منار بحرج وابتسامه مرحه : يعني ان كنت متجوز ممنوع نكون صحاب

زين : لا مقولتش كده انا قلت اقولك عشان اكون صريح مش انتي صريحه برضو 

منار ضحكت بحماس وقالت: ايوه صريحه وحبيت صراحتك برضو بس شكلك متخانق مع المدام

زين اتغيرت ملامحه للضيق وقال:  اشمعنا .

منار بغمزه : مفيش راجل متجوز يفضل لوحده في كافيه على النيل للساعه دي والا ايه ياسيادة الضابط وانت قلت انك مش مستني حد 

زين ابتسم  وقال: و لماحه برضو 

منار بابتسامه مرحه :  اعجبك متستقلش بيا همشي دلوقتي وهرن عليك ماشي سلام راحت جري على صاحبتها وهو فضل متابعها باهتمام بنت غريبه ازاي خلته يرتاحلها من اول مقابله كده ..روحها خفيفه وعينيها فيها سحر غريب .. وفيها صدق حقيقي..

حرك رأسه يمين وشمال وهو بيلوم نفسه انت بتفكر بأيه يازين اصحى انت هتستعبط .. وقف ومشي ومنار لسا متابعاه وهي مبتسمه لكن زين حاول ميبصش ناحيتها وخرج كأنه هرب من بصاتها ليه. 

اول ما خرج سمع صوت فونه وكانت اسراء رد بسرعه هي اول مره تتصل بيه في الوقت ده الوو

سمع صوتها بتعيط: الحقني يازين الحقني اخوك سليم تعبان وبيعافر الموت ..

زين جري بسرعه وهو بيقول: انتي فين

اسراء برعشه: في المستشفى معايا عمك و سلطانة انا خايفه سليم صغير ومش هيتحمل .

زين : اهدي .. اهدي يا اسراء انا شويه واكون عندك اديني عمي يقولي اسم المسشفى ..مش عارف افهم منك حاجه..

مكملش عشر دقائق في العربيه ووصل عندهم ..

سلطانة واخده اسراء في حضنها وبتحاول تهديها وهي منهارة 

حامد رايح جاي في ممر المستشفى حاسس انه عاجز مش عارف يعمل ايه

زين جري ناحية حامد وقال وهو بينهج من الركض : هو كويس ياعمي 

حامد : لسا مش عارفين ..

زين: طب هو حصله ايه انا شايفه الصبح بيلعب وبيضحك اي اللي جراله

حامد : معرفش يابني الدكاتره  بيقولوا أنه واكل حاجه مش عارف ايه هي

زين بانفعال وقلق : واكل ايه وانتي كنتي فين يا اسراء 

اسراء زاد عياطها هي مش ناقصه زين 

سلطانة:  مش كده يازين اكيد كانت معاه طول اليوم

زين : كانت معاه طول اليوم ويحصله كده شكلك اتلهيتي حاجات تانيه يا مدام 

اسراء بتعيط بس

حامد مسكه وقال:. اهدى مالك مش شايفها منهارة على ابنها. 

زين بغضب : وانا ايه مش ده اخويا مش المفروض أنها تاخد بالها منه

حامد :  زين كفايه مالك انت في ايه 

اسراء بعياط : انا يدوب دخلت الحمام وخرجت لقيته مش عارف ياخد نفسه والله مسبتوش ثانيه 

سلطانة بصت لزين بلوم وقالت: عارفين ياحبيبتي ده ولد اكيد خد حاجه من الأرض وكلها 

زين اجاهل نظرات سلطانه اللي بتعاتبه على نرفزته على اسراء كان قلقان على اخوه جدا اخوه اللي فضله من ريحة أبوه..

خرج الدكتور وجريوا عليه

زين : طمنى يادكتور

الدكتور:  مش عارف اقولك ايه احنا عملنا األلي علينا وهنستنا شوية لحد ما يفوق وان شاء الله خير

زين:  يارب .. طب ايه اللي حصله ..

الدكتور : الولد واكل حاجه مش مناسبه لعمره وسببت ايه كده .

اسراء زاد بكائها اكتر..

الليل كله وهما سهرانين جمبه زين خد اوضه في المستشفى ليهم عشان سلطانة رفضت تسيب اسراء لوحدها ..

زين كان صاحي وماسك فونه وبيقلب بيه بملل وسلطانه نائمه جمب اسراء وحامد روح البيت 

وصلت على تلفونه رساله بص وشاف من رقم جديد مكتوب الاسم "صدفه جميله" ابتسم غصب عنه عشان عرف انها منار وكاتبه اسمها كده والرساله كانت " انت اونلاين عالوتس بتعمل ايه في الوقت ده"

رد عليها

" مفيش بقلب عادي"

مفيش ثواني بعد ما منار قرات الرساله واتصلت بيه..

بص وشاف سلطانة نايمه وخرج بررا عشان يرد عليها

زين: الووو

منار بصوت ناعم : صاحي الساعه وحده ونص بتعمل ايه

زين : مفيش اخوي تعب شويه واحنا في المستشفى

منار باستغراب : هو انت عندك اخ

زين بابتسامه : شكلك عارفه عني كل حاجه

منار اتكسفت وقالت : ده فضولي منتا عارف 

زين: ياستي طلع عندي اخ عنده سنتين

منار : ياحبيبي ده صغير اووي سلامته الف سلامه

زين : الله يسلمك

منار بمرح  : بس اي شكل الحج عليه حركات متجوز ومخلف ومحدش يعرف

زين ضحك وقال: اسكتي ابويا فاجأنا كلنا.. بس انتي اي اللي مصحيكي الوقت ده

منار : مفيش انا بحب السهر

زين : همممممم

منار : انت كويس 

زين : اه كويس بس اطمن على سليم وهبقى كويس جدا

منار:  زين

زين : هممم

منار :  لو دايقتك باتصال اسفه بس حبيت اسمع صوتك

زين : انتي بتقولي ايه طبعا لا اتصلي بأي وقت لف وهو بيتكلم وعلى وشه ابتسامه عبيطه وشاف سلطانه واقفه وضمه ايديها على صدرها  

زين: احم طيب يا منار انا مضطر اقفل دلوقتي

منار : استنى ممكن اقابلك بكرى عشان خاطري بالله عليك .

زين : مش عارف والله هنشوف هضبطها تصبحي على خير

منار بحب : وانت من اهل الخير و السعاده 

قفل زين وبص لسلطانة : انتي صحيتي 

سلطانة بخنقه : كنت بتكلم مين

زين بصدق : منار

سلطانه بانفعال : ايوا منا مش طرشه تكلمك بالوقت ده بتاع ايه

زين  مش عارف ليه كده وقال :عشان الشغل انتي عارفه شغلنا مالوش وقت

سلطانة بغيره:  ياسلام وببتكلم الساعه اتنين بالليل.وحضرتك بتخرج بتتسحب براا عشان تكلمها .

زين ابتسم عشان حس انها غارت قرب منها وقال: اي كأن في حد هنا هيولع من الغيره ولسه هيحاوط وشها بعدت خطوتين وقالت بتحذير : انا بحذرك يازين الا الخيانة .. انا ممكن اغفرلك كل حاجه الأ الخيانه سامعني مش هسامحك في حياتي لو عرفت انك بتخوني

زين مش عارف ليه حس برعشه بقلبه وقال : انتي عبيطه خيانة ايه قلتلك شغل وقرب منها ولف أيده على كتفها بشدها ايع  وقال : هو في حد يبقى عنده زوجه زي القمر زيك ويبص لبرااا 

سلطانة حاولت تبعد ايديه وتمشي لكنه منعها وقال خليكي قريبه كده متخفيش انا مش عبيط اعمل حاجه بالمستشفى بس عاوزك قريبه مني تعالي بصي الليل جميل ازاي من هنا وخدها ووقفوا قدام البلكونه المستشفى

سلطانة استكانت فحضنه وزين قال : أنا بحب الليل جدا

سلطانة بصت ليه

زين : عارفه ليه 

سلطانة هزت راسها بلاأ

زين:  عشان الليل بيكون فيه صفاء بيكون عقلك وقلبك وروحك كلها رايقه. .. مفيش ضجيج ولا زحمه هدوء وهوى بارد وظلام مفيش نور الا شوية اضويه بتخلينا مستمتعين بالمنظر الجميل بص. ناحتها وكانت سرحانه بملامحه وهو بيتكلم غصب عنه خطف بوسه سريعه من شفتيها وهي فحضنه وبسرعه لف يبص يمين وشمال هو حد شافهم أو لأ سلطانة عضت شفتيها وضربته على كتفه وقالت :مش قلت مش هعمل حاجه

زين بضحكه : مهو اللي معاكي مش هيعرف يسيطر على نفسه اعملك ايه وانتي بتتاكلي زي البسكوته 

اتكسفت ولسه هتتحرك وتمشي

زين : خليكي معايا لو مش عايزه تنامي  خلينا كده من غير ما نتكلم انا عاوزك فحضني محتاجلك كده وفعلا سلطانه فضلة فحضنه وهو محاوطها بذراعه وبيبصو للشوارع بالليل

************

كنان كان شايلها عشان نامت بنص خروجتهم لسا لابسه فستانها الابيض حطها عالسرير وراح جاب بيجامه مريحه عشان يساعدها  تغير اول قلعها الفستان وظهرت مفاتنها بلع ريقه بصعوبه كانت ريحتها تجنن قرب منها وبأسها برقه لكنه معرفش يسيطر على نفسه كانوا سلطانة واسراء  مجهزينها كأنها عروسه بجد وده الطبيعي اصلا عشان فرحها النهارده فجأة اتحول لشخص تاني غلبت عليه غري*زته  وووو