رواية عشق العقارب الفصل الثالث 3 بقلم حنان حسن
رواية عشق العقارب الفصل الثالث 3 هى رواية من كتابة حنان حسن رواية عشق العقارب الفصل الثالث 3 صدر لاول مرة على موقع التواصل الاجتماعى فيسبوك رواية عشق العقارب الفصل الثالث 3 حقق تفاعل كبير على الفيسبوك لذلك سنعرض لكم رواية عشق العقارب الفصل الثالث 3
رواية عشق العقارب الفصل الثالث 3
طول عمري بعاني من الحرمان..
لكن الاحتياج بالنسبالي
مكنش افتقاد لحضن او علاقة في السرير
انا كان كل حلمي من وانا طفلة اني اعيش مع اخواتي البنات في بيت له باب وشباك
عشان نشعر بالدفئ والامان
وكنا راضين باي وجبة بسيطة تسد جوعنا
لكن انا اتحرمت من كل دا
ومش كدا وبس
دا انا اتحرمت كمان من حقي في الحياة....
تعالوا نكمل الحكاية
الجزء الثالث
عشق العقارب
للكاتبة...حنان حسن
بعدما العامل نزع الاسمنت من فوق البرميل
اخيرا قدر يفتحة
لكن فجاءة
سمعنا العامل بيصرخ بصوت عالي
وفضل يقول....
يا ستار يارب ...
يا ستار يارب
فا جرينا كلنا علي صوتة
وفي اللحظة دي
اكتشفنا وجود "جثة" في البرميل
فا اتصلوا العمال علي الفور ب ايمن بيه
واول ما ايمن وصل وشاف الجثة
اتصل بالبوليس
للكاتبة..حنان حسن
في اللحظة دي
كنت واقفة مرعوبة ومزهولة في نفس الوقت
وسالت نفسي
ياتري جثة مين دي ؟
وليه عفريت الواد ابو نظارة كان بيحاول يلفت نظري للبرميل الي فيه الجثة؟
تكونش دي جثة الواد ابو نظارة؟
ورجعت قلت لنفسي لا طبعا استحالة تكون جثتة
لان جثة الولد لقوها في الخرابة من عشر سنين
والبوليس نقل جثتة للمشرحة ودفنوها بعدها
امال جثة مين دي ؟
وليه الصوت الي سمعتة امبارح كان بيطلب مني اني اخرجة من البرميل؟
واشمعني انا الي طلب مني كدا؟
وفضلت واقفة متنحة ومش قادرة استوعب الي بيحصل
لغاية ما رجال البوليس وصلوا
والمصيبة ان رجال البوليس سألوا العامل عن سبب فتحه للبرميل
فا قالهم اني انا الي طلبت منه يفتحة
للكاتبة...حنان حسن
في اللحظة دي
اقترب مني الضابط
وبدء يوجه ليا سيل من الاسألة
واول سؤال هو...
ليه طلبتي من العامل يفتح البرميل؟
ساعتها مبقتش عارفة ارد اقولة ايه؟
اصل لو قلتلة ان العفاريت هي الي ارشدتني للجثة الي في البرميل
عمره ما هيصدقني.. وساعتها هبقي جيبت لنفسي بلوه
فا اضطريت اخترع للظابط سبب وهمي
وقلتلة.. انا كنت عايزة استخدم البرميل كا شواية
عشان كدا طلبت من العامل يفتحة
فا سالني الظابط بتعجب
وقالي...
شواية ازاي يعني؟
فا وضحت قصدي اكتر
وقلتلة
اصل احنا معندناش شواية
وكمان شقتنا ضيقة ومش بعرف اشوي فيها
فا النهاردة فكرت اني اطلع اشوي علي السطح ...وقلت استغل البرميل في الشوي
ودا الي خلاني اطلب من العامل انه يفتحة
بعدما الظابط سمع مبرري
بصلي شوية بدون ما يعلق علي كلامي
وبعدها تركني وراح يكمل التحقيق مع باقي العمال
للكاتبة..حنان حسن
في اللحظة دي
انا اعصابي سابت
وقلت لنفسي
ربنا يستر بقي لان
لو الضابط كشف علي الملف بتاعي في المباحث هيعرف اني كنت واخده حكم ومتهمة في اكتر من جر..*يمة ق..*تل ...
وساعتها هيقبضوا عليا وهتبهدل لغاية ما تظهر الحقيقة دا لو ظهرت اصلا
المهم
بعدما الضابط حقق مع الجميع لقيتة راجعلي تاني
وبداء يركز معايا المره دي اوي
وسالني سؤال جديد
وقالي...انا عرفت ان السطح بالروف ملك للاستاذ ايمن
يعني مش من حق اي ساكن في العمارة انه يستخدم السطح
ممكن اعرف انتي بتطلعي السطح ليه؟ وبصفتك ايه؟
للكاتبة...حنان حسن
في اللحظة دي
ارتبكت ومبقتش عارفة ارد اقولة ايه؟
لكن فجاءة سمعت ايمن بيجاوب الضابط بدالي
وقالة...بصراحة انا الي اذنت للانسة عبير باستخدام السطح
لما لقيتها محتاجة مكان تستخدمة للشوي
وبعدين عبير تبقي بنت خالة خطيبتي
يعني من اهلي
في اللحظة دي
شعرت بالامتنان لايمن لانة انقذني من سؤال الضابط وخرجني من موضع الشك
المهم
بعدما غادر الضابط
اقتربت من ايمن
وقلتلة...متشكرة
لكن...
ايمن مردش عليا
ولقيتة بيسألني
وبيقولي...هو انتي سيبتي بيت خالتك تاني ليه؟
فا رديت باسف
وقلتلة.. امبارح رجعت البيت ملقتش اميرة واتصلت بيها موبيلها كان مقفول عشان كدا اضطريت ابات علي السطح تاني
للكاتبة...حنان حسن
في اللحظة دي
لقيت ايمن فكر شوية
وقالي...طب دلوقتي اميرة كلمتني وقالتلي انها سافرت في شغل
يعني انتي دلوقتي مفيش مكان ليكي تباتي فيه
وبعدما صدمني ايمن بخبر سفر اميرة
لقيتة بيبصلي بطريقة واحد بيشقط واحدة من بنات الليل
وقالي...ايه رايك ؟ ما تيجي معايا البيت وانا هظبطك
فا سالتة بغضب
عن قصدة
وقلتلة
يعني ايه هتظبطني؟؟؟
فا رد وهو مازال بيبصلي بنفس الطريقة
القذرة
وقالي ...يعني هدفعلك الي تطلبية في مقابل اني اعمل معاكي علاقة
ولو اداءك عجبني...
هجيبلك عربية هدية
دا غير انك ممكن تعيشي معايا في شقتي لغاية ما تدبري امورك
ها ؟ ايه رايك؟
بعدما سمعت عرضة القذر
مدرتش بنفسي غير وانا بتف و (ببصق) علي وجهة
وقلتلة...العنوان غلط يا روح خالتك
وقبل ما يبدي ايمن اي رد فعل
تركتة ونزلت لشقة اميرة عشان اشوف اي طريقة وادخلها واخد شنطتي الي فيها بطاقتي وحاجتي
لكن للاسف
لما حاولت ادخل شقتها ملقتش اي سبيل للدخول
حتي البلكونة كانت مقفولة
لحظتها مبقتش عارفة هاعمل ايه ؟
ولا هروح ابات فين ؟ولا هشتغل ازاي؟ بدون اثبات شخصية
لحظتها افتكرت الجارة الي اتصلت من عندها علي اميرة امبارح
وجه في بالي اني اتصل علي اميرة واطلب منها تتصرف وتساعدني اني اخد حاجتي من الشقة
وبالفعل
روحت بسرعة وخبطت علي الجارة وطلبت منها تتصل علي اميرة تاني
وبالفعل اتصلت عليها
لكن للاسف موبيل اميرة كان مازال مغلق
للكاتبة...حنان حسن
في اللحظة دي
كان مفروض اني اطلع لايمن واطلب منه يتواصل مع اميرة عشان استرد حاجتي
لكن مكنش ينفع ارجع و اطلب من البني ادم القذر دا حاجة
وفي اللحظة دي شعرت بالعجز وقلة الحيلة
فا قعدت علي السلم لوحدي وانا ببكي
وبلعن الزمن الي عمال يبهدل فيا
وفي اثناء ما كنت مفحومة بالعياط
سمعت صوت ايمن جنبي
بيقولي...انا بجد اسف
وعايز اصلح غلطتي
ولما رفعت عنيا لقيتة واقف زي التلميذ
الي منتظر الصفح
فا رديت بغضب
وقلتلة... متغور يا عم انت من هنا وتسيبني في حالي
فا رد ايمن
وقالي...حاضر انا همشي
بس الاول عايز اعتذرلك
وكمان عايز اديلك عنوان اميرة
انا عارف انها عملت نفسها مسافرة عشان تطفشك من بيتها
و المشكلة انك مش هتقدري تشتغلي في اي مكان بدون بطاقة
ومد ايده ليا بالورقة الي فيها العنوان
وفلوس للمواصلات
وقالي...
بصراحة اميرة نبهت عليا اني معرفكيش مكانها.. ودا خلاني عرفت انها انسانة انانية فا فسخت خطبتي عليها
بس للاسف انا حاسس بالذنب من ناحيتك
وعايزك تروحيلها وتجبريها ترجع معاكي
عشان تقدري تاخدي حاجتك من الشقة
وتدوري علي شغل
بصراحة بعدما سمعتة لقيت كلامة منطقي
فا اخدت من ايده العنوان والمائة جنية بتاعة المواصلات
وروحت علي العنوان الي في الورقة
عشان اجبر اميرة ترجع وتديني حاجتي
وفعلا وصلت للمكان الي فيه اميره
بس الغريبة ان العنوان كان في المهندسين
و البيت مكنش مجرد شقة عادية
دي كانت فيلا كبيرة وفخمة
استغربت اول ما دخلتها وقلت لنفسي
هو ايه الي جاب اميرة للمكان الفخم دا؟
ومن امتي تعرف ناس اغنياء اوي كدا؟
للكاتبة...حنان حسن
المهم
اول ما دخلت للفيلا
شوفت ادامي شغالة فليبينية
فا سالتها عن اميرة
فا شاورتلي للداخل
عشان ادخل
وبالفعل دخلت
وفضلت منتظرة دخول اميرة عليا
لكن الغريبة ان اميرة مظهرتش نهائي
والاغرب ..اني لقيت مديرة الفيلا هي الي جاية بترحب بيا
وبتقولي...اتفضلي استلمي الشغل
فا سالتها بتعجب
وقلتلها..شغل ايه؟
فا ابتسمت
وقالتلي...اتفضلي معايا وانتي هتفهمي كل حاجة
وبالفعل دخلت معاها في ممر طويل في فيلتهم الفخمة
وانا مش فاهمة اي حاجة
وبمجرد ما وصلنا امام غرفة مقفولة
الفار بدء يلعب في عبي
وقلت لنفسي ...
مصيبة ليكون المنيل ايمن حب ينتقم مني عشان بصقت وتفيت في وشة
فا بعتني لتجار اعضاء بشرية
ولا حد يغت..*صبني
واثناء ما كنت واقفة برتجف
اتفتح الباب
ولحظتها شوفت غرفة شبيهة بغرفة مستشفي
وفيها راجل كبير في السن واضح انه مريض وراقد علي سريرة
فا بصيت لمديرة المنزل
وسالتها
وقلتلها...هي اميرة فين؟
فا ردت مديرة المنزل
وقالتلي...انا معرفش انتي بتتكلمي عن مين
انا كل معلوماتي انك ممرضة
وجاية عشان تمرضي سليم بيه
فا رديت وانا ببص علي الراجل المريض
وقلتلها...سليم بيه مين؟
فا قالتلي...
اسمعي يا عبير
احنا عرفنا انك ممرضة شاطرة
عشان كدا قررنا انك تبقي مقيمة مع سليم بيه
وعملنالك غرفة خاصة بيكي
هنا في الفيلا
والراتب الشهري هيكون عشرين الف جنية
وقبل ما ارد علي مديرة المنزل
واسالها ...هو مين الي رشحني للشغلانة دي
دخل علينا الطبيب
وسالها...
وقالها...هي دي الممرضة الجديدة؟
في اللحظة دي
سمعت صوت رجالي جاي من ناحية باب الغرفة
ورد علي الدكتور
و قال...ايوه عبير هي الممرضة الجديدة الي هتمرض والدي
(سليم الشرقاوي)
في اللحظة دي اتفاجئت ان ايمن هو الي بيكلم الدكتور
وقبل ما استوعب المفاجئة
اقترب مني الدكتور وبدء يملي عليا تعليماتة وتوجيهاتة
وبعدما عرفني مواعيد الاكل والدواء
تركني مع ايمن وخرج
وفي اللحظة دي
مبقتش عارفة اشتمة اقولة انت ازاي تخدعني و تستدرجني لغاية هنا
ولا اشكرة
عشان لسة جايبلي شغلانة
وعملي راتب مكنتش احلم بيه
وقلت لنفسي يا تري هو ممكن يكون ندم علي تصرفة الوقح معايا ..
وحب يكفر عن غلطتة
ولا استدرجني لغاية هنا عشان ينال غرضة في مقابل الشغلانة
ولمزيد من الاطمئنان
اخدت ايمن علي جنب
وسالتة
وقلتلة...هي الشغلانة دي لوجه الله؟
ولا في مقابل طلبك اياه؟
فا ابتسم ايمن
وقالي... البيت دا يبقي بيت
سليم الشرقاوي
ومينفعش يدخل بيتة غير الناس النضيفة بس
وبصراحة لما سالت اميرة عن سبب طردها ليكي
قالتلي عنك معلومات بشعة
وفهمت منها انك بنت شمال وممكن تسيئي لسمعتها
عشان كدا هي بتطردك ديما
لكن انا كان جوايا احساس بيكدب كلامها
عشان كدا اضطريت اعملك اختبار
واعرض عليكي
علاقة مقابل فلوس وسيارة
بس انتي نجحتي في الاختبار
ورد فعلك اثبت برائتك
فا كان لازم اكافئك واوفرلك شغل واقامة في مكان نضيف زيك
بعدما سمعت كلامة
مبقتش مصدقة نفسي
وقلتلة..انا بجد متشكرة جدا يا ايمن بيه
فا رد وهو بيمسح بقايا التفة الي علي وجهة
وقالي..وحياة خالتك؟
دلوقتي بقيت ايمن بيه؟
عموما العفو
بس ياريت تصلحي علاقتك مع اميرة
وانا هحاول اصالحكم علي بعض
للكاتبة..حنان حسن
في اللحظة دي
سالتة بفضول
وقلتلة ..يعني انتي مفسختش خطوبتك
من اميرة زي ما قولتلي؟
فا رد وقالي...
لا طبعا انا عارف ان اميرة غلطت لكن
مش لدرجة اني افسخ خطوبتي منها
اصل الي عملتة دا ممكن يكون بدافع الغيرة
لاني كنت بسالها عليكي كتير
لكن انا متاكد ان اميرة قمة في الحنية
والطيبة
وبعدما انتهي من مدحة في اميرة واخلاقها
تركني ايمن عشان اشوف شغلي
وبالفعل
بدات اعرف نفسي ل والد ايمن المريض
(سليم بيه الشرقاوي)
ودا كان واضح انه راجل قامة وتاريخ من العظمة
كفاية انه خلف ايمن الكريم ..الطيب
المهم
بعد مرور يوم علي استلامي لشغلي
في بيت ايمن و سليم بيه
عرفت ان ايمن والدتة متوفية وملوش اخوات
وكل الي له في الدنيا هو والده سليم بيه
عشان كدا كان بيخاف عليه ومهتم بصحته جدا
وبصراحة انا كمان حبيت سليم بيه جدا
وكنت مهتمة انه يكون راضي ديما عني
ويبدوا ان ايمن كان ملاحظ اجتهادي في عملي عشان كدا كان بيعاملني بطريقة لطيفة جدا
لدرجة انه جابلي موبيل غالي
وبقي يكلمني طول الوقت عليه
وكل شوية الاقية جاي وجايبلي هدية جميلة
دا غير الممرضة الي جابها تساعدني
عشان الشغل ميبقاش تقيل عليا
والوقت الي وفرتة من شغلي
كان بياخدني ويفسحني بالعربية
وكنا بنضحك ونتكلم ونحكي كتير مع بعض
لدرجة اني نسيت انه خاطب اميرة
ويظهر انه هو كمان نسيها
لاني مكنتش بشوفة بيكلمها نهائي
للكاتبة...حنان حسن
المهم
فضلنا علي كدا تقريبا لمدة اسبوعين
وكانوا كلهم بيعاملوني كاني واحدة من اهل البيت
ودا كان مخليني في منتهي السعادة
لغاية ما في يوم
اخدني ايمن عشان يشتريلي ملابس جديدة كا العادة
وبعدما خلصنا الشوبنج واتفسحنا ورجعنا
اتفاجئت بمديرة المنزل بتقول لايمن ان الانسة اميرة في انتظارة
في اللحظة دي قلبي اتقبض
اول ما شوفت اميرة
وقلت لنفسي...
يظهر ان السعادة مش مكتوبالي
وللاسف احساسي طلع في محلة
لان بعد اسبوعين اميرة عرفت ان ايمن اخدني للفيلا وشغلني ممرضة لوالده
فا جت عشان تقابل ايمن
وعرفت اننا بنخرج وبنتفسح كتير مع بعض
المهم
بعدما اميرة خلصت كلامها مع ايمن
لقيتها جاية عليا والغ..*ضب
والغ..*ل باين في عنيها
واول ما اميرة شافتتي
اخدتني علي انفراد
ورمت في وشي بطاقتي وشنطتي
وقالتلي...امشي اطلعي بره الفيلا حالا
وشوفيلك شغل في مكان غير هنا
وعلي الله اعرف انك كلمتي ايمن تاني
انتي فاهمة؟
فا رديت عليها بنبرة تحدي
وقلتلها..لا مش هسيب شغلي
ومش همشي
وانتي الي هتخرجي فورا يا اميرة بدل ما افضحك عند ايمن واقولة انتي بتشتغلي ايه مع صباح بنت كارك
للكاتبة...حنان حسن
في اللحظة دي
كشرت اميرة عن انيابها
وقالتلي...
طب اسمعي بقي يا حلوه
لو مسمعتيش الكلام وغورتي من هنا
ها اروح ابلغ عنك واقولهم اني شوفتك وانتي بتقتلي قتيل وتحطية في البرميل
وساعتها البوليس هيقبض عليكي ويعملك فيش وهيكتشفوا انك مسجلة وقات..*لة اتنين قبل كدا
وابقي قابليني بقي لو خرجتي منها
ولو حصل يعني وخرجتي
ساعتها ايمن وابوه هيطردوكي من الشغلانة لانهم مش بيشغلوا عندهم مسجلين خطر
فا وفري علي نفسك البهدلة يا بنت خالتي وامشي من سكات احسنلك
واقترحت اميرة عليا انها هتلهي ايمن لغاية ما امشي عشان ميسالنيش ماشية ليه؟
وفي اللحظة دي
لجمتني اميرة بتهديداتها
ولقيت نفسي مضطرة ارضخ لاوامرها
وبالفعل
دخلت غرفتي وجيبت حاجتي
وخرجت بدون ما حد يشوفني
ولما خرجت قلبي وجعني بسبب فراقي
لايمن
واكتشفت لحظتها اني بحبة اوي
لكن قلت لنفسي
اميرة عندها حق
ايمن قالي البيت دا مش بيدخلة غير الناس النضيفة فقط
يعني اول ما يعرف حقيقتي هيطردني طردة الكلاب
عشان كدا مش لازم يعرف اي حاجة عني
واول حاجة عملتها هي اني قفلت موبيلي
والمشكلة اننا كنا باليل
و برضوا للاسف مكنتش عارفة هاروح فين
لاني مكنتش لسة قبضت
لاني مكملتش الشهر
ومش معايا فلوس
ومكنش ادامي غير اني اروح علي بيتنا واطلع انام في غرفة السطوح
والصبح ابقي اخرج ابحث عن شغل
وبالفعل روحت علي بيتنا القديم وطلعت نمت علي السطوح كا العادة
لكن الصبح
صحيت علي صوت ضابط المباحث
الي كان بيصحيني بمنتهي القسوة
وبيقولهم...هاتوها
وفجاءة لقيت نفسي بتجر من قفايا زي المجرمين وبترمي في البوكس
بدون ما اعرف انا عملت ايه
لكن ...لما وصلت للقسم
اتفاجئت باكتر من كارثة
ودا لما رئيس المباحث فجر في وجهي قنبلة من العيار الثقيل
وقالي...احنا اتوصلنا من خلال الطب الشرعي لهوية الجثة الي كانت في البرميل
وانا دلوقتي بوجه ليكي تهمة القتل
فا ابتلعت ريقي
وقلتلة ... قتل ايه بس حضرتك؟
وجثة مين الي انتوا لقتوها؟
لو كانت اميرة بلغت عني فا صدقني هي بتكدب عشان بتغير مني
وقبل ما اكمل كلامي
استوقفني الضابط
وقالي...احنا عندنا كل الادلة الي بتثبت انك القا...*تلة
والست صاحبة الجثة انتي تعرفيها كويس
فا سالتة وانا مزهولة
وقلتلة...ومين صاحبة الجثة دي؟
فا رد الضابط وهبدني في وشي بمعلومة مدوية
وقالي...
الطب الشرعي اثبت ان الجثة ل.......
ومش هتصدقوا الجثة طلعت بتاعة مين....؟