اسراء سابت سلطانة تلاعب ابنها واتصلت بزين 

زين رد عليها وهو في طريقه لبيت عمر ورؤوف معاه بيحاول يهديه 

زين :

 اهلا يا اسراء ازيك 

اسراء:

 الحمدلله بقولك يازين 

زين :

ممكن نتكلم بعدين لو سليم مش محتاج حاجه يااسراء انا دلوقتي مشغول

اسراء بسرعه:

 سلطانه عندي

زين وقف العربيه وكان هيعمل ماحادثه :

هي عندك 

اسراء :

اسمعني يازين الاول سلطانه حكتلي كل حاجه وان كل اللي مابينكم سوء فهم المفروض تقعدوا تتكلموا وتتنازلوا شويه عشان تسمعوا بعض

زين:

 مسافة السكه واكون عندك.

اسراء :

زين اسمعني الاول

زين قفل في وشها وحرك العربيه بسرعه على بيت اسراء 

رؤوف:

 في ايه

زين :

سلطانه عند اسراء 

رؤوف بابتسامه:

 طب كويس كل اللي فدماغك طلعت اوهام

زين بانفعال :

مش اوهام انا مش هنسى انها طلعت معاه العربيه مش هنسى ابني اللي خسرته بسببها ولا هنسى اللي عشته بسببها الفتره اللي فاتت

رؤوف:

 انا من رايي تسمعها اكيد عندها تبرير لكل ده .

زين سكت وساق العربيه وهو متعصب جدا اول ما وصل نزل بسرعه وخبط الباب سلطانه اترعبت:

 مين اللي بيخبط كده

اسراء:

 هروح اشوف

اسراء فتحت الباب وزين دخل ووقف قدام سلطانه اللي وقفت اول ما شافته مصدومه ومرتبكه

زين :

عايزه توصلي لفين ياسلطانة 

سلطانه سكتت

زين زعق بغضب:

 قولي عايزه ايه عايزه اطلقك اتكلمي

اسراء وقفت قدامه بهدوء:

 زين بالراحه سليم اتخض من صوتك العالي عشان خاطري 

زين بص لسلطانه اللي نزلت دموعها من سكات

اسراء :

ادخلوا الاوضه واتكلموا براحتكم عشان سليم ميخافش من الزعيق ياجماعه اتفضلوا

زين دخل وسلطانه وراه بتمشي بخطوات تقيله

اسراء اول ما دخلوا الأوضه قفلت الباب بالمفتاح

وقالت من ورى الباب:

 انتو مش هتخرجوا من هنا لحد ما تتصالحوا والا اقولكم باتوا هنا احسن تصبحوا على خير 

زين حاول يفتح الباب لكنه حس بسلطانه تحضنه من ورى سلطانه بعياط :

انا اسفه 

زين لف ليها وشاف دموعها وقال بجديه حاول يظهرها:

 اسفه على ايه بالضبط .

سلطانه:

 انا و الله معملتش حاجه اه كنت بحاول ابعد عنك الفتره اللي فاتت عشان كنت زعلانه اني خسرت ابني

زين بغيظ :

قصدك قتلتيه وهو لسا فبطنك

سلطانة بصدمه :

انت تصدق اعمل كده

زين :

الكشوفات مش بتكدب ياسلطانة 

سلطانه وقفت على روس صوابع رجليها وحاوطة وشه وقالت:

 انت مصدق اني اعمل كده 

زين لف وشه الناحيه التانيه 

سلطانه حطة راسها على صدره وضمته وهي بتقول :

انا بحبك عارفه انك متلخبط الفتره دي وعارفه اني جيت عليك اوووي لكن. والله بحبك زين انت لسا بتحبني مش كده

زين مردش عليها 

سلطانه لفت وشه ليها وقالت:

 لا عمر ولا اي راجل ممكن يدخل قلبي غيرك محدش يازين انت وبس خلصت كلامها وباسته وهو مخدش وقت وبادلها لكنه كان متردد الاول وبعدين ضعف قدامها ووو

************

اسراء. بصت من البشباك وشافت رؤوف ساند على عربيته وبيلعب في فونه كانت شايله ابنها خدت كوباية ميه ساقعه ونزلت عنده 

اسراء :

مساء الخير 

رؤوف اعتدل باحترام:

 اهلا انا بس كنت مستني زين

اسراء :

اتفضل اشرب .. انا من رايي تروح حضرتك عشان زين مش نازل النهارده 

رؤوف بص ليها باستغراب 

اسراء ابتسمت برقه وقالت:

 اصل قفلت عليهم بالمفتاح 

ضحك رؤوف وقال :

زين ماعملتي 

اسراء :

اعمل ايه المفروض يتكلموا مع بعض هما الاتنين اعند من بعض

رؤوف :

عندك حق

اسراء :

طب استئذن انا تصبح على خير 

رؤوف :

وانتي من أهله وطلع عربيته ومشي وهو بيتصل على منار عشان يتطمن عليها...

رؤوف : 

مساء الورد

منار بقلق:

 كنت فين كل ده انت كويس

رؤوف ابتسم بحب :

خايفه عليا

منار بكدب :

لا انا بطمن بس من الصبح مكلمتنيش ولا مره ليه 

رؤوف :

انشغلت حقك عليا

منار :

طب ماشي

رؤوف :

ماشي ايه 

منار سكتت

رؤوف بيسمع أنفاسها المرتبكه 

منار بتردد:

 هتروح النهارده الوقت اتأخر

رؤوف مسح وشه وقال:

 مينفعش أن شاء الله بكرى مع المغرب هكون عندك

منار بانزعاج :

يعني هتبات هناك

رؤوف بهزار :

ايه وحشتك

منار اتكسفت

رؤوف بحماس:

 بصي لو هتقولي وحشتني هجيلك دلوقتي اقسم بالله

منار ابتسمت قالت بصوت مبحوح :

تصبح على خير

وقفلت 

رؤوف بص للتيلفون وقال:

 وانتي من أهل السعاده والهنا وجمبي دائما ياحبيبتي ..

*********

الصبح صحيت سلطانه وزين كان نايم جنبها باست جمب شفايفه وهي بتهمس :

من النهارده مفيش زعل مابينا يازين ابدا من النهارده انا وانت وبس ومحدش يعرف يفرقنا

زين انكمشت ملامحه بانزعاج و سلطانه اتسحبت بشويش وحاولت تفتح الباب لقت اسراء فاتحه ليهم الباب نزلت بحماس تحكي لاسراء عن ليلتهم وعملوا ايه واتكلموا في ايه هي وزين ووعدوا بعض بأيه كانت اسراء بتحظر الفطار باستها سلطانه من خدها بحماس:

 صباح الفل 

اسراء بغمزه:

 صباح العسل هااا نقول صافي يالبن

سلطانة بحماس:

ده اللبن صافي والقشطه والعسل

اسراء :

ياسلام ياسلام هاا احكيلي 

سلطانة :.

احكيلك ايه اتصالحنا. اتوعدنا أننا مش هنخبي حاجه عن بعض ابد وعمر ده مش هشوفه بحياتي تاني والمفروض نروح نكشف عند .كنوره تانيه عشان نعرف سبب نزول البيبي 

اسراء :

طب والله ده اجمل كلام اسمعه عالصبح يارب يسعدكم ويهدي سركم

سلطانه :

اي ده مين بيخبط عالباب

اسراء :

معرفش ممكن تشوفي مين ياحبيبتي انا زي منتي شايفه مشغوله

سلطانه:

 عنيا 

راحت سلطانه فتحت الباب. اتصدمت بعمر ولسا هتقفل الباب فوشه

قالها :

استني لو سمحتي حازم عاوز يكملك 

سلطانه :

ومش بيكلمني على تلفوني ليه

عمر :

بيتصل فيكي من امبارح خارج التغطيه اهو هو اللي بيتصل دلوقتي 

سلطانه خافت زين يشوف عمر معاها خرجت في الجنينه في مكان محدش يشوفهم فيه  وكلمت اخوها اللي كان متعصب وقالها تسيب ال*** جوزك وتجيلي على اول طياره هنا..

سلطانه:

اجيلك فين انا بحب جوزيا ياحازم واي اتنين بيحصل ما بينهم خلافات لو سمحت متتدخلش. قفلت في وشهلما بدأ يزعق ويشتم ..

 أدت الفون لعمر في الوقت ده زين كان عالشباك وشافهم كده كان فاكر أن سلطانه مسكت ايد عمر اتجنن نزل بسرعه ووو