شدته منار ليها وبقى فوقيها وباسته 

زين ارتبك فاجأته بجرئتها بعد عنها وفك ايديها اللي محاوطاه بالعافيه ولسه هيبعد مسكت أيده وقالت زين انا بحبك وحضنته  بجرأءة لكن

زين مسح بقه وقال بجديه وضيق من الموقف : كفايه يامنار اللي بنعمله ده غلط انا قلتلك بحب مراتي وخرج وسأبها وهي تجري وراه وبتندهله. لكنه هرب منها وهرب عشان ميضعفش قدامها .

زين كان ماشي في شوارع القاهرة لوحده حاسس أنه تايه هو اللي حط نفسه في الموقف ده. .. منار مالهاش ذنب .. هو اللي عشمها بقربه منها كان مخنوق للدرجه اللي كان عاوز يسمع صوت مراته دور فونه مكنش  في جيبه استغرب رجع الجناح بتاعها بيدور عليها مالوش اثر اتصل بمنار فتحت الفون وكانت بتعيط حس بصوتها ورعشته وسألها بجديه :  منار فوني في الجناح عندك

منار :ايوا عندي 

زين : طيب انا ولسا هيكمل كلامه سمع صوت صراخ منار وهي بتقول: انت بتعمل ايه هنا

صوت راجل غريب : واخيرا يامنار بقيتي بين ايديا 

زين : الووو منار الووو

لكن مفيش رد الا صوت صريخها جري على جناحها وكان في حد بيحاول ياخدها بالعافيه زين شده ليه ولكمه والراجل مكنش أضعف من زين ضرب زين ضربه خلته يرجع ورى زين اتجنن هجم عليه وفضل يضربه لحد ما هرب بص لمنار وقال: انتي كويسه 

منار بخوف هزت راسها 

زين : مين ده

منار بدموع: ابن عمي 

زين : عايز ايه 

منار بشهقات : عاوزني أتنازل عن نصيبي من الورث

زين : هو بمزاجه قرب منها وقال ده دم يلاا خليني اوديكي المسشتفىى

منار بحرج : مالوش لزوم انا كويسه .

زين : متأكده 

منار :ايوا. ده الفون بتاعك تصبح على خير

زين :وانتي من أهل الخير لو عوزتي حاجه كلميني منار هزت راسها بحرج وكسوف 

زين رجع الجناح بتاعه وفتح تلفونه كان في مسجات واتصالات كتتير وعرف أن خاله اتوفى وان سلطانة حالتها صعبة ساب كل حاجه ونزل لسلطانه بسرعه وهو في الطريق اتصل بمحاميه الخاص وبلغه يخلي شابين يحرسوا منار ويتكفل في أمور الورث بتاعها

وصل زين المستشفى وبيسأل عن أوضة سلطانة رح جري واتصدم لما شاف عمر واقف بيبصلها بحب ويبعد خصلات شعرها عن وشها وهو بيقول: 

انتي جميله اوووي حرام الزعل ده كله حرام تتعملي بنفسك كده .

سلطانة كانت نائمه

زين اتجنن ازاي يقرب من مراته كده من غير ما يحس مسك هدومه وقال:

 انت بتعمل ايه يا****

عمر اتصدم عشان اتفاجأ بزين و مكنش عارف ده مين اصلا وسأل :

انت مين اوعى ياأخي ماتحترم نفسك .

زين مش عارف ياخد نفسه من الغضب :

انت ازاي تسمح لنفسك تلمس مراتي

عمر عرف انه زوج سلطانه وقال بهدوء :

اهدي حضرتك انا الدكتور بتاعها

زين بغضب عماه : دكتور ايه ده انا هاخد روحك بيدي وقبل مايضربه اتدخل حازم مابينهم في:

 أي اي اللي بيحصل هنا

عمر:

 اسأله انا كنت بشوف شغلي وهو غيران على مراته ربنا يعنيها بقى متجوز مريض نفسي

زين:

 انت اللي مجنون وعايز قطع لسانك ولسا هيقرب منه يضربه وقف حازم مابينهم وقال بعتاب قاسي عمر الدكتور بتاعها عشان مراتك يااستاذ مرة بانهيار عصبي وهي حامل واحتاجت لمعالج نفسي عشان جوزها اللي المفروض يفضل جنبها بأصعب أوقاتها كان مسافر نحاول نتصل بيه نبلغه باللي حصل مش بيرد والله اعلم كان فين

زين سكت

حازم : عمر هو المسؤول عن علاجها وتقدر تستفسر منه أي حاجه بدل ما انت جاي تفرد عضلاتك عليه سابه حازم ومشي مع عمر على مكتب عمر وزين كان هيتجنن لكن مش عايز يعمل مشاكل مع حازم عشان عارف أن حازم على حجه عشان يعمل مشاكل معاه دخل عند سلطانه كانت نائمه مسح شعرها وباس جبينها وقال حقك عليا. .. حقك عليا ياحبيبتي مكنتش اعرف باللي بتمرير بيه انا اسف ..

فضل جميها لحد ما صحيت وهي أول ما شافته عيطت واترمت فحضنه وهو بيطبطب عليها بحنان

زين : حقك عليا مكنتش جمبك انا اسف ياحبيبتي

رفعت وشها المنفوخ من العياط وقالت:

 وانت كنت هتعرف منين انت كنت يشغلك ..

زين رجع خدها فحضنه وهو المره دي حس انه بجد خاين عشان خان ثقتها بيه.

دخل عمر ومعاه حازم وزين اول ما شافه كانت عنيه بتطلع نار

عمر بابتسامه مرحه: 

 ماشاء الله النهارده شكلك احسن بكتير انا شايف وشك منور

زين كور أيده بغيظ

عمر : هكتبلك على حجات تريحك عشان انتي حامل وميننفعش تاخدي اي حاجه ماشي واي وقت هتحتاجيني فيه ده الكرت بتاعي اتصلي بيا فورا وهكون عندك .

زين خد الكرات منه بغيظ وكرمشه بيده

سلطانه:

 متشكره اووي يادكتور عمر تعبتك معايا

عمر بابتسامه:

 ياريت كل المتعبين زيك انتي زي نسمه

زين مسح وشه وقال: 

 لحازم خد صاحبك من وشي ياحازم عشان أنا على اخري منه

حازم : اهدى اصلا هو هيمشي 

حازم بص سلطانه وقال باهتمام : حاسه بأيه ياحبيبتي احسن

سلطانة: الحمدلله بقيت احسن 

حازم :  طب انا اتكلمت مع الدكاتره وقالوا تقدري تروحي البيت 

سلطانه:  ياريت عشان حاسه بكتمه نفس هنا

عمر بعتاب وابتسامه : ليه بتقولي كده ده حتى المستشفى منوره بيكي والله 

زين جاب آخره وقال: انت مش خلصت شغلك واقفلي هنا ليه

سلطانه بحرج: زين

زين بغيظ :زين ايه واقف بيعمل ايه مش فاهم

عمر بحرج:

 انا ماشي اساسا بس كنت يطمن عليها

زين بغيره :

هي كويسه اتفضل امشي .

عمر مشي وهو محرج من الموقف ومن سلطانه 

سلطانه بعتاب ليه كده كسفته وهو معملش حاجه 

زين:

 سيبك منه .. وركزي بنفسك انتي لسا تعبانه ..

حازم:

 سلطانه هتروح البيت عندنا عشان العزا 

زين بص لسلطانه اللي شاورتله بأنها عاوزه تروح مع اخوها وقال :

ماشي هوصلكم وهخلي هناء تبات معاكي عشاني انتي لسا تعبانه

حازم اترعش كل جسمه اول ماسمع اسم هناء ارتبك وبقى مش على بعضه..

بعد مدة سلطانه خدة علاجها ونامت وهناء خرجت عشان تجيب ميه من المطبخ وكان النور مقفول ولعت النور وشهقت لما شافت حازم قاعد هناك وبيبصلها 

هناء : بسم الله 

حازم: ازيك 

هناك اتجاهلتك وخدت الميه وكانت هتمشي لكن حازم مسك أيدها وقال : وحشتيني بتهريب مني دائما ليه 

هناء شدت أيدها بغيظ وقالت:  كداب انت واحد كداب 

حازم:  تشكي بحبي ليكي

هناء ضحكت بغصة وقالت : اه انت بتحبني بأمارة انك اتجوزت وجبت بنتك ومراتك معاك اوعى سيب أيدي بقولك .. مش عايزه اكملك تاني وهي بتحاول تبعده شدها ليه وحاوط خصرها ووو

**********

سماح كانت لوحدها بالبيت زين اول ما مشيت سلطانه معدش يرجع البيت الا اخر الليل مقضي وقته في الشغل وحامد خد اسراء وابنها عند الدكتور عشان الكشف الشهري 

سماح سمعت خبط عالباب وفتحت. ابتسمت لما شافت منار

سماح:  اهلا اهلا ياحبيبتي اتفضلي

منار بحرج : هو زين هنا

سماح : لا بس اتفضلي هيجي اكيد

منار : لا معلش هجي وقت تاني

سماح : لا يمين بالله مش ماشيه لحد ماتشربي قهوتك انا حلفت

دخلت منار بحرج

سماح : هو زين مش بيكلمك الفتره دي

منار : لا يمكن مشغول

سماح بكدب:  اقولك ايه ياحبة عيني الواد مراته منكده عليه عيشته ومش سيباه ياخد نفسه

منار باهتمام:  انت بتتكلمي بجد يعني هو مش بيحبها

سماح : حب ايه ده اتغصب عللجواز منها اصلا 

منار فرحت وقالت : ازاي هو قال إنه بيحبه 

سماح بخبث : 

عشان ميكسرش كلام جده ده اتغصب عليها وحياة عنيكي دول اصلا انا حساه الفتره دي في وحده تانيه بحياته. و اخده عقله وقلبه 

منار فرحت وقالت: هي مين دي

سماح :  اهااأ يعني مش عارفه اكيد انتي ده لما يشوفك يبقى مش على بعضه احنا كلنا شايفين ده حتى مراته ..طب فاكره لما جيتي زورتينا اول مره  

منار : ايوا فاكره 

سماح بكدب : مش هقولك حصل ايه 

منار : حصل ايه

سماح : خناقه بينهم وصلت السما عشان سلطانة قالتله انا شايفه حبك ليها بعنيك

منار فرحت اوووي وقلت: بجد .. بس هو مش بيقول حاجه

سماح بخبث : ماهما الرجاله كده ياحبيبتي بيكتمو حبهم زين بيضحي بحبه ليكي عشان وصية جده الله يرحمه ..

منار الله يرحمه ليه يعمل كده

سماح بس انا مش هسيب زين يتعذب معاها كده اكيد هعمل حاجه نجمعكم مع بعض حب زين ليكي اكبر من اي حاجه 

منار..

سماح ..

يتبع