رواية عشق العقارب الفصل الخامس 5 بقلم حنان حسن
رواية عشق العقارب الفصل الخامس 5 هى رواية من كتابة حنان حسن رواية عشق العقارب الفصل الخامس 5 صدر لاول مرة على موقع التواصل الاجتماعى فيسبوك رواية عشق العقارب الفصل الخامس 5 حقق تفاعل كبير على الفيسبوك لذلك سنعرض لكم رواية عشق العقارب الفصل الخامس 5
رواية عشق العقارب الفصل الخامس 5
ازاي البيبي بيدخل بطن مامتة ؟
دا السؤال الي كان محيرنا واحنا اطفال
وكانوا بيقولولنا
ان ماما بتروح المستشفي وترجع بالنونو في بطنها
ويظهر ان عبير صدقت الخرافة
و نفذتها حرفيا
لان عبير راحت المستشفي ورجعت حامل في جنين مجهول النسب
والغريبة ان فعلا مفيش راجل لمسها نهائي
تعالوا نكمل عشان نفهم الي بيحصل
الجزء الخامس
عشق العقارب
للكاتبة...حنان حسن
بعدما فاجئني الضابط
وقالي انهم وجدوا اختي ناهد الصغيرة
مصدقتش نفسي
وهللت من الفرحة
وسالتة
وقلتلة...بجد والنبي لقتوا ناهد؟
امال هي فين؟
فا تجاهل الضابط سؤالي
وطلب من العسكري الي كان معاه
انه ياخدني انا واميرة علي البوكس
ولما وصلنا لقسم الشرطة
طلب الضابط مني انا واميرة اننا نقرب
من المكتب
ولما اقتربنا لقيناه بيخرج لنا من الكيس توكة شعر قديمة جدا ومهلهلة
وسالنا ان كنا شوفنا التوكة دي قبل كدا
للكاتبة..حنان حسن
تابع صفحتي
روايات حنون المصرية
في اللحظة دي
انا لقيت نفسي برد بدون وعي وبقول...ايوه التوكة دي بتاعة ناهد اختي الصغيرة
و انا وسلوي كنا بنلبسها لها بعدما ما بنسرحلها شعرها
بعدما اتعرفت علي التوكة
لقيت الضابط بيوجه سؤال لاميرة
وقالها...
اثناء ما كنا بنحقق في ق...تل سلوي
انتي قولتي انك سمعتي امك وهي بتعترف علي نفسها بقتل سلوي صح؟
فا ردت اميرة
وقالت...ايوه انا شهدت بكدا لان دا الي حصل فعلا
فا رجع الضابط يسألها تاني
وقالها... طب وليه مقولتيش الاعتراف كامل وليه انكرتي
ان امك اعترفت ادامك بقتل ناهد كمان؟
بعدما سمعت سؤال الضابط لاميرة
قلبي اتقبض والدنيا لفت بيا
لاني لحظتها فهمت من كلامة ان ناهد ممكن تكون لاقت مصير سلوي
وقبل ما اسأل الضابط عن مصير اختي
سمعت اميرة
وهي بتجاوبة علي سؤالة
وبتقولة...
انا سمعت امي وهي بتعترف علي نفسها لجارتنا بانها قتلت سلوي
لكن..
مذكرتش ادامي انها قتلت ناهد
عشان كدا انا شهدت بالي سمعتة بس
للكاتبة...حنان حسن
تابع صفحتي
روايات حنون المصرية
في اللحظة دي
مقدرتش اتمالك اعصابي
وسالت الضابط
وقلتلة...هو مش حضرتك قولت انك لقيت ناهد؟
هي فين ناهد؟
فا رد الضابط وهو بيرمي التوكة علي المكتب
وقالي... التوكة دي لقيناها في البرميل الي لقينا فيه ناهد اختك
فا رديت بفزع وقلتلة
هي ناهد كمان لقتوها مقتولة في برميل ؟
فا رد الضابط
وقال...
بعدما اتحولت جثة البرميل لراي عام
والناس كلها سمعت بيها
الجيران في شارعكم قلقوا
وكل صاحب بيت بدء يفتش علي سطح بيتة لربما يكون في قتيل تاني عنده
ولما صاحب العمارة الي جنبكم
فتش زيهم اكتشف ان في برميل علي سطح بيتة الملاصق للسطح بتاعكم ولما فتح البرميل اكتشف وجود هيكل عظمي لطفلة فا بلغ الشرطة فورا
ولما وصلنا البلاغ
اخدنا الجثة للطب الشرعي
الي اثبت ان تاريخ الوفاه كان من عشر سنوات تقريبا
ودا خلانا نربط بين جثة سلوي والجثة الجديدة
والحمض النووي اثبت واكدلنا انهم اخوات
فا عرفنا ان دي تبقي جثة الطفلة ناهد المفقودة
وبما ان ناهد كانت مقتولة ومدفونة في برميل وعليها اسمنت
ودي نفس الطريقة الي اتدفنت بيها سلوي
يبقي القاتل واحد
وكدا تبقي امك يا اميرة ق..*تلت بنات اختها الاتنين
فا خفضت اميرة راسها في الارض
بدون ما تنطق بكلمة
للكاتبة...حنان حسن
تابع صفحتي
روايات حنون المصرية
في اللحظة دي
كنا خلاص اتعرفنا علي التوكة
واميرة ادلت بشهادتها
وبعدما انتهت مهمتنا
امرنا الضابط بالانصراف
وبمجرد ما خرجنا من قسم الشرطة
حسيت ان الدنيا بتلف بيا
وقعدت علي الرصيف
فا حاولت اميرة تهديني
فا طبطبت عليا وهي بتعزيني
وقالتلي...البقية في حياتك يا عبير
في اللحظة دي
جسمي نفر من لمسة ايديها
و دماغي كانت بدات تودي وتجيب
فا سالت اميرة
وقلتلها...
لو سلمنا بان امك قت..*لت اختي سلوي عشان طفشت ولا زي ما كانت بتقول ان مشيها كان بطال
تقدري تقوليلي ايه الي يخليها تقتل اختي ناهد
الطفلة الي مكنتش كملت سنتين ؟
فا ردت اميرة باسف
وقالتلي...
انا عارفة اني مهما قولتلك من مبررات ولا اعتذارات ...مش هقدر ابرر الج..*ريمة الي ارتكبتها امي في حق اخواتك
اكيد امي كانت مصابة بمرض نفسي
ولا كانت مجنونة وانا معرفش
للكاتبة..حنان حسن
تابع صفحتي
روايات حنون المصرية
في اللحظة دي
بصتلها بشك
وقلتلها...
ولما هي كانت مجنونة ليه مخلصتش عليكي انتي كمان؟
فا ردت اميرة
وقالتلي
تقصدي ايه؟
فا رديت بغضب
وقلتلها...
لو امك كانت مجنونة يا اميرة
كان زمانك مدفونة في برميل علي سطح
لان المجنون مش بيقدر يفرق بين ولاده وبنات اختة
لكن واضح ان امك كانت عاقلة وعارفة كويس هي بتعمل ايه
وقبل ما اميرة ترد علي كلامي
وصلت سيارة الاوبر الي اميرة كانت اتصلت وطلبتها
فا ركبنا وروحنا علي البيت
واول ما دخلت شقة اميرة حسيت نفسي مخنوقة ومش طايقة ابص في وشها
فا اخدت نفسي ونزلت تاني
بدون ما اقولها انا رايحة فين
للكاتبة..حنان حسن
تابع صفحتي
روايات حنون المصرية
المهم
فضلت ماشية في الشوارع
وانا مش شايفة ادامي بسبب الدموع الي في عنيا
لحظتها كان شريط ذكرياتي بيمر ادام عنيا
وافتكرت لما كنا بنتلم انا واخواتي في الشتاء ..
وننام ونتدفي في حضن بعض
افتكرت سلوي وجمالها
وافتكرت ناهد وطفولتها وشقاوتها
وكل ما افتكرهم كل ما الدموع تنزل اكتر وتحجب الرؤيا عن عيني
وفجاءة
سمعت صوت عربية بتفرمل ولقيت نفسي بطير في الهواء وبقع علي الارض
وبعدها مدرتش بنفسي
غير وانا في المستشفي
والطبيبة بتقولي ..حمدلله علي سلامتك
فا سالتها
وقلتلها...هو انا جرالي ايه؟
فا ردت وهي بتحاول تشرح لي الي حصل
وقالتلي... انتي اتعرضتي لحادثة سيارة
اتسببتلك في ردود وكدمات
احنا كنا شاكين في ارتجاج بالمخ
لكن الحمد لله الاشعة بتقول ان مفيش كسور ولا ارتجاج
وحتي الحمل الي في بطنك بخير وزي الفل
في اللحظة دي
شكيت في سمعي وفي وداني
فا استرجعت كلامها تاني
وسالتها
وقلتلها...انتي قولتي حمل؟
ولا انا سمعت غلط؟
فا ردت الطبية
وقالتلي..ايوه انتي حامل
احنا كشفنا عليكي واتأكدنا انك حامل في الاسابيع الاولي
هو انتي مكنتيش تعرفي ولا ايه؟
للكاتبة..حنان حسن
تابع صفحتي
روايات حنون المصرية
في اللحظة دي
لقيت نفسي هتجنن
وبقيت اقول لنفسي..ازاي؟
حامل ازاي ؟ ومين مين؟
دنا محدش لمسني نهائي؟
المهم
بعدما اتعافيت روحت علي شقة اميرة
و سالتها هي بتعطي مفتاح شقتها
لمين..ومين ممكن يدخل علينا واحنا نايمين
فا استغربت اميرة من سؤالي
وقالتلي...انا مش بعطي مفاتيح شقتي لايةحد نهائي
ولما سالتني عن سبب سؤالي
صارحتها بالحقيقة
وقلتلها اني اكتشفت باني حامل لكن معرفش حامل من مين
في اللحظة دي
ضحكت اميرة علي كلامي
وقالتلي...يظهر ان الدكتورة دي لسة متخرجة
وبتهبد باي كلام
معقولة تصدقي دكتورة امتياز
وتخليها تشكك في نفسك؟
تعالي بس نامي دلوقتي
وانا هجيبلك دكتور يكشف عليكي ويطمنك
و هثبتلك ان كلام الدكتورة دا بلح
وبالفعل
نمت وهديت
لكن بعد شوية صحيت علي صوت اميرة
ولقيتهاوبتقولي
قومي يا عبير دكتور عمرو وصل
فا قمت مفزوعة
وقلتلها...هو ايه الي جاب عمرو دلوقتي
فا ردت ببساطة
وقالتلي...
انا قولت محدش هيطمنك وهيثبتلك ان الدكتورة كان تشخيصها غلط
غير الدكتور عمرو
فا لطمت علي وجهي
وقلتلها... انتي ازاي تقولي لعمرو حاجة زي دي
وقبل ما اميرة ترد عليا
لقيت عمرو بيخبط علي الباب
ولما اذنتلة بالدخول
سالني وهو في منتهي القلق
وقالي...انتي ازاي تتعرضي لحادثة ومتتصليش بيا ؟
فا رديت وانا بداري توتري با ابتسامة
وقلتلة
دي كانت حادثة بسيطة
وانا تمام...بس الي قلقني ان الدكتورة قالتلي معلومة غريبة
وهي...اني حامل
لكن طبعا انا مصدقتهاش
وهعمل تحليل دم عشان اثبت ان تشخيصها غلط
في اللحظة دي
اقترب مني الدكتور عمرو
وقالي...انا متاكد طبعا ان تشخيصها غلط
بس دا ميمنعش اننا نتاكد
ومدلي ايده بجهاز اختبار حمل
وقالي
خدي الجهاز دا
وادخلي الحمام اعملي اختبار وتعالي
ووبالفعل عملت الاختبار
للكاتبة..حنان حسن
تابع صفحتي
روايات حنون المصرية
وفي اللحظة دي
ظهر ادامي خطين حمر في الجهاز
ودا اكدلي ان تشخيص الدكتورة كان سليم
فا خرجت للدكتور عمرو
واعطيتة الجهاز وانا مزهولة
فا اخد عمرو الجهاز من ايدي
ولما اتأكد من اني حامل
فضل يبصلي بغضب
وبعدها... تركني ومشي
لكن قبل ما يخرج
تركلي رسالة مع اميرة
وقالها..انه قرر يفسخ خطوبتنا
لحظتها مكنش هاممني انه فسخ خطوبتي
علي اد ما خوفت لا يفضحني ويقول لايمن علي حقيقة حملي
المهم
بعدما قعدت مع نفسي
الشك بداء يساورني في كل الرجالة الي قابلتهم
لكن رجعت قولت لنفسي
اني من ساعة ما خرجت من الاصلحية
معرفتش غير اتنين رجالة
وهما
ايمن الشرقاوي..والدكتور عمرو
ودول محدش منهم لمسني ولا اختليت بواحد منهم
ولما رجعت اعتصر ذاكرتي
افتكرت ان محدش كان بيتعقبني وبيتابعني ديما غير الواد ابو نظارة
واتأكدت ظنوني لما افتكرت ساعة ما كنت بنام علي السطح في شقة ايمن الي كانت بدون باب ولا شباك
ورجعت قولت لنفسي
بس ازاي هحمل من طفل ؟
ابو نظارة دا طفل؟
وممكن كمان ميكونش بني ادم اصلا
لكن رجعت فكرت تاني
وقلت لا
انا فاكرة اني شوفت ابو نظارة وهو شاب كبير معدي الثلاثين
يعني وارد جدا ان يكون هو الي......
واثناء ما كنت عمالة افكر عشان اعرف مين ابو الحمل الي في بطني
سمعت صوت باب الشقة بيرن
ولما اميرة فتحت
شوفت ادامي ايمن الشرقاوي
وكان واضح من نظراتة عينة الي بتطق شرار
انه جاي وناوي علي الشر
وبدء كلامة معايا بسؤال
وقالي...اميرة قالتلي ان خطيبك تركك عشان طلعتي حامل
الكلام دا صحيح ؟
فا رديت بخجل
وقلتلة...ايوه انا اكتشفت فعلا اني حامل
لكن......
وقبل ما اشرحلة واقسملة واقولة اني معرفش دا حصل ازاي
لقيتة انقض عليا وفضل يضرب فيا وكان عامل زي المجنون
وفضل يتهمني بابشع الصفات
وبرغم ان اميرة حاولت تمنعة عني
لكن ايمن ه..*جم عليا ومسكني من شعري
ولقيتة بيرميني بره الشقة
وهو بيقولي...
انا قلتلك قبل كدا
ان بيتي مبيدخلوش غير الناس النضيفة
يعني انتي ملكيش مكان هنا
وبمجرد ما رماني بره الشقة
لقيت الدنيا اسودت في عنيا
فا قلت لنفسي
خلاص كدا...انا دلوقتي خسرت كل حاجة
اخواتي البنات ماتوا
والدكتور عمرو فسخ خطوبتة مني
وايمن استحالة يفكر فيا تاني بعد ما عرف اني بتاعة رجالة وحامل في الحرام
دا حتي اميرة فضحتني وشهرت بيا
وكشفت سري لعمرو وايمن
وكله كوم والحمل الي في بطني الي هيخلي فضيحتي لبانة في بق الناس كلها كوم تاني
كدا بقي مبقاش لها لازمة العيشة
ولازم انت...*حر
وبعدما عزمت اني اخلص من حياتي
نزلت اجري من علي السلم..
واتجهت ناحية المحطة
وكان هدفي اني اوصل لمحطة القطر
وارمي نفسي تحت اول قطار يعدي
للكاتبة..حنان حسن
تابع صفحتي
روايات حنون المصرية
وبالفعل
وصلت لمحطة القطار وانتظرت لما القطار اقترب
وبدات استعد اني اقفز علي شريط السكة الحديد
لكن
قبل ما ارمي نفسي
اتفاجئت بايد بتمنعني
وحضن بيحميني من اذية نفسي
فا فضلت اتنفض واعيط وانا في حضن المنقذ
من شدة هلعي وخوفي من صوت القطار
الي كان علي وشك انه يقضي عليا
وبعدما عدي القطار واختفي صوتة
خرجت من الحضن الي كان بيحميني
وبصيت في وجه المنقذ
واكتشفت لحظتها ان الي واقف ادامي هو الدكتور عمرو
للكاتبة...حنان حسن
تابع صفحتي
روايات حنون المصرية
وفي اللحظة دي
شوفت دموعة بتلمع في عنية
فسالتة
وقلتلة...ليه مسبتنيش ام...*وت ؟
فا لقيتة مسك ايدي
وقالي..
لو تعرفي انا بحبك اد ايه مكنتيش هتسألي السؤال دا
فا رديت
وقلتلة...بس انا عندي مشكلة كبيرة وملهاش حل غير الموت
فا مسح عمرو الدموع من عنيا
وهو بيرد
وبيقولي...مفيش مشكلة ملهاش حل
وانا هفضل معاكي وهساعدك ومش هسيبك غير لما نحلها مع بعض
لاني مصمم اننا نتجوز ونعيش مع بعض عمرنا الي جاي
فا رجعت سالتة تاني
وقلتلة...وهنحلها ازاي
فا رد عمرو
وقالي...واضح ان الحمل في اوله
ودا من حسن حظك
لانك ممكن تتخلصي منه بعملية صغيرة
وبكدا هتبقي المشكلة انتهت وكأن شيئا لم يكن
ساعتها بقي هاخدك اعرفك علي اهلي في المنوفية ونتجوز هناك
بعدما سمعت كلامة وعرفت انه مازال بيعرض عليا الزواج
سالتة
وقلتلة...هو انت بجد ممكن تسامح وتغفرلي موضوع الحمل دا
فا ابتسم عمرو
وقالي...انا من دلوقتي هعتبر ان الموضوع دا محصلش وبمجرد ما المشكلة تنتهي مش هنتكلم فيها تاني ابدا
وغير عمرو الموضوع
ورجع يكلمني عن خطة ارتباطنا تاني
وقالي...
المهم ياستي
بعدما هعرفك علي اهلي هنرجع نستقر هنا جنب شغلي ونخلف صبيان وبنات
وهعوضك عن كل الي فات
ها ايه رايك
للكاتبة..حنان حسن
تابع صفحتي
روايات حنون المصرية
في اللحظة دي
حسيت ان عمرو بيحبني بجد
لانه الموقف الصعب الي انا فيه اثبت صدق مشاعرة
وعشان كدا كنت فرحانة بحبه ليا
وقررت اني اسمع كلامة وادخل اعمل العملية
واج...*هض الطفل الي في بطني
واتجوزه وافتح بيت واستقر وانسي الي فات
المهم
بعدما مشيت معاه لقيتة واخدني علي العيادة بتاعتة
واكتشفت انه بينام وبيقيم في مكان شغلة
يعني عنده عيادة كبيرة لكن ..
واخد فيها غرفة بينام فيها لغاية ما يشتري شقة
وطبعا تركلي الغرفة اقيم فيها لوحدي لغاية ما اعمل عملية الاج..*هاض عشان نقدر نتجوز
وبالفعل بدء في التنفيذ
واخدني عمرو عشان يجهزني للعملية
وعشان كان خايف عليا...عملي تحاليل كتير اوي
عشان يتأكد اني مش هيحصلي حاجة في العملية
وقبل العملية بكام ساعة
عمرو طلب مني انام كويس
علي ما يعدي عليا وياخدني للعيادة الي هيعملي فيها العملية
وبالفعل سمعت كلامة واستلقيت ع السرير وحاولت انام
و بعد فرك كتير في السرير
لقيت نفسي مش عارفة انام
لكن بعدماالنور قطع اضطريت استسلم للنوم
وبعدما غمضت عنيا ودخلت في النوم
سمعت صوت ايمن بينادي عليا
وبيقولي...انتي في خطر يا عبير
والدليل في الدرج
ورجع كرر الجملة تاني
وقالي
انتي في خطر يا عبير
والدليل في الدرج
للكاتبة..حنان حسن
تابع صفحتي
روايات حنون المصرية
في اللحظة دي
كنت فاكرة نفسي بحلم
فا قومت قعدت
وانا بستعيذ بالله ..
في الاول كنت متصورة اني كنت بحلم
لكن...لما صحيت وقعدت
اتفاجئت ان في جنبي علي المخدة نظارة طبية
والغريبة انها كانت شبيهة بالنظارة بتاعة الواد اياه
في اللحظة دي
اتاكدت اني مكنتش بحلم
وبرغم اني كنت مستغربة اني سمعت صوت ايمن
لكن...
دماغي كانت مشغولة بالكلام الي سمعتة منه
وتحديدا الجملة الي بتقول
(الدليل في الدرج)
في اللحظة دي
قمت بسرعة وبصيت حواليا علي الادراج الي في غرفة عمرو
وبدات افتش فيها درج درج
لغاية ما اتفاجئت بحاجة استحالة حد يتوقعها
عارفين لقيت ايه في الدرج......؟