رواية عشق العقارب الفصل الثاني 2 بقلم حنان حسن
رواية عشق العقارب الفصل الثاني 2 هى رواية من كتابة حنان حسن رواية عشق العقارب الفصل الثاني 2 صدر لاول مرة على موقع التواصل الاجتماعى فيسبوك رواية عشق العقارب الفصل الثاني 2 حقق تفاعل كبير على الفيسبوك لذلك سنعرض لكم رواية عشق العقارب الفصل الثاني 2
رواية عشق العقارب الفصل الثاني 2
قومي نيمي العيال وتعالي ندخل البرميل
عشان ليا رغبة فيكي
دا الصوت الي سمعتة بينادي عليا من جوه البرميل
وكان عايز...
تعالوا نكمل الحكاية
الجزء الثاني
عشق العقارب
للكاتبة..حنان حسن
بعدما بلغت سن الرشد اطلقوا سراحي من الاصلحية
فا رجعت لبيتنا وانا كلي امل اني اعثر علي اخواتي البنات
لكن بمجرد ما وصلت لغرفتنا القديمة في البدروم
اتفاجئت ان صاحب البيت رمي عفشنا بره و جدد البدروم كله وسكنة لناس تانيه
ودا في حد ذاتة صدمني لاني مبقاش عندي اي متوي يحميني من بهدلة الشارع
لكن صبرت نفسي
وقلت...هروح لخالتي
وهستأذنها اقعد عندهم فترة كدا لغاية ما ادبر اموري
واكيد خالتي هتشفق علي حالي بعد السنين دي كلها
وبالفعل
توجهت لغرفة خالتي
لكن برضوا لقيتها اتأجرت وفي ناس سكنوها
فسالت البواب عن خالتي ام اميرة؟
وساعتها قالي ان خالتي اتوفت واميرة ربنا كرمها واشترت شقة تمليك في نفس العمارة
فا طلبت منه انه يوصلني لشقة اميرة
وبالفعل وصلني
وتركني ورجع قعد ادام العمارة
فا خبطت علي باب الشقة وانا بدعي ربنا
وبقول... يارب تكون اخلاق اميرة اتغيرت للاحسن
للكاتبة..حنان حسن
المهم
الباب اتفتح
..لكن الغريبة
ان الي فتحلي الباب كانت واحده ست في اوائل الثلاثينات
معرفهاش واول مره كنت اشوفها
وكان باين من منظرلبسها المحزق ومكياجها الاوفر وطريقة مشيتها ..انها بنت من اياهم
(شمال يعني)
المهم
سالتها..
وقلتلها.. مش دي شقة اميرة ؟
فا ردت
وقالتلي ..اه شقتها
هو انتي مين؟
فا رديت
وقلتلها.. انا عبير بنت خالتها
فا سمحتلي بالدخول
وقالتلي...ثواني هقولها انك هنا
وبعد لحظات
ظهرت اميرة ادامي
وفضلت تشبة عليا شوية لغاية ما اتعرفت علي ملامحي
وكان واضح عليها علامات الاندهاش لما شافتني ادامها
بس للاسف كان واضح انها مكنتش مبسوطة برؤيتي
وسألتني بقرف
وقالتلي...انتي خرجتي ازاي وجايه ليه وعايزة ايه
فا قلتلها...انا عايزة اعرف مكان اخواتي يا اميرة
فا ردت اميرة بزهق
وقالتلي..انا معرفش حاجة عن اخواتك
فا قلتلها...انا مبقاش عندي بيت فا ممكن تخليني اعيش معاكي مؤقتا لغاية ما الاقي اخواتي؟
فما كان من اميرة الا انها صرخت في وشي
وقالتلي... وانا مالي بيكي وبخواتك؟
امشي غوري من هنا يلا
للكاتبة...حنان حسن
في اللحظة دي
ردت عليها صاحبتها
وقالتلها..
ما تخليها تعيش هنا ..وبالمرة نشغلها معانا
هو انتي مش شايفة البت حلوة ازاي؟
فا ردت اميرة علي صاحبتها بغيظ
وقالتلها
انتي اتجننتي يا بت يا صباح
انتي عايزاني اسيبها معايا هنا و ايمن الشرقاوي يعرف اني ليا قرايب خريجين سجون ؟
دا ساعتها جوازتي الي بحلم بيها طول عمري هتتفشكل؟
لا طبعا علي جثتي
وبصتلي اميرة بغضب
وقالتلي..
اخرجي من شقتي حالا وانسي ان ليكي بنت خالة
وحذار تقولي لحد انك قريبتي
للكاتبة...حنان حسن
في اللحظة دي
شعرت بكم من الاهانة لا يوصف
فا نزلت دموعي غصب عني
واخدت شنطتي وخرجت من شقتها
لكن يبدو ان صباح اتعاطفت معايا
فا لقيتها جايه تحصلني في مدخل العمارة
وقالتلي...متزعليش من اميرة اصلها شقيت وتعبت واتمرمطت كتير في حياتها
ودلوقتي اميرة مصدقت انها تقع علي واحد زي ايمن الشرقاوي
راجل غني وعنده فلوس وممتلكات بالكوم وشاورتلي صباح علي العمارة الي احنا فيها
وقالتلي..عارفة العمارة دي؟
ايمن اشتراها مخصوص عشان اميرة تسكن فيها
دا غير انه ابن ناس وكريم
ومتأخذنيش يعني
كل دا ممكن يروح من ايديها لو عرفوا ان ليها قرايب رد سجون زيك
المهم
اثناء كلامها معايا
لقيتها غيرت الموضوع
وقالتلي...
اسمعي سيبك من اميرة
وتعالي اشتغلي معايا
انتي جميلة وجمالك دا ممكن يكسبك دهب
للكاتبة...حنان حسن
في اللحظة دي
فهمت الشغلانة هتبقي ايه
وطبعا رفضت اني اعمل اي حاجة تغضب ربنا
حتي لو هعيش علي الرصيف
فارفضت طلبها وتركتها ومشيت
المهم..
الوقت ساعتها كان متأخر
وكنا بالليل والدنيا برد
وكمان انا كنت هموت وانام
بس مكنتش عارفة هاروح فين
فا استغليت اني عارفة مداخل ومخارج العمارة
وقلت اطلع انام علي السطح
والصباح رباح
وبالفعل
طلعت علي السطح
ولحسن الحظ ان الشقة الي في الروف كانوا بيعملوا فيها تصليحات ونقاشة وبابها كان مفتوح
فا دخلت الشقة وفرشت كام كرتونة
وحاولت انام
لكن..
قبل ما انام شوفت منظر صدمني
لدرجة ان عنيا مكنتش مصدقة الي انا شايفاه
اصلي اتفاجئت ب...الولد ابو نظارة
ودا الطفل الي اتق..*تل
من عشر سنين اثناء ما كان بينقذني
والغريب في الامر
ان بعد مرور اكتر من عشر سنين الولد كان علي نفس هيئتة زمان
وفي نفس السن الصغير الي شوفتة بيه
لحظتها الولد كان قاعد علي برميل قديم علي السطح
وبيهز رجليه وهو باصص عليا
للكاتبة..حنان حسن
في اللحظة دي
مبقتش عارفة انا بحلم ولا دا بجد
فا فضلت افرك في عنيا
وبسرعة قمت خرجت علي السطح
عشان اتأكد من الي شوفتة
لكن...
علي ما لفيت وخرجت من الباب كان الولد اختفي وملقتش حد علي البرميل
فا رجعت للشقة وحاولت انام
وانا بحاول اقنع نفسي انها كانت تهيؤات
وفعلا... نمت نوم عميق
لدرجة اني مدرتش بنفسي
غير الصبح
لحظتها فوقت علي صوت واحد من العمال بيصحيني
وبمجرد ما فتحت عنيا
لقيت العمال كلهم ملموين حواليا
وبيسالوني
انتي مين ؟ ونايمة هنا ليه؟
فا سكت ومردتش عليهم
فا رد واحد منهم
وقالهم..
تلاقيها عاملة حاجة وجاية مستخبية هنا اطلبوا البوليس يشوف حكايتها ايه
للكاتبة...حنان حسن
في اللحظة دي
كان لازم اخترعلهم اي كدبة عشان ميطلبوش البوليس وارجع السجن تاني
فا وقفت بمنتهي الثقة
وقلتلهم ..
انا هنا في بيتي ودي شقتي وانتوا بتشتغلوا عندي
لان الشقة الي انتوا بتشطبوها دي
تبقي شقة خطيبي
فا رد واحد منهم وحاول يختبرني
وقالي...
طب تقدري تقولي خطيبك دا اسمة ايه
فا رديت بثقة
وقلتلة...انا اسمي اميره وخطيبي يبقي ايمن الشرقاوي
وانا دلوقتي هتصل بيه واخلية يعرفكم تتعاملوا مع خطيبتة ازاي
فا رد واحد رخم من العمال
وقالي..متتعبيش نفسك انا اتصلت بايمن بيه
وقلتلة..ان الانسة اميرة خطيبتك معانا هنا
واهو معاكي علي الموبيل اهوه
في اللحظة دي شعرت ان ركبي بتخبط في بعضها
وانا بمسك الموبيل عشان اكلم ايمن (خطيب اميرة)
واول ما رديت عليه
قررت اتقمص شخصية اميرة و اقلد صوتها
ومن خلال الهاتف
سمعت صوت رجالي اجش وفي نفس الوقت حنين اوي
بيقولي...الووو
فا رديت بثقة
وقلتلة...ايه يا ايمن؟
ينفع كدا يا قلبي؟
جايب عمال ميعرفوش حاجة عن الزوق
تصدق انهم اتعاملوا معايا بمنتهي الهم..*جية؟
ياريتك كنت هنا عشان تهزقهم
للكاتبة...حنان حسن
في اللحظة دي
سمعتة بيرد عليا بمنتهي الهدوء والرقة
وقالي...متزعليش يا اميرة انا تحت العمارة وطالع حالا
وعشان خاطرك هاطردهم واجيب عمال غيرهم
ولحسن الحظ ان السماعة كانت مفتوحة والعمال سمعوه
ودا خلاهم يغيروا معاملتهم معايا ١٨٠ درجة
وبداوا يعاملوني بكل احترام
فا قلت استغل الفرصة واهرب فورا قبل ما ايمن يطلع
وبالفعل
لميت حاجتي بسرعة
عشان انزل
لكن...قبل ما اخرج من السطوح
شوفت شاب في بداية الثلاثينيات
وكان راجل في منتهي الهيبة والوسامة
والشياكة
واول ما شافني قطع عليا الطريق
و وقف ادامي وفضل يبصلي
فا قلتلة...
لو سمحت شوية كدا عشان عايزة اعدي
فا قلع النظارة الشمسية
عشان يتكلم معايا
ولحظتها شوفت ملامحة الطيبة الجميلة
فا اتلبخت اكتر
وقلتلة..بقولك وسع الطريق عايزة انزل
فا تجاهل طلبي
ونادي علي العمال
وسالهم..
وقالهم...مين فيكم الي تطاول علي خطيبتي ؟
فا فهمت في اللحظة دي
اني واقفة ادام ايمن الشرقاوي
فا اتجمعوا العمال
وفضلوا يعتذروا ليا
فا وقف ايمن يبصلهم ويبصلي بتعجب
لكن معرفش ليه مفضحنيش ولا
اثبت كدبي ادامهم
لكن..
بعدما انصرفوا العمال علي شغلهم
سالني
وقالي...انتي نص..*ابة..
ولا ح..*رامية ولا حكايتك ايه بالظبط؟
للكاتبة..حنان حسن
في اللحظة دي
وقعت في عرضة
واتوسلت له انه يسمعني قبل ما يحكم عليا
فا وافق يسمعني
وقالي... انجزي وقولي انتي مين ؟
فابدات اعرفة بنفسي
وقلتلة... انا اسمي عبير
كنت مسافرة ورجعت امبارح باليل
وكنت جاية لخالتي
لكن اكتشفت انها اتوفت
ولما قابلت اميرة بنت خالتي عرفت انها خطيبتك
وكان مفروض اني هبات عند اميرة
لكن حصل بيني وبين اميرة خناقة وطردتني
وكنا باليل ومكنتش عارفة اروح فين
فا طلعت نمت في شقتك دي
والصبح العمال افتكروني حرامية ومستخبية علي السطح
وكانوا عايزين يطلبولي البوليس
فا اضطريت اقولهم اني خطيبتك
بس كدا دي كل الحكاية
بعدما خلصت كلامي
سالني
وقالي...معاكي بطاقة؟
فا خرجت بطاقتي الشخصية
وقلتلة...اتفضل ادي بطاقتي
وممكن تيجي معايا وتسال اميرة نفسها
فا بص في البطاقة
وقالي...انتي معاكي شهادة تمريض؟
وفي اللحظة دي
رجعلي البطاقة وهو بيقولي
معلش اصلي
مش قادر اصدق ان اميرة الرقيقة.. الخجولة ..الطيبة تطرد بنت خالتها باليل
فا ابتسمت وقلتلة
هي فعلا اميرة طيبة وقلبها قلب خصاية
بس انا مش بكدب عليك
ممكن بقي تسيبني امشي عشان اروح ادور علي شغل ومكان ابات فيه؟
فا وقفني ايمن تاني
وقالي...لا طبعا مش هتمشي
طالما طلعتي قريبة خطيبتي
يبقي انا ملزم اني اوجدلك سكن وشغل
بس الاول لازم اخدك لاميرة واصالحك عليها
وبالفعل
اخدني ايمن ونزلنا لشقة اميرة
الي بمجرد ما شافتني واقفة جنب ايمن
ارتبكت ووقفت اتسمرت مكانها
فا لحقتها قبل ما تعك الدنيا
وقلتلها...الاستاذ خطيبك مش مصدق اني بنت خالتك ولسة جايه من السفر
امبارح
اصل بسبب طردك ليا انا طلعت نمت علي السطح ..وقابلت خطيبك
فا ياريت تقوليلة الحقيقة بدل ما اوريلة صورنا القديمة
للكاتبة حنان حسن
في اللحظة دي
اميرة عملت نفسها متأثرة وبتعيط
ومعرفش دموعها نزلت بسرعة ازاي كده
المهم
ردت اميرةوهي في قمة التأثر
وقالتلة
ايوه فعلا الي واقفة ادامك دي تبقي...
عبير بنت خالتي..
ولسة واصلة امبارح من السفر
هو فعلا حصل بينا مشكلة امبارح لكن انا كنت نازلة ادور عليها عشان ارجعها للبيت
فا رد عليها ايمن وهو مصدوم
وقالها...ازاي تطردي بنت خالتك باليل
وهي غريبة عن البلد؟
فا ردت اميرة وهي بتحضن فيا
وقالتلة..
عندك حق فعلا
انا غلطت بس صدقني انا معرفتش انام طول الليل بسبب غلطتي دي
يا ريت متزعليش مني يا عبير
فا شاركتها التمثيل وحضنتها انا كمان
وقلتلها...انا عمري ما ازعل منك يا حبيبتي
انا اصلا مبقاش ليا حد غيرك و عمري ما هسيبك
في اللحظة دي
رد ايمن
وقالي...انا عندي شغل كويس ليكي يا عبير
هاتي رقمك عشان اول ما احددلك معاد مع اصحاب الشغل اتصل بيكي
فا رديت بخجل
وقلتلة...مش معايا موبيل
بس انت ممكن تكتبلي رقمك في ورقة وانا هبقي اتصل بيك
فا هز راسة وهو بيبتسم
وقالي...اتفضلي الكارت بتاعي
للكاتبة...حنان حسن
في اللحظة دي
شوفت نظرات اميرة الي كانت بتطق شرار
وبعدما ايمن تركنا ومشي
لقيتها اتحولت حرفيا
وقالتلي...هاتي الكارت دا يا بت انتي
فا رفضت
وقلتلها...لا مش هتخدي الكارت
وهعيش معاكي غصب عنك وهتصرفي عليا كمان لغاية ما الاقي شغل
والا هقول لخطيبك حقيقتي
و هيعرف اني كنت في الاصلحية عشان قتلت اتنين
فا قعدت اميرة تفكر بهدوء بدون ما تتعصب كا العادة
وفي الاخر قالتلي
ماشي هصبر عليكي لغاية ما تلاقي شغل
وبعدها لازم تغوري من هنا
وبالفعل
عيشت مع اميرة في شقتها الفارهة
رغما عنها
وكنت فاكرة ان قعدتي معاها هتطول
فا قلت احاول اقرب منها ونبقي اصحاب
وفضلت احكيلها علي كل الي حصل معايا من ساعة ما دخلت السجن
لغاية ما شوفت الواد ابو نظارة علي السطح
فاسمعتني اميرة للاخر
وبعدها ردت عليا وهي مرعوبة
وقالتلي...
اكيد دا عفريت الواد ابو نظارة
اصل من يوم الحادثة وعفريتة بيطلع لناس كتير
وكلهم تقريبا شافوة عند البرميل
لدرجة انهم بيقولوا انه ساكن في البرميل
بعدما سمعت كلام اميرة اترعبت
اصل كلامها اكد الشك الي في دماغي
المهم
وبيقو
واثناء ما كنا بنتكلم انا واميرة
قطع كلامنا صوت موبيلها
ولما اميرة ردت
لقت المتصل هو ايمن
واتفاجئت انه بيسال عليا
وطلب منها انها تبلغني انه عايزني اطلعله علي السطح
ساعتها لاحظت ان الغيرة بدات تظهر علي اميرة
وبصراحة انا تركتها تغلي
ومكدبتش خبر
وطلعت اشوفة عايز اية
ولما طلعت اتفاجئت ان في عامل مصاب وبينزف
وايمن كان طالبني كا ممرضة
وطبعا اسعفت العامل ووقفت النزيف
ولما ايمن والعمال روحوا نزلت
وبعدما خلصت المهمة ورجعت
فضلت اخبط علي شقة اميرة لكن اميرة مفتحتش ولا ردت عليا
وحتي موبيلها كان مقفول
فا قلت يمكن تكون راحت مشوار
لكن الليل دخل وانا واقفة علي السلم واميرة مجتش
فا اضطريت اني اطلع السطح تاني وانام فوق
وفي الليلة دي
لاحظت حركة عند البرميل
ولما قربت
سمعت صوت بيقولي ...انا جوه البرميل
افتحي البرميل وخرجيني
والغريبة ان البرميل كان بيتهز جامد
فا اترعبت من الي بيحصل
ومقدرتش انام طول الليل
والصبح لما العمال وصلوا
طلبت من واحد فيهم يفتح البرميل ويشوف جواه ايه
لكن لما العامل قرب من البرميل عشان يفتحة
اكتشف انه متغطي بالاسمنت
فا فضل يكسر في الاسمنت عشان يفتح البرميل
وبمجرد ما العامل فتح البرميل فضل يصرخ ويقول ...الحقوني
فا جريت عليه عشان اشوفة بيصرخ ليه ولحظتها اكتشفت حاجة لا يمكن حد يتخيلها.......؟