زين حس على نفسه أنه ماسك ذراعها بقوه سأبها وهي جريت على أوضتها بتعيط .

قعد ورى مكتبه رأسه بين اديه هيتجنن مش عارف يعمل ايه هو اصلا مش عايز يضغط عليها بسبب الحمل يعمل فيها كده...

نزل المطبخ. عمل فنجان قهوه طلع الجنينه يشم هوى وهو مخنوق بيفكر بيها اكيد زعلت اكيد بتعيط .. بس هو برضو حاسس انه مضغوط .. مين هيحس بيه ..

فضل يشرب قهوته وقاعد مع نفسه لحد ما حس بعمه حامد واقف جنبه

حامد :

بتعمل ايه في الجنينه لوحدك في الوقت ده 

زين :

 حاسس اني مخنوق 

حامد:

ايه  متخانق مع مراتك

زين سكت

حامد:

يلاا روح صالحها يابني

زين:

 مش قادر ياعمي مش عارف ابص فوشها 

حامد :

ليه هي عملت ايه 

زين:

 معملتش بس انا مخنوق 

حامد :

تعرف انك لو روحت وصالحتها دلوقتي هتكبر في عينها اكتر وهتحبك اكتر الست اه بتتشد للراجل الشديد لكن لما يبقى جوزها حنين معاها قلبها هيحبه اكتر واكتر

زين :

عمي

حامد :

ايوا

زين:

 هو ليه لما نحب شخص بنتجرح منه اوووي 

حامد:

 عشان بنحبه عشان انت  متعشم  أنه يفهمك من غير متقول أنه يحس بيك من غير ما تشتكي لكن ده عمره مايحصل احنا بشر .. والمفروض نفهم ايه اللي بيحصل مع اللي بنحبهم عشان نعرف نقف جنبهم ..

زين : 

تفتكر انا غلطت بحقها

حامد بابتسامه:

 ولو اني مش عارف انتو اتخانقتوا على ايه بس اه انت. غلطت.. وكمل بطيبه يابني البنت حامل المفروض تهتم بيها مش تزعلها ..والست في الوقت ده بتبقى حساسه حبتين

اطلع يازين صالح مراتك وخدها فحضنك طبطب عليها قولها انا هنا جمبك هي محتاجه كده..

زين بص لحامد وابتسم:

 ياريت ياعمي الدنيا كلها زي قلبك الكبير ..

حامد:

 ان خليت خربت يابني في ناس طيبه اكتر من عمك ده ومراتك وحده منهم يلاا اطلع طيب خاطرها انت مزعلها في الوقت ده تصدق انك مفتري يلاا

زين هز رأسه وساب قهوته وطلع عشان يصالحها لكنه اتصدم بأنها بتكلم عمر على التلفون

سلطانه بدموع:

 ايوا ياعمر سمعاك

عمر  :

اهدي الأول وخدي نفس وطلعيه بشويش

سلطانة بتعيط ومش عارفه تاخد نفسها ..حاولت تهدى 

عمر:

 برافو ايوا كده خلي نفسك ينتظم وطلعي الدوى بتاعك وخديه دلوقتي هتهدي يللا والصبح تعالي نكشف عليكي 

زين خبط الباب بغيظ وقال:

 بتكلمي مين

سلطانه بصت ليه ودموعها مغرقه وشها وقالت بعناد: مالكش دعوه

زين خد التلفون منها بالعافيه وخبطه على الأرض وبقى حتت 

سلطانه وهي بتحاول تاخد نفسها وبدأت تضربه على صدره :  انت عملت ايه انا بكرهك يازين بكرهك

زين كان غضبه عاميه وقال : 

بتكلمي الزفت ده بتاع ايه في الوقت ده .. انطقي اتكلمي

سلطانه مش قادره تاخد نفسها وهو بيهزها وقعت على الارض وغميت زين اتصدم حاول يفوقها مش عارف شالها ونزل بيها المستشفى بسرعه ..

فضل رايح جاي مش عارف يعمل ايه في ممرات المسشفى

خرج الدكتور وقال:  

حضرتك جوزها

زين بقلق: 

 ايوا هي كويسه مش كده 

الدكتور: 

 هي المدام بتاخد علاج مهدئات

زين  :

ايوا تعبت فتره وبدأت تاخد العلاج 

الطبيب :

طيب ممكن تتصل بالدكتور بتاعها المدام حامل وانا مش عايز اديها أي حاجه لحد ما استشير دكتورها الاول 

زين اتغيرت ملامح وشه وقال :

مينفعش تتصرف انت

الدكتور للاسف :

لا. احنا عايزين الدكتور اللي بتتكشف عنده عشان نعرف نديها العلاج المناسب عشان منضرش الطفل والمدام

زين :

ماشي يادكتور انا هتصل بيه زين خد تلفونه واتصل بعمر اللي كان قلقان على سلطانه ومش عارف يعمل ايه رد بسرعه:

 الوو

زين بحده :

 انت فين

عمر :

في البيت سلطانه كويسه

زين :

خد الدكتور عاوز يكلمك

الدكتور بدأ يسأله 

عمر بقلق كان عاوز يشوفها ويكمن عليها :

 بص يادكتور انا هاجي نص ساعه واكون عندك مش هتأخر 

الطبيب : 

ماشي يادكتور

زين:

 وهو يجي ليه

الطبيب:

 المفروض يكشف عالحاله بعد اذنك 

زين اتجنن اكتر ودخل عند سلطانه اللي كانت لسا نايمه وبدأت تفوق 

اول ما فتحت عينها زين كان ماسك أيدها بخوف : انتي كويسه

سلطانة شدت أيدها وقالت:

 سيبني لوحدي لو سمحت

زين :

انا اسف معرفتش اسيطر على نفسي

سلطانه بتعيط بس

زين خدها بحضنه وقال :

اتعصبت عليكي عارف بس والله مش بأيدي لكن عمر ده متتكلميش معاه تاني 

سلطانه مسحت دموعها وقالت:

 بلاش تتلكك بعمر انت عارف أنه الدكتور بتاعي بس  انت عاوز تهرب من علاقتنا دي يازين قولها عادي بدل ماتتعبني معاك كده انا معدتش افهمك ابدا ممكن تكون حبت حد تاني.. صح..

زين:

 سلطانه انتي عارفه اني بحبك وعارفه اني مستحيل افكر بأي حد تاني غيرك.

سلطانه:

 اومال بتعمل كده ليه .. انا مش عارفه افهمك

زين مسح وشه وخرج فونه وقال مكنتش حابب اوريكي دول عشان انتي حامل لكن انا معرفتش اسيطر على غضبي 

سلطانه بصت للفيديوهات و الصور وقالت بصدق: كدب والله ده كله كدب يازين انت مصدق

زين:

 انا روحت وفحصت الفيديوهات طلعت حقيقيه

سلطانه:

 ازاي مستحيل ده يحصل والله محصلش 

في الوقت ده دخل عمر بقلق ملاحظش ملامحهم وقرب ناحية سلطانه:

 انتي كويسه اي اللي وصلك لكده ولسا هيكشف عليها لكن..

يتبع