سلطانة اتصدمت وقالت عجباك انت بتقولها فوشي وخدت المخده وضربته بغيظ وقالت:

 روحلها انا مش عايزه اشوف وشك تاني

زين قرب منها بضحكه وحاوطها وهي بتقاومه: اهدى بقولك اهدي 

سلطانة: 

ابعد عني يازين 

زين :

انتي عايزاني اكدب

سلطانه : 

يعني بجد هي عجباك

زين:

مش زي منتي فاكره 

سلطانه بغيظ :

اومال ايه أعجبتك ازاي قولي عشان افهم 

زين قعدها فحضنه وبعد شعرها وقال :

بارتحالها بنت لذيذه وصريحه 

انت بتمدحها :برضو

زين : 

سلطانه انا مش بحب غيرك ولا هشوف غيرك في كل حياتي بس انتي سألتيني هي بتعجبك وانا قلتلك بصراحه اه بتعجبني كصديقه كصاحبه مش حبيبه ولا زوجه

سلطانه بغيظ :

مفيش صحوبيه وصداقه بين ست وراجل يازين وانا مش هتحمل وجود البنت دي فحياتك

زين : 

بقولك منار صديقتي وانا برتاح لما بتكلم معاها مش عارف بحس عندها طاقه وروح حلوه تخلي الشخص يرتاح معاها 

سلطانه كانت هتنفجر من الغيره وووقفت من حضنه وهي ساكته حاسه بنار جواها لكنه وقفها وقال: رايحه فين

سلطانه بانزعاج : هكمل تجهيز الشنط

زين : طب وانتي فحضني كده مفيش بوسه حضن اي حاجه تصبرني لحد ما نرجع.

سلطانه بغيظ : لاا مفيش ويلا بقى عشان نروح

زين بابتسامه :

هو بمزاجك يعني ودفن وشه برقبتها وسلطانه ضحكت غصب عنها وهي بتقول برجاء مش عايزه يازين ابعد لكن زين فضل مكمل وووو

**********

وصلو زين وسلطانه البيت وسلطانه طلبت من الشغالين يجهزوا العشاء وهي طلعت ترتاح 

شافت اسراء وحامد بيلعبوا سليم وافتكرت كلام اسراء أن سماح ممكن هي اللي اذت ابنها لكنها قالت لنفسها :

 اخلص من حور منار ده وافضالك ياسماح ..

دخلت أوضتها ونامت جمب زين وصحيت قبل المغرب جهزت نفسها ولبست احلى حاجه عندها وطلبت من اسراء تعملها ميكب يكون ملفت سلطان اول ماشافها انبهر بجمالها :

اي الحلاوه دي 

سلطانه بدلال : 

يعني ايه انا في العادي مش حلوه 

زين :

مين قال كده انتي دائما بتخطفي قلبي .. بس النهارده طالعه اجمد من اي يوم ولسا هيقرب يبوسها

سلطانه بتحذير : 

متقربش هتخرب الميكب انا عرفاك

زين ببرائه مصطنعه :

بوسه وحده بس  مش هتأثر 

سلطانه بدلال:

 تؤ بعد العشاء نبقى نعمل اللي انت عايزه

زين :

 ده وعد ماشي

سلطانه بضحكه:

 وعد ماشي 

زين:

 تمام انا هدخل اخد شور وأخرج وانتي استقبلي منار هي على وصول مش هتأخر

سلطانه:

 ماشي نزلت سلطانه وشافت تجهيزات العشا برضى لما سمعت صوت خبط على الباب ولسا الشغاله هتفتح منعتها وقالت أنا هفتح الباب عدلت فستانها وراحت فتحت واتصدمت لما شافت منار بنت جميله بشكل شعرها اشقر وعينيها زرقا ولابسه فستان وردي لحد نص الركبه مع ميكب بسيط ..

بلعت سلطانه ريقه بغيره ورسمت ابتسامه على وشها بالغصب 

منار برضو اتفاجأت لما شافتها هي اساسا كانت عارف ان سلطانه حلوه لكن مش بالجمال ده كانت اطول من منار بشويه شعرها باللون الاسود وعيونها زي حبات القهوه 

سلطانه:

 اهلا بيكي انتي منار

منار :

احم ايوا اتفضلي أدتها منار هديه باقة ورد وعلبة شوكولاته وابتسمت وقالت بحرج معرفتش اجيب ايه فجبت دلو

سلطانة : مالوش لزوم تتعبي على نفسك اتفضلي

منار بحرج :

هو زين فين

سلطانه اول ما سمعت اسم زين من شفيفها اتجننت لكنها مسكت بنفسها وقالت:

 بياخد شور ونازل مينفعش تقعدي معانا والا ايه 

منار بحرج:

 لا انا مكنش قصدي 

= اهلا وسهلا اهلا انتي صاحبت زي ده كان صوت سماح وهي بتبوسها وبتاخدها بحضنها 

منار ابتسمت بحرج :

ايوا حضرتك 

سماح : حضريتك اي انتي تقوليلي سماح بس انا مرات عمه عامله ايه ياحبيبتي ماشاء الله اصمالله حوليك زي القمر

سلطانه كانت هتتجن من قربهم 

منار اتحرجت مكنتش عارفه تعمل ايه 

زين نزل الدرج وشاف منار قاعده بين سماح وسلطانه 

زين : ازيك يا منار 

منار اول ما شفته خدت نفسها براحه ووقفت صافحته : 

الحمدلله انت عامل ايه حمدالله على السلامه 

زين : الله يسلمك

سلطانه كانت بتبص ليهم بغيره 

زين خد سلطانه وشدها ليه وقال : دي سلطانه مراتي اتعرفتي عليها

منار بغيره حاولت تخبيها : ايوا اتعرفنا على بعض

وبعد كلام كتتير اتعشو ومنار كانت هتروح سلطانه طول الوقت عينيها عليها بتراقب أدق تفاصيلها ونظراتها لزين

منار : استئذن انا الوقت اتأخر

سلطانه:  لسا بدري

منار :معلش والله بعد اذنكم

زين :عربيتك معاك

منار : لاوالله لو ممكن توصلني

زين : اكيد طبعا سلطانه ضربته زين بيده وقالت  مينفعش اصل هو هيوديني مشوار انا هخلي السواق يوصلك تعالي ياحبيبتي 

منار اتضايقت ورحت اول ماروحت اتخانقو هما الاتنين وسلطانة خدت نفسها وراحت تنام عند اسراء 

اسراء بتعقل:

 اللي بتعمليه ده غلط

سلطانه :

غلط ايه انتي مش شايفه البنت بتبصله ازاي اقطع يدي من هنا لو مكنتش حاطته فدماغها

اسراء:

 على فكره انا لاحظت ده وكلنا لاحظنا بس زين مش ملاحظ هو بيتعامل معاها على طبيعته

سلطانه بغيره :

وانا اعمل ايه بطبيعته دي بقوله يقطع علاقته بيها يقولي دي صاحبتي ومشفتش منها حاجه وحشه

اسراء :

بقولك انتي كده بتقديمه ليها على طبق من فضه سلطانه : ازاي

اسراء :

انتي لما تخنقيه كده مش هيلاقي حد يطبطب عليه زيها وكده هيروحلها 

سلطانه :

انتي بتقولي ايه

اسراء :

انت متعرفيش نوعية منار دي اساليني انا عنها دي بتتمسكن لحد ما تتمكن وتخليه خاتم في صياغتها واصلا زين راجل مالوش تجارب وممكن يقع في تحت اديها أي لحظه 

سلطانه : 

لا اكيد زين ميعملش كده

اسراء :

روحي راضيه واتكلموا وحاولي تبعديه عنها بطريقه تانيه

سلطانه : ازاي

اسراء : هقولك كل اما يكلمها أو يبقى عايز يروح لها اتججي باي حاجه مثلا انت واحشني النهارده خلينا نروح نشوف فلم خلينا نتمشى وكده املي وقت فراغه وهي هتزهق لما تشوفه مش معبرها 

سلطانه :

بس احنا اتخانقنا 

اسراء : هيصالحك زين وتعريفه كويس مش هتهوني عليه 

***********

عند زين كان مخنوق عشان اتخانقو هو وسلطانه 

رن فونه وكانت منار نفخ اول ماشاف اسمها كان مخنوق ومش عايز يتكلم لكنها كانت مصره واتصلت بيه كتير

زين : ايوا يامنار

منار : انت كويس

زين: ايوا كويس

منار : صوتك مش عاجبني

زين : مخنوق يامنار ممكن اقفل واكلمك بعدين 

منار : لا طبعا مش هسيبك في الحال ده لوحدك 

.طب متيجي نخرج نغير جو

زين : بالوقت ده مينفعش

منار : ليه لا تعالي انا مستنياك مش هسيبك زعلان كده هراضيك بطريقتي..

زين : ماشي نص ساعه وهكون عندك 

منار بحماس : ايوا كده 

زين نزل عاوز يخرج وشاف سلطانه بتشرب ميه دخل المطبخ وحاوطها من ورى وباس رقبتها وقال: أنا آسف عشان زعقتلك

سلطانه لفت ليه وقالت : 

وانا اسفه عشان اتعصبت واتخانقت معاك

زين:

 انتي عارفه انا بحبك قد ايه

سلطانه:

 زين انا عملت كده عشان بغير عليك مش هتحمل اي ست تقرب منك ومنار انا شايفه حبها ليك فعنيها 

زين :

مش مهم هي بتحبني أو لا المهم انا بحب مين

سلطانه حاوطت رقبته بدلال وقالت :

طب انت بتحب مين 

زين باس جمب شفايفها وقال :

هحب مين غيرك ياسلطانتي وشألها وطلع بيها أوضتهم وتلفونه فضل يرن قفله وهو واخدها بحضنه وووو

************

كنان:

 ابوكي خطف اختي واتجوزها وخلفت منه دورنا عليها كتتير مكنش ليها أثر ولما عرفت انها مع زين خطفتك كنت عاوزه يرجع اختي باي طريقه

هناء : انت كداب

كنان : 

مش كداب اسراء دلوقتي في بيتكم مع ابنها ابوكي السبب في كل اللي حصل أنا يشهد عليا ربنا مكنتش عاوز عيسى يعمل فيكي كده حتى جيت عشان اخلصك منه لكن سكت..

وهناء عيطت غصب عنها

كنان : انا حبيتك.. ومش هحب حد تاني غيرك لو ده يشفعلي خلينا نبدأ من جديدي

هناء : 

ولا اي حاجه هتشفعلك ياكنان روحني بيتنا

كنان:

 فكري ممكن ندي علاقتنا فرصه انتي مش هتلاقي حد يحبك قدي

هناء : 

مش عايزه اتحب انا وحده اتسرقت حياتها منها وكل ده بسببك ممكن تروحنا بقى عشان أنا زهقت من العيشه دي

كنان كان قلبه بيتقطع وهو سامع كلامها ووقف وقال ماشي يا هناء هروحك بيتكم عشان أنا مش هتحمل اشوف عنيكي اللي كانت بتبصلي بحب تبصلي بالكره ده ..

يتبع