيقولوا ايه
ولا هيعملوا معايا ايه؟
لغاية ما لقيتهم اخدوني علي مؤسسة للاصلاح والتهذيب
( الاصلحية)
وهناك قضيت سنين طويلة اوي
سنين شوفت فيها العذاب الوان واتعاملت مع اصعب فئة من البشر
لكن..عزائي الوحيد اني اتعلمت مهنة التمريض
واخدت شهادة كمان
وبالرغم من مرور السنين
لكن صورة اخواتي البنات كانت في بالي ديما
وكنت مصممة اني لما اخرج هلاقيهم
ونعيش مع بعض تاني
وكمان كنت بفكر ديما في الواد ابو نظارة
وعمري ما نسيت موقفة معايا
الي كان مأثر فيا جدا
لدرجة اني كنت بحلم بيه كتير اوي
وكان ديما يجيلي في الحلم ويطبطب عليا
عشان كدا
ديما كنت بدعيلة بالرحمة
المهم
للكاتبة..حنان حسن
صفحة حنون المصرية
فضلت جوه الاصلحية
بدون ما حد يسأل عني
حتي خالتي وبنتها اميرة محدش فيهم عبرني
اكثر من عشر سنين
لغاية ما وصلت لسن الرشد
ويوم ما خرجت من الاصلحية
روحت علي بيتنا
وبمجرد ما وصلت علي بيتنا
وتحديدا غرفتنا الي في البدروم
خبطت علي الباب
ولما اتفتح باب الغرفة اتفاجئت ب.........