شمس: بجد هتخرجني؟

مروان: ايوا عشان امي عماله تقول مخرجتوش ليه..فقلت اخرجك..

شمس: امك دي في قلبي بجد..وهتوديني فين بقي؟

مروان: مثلا ممكن نروح مطعم ناكل ونشرب حاجه وكده يعني..

شمس: ايه خروجات الناس العاقله دي؟!

مروان: امال عايزه تروحي فين؟

شمس: الملاهي..

مروان: انتي جايه تعيشي طفولتك معايا..

شمس: بالله عليك نفسي اروحها اوي..

مروان: اوي اوي يعني؟

شمس: اه..

مروان: خلاص نروحها..

شمس: ايوا بقي..

مروان: شوفي هنروح الساعه كام بقي؟

شمس: اوكيه هبقي ارن عليك..

مروان: تمام..

شمس: طيب تصبح علي خير..

مروان: وانتي من اهله..وقفل معها وقال: طلعتيلي منين بس؟!

تاني يوم مروان كان واقف ومستنيها قدام العربيه..

مروان: بتعمل ايه ده كله مش فاهم..

وبعد حوالي دقيقتين شمس جات..

شمس: اتأخرت عليك..

مروان: انتي شايفه ايه؟

شمس: ايه يعني ما اتأخر وانت تقف تستناني؟

مروان: وده ليه ان شاء الله..

شمس: يمكن عشان انت خطيبي..

مروان: قولي والله؟!اشمعنا دلوقتي بس بتفتكري اني خطيبك؟

شمس: اخص عليك يا مروان..وده كلام برضو..

مروان: اركبي اركبي بلاش وجع دماغ..

شمس: هتوديني دريم بارك..

مروان: ياستي هوديكي..

شمس بابتسامة: شكرا..يلا افتحلي الباب..

مروان: ما هو مش مقفول..

شمس: يابني انت ايه..بقولك افتحهولك من باب  الرومانسية وكده..

مروان: اركبي وانتي ساكته يما...

شمس: هتخسر ايه يعني..

مروان: يلا..

شمس: طيب..

>>>>>>>>>>>>>>>>

مروان وهو بيشاور علي لعبه: تركبي دي؟

شمس بابتسامة: ايوا بحبها اوي..اركب معايا..

مروان: لا لا مش هركب..

شمس: يا سيبك من العقل ده شويه..

مروان: هو انا بقي فيا عقل من ساعه ما شفتك..

شمس: خلاص يبقي تعالي بقي عيش شويه..

مروان: يستي حد قالك اني ميت..

شمس: هتتبسط والله تعالي..

مروان: طيب نجرب..

شمس بابتسامة: ايه رأيك؟

مروان: حلوه..

شمس : قلتلك..

مروان: بتحبي طعم ايه؟

شمس: فيه ايه؟

مروان: أيس كريم..

شمس: المانجا..

مروان: وانا كمان..استني اروح اجيب..

شمس: طيب..

بعد شويه مروان جه..

شمس: ايه ده؟

مروان: لقيتهم بيجيبوا قلت اجيبلك..

شمس بابتسامة: تعرف بحب غزل البنات اوي..شكرا يا مروان كلفت نفسك..

مروان: العفو علي ايه..كلي الايس كريم الاول قبل ما يسيح..

شمس بابتسامة: طيب..

"خلصوا الخروجه ووصلوا قدام بيتهم"

مروان: اتبسطتي؟

شمس بابتسامة: اوي والله انا بعد كده مش هخرج غير معاك..

مروان ضحك وقال: ياستي موافق..بس الصراحه اول مره اجرب حاجه زي دي..

شمس: بس بذمتك مش حلوه؟

مروان: هي حلوه بجد..بحس ان الواحد بيبقي مبسوط من قلبه..

شمس: كويس والله انا هنزل انا بقي عايزه انام اوي ..تصبح علي خير..

مروان: شمس..

شمس: نعم..

مروان: استني ونزل من العربيه وفتح الباب اللي ورا وطلع بوكيه ورد..

مروان: خدي..

شمس بابتسامة: ده ليا؟

مروان: ايوا عشان متخدليش فاضيه..

شمس خادته منه وقالت بابتسامة: شكرا يا مروان انت ذوق اوي بجد..

مروان: لازم اعيش الدور بجد..

شمس: تعرف للحظه نسيت انها لعبه..بس الورد حلو..

مروان: وانا بس دي الحقيقة...ويابنتي اصلا انا ذوقي توحفه..

شمس: دي حقيقه..

مروان: يلا سلااام

شمس: مع السلامه..

>>>>>>>>>>>>>>>>>>

في يوم كان مروان قاعد علي اللاب توب..وبيشتغل..سمع صوت حد بينادي عليه من البلكونه..طلع بص..

شمس: ياا مروااان..

مروان: إيه يا بنتي صرعتيني..

شمس: انزل عايزاك..

مروان: خير؟

شمس: إنزل بس يا عم حاجه مهمه..

مروان: انا قلقان منك..

شمس: انزل بس متخفش..

مروان: طيب..ونزل..

شمس: ماشي يلا..

مروان: فيه ايه؟

شمس : استني..وفتحت الموبايل..

شمس: هاه ايه رأيك؟

مروان: في إيه؟

شمس: انهي احلي؟عايزه اشتري واحده..

مروان: يعني القلق اللي عملتيه ده كله عشان اختار لك شنطه؟!

شمس: اه عايزه اطلب واحده..

مروان: امشي من وشي يا شمس..

شمس: قولي بقي يا مروان.

مروان: وريني كده تاني..

شمس: اهوه..

مروان: السوده احلي..

شمس: انا قلت كده برضو..

مروان: ارتحتي خلاص..

شمس: اه خلاص شكرا..

مروان: انا قلت عملتي مصيبه جديده..

شمس: اسكت سيبني رايقه شويه..

مروان: طيب ربنا يهديكي..

شمس: يارب ادعيلي..روح كمل كنت بتعمل ايه؟

مروان: مفيش كنت بشتغل..

شمس: طيب روح كمل..

مروان: ماشي هاتي السوده..

شمس: طيب هطلبها..

مروان: يلا روحي نامي بقي..

شمس: يلا سلااام..معلش عطلتك..

مروان: لا صرعتيني بس..

شمس: فدايا

>>>>>>>>>>>>>>>>>

هنا: يلا يا شمس..

شمس:طيب يا بنتي..

هنا: بصي خطيبك جاي اهوه..

شمس: اه..مين اللي معاه ده؟

هنا بضحك: ده صحبه..واكتر من اخوه..

شمس: ايه ده عرفتي ازاي؟

هنا: جه يوم الخطوبه وكان عايز يجر كلام..

شمس: بجد والله..وانتي عملتي ايه؟

هنا : صديته..

شمس: يا بت انتي هتخليكي قفل كده؟

هنا: اسكتي جايين علينا..

جاسر: ايوا بقي..

مروان: ازيكوا..

شمس: اهلا يا مروان عامل ايه؟

مروان: الحمد لله..راحين فين كده؟

شمس: راحيك نجيب شويه حاجات..

مروان: تمام..

آسر: ازيك..

هنا: كويسه..

آسر: وانا كويس.

هنا: انا سألتك؟

آسر: مش لازم..نصيبنا نتقابل تاني..

هنا: ده صدفه عاديه متكبرش الموضوع..

آسر: بالنسبالي مش عاديه..

هنا: يا بني ريح دماغك مني..

آسر: طب منا عندي حل احسن

هنا: يارب نخلص..

آسر: تحطيني في دماغك..وكده نبقي متساويين.

هنا؛ يا بنتي انتي دماغك تعبانة؟

آسر: عرفتي ازاي؟

هنا:يا بني افقد الامل فيا بقي..

آسر: ده بعد الشر.

هنا ضحكت وقالت: انت مش طبيعي بجد..

آسر: بس دمي خفيف..وأدخل القلب..

هنا: انا عندي مشكله في قلبي بقي الظاهر كده..

آسر: منا بقول كده..

هنا: يابني ارحمني..يلا يا شمس..

شمس: امم طب وانت بقي عملت ايه في المشروع ده بقي..

مروان: لسه هقدمه واشوف..هيعجبهم ولا لأ..

شمس: ان شاء الله يعجبهم..

مروان: بإذن الله..همشي  انا بقي..

شمس: طيب ابقي طمني..

مروان: عليا؟

شمس:  عليك ايه مانت زي الفل اهوه..قصدي علي المشروع يعني..

مروان: طب هبقي ارن عليكي لو افتكرت..

شمس: لو ايه؟

مروان ضحك وقال: خلاص هرن عليكي اول ما اخلص..

شمس بابتسامة: طيب مستنيه..

مروان: ماشي سلام..

آسر: سلام يا قمر..

هنا: يا عم روح بقي..

يتبع..