شمس: مروان!!

مروان: نعم يا شمس..

شمس: انت مبتردش عليا ليه؟قعدت ارن عليك كتير!

مروان: كنت مشغول..

شمس: ومرنتش عليا ليه..ما الموبايل في ايدك اهوه..

مروان: مكنتش قادر اتكلم..

شمس: ليه ايه اللي حصل في المشروع؟

مروان: مفيش حاجه حصلت..

شمس: امال مالك كده؟

مروان: شمس ممكن خلاص..

شمس: خلاص ايه؟

مروان بضيق: خلاص يعني خلاص مش عايز أتكلم..

شمس: طب وانت بتزهق عليا ليه دلوقتي؟

مروان: ياستي معلش سبيني بقي..

شمس: خد انت رايح فين انا لسه مخلصتش كلامي..

مروان وهو ماشي: خشي جوه يا شمس..وفكك مني..

شمس: تصدق انا غلطانه..

مروان: اه غلطانه..

شمس: متردش عليا..وبصت عليه وهو ماشي وقالت: ماله ده؟

بليل شمس كانت قاعده في اوضتها وماسكه موبايلها..

شمس: ارن عليه اشوفه كان ماله؟ايوا هرن..ومسكت موبايلها ورنت..

شمس: انت مش بترد ليه؟! استني أرن تاني..

طيب متردش اوي..فاكر كده هتهرب مني..

مروان كان قاعد في اوضته وبيظبط كام حاجه في الشغل..سمع صوت شمس بتنادي من البلكونه..

مروان: لا بقي انتي مش طبيعيه بجد..

شمس: اطلع يا مرواااان..

مروان: فيه ايه؟

شمس: انزل تعالي..

مروان: مش نازل ويلا امشي من هنا..

شمس: بتكرشني يا ذوق؟

مروان:اه بكرشك وانا هسد البلكونه دي خالص..

شمس: متقلقش ليا خططي برضو...

مروان: يا بنتي سيبيني اعيش في سلام شويه..

شمس: انزل بقي زوري وجعني..

مروان: مش هنزل انا روحي..

شمس: بقولك إنزل انت عارف اني مجنونه..

مروان: علي نفسك يما..

شمس: هتندم..

مروان: هتعملي ايه؟

شمس: كل خير..

مروان: طب انتي عايزه ايه انا معنديش خلق اختار حاجه سامعه؟

شمس: لا مش هتختار حاجه..انزل بقي زهقتني..

مروان: أمري لله..ونزل

شمس: هات تليفونك كده..

مروان: ليه؟

شمس: هات بس..يعني انت شفت الموبايل ومردتش..

مروان: محصلش..

شمس: ايه كنت نايم علي نفسك..؟

مروان: انتي عماله ترغي ليه عايزه ايه؟

شمس: انت دبش بجد..

مروان: انتي اللي لسانك بينقط سكر..!!

شمس: ياعم ربنا يسامحك..فيه ايه بقي؟

مروان: يستي مفيش كنت مضايق شويه..

شمس: حصل حاجه في المشروع؟

مروان: لا بس حاسس انه هيفشل..ودي حاجه مزعلاني لاني تعبت فيه..

شمس: ايه اللي خلاك تحس بكده..

مروان: مفيش مجرد احساس..

شمس: يعني هما لسه مردوش اصلا..

مروان: اه..

شمس: يا شيخ منك لله..

مروان: فيه ايه؟

شمس: قالبها نكد وغم دنا قلت حصل مصيبه يساتر عليك بجد..

مروان: يستي انا كنت مضايق بس.

شمس: كده ومضايق بس..امال لو بعد الشر اترفض هتعمل ايه؟

مروان: عادي بقي نصيبي..

شمس: لا ياعم ان شاء الله هيتقبل وتاخد فلوس كتير كده علي قلبك..

مروان ضحك وقال: انتي كل همك الفلوس؟

شمس: ياعم انا غلطانه عايزه اضحكك..خد صحيح..

مروان: ايه ده؟

شمس: رز بلبن..

مروان: لا مش عايز..

شمس: امسك مش هرجع بيه انا..

مروان: يستي مش عايز..

شمس: امسك دوق يلا..

مروان: خلاص هبقي ادوق بعدين..

شمس: يلا المعلقه اهيه دوق..

مروان: يا بنتي بقول..

شمس: هو انا خيرتك؟

مروان: لا..

شمس: يبقي دوق وانت ساكت..

مروان: هاتي..

شمس: هااه حلو..؟

مروان: امم حلو اوي..

شمس: كويس انه عجبك..

مروان: انتي اللي عملاه؟

شمس: ايوا..

مروان: تسلم ايدك..

شمس بابتسامة: بالهنا والشفا...همشي انا بقي..

مروان: ماشي..وياريت بلاش البلكونه تاني؟

شمس: ابقي عبرني الاول نفسي مره ترد عليا..

مروان: مش فاضيلك انا..

شمس: تفضالي سامع؟

مروان: سامع..

شمس: تفضالي..

مروان: يستي حاضر..

>>>>>>>>>>>>>>>>>>>

بعد يومين كانوا العيلتين هيسهروا مع بعض..

سلوي: بتدوري علي مروان؟

شمس ضحكت وقالت: اه..

سلوي: هيخلص شغل وييجي هو اكيد قايلك..

شمس: ايوا قالي طبعا..

سلوي: زمانه جاي مش هيتأخر..

شمس: تمام يا طنط..

بعد شويه مروان وصل..

مروان: السلام عليكم...

زينب: عليكم السلام اهلا يا حبيبي نورت..

مروان: ده نورك يا حبيبتي..

وسلم عليهم كلهم..وبص علي شمس لقاها قاعده قاعده في جنب راحلها..

مروان: ايه سرحانه في ايه كده؟

شمس: مفيش..

مروان: عامله ايه؟

شمس: كويسه..

مروان: فيه حاجه مزعلاكي؟

شمس بضيق: مروان هو انت ليه مش عاملي اعتبار كده؟

مروان: ليه بتقولي كده؟

شمس: يعني انا بحترمك وبقولك لو راحه اي مكان وعلطول بكلمك..بس انت لا..

مروان: عادي يعني يا شمس..

شمس: لا مش عادي يعني مامتك دلوقتي قالتلي هو في الشغل واكيد قايلك..قلتلها اه..افرض مثلا جات وسألتني هقولها مش عارفه!!

مروان: خلاص يستي هبقي اقولك انا رايح فين بعد كده..

شمس: وانا مش عايزه اعرف..

مروان: امال عامله الحوار ده كله ليه؟

شمس: حوار..يعني انا بعمل حوار يا مروان؟

مروان: ما كلنا بنعمل حوار يا شمس..

شمس: ماشي يا مروان..انا هوريك الوش التاني..

مروان ضحك وقال: ايوا هتعملي ايه مش فاهم..

شمس: انا بعمل مش بقول...

مروان: لا حلوه..

شمس: منا عارفه..

مروان: ما خلاص بقي افردي وشك..

شمس: وانت مالك افرده ولا اكرمشه..

مروان: انا خطيبك يا هانم..

شمس: معلش..ريح بقي..

مروان: عندي ليكي خبر حلو..

شمس: مش عايزه اسمع..

مروان: بس انا عايز اقولك..

شمس: لا..هسد ودني..

مروان: لا هقول..

شمس: قول وخلصني

مروان: المشروع اتوافق عليه خلاص..

شمس بابتسامة:  بجد..عيب عليك انا قلتلك هينجح..

مروان: ارتحت بجد ان تعبي مضعش..

شمس:خليك واثق ان ربنا مش بيضيع تعب حد..خد كلامي ثقه بعد كده..

مروان: كلامك انتي؟

شمس: انت مُصر تعصبني..

مروان: خلاص يستي هخده..

شمس: مش حاضر بتريح؟

مروان: اه..

شمس: قولها علطول بقي..

مروان بضحك: حاضر..

>>>>>>>>>>>>>>>>>>>>

هنا كانت داخله عند شمس وفي نفس الوقت آسر كان داخل بالعربيه..

آسر نزل من العربيه وقال: يا صباح الفل..

هنا لفت وقالت: انت تاني؟

آسر: قصدك تالت..

هنا: هو انا مش هخلص منك بقي؟

آسر: ده قدر..وانا قدرك

هنا: بعد الشر..

آسر: من ورا قلبك..

هنا: من جوه قلبي اقسم بالله..

آسر: يستي الحب بييجي مع الوقت..

هنا: دانت ناوي بقي..

آسر: بذمتك حد يفرط في الحلاوه دي..

هنا: يابني اتلم متخلنيش اعمل حاجه واندم عليها..

آسر: عشان هصعب عليكي صح..؟

هنا: انت دمج؟

آسر: خلي بالك انا مهندس قد الدنيا..

هنا: انت مهندس؟!

آسر: إيه شكلي ميديش..؟

هنا: لا اصل انا كمان مهندسه..

آسر: سبحان الله وده ميلفتش نظرك لحاجه..؟

هنا: انا ايه اللي خلاني اتكلم بس؟

آسر: امي هتفرح اوي..

هنا: ليه؟

آسر: كان نفسها أتجوز مهندسه..

هنا ضحكت وقالت: اللي هي انا؟

آسر: ليه هو فيه غيرك في قلبي اصلا..

هنا: انا جاتلي فكره حلوه..

آسر: إيه هي؟

هنا: انت محتاج عمليه..

آسر: بجد ليه في حاجه في وشي مش عجباكي..؟

هنا: لا دي خلقه ربنا مندخلش فيها..

آسر: امال ايه؟

هنا: انت عايز عمليه قلب مفتوح هنعمل فيها ايه بقي هنجيب مشرط ويكون حامي..

آسر:وبعدين..

هنا: وبعدين نفتح قلبك ويشيلوني وبعدين نقفله تاني..وبس..

آسر: طب منا اقولك حل احلي..تحبيني ونتجوز وتفرحي امي..

هنا: لا ده مستحيل..انا قلتلك علي الحل الممكن..

آسر: اسمها قلب مفتوح؟

هنا: اه..

آسر: دنا هروح اعمل قلب مقفول..

هنا: ايه دي؟

آسر: دي بقي يستي هيقوموا جايبين نفس المشرط الحامي برضو ويفتحوا قلبي..ويحطوكي جوه ويقفلوا وكده مش هتعرفي تطلعي خالص..

هنا ضحكت وقالت: انت مشكله بجد..

آسر: حل حلو صح؟

هنا: انا ماشيه الكلام معاك صعب..

آسر: خدي بس..

هنا: إمشي إمشي..

>>>>>>>>>>>>>>>>>>>>>>

شمس: الو يا مروان..سنه علي ما ترد..

مروان: إيه يا بنتي كنت نايم..

شمس: نايم الساعه خمسه ليه يا باشا..

مروان: حرام يعني..جيت من الشغل ومكنتش نمت كويس فقلت انام شويه..

شمس: يلا كفايه عليك كده الراحه خلصت..

مروان: بس انا مش ورايا حاجه..

شمس: لا وراك هتوديني المول..

مروان: نعم!!

شمس: ايه هتيجي معايا..

مروان: ده ليه ان شاء الله..انتي مش معاكي عربيه..

شمس: عشان تونسني..

مروان: انتي بتكلمي جد؟

شمس: يا عم العربيه بتاعتي بتتصلح..

مروان: اركبي اوبر..

شمس: يعني ده كلام؟

مروان: فيها ايه يعني؟

شمس: انا اصلا كنت هركب اوبر..بس امي قالتلي خلي خطيبك يوصلك..قلت ايوا اما استغلك شويه..

مروان: اكتر من كده..

شمس: يلا يا عسل قوم البس وسرح شعرك وتعالي..

مروان: انت بتكلمي ابن اختك..

شمس: يلا بقي اعمل اي مصلحه..

مروان: عمرك ما خلتيني اقعد مرتاح شويه..

شمس: يا عم قوم بقي..بطل ندب..

مروان: يعني ده اسلوب تكلمني بيه؟

شمس: حقك عليا  يا خطيبي..

مروان: اسكتي اسكتي انا مش خطيب حد..

شمس: يارب صبرني عشان خلقي ضاق..

مروان: هيصبرك ياختي انا قايم البس..

شمس: شطور..

بعد شويه كانوا وصلوا المول..

شمس: استعنا علي الشقا بالله..جاهز؟

مروان: لإيه؟

شمس: عشان نلف..

مروان: قصدك عشان تلفي..

شمس: لا قصدي عشان نلف..

مروان: انا شايفك بسم الله ماشاء الله كبيره وتعرفي تمشي لوحدك..

شمس: يعني تسيب بنوته قمر زيي كده تمشي لوحدها..افرض حد ضايقني او كده..

مروان:متخافيش انتي اللي شايفه كده بس..

شمس: يعني ايه؟؟

مروان: إيه؟

شمس: قصدك ان انا مش قمر؟!

مروان: انا مقلتش كده..

شمس: طب قول..

مروان: قمر يا شمس قمر..

شمس: من غير نفس بس هعديها..

مروان: ايه هتروحي فين الاول..؟!

شمس: بسم الله ماشاء الله..

مروان: إيه؟

شمس: شايف المز اللي علي اللوحه هناك ده؟

مروان: ماله المز؟

شمس: كان فتي احلامي..

مروان: مش حلو علفكره...

شمس: معلش..

مروان: بعدين ثانيه واحده..اني شايفاني أرطاس جوافه؟

شمس: لا ليه؟

مروان: في واحده تقول لخطيبها علي واحد تاني مز قدامه..

شمس: اقول من وراك يعني؟!

مروان: والله طب ما اقفش دلوقتي بقي؟

شمس: وتقفش ليه؟

مروان: طب يا شمس  قولي دلوقتى انت أحلي يا مروان..

شمس: أستغفر الله انت عايزني اكدب كدبه زي دي..

مروان: طيب يا شمس..

شمس ضحكت وقالت: إيه ده انت اتقمصت..

مروان: لا عادي..

شمس: طب خلاص والله انا بهزر..

مروان: خلاص مفيش حاجه..

شمس: طب بأمانه انت شكلك احلي علفكره..

مروان: بجد؟

شمس بابتسامة: اه انا اصلا كنت بحبه عشان عضلاته بس في الشكل انت أحلي..

مروان : متكسفنيش بقي..

شمس ضحكت وقالت : تصدق انا غلطانه..هو احلي علفكره وانا بجبر بخاطرك

مروان: لا بس انت حلفتي..

شمس: ربنا يسامحني بقي..

مروان: طب يلا قدامي..عشان مرتكبش فيكي جريمه انهارده..

يتبع..