الايام بتمر والسنين بتجري وكل واحد بياخد نصيبه من الدنيا ونور قررت من ست سنين ان الوجع مش هيكسرها وفتحت صفحة جديدة خالص في السعودية وعافرت وتعبت لحد ما بنت لنفسها اسم كبير في مجال الدعاية والاعلان وبقت مديرة وكالة اعلانات مشهورة جدا والكل بيعملها الف حساب

وفي يوم من الايام كان فيه ايفنت شغل ضخم بيجمع اكبر شركات الاعلانات في الوطن العربي وكريم كان حاضر الايفنت دا ممثل عن شركته في مصر كريم طول الست سنين دول كان عايش مكسور والندم مبيفارقش قلبه وجوازه من رانيا مكملش وانفصلوا بعد سنة واحدة لان صورته قدام نفسه كانت مشوهة ومش قادر ينسى ظلم نور وفي وسط الزحمة والصوت العالي كريم لمح ست واقفه بثقة وشموخ والكل بيلتف حواليها وبيسمع كلامها ركز في ملامحها وقلبه بدأ يدق بسرعة رهيبة مش ممكن تكون هي دي نور المكسورة الحزينة اللي سابت البيت وهي بتعيط نور دلوقتي بقت انسانة تانية خالص جمال وثقة ونجاح

كريم مشي بخطوات بطيئة وتعبانة وقرب منها وقال بصوت مرعوش وصدمة نور

نور لفت وشها وبصتله بكل هدوء وبرود مكنش متوقعه وعيونها مفيش فيها أي نظرة خوف او انكسار وقالتله بكل رقي اهلا يا كريم

كريم الدموع لمعت في عينه وقالها انا مش مصدق اني شوفتك انا بقالي ست سنين بدور عليكي في كل مكان ومش لاقيكي انا اسف يا نور اسف على كل قلم وكل اهانة وكل ليلة سبتك فيها مظلومة وجعانة وجع اللحظة دي مبيفارقش قلبي ونفسي تسامحيني وفي اللحظة دي جه ولد طويل وماشي بثقة وبص لكريم وقال يا ماما مين دا نور ابتسمت وبصت للولد وقالت لكريم دا يوسف ابن اخوك الله يرحمه يوسف دلوقتي بقى عنده حداشر سنة

كريم اول ما سمع الاسم وبص للواد لقى ملامح اخوه كلها فيه نزل على ركبه في وسط القاعة ودموعه نزلت وخد يوسف في حضنه بكل قوته وبقى يعيط ويقوله سامحني يا ابني سامحني اني مكنتش ليك السند ويوسف كان واقف مستغرب وبيبص لامه ونور شاورت ليوسف يروح يقف بعيد شوية وبصت لكريم وقالتله خلاص يا كريم كل شيء نصيب والماضي انتهى

كريم قام وبصلها بندم شديد وقالها انا امي ماتت من القهرة والندم قبل ما تموت كانت دايما بتدعي ربنا انك تسامحيها وماتت وهي حزينة على اللي عملته فيكي ارجوكي يا نور اسامحيها واسامحيني انا كمان عشان نرتاح

نور ابتسمت ابتسامة هادية وصافية وقالتله انا سامحتها وسامحتك من زمان يا كريم لان ربنا عادل ومبيضيعش حق حد وربنا عوضني عن كل الوجع والعذاب اللي شوفتوا زمان براجل كويس اوي

وفي نفس اللحظة دي جه شاب سعودي وسيم ولابس لبس راقي وبص لنور بكل حب وحنان وقرب منها وباس راسها قدام كريم وقالها بنبرة كلها فخر وود يا روحي كل الناس برة بتتكلم عن نجاحك وعن الايفنت العظيم دا وبص لكريم وقال بكل ذوق ومش هتعرفني بضيفك يا نور

نور بصت للشاب السعودي وعيونها لمعت بالفرحة والامان وبصت لكريم وقالتله اعرفك دا فيصل جوزي وسندي في الدنيا دي

كريم بصلهم والكسرة والندم ملوا قلبه لانه ادرك ان القطار فات وان البنت اللي ظلمها زمان ربنا كرمها وعوضها باللي يقدر قيمتها ويحميها ويصونها وسابهم ومشي وهو حاسس ان عقاب ربنا كان شديد بس عادل والقصة انتهت وكل واحد راحت حياته في المكان اللي يستاهله

تمت