رواية ولكنني حرة من الفصل الاول للاخير بقلم ملك شكري
رواية ولكنني حرة من الفصل الاول للاخير هي رواية من كتابة ملك شكري رواية ولكنني حرة من الفصل الاول للاخير صدر لاول مرة على موقع التواصل الاجتماعى فيسبوك رواية ولكنني حرة من الفصل الاول للاخير حقق تفاعل كبير على الفيسبوك لذلك سنعرض لكم رواية ولكنني حرة من الفصل الاول للاخير
رواية ولكنني حرة من الفصل الاول للاخير
ياعم سيبني وربنا ما انا
البودي جارد وهو بيزقها جوا العربيه: ادخلي يابت وبلاش غلبه بقا
البنت واسمها قمر: ياعم بقا انت بتزق فرخه ما براحه
دخلوها جوا العربيه ومشيو لحد قصر كبير جدا ديكوره زي الديكورات الفرعونيه وكأنه قصر ف اوروبا من كتر رقيه وجماله
قمر بمرح سقفت جامد: هههه الله انا لو هتخطف هنا معنديش مانع
الشاب الي كان بيدخلها ع جوا: يابت اسكتي بقا صدعتي امي
قمر: استنى انت بس انتو هتخطفوني هنا بجد
الشاب واسمه عمر: يخربيتك اتهدي
وجه كلامه ل بودي جارد واقف جمبه ف نص جنينه القصر: خدها ع البدروم لحد ما اشوف بدر باشا فين
البودي جارد خد قمر دخلها البدروم
قمر: لا متفقناش على كده انا كنت فاكره اني هتخطف ف القصر الي اكبر من شارعنا ده
زقها البودي جارد جوا البدروم وقفل الباب
قمر وهي بتكلم نفسها: طب اي اي جو المافيا ده يعني ناس بالغنى ده وحاطين لمبه واحده ف المكان الواسع ده بس يلا احسن من مفيش وبعدين مين بدر باشا ده اكيد ده الي خاطفني ومن اسمه كده باين عليه انه مز زي بتوع الروايات ويخطفني بعد كده يقع ف حبي هييييح مكملتش كلامها لقت الباب بيتفتح وبيدخل شاب ملامحه مش باينه اوي لان الأضائه مكانتش احسن حاجه الي كان باين بس جسمه الرياضي العريض
دخل بطل روايتنا بخطوات ثابته وواثقه وقعد ع الكرسي الي كان ف وش قمر
قعد بدر بهدوء مميت ع الكرسي الهزاز الي قدام قمر شاور بأيده ل عمر الي كان داخل معاه انه يخرج
عمر وعارف ان بدر ممكن يتعصب ويموتها: هفضل معاك. يا..
بدر واتكلم بصوت هز كل جدران المكان: قولت برههه
طلع عمر بسرعه وقمر الي بان على ملامحها الخوف
لما قعد قدامها ملامحه بانت وبان انه وسيم جدا جدا
فضلت قمر متنحه ف وشه واتكلمت بصوت خافت: اوووف اي ياعم الجمال ده ده اناجزعت
بدر ابتسم ابتسامه خفيفه على كلامها بس قدر انه يداريها بسرعه
قمر لاحظت انه كان باصص ف نقطه معينه قامت براحه جدا مشيت ع طراطيف صوابعها ووقفت فضلت تشاور قدام وشه وعرفت انه.. انه اعمى
لسه جايه ترجع مكانها بنفس الهدوء قام بدر وبحركه سريعه مسكها من دراعها: فاكره انك لما تمشي على طراطيف صوابعك كده مش هعرف انك قومتي كمل بحده وصوت عالي: انا اعمى بس مش اهبل يا ليان هانم
قمر بستفهام واتكلمت بطريقه تضحك: لا بقا ثواني كده اقعد بس بدل ما انت واقف ولما ببصلك برفع راسي فوق وشويه وهتتخلع اقعد
قعد بدر وهي ربعت ف الارض قدامه: مين ليان دي بقا ياعم انا اعرف على حسب معلوماتي اني اسمي قمر
بدر بستفهام ونرفزه: انتي هتستعبطي ياروح امك انتي شيفاني عيل اهبل قدامك
قمر: ياعم اهدى بس وانت حلو كده وربنا انا معرف حاجه مين ليان دي واستعبطك اي انا اعرفك منين اصلا انا اول مره اشوف الحلاوه دي قصدي اشوفك
بدر بستغراب: ازاي
قمر بمرح: زي السكر ف الشاي هههه
بدر زعق: بسس
قمر اتنفضت: خرست
بدر: ازاي وفهميني واحده واحده كده
قمر: شوف ياعم انا كنت خارجه من الجامعه مع البت نور صحبتي خير اللهم اجعله خير لقتني بتشد ف عربيه jeep سودا اوووف ياجدع جامده بجد معلينا قعدت افلفص كده معرفتش والجدع الحليوه ده الي دخل معاك دخلني العربيه وجينا ع هنا بس كده
بدر ابتدا يستغرب اكتر: ازااي قمر مين وليان اصلا مخلصه جامعه ازاااي
قمر وابتدت تخاف من صوته: وربنا معرف ياعم شايفني بنت عمها
بدر بسخريه: ههه وانا لو شايفك كان زماني سايبك ترغي لحد مصدعتيني كده
قمر: تصدق انا غلطانه
بدر: هوووش بقا اتكلم بصوت عالي وعصبيه: عمر عمرر تعالى بقولك
دخل عمر بسرعه: نعم يابدر
بدر: جايبلي واحده تانيه ياغبي وتقولي جبتلك ليان
عمر: نعمممم
ف نهايه الفصل اعرفكو ع اشخاص الروايه
قمر بطلتنا المزه المرحه جدا(20سنه، تانيه فنون جميله، عيونها زرقا فاتح نقدر نقول فيروزي، شعرها دهبي طويل الا بعد ضهرها واطول، طولها لايق على شكلها يعني نقدر نقول اقل من المتوسط شويه، جسمها متناسق جدا، عندها غمازات، نمش خفيف، خدودها الي دايما حمرا، دمها خفيف جدا)
بطلنا المز😂بدر(عيونه خضرا، اعمى ولأسباب هنعرفها،29سنه، طويل، جسمه رياضي جدا،دقنه خفيفه بني،شعره كثيف بني،عنده غمازات، اشهر واغنى رجل اعمال ف الشرق الاوسط نقدر نقول يملك نص البلد،شركاته معروفه ف كل البلاد)
نور صحبه قمر الأنتيم بستات يعني(عيونها بني، طولها متوسط، 20سنه، مرحه، شعرها اسود وسط)
عمر صاحب بدر الأنتيم بردو بينفذ له كل طلباته نقدر نقول دراعه اليمين ف كل حاجه(عيونه زيتوني، دقنه خفيفه بني غامق، شعره بني غامق، طويل، جسمه رياضي، شريك بدر ف شركه من شركاته)
عمر: نعممم ازاااي
بدر: انت بتسألني انا
قمر: ياجماعه استهدو بالله
الاتنين ف نفس واحد: اسكتي انتي
قمر بمرح: يعني اي اسكتي انتي
بدر قام وقف ف وشها بغضب حارق وهي رفعت راسها عشان تبصله
قمر بخوف وتوتر: والله بفككو استهدو بالله بس
بدر بهدوء مميت: لو مخرستيش هقطع لسانك ده واحطه جمبك كل شويه تبصيله وتعيطي
قمر سكتت نهائي
اتكلم عمر: انت قولتلي انها هتبقا مع صحبتها عند الكافيه الي جمب جامعه فنون جميله وده فعلا الي حصل لقيتهم خارجين من كافيه جمب الجامعه قولت اكيد هي دي لانها خارجه من نفس الكافيه ومعاها بنت زي ماقولت
بدر: انتي قولتي انك كنتي ف الجامعه
قمر: لارد
بدر زعق: اتزفتي ردي
قمر اتنفضت من صوته: انت اي ياعم مش انت الي قولتلي اسكتي معلينا احنا خلصنا جامعه وقولنا نستعبط ومنروحش البيت دلوقتي فدخلنا الكافيه ده قعدنا فيه شويه واحنا خارجين اتخطفت ولقيت نفسي هنا
بدر وابتدا يخبط على الحيطه بغضب: اغبيه اغبيههه كلكو اغبيه دبستوني ف بت هبله اصلا
قمر: اي ايي يا اخينا انتَ
مردش عليها بدر وخرج ووراه عمر
قمر: اوووف اي الزهق ده بس انا ابتديت اخاف الدنيا ابتدت تضلم والمبه دي مش عامله مفعول يخربيتكو انا بخاف من الضلمه
قعدت شويه ف ركن وضمت رجليها وسندت بأيدها على رجلها وفضلت تترعش جامد ودموعها ابتدت تنزل وكأن كوووول هزارها ومرحها اتبخر ف دقيقه ل مجرد انها حست انها فعلا ف خطر وانها مش حاجه يتهزر فيها ابدا هي اتخطفت بجد وحاليا ف مكان ضلمه وكله شبابيك خشب مدقوقه بمسامير لو قعدت للسنه الجايه مش هتعرف تفكهم والباب مقفول من بره ومتأمن كويس وبتفكر ياترا باباها عامل اي دلوقتي وخد الدوا ولا لأ
انتبهت بسرعه وقالت ببكاء مسموع وصوت مرتعش جدا: ب بابا ب بابا مخدش الدوا بابا هتجيله نوبه السكر بااابااا بابا هيتعب بابا هيسبني زي ماما وفرح ورهف لا لااا بابا
قامت بالعافيه وفضلت تخبط على الباب بهستيريه وكأن في حاجه بتطاردها ومش راحه عن بالها فضلت تخبط على الباب بهستيريه: ونبي افتحو ونبي ونبي حرام عليكو انا ماليش زنب لا بابا لااا كله الا بابا ارجوك يابدر بيه خليهم يفتحولي
فضلت تصرخ بهستيريه وكأن جالها حاله هستيريه غريبه: انتو استحاله تكونو بني ادمين افتحوووو بقولكو افتحو بصت حواليها لقت صوت غريب وحاجه بتمشي على الأرض لقته تع*بان صرخت بهستريه وحاليا مش عارفه تخاف على باباها ولا تترعب من الضلمه ولا تترعب من التع*بان ونبي ونبي افتحو بقا لقت التع*بان بيقرب وقعت مره واحده اغمى عليها
البودي جارد الي كان بيحرص الباب برا دخل على بدر المكتب وقال: بدر بيه البت الي ف البدروم فضلت تصرخ لحد مصدعت كل الرجاله ومره واحده الصوت قطع
بدر قام بسرعه ولأنه حافظ كل خطوه ف البيت والبدروم ده من ضمن البيت ف مخبطش ف حاجه دخل على البدروم وقال بزعيق وغضب: فك القفل ده
فك البودي جارد القفل دخل بدر وهو داخل للبدروم اتكعبل ف حاجه فضل ماشي برجله وعرف ان دي رجلها وعرف ان اغمى عليها
البودي جارد: تقريبا اغمى عليها لما شافت الت*عبان
بدر ومش عارف ليه حس بقلق: ط طب شيله ف الصندوق دلوقتي ووطى شال قمر وخرج بيها بره البدروم وطلعها ف اوضه من اوض القصر وخلا الخدامه تشوف عمر فين جيه عمر بسرعه اتكلم بدر: اتصل بدكتوره
اتصل عمر ب دكتور وجيه
جيه الدكتور: فين المريضه
بدر اتكلم بغضب: هو انا مش قولتلك دكتوره ولا انت مبتفهمش
عمر: معلش يابدر خلي يكشف عليها عشان نخلص
دخل الدكتور ودخل معاه بدر
الدكتور: ممكن تخرج عشان اعرف اكشف عليها يابدر بيه
بدر وعصبيه وصلت لأخرها: نعم ياروح امك طب اكشف عليها دلوقتي احسن لك بدل ما اعمل ف وش امك ده خرايط واخليك تروح بيتك على نقاله
اترعب منه الدكتور وابتدا يكشف عليها
اتكلم الدكتور بعد ما خلص: جالها انهيار عصبي وواضح من شكلها انها مرهقه جداً ياريت تاخد بالها من اكلها وصحتها
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر: عمر وصل الدكتور
خد عمر الدكتور وخرج
راح بدر ناحيه سرير قمر ومد ايده بتردد ولمس ملامح وشها وابتدا يتخيل ملامحها ويرسم ليها صوره ف دماغه لمس رموشها الي كانت طويله وكثيفه ومناخيرها الصغيره وفضل ماشي بأيده على شعرها لحد نص السرير تقريبا واتأكد ان شعرها طويل ومن ملمسه انه ناعم ونازل ب ويفي ابتسم ابتسامه خفيفه ميعرفش سببها ولكن بردو اخفاها بسرعه البرق وخرج من الاوضه بسرعه ودخل اوضته الي كانت جمب اوضه قمر
مدد على سريره وبعد ساعه تقريبا فاق على صوت صريخ هستيري قام بسرعه فتح الباب ودخل اوضه قمر الي كانت بتعيط وتصرخ بهستيريه
قمر ونص كلامها مش مفهوم من العياط بس الي فهمه: ش شوفت ت تع*بان ف في ضلمه ا انا بخاف من الضلمه ب بابا ا الدوا ب بابا هيموت ارجووك
بدر اتكلم بصوت حنين: طب اهدي اهدي وفهميني بس اهدي
قمر ابتدت تهدا بس على لسانها نفس الكلمات
بدر بحنيه وهدوء: طيب ممكن تهدي وتفهميني
قمر هديت بس من وقت للتاني بتشهق من العياط: بابا بابا هيموت لو مخدش الدوا ف معاده هيجيله نوبه السكر وممكن تسببله غيبوبه ومعرفش ممكن يفوق منها ولا لأ ارجوك احبسني هنا زي ما انت عايز بس اتصل ب بابا اطمن عليه ارجوك
بدر ومعرفش ليه اتعاطف معاها او ليه حس بشفقه من ناحيتها
بدر: طب فين فونك
قمر فضلت تخبط ع جيوبها وتدور عليه ملقتهوش لسه كانت هتعيط تاني
بدر بسرعه: باااس هووش خدي فوني اكتبي رقم باباكي لو حفظاه وكلميه
قمر خدته منه بسرعه وكتبت الرقم واتصلت
رد والد قمر واسمه حسام:الو سلام عليكم
قمر واتنهدت برتياح بعد ما سمعت صوته: وعليكم السلام عامل اي يابابا انت كويس
حسام بحنيه: قمر ياحبيبتي يابنتي كده تقلقيني عليكي ياقلب ابوكي
قمر بحب ودمعه نزلت منها مسحتها بسرعه: حقك عليا ياحبيب قلب قمر معلش ياحبيبي فوني فصل شحن وانا عند البت ريتاج صحبتي عشان اهلها مسافرين وقالتلي اقعد معاها يوم لحد ما يجو اسفه يابابا حقك عليا معرفتش اطمنك
حسام: ولا يهمك ياحبيبتي اتبسطي بس ابقي طمنيني عليكي
قمر: حاضر خد الادويه بمواعيدها عندك دوا معاده الساعه 11متنساش بالله عليك يلا ف امانه الله مع السلامه
قفلت مع والدها واتنهدت برتياح وملاحظتش بدر الي كان متابع مكالمتها ببتسامه
قمر بصتله: شكرا جدا يا استاذ بدر
بدر ورجع ل الجديه: العفو+كل الصراخ ده عشان باباكي
قمر: ده الي بقيلي من الدنيا ده سندي وضهري ف الدنيا كلهم راحو مش هسيبه هو كمان يروح وبعدين في في ت تع*بان انا شوفتو وانا عندي فوبيا من التع*ابين والحشرات عموما وعندي فوبيا من الضلمه ف كله اتراكم عليا بقا
بدر: خوافه يعني
قمر: لا مش خوافه
بدر: ممم باااين
قمر بدون وعي: مز بس سخيف
بدر........
يتبععععع.......
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر بصلها قمر اتوترت: اي ياعم حد. ياخد على كلام عيله يلا شوف رايح فين
بدر: اول مره تقولي كلمه صح
خرج بدر وبصت قمر مكان ما خرج ب هيام: هيييح قره عيني
(قمر بتمثلنا مع كل بطل روايه ياجماعه😂)
قعدت قمر ساعه... ف التانيه... ف التالته
قمر بملل: لا بقا انا مش متعودا على السكوت والزهق ده وبعدين الواحد جعاان قامت من مكانها وفتحت الباب وخرجت
قمر بخوف: اي اي الضلمه دي ا اي ده ب بدر بيه ب بدر
ابتدا صوتها يعلى بخوف: بدر بدرر
فضلت ماشيه لحد ما خطت خطوه
بس على الهوا لان كان فيه سلم المفروض تنزله وهي مشافتوش لسه هتقع على السلم لقت ايد مسكتها جامد وشدتها عليه صرخت صرخه بعد كده سكتت لما سمعت صوت بدر وهو بيقولها: اهدي ده انا
قمر فضلت تنهج بسبب الصرخه والخوف وضربات قلبها زادت وبدر فضل ماسكها نفس المسكه قمر بتوتر وبتبعد: خلاص شكرا لسه هتبعد رجعت خطوه ل ورا وكانت هتقع تاني وبدر مسكها بسرعه سندت قمر عليه
بدر: اسيبك ولا امسكك
قمر: لا لا خلاص
قمر: اي ياربي فيلم الرعب الي انا فيه ده ما تفتح النور ياعم
بدر بعلو صوته نده الخدامه عشان تفتح النور وبعد ما النور اتفتح بعدت قمر برتباك
قمر: ش شكراً
بدر بجديه: العفو
بدر: اي الي خرجك من اوضتك
قمر: وانا لو كنت عارفه اني هخرج ف الضلمه دي كنت خرجت خرجت عشان زهقت بقالي تلت ساعات قاعده جوا زهقانه وبعدين انا جعانه
بدر ونسي خالص ان هي ممكن تكون جعانه لان مش متعود ان حد يقعد معاه ف البيت اصلا: بدر تحبي تاكلي اي
قمر بتفكير: ممم نجرسكو بحبها اوي
بدر: خلاص هطلبلك
قمر: لا انا هعملها انا بحب اعملها
بدر: انتي عايزه تتعبي وخلاص وبعدين براحتك وهو رايح على اوضته بيكلمها: المطبخ تحت على اليمين ياريت بلاش دوشه
قمر: خد خد بس انت رايح فين هو محدش قالك انك هتاكل معايا
بدر: لا محدش قالي انا مباكلش بليل
قمر بأمر: لا انا هنزل اعمل الأكل وانت هتنزل معايا وهتاكل معايا يا استاذ بدر حابسني هنا بمزاجك يبقا امشي انا بمزاجي المرادي
بدر بعد زن كتير منها وهو خلاص الصداع وصل للأخر وافق نزلوا على المطبخ راح بدر ناحيه السفره الي ف المطبخ وقعد عليها بملل وقمر هي الي واقفه بتطبخ بسعاده
قمر: فين المكرونه يابدر
بدر وحس ان لما شالت كلمه بيه من اسمه او نطقت اسمه عموما غير اي حد حس بأحساس غريب ومختلف
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر: عندك ف الدرفه الي فوق درج المعالق
فتحت الدرفه خدت المكرونه وابتدت انها تعملها وبعد نص ساعه وبدر خلاااص فاض بيه
بدر: يامسهل خلصتي ولا لسهه
قمر وهي بتدخلها الفرن: هااا خلاص خلصت ربع ساعه بس وتكون جهزت
خرجو من المطبخ واتكلمت قمر: عايزين نقعد ف الڤرندا
بدر: تمام
راحت قمر بعد وقت مش كبير جابت النجرسكو من الفرن وحطت بيبسي وراحت على الڤرندا بالأكل
لقت بدر قاعد وسرحان
بدر فاق من شروده على حركه قمر قدام وشه وهي بتحرك ايدها يمين وشمال
بدر: ياربي والله اول مره اشوف حد بالغباء ده وربنا انا مبشوووف انا مبشوفش ياشيخه هكدب عليكي ليه
قمر وهي بتقعد ع الكرسي الي جمبه: خلاص ياعم متزعقش انا نسيت ولقيتك سرحان قولت افوقك وبعدين ما انت عرفت اهو وفوقت ده انت بتشوف احسن مني
بدر: قري فيها بقا
قمر: لا ياعم ولا اقر ولا حاجه يلا عشان تاكل
بدر ابتدا ياكل وميكدبش ان فعلا طعم النجرسكو خطير ليها حاجه مميزه ادتها طعم خرافه
قمر: ها اي رأيك
بدر وحاول ميبينش انها عجبته: ممم يجي منها بردو
قمر: اوووف بقا رخم
بدر بتحذير: سمعتك بتقولي حاجه
قمر: ها ابدا انا باكل اشرب بيبسي اشرب
بعد وقت خلصو اكل وقعدو الاتنين ف شرود وهما ساكتين قطعت الصمت ده قمر وهي بتقول: انت كان قصدك تخطف مين بدالي
بدر: وانتي مالك
قمر: ياعم مش اسرار حربيه هي
بدر: دي بنت كانت بتشتغل عندنا ف الشركه واحنا ك شركه معروفه جداا ف الموضه والفشون عموما ف لينا تصاميم معينه ولو تصميم واحد منهم طلع برا في اسهم كتير ف الشركه ممكن تقع وهي بغبائها اتعونت مع شركه منافسه لينا واتفقو معاها انهم ياخدو التصميم ده لانه تصميم مهم وكان هيرفع الشركه بشكل واضح المهم ياخدو مقابل انهم يدوها مبلغ والبنت طمعت وبما انها كانت السكرتيره بتاعتي ف معاها كل التصاميم خدت التصميم وادتهولهم وبعدها اختفت وبندور عليها لان لو ملقيناش التصميم ده ف ظرف اسبوع لان ده المفروض يتسلم ف الحفله بتاعه نجاح اخر تصميم للشركه للأسف اهم تصميم لينا هيضيع علينا
قمر بتفكير: ممم طب البنت دي اسمها اي
بدر: ليان محمود محمد
قمر بصدمه: ايههههه
يتبعععععع...........
انضم لجروب التليجرام ( هينزل فيه الرواية كاملة ) اضغط هنا
↚
قمر بصدمه: ايهههه
بدر: اي في اي
قمر: البنت دي انا عرفاها
بدر واتعدل من قعدته بهتمام وتركيز: تعرفيها تعرفيها ازاي
قمر: انا هقولك من 7سنين وانا عندي 13سنه كنت ف اولى اعدادي وكانت ليان عندها17سنه ف تانيه ثانوي
كنت مبحبش اصاحب اي حد كنت دايما وحيده ولوحدي او يعتبر مازلت وحيده ولوحدي كانت ماما واخواتي لسه ميتين من شهر بظبط كنت بمعنى اصح معقده قليله الكلام
ف يوم جت ليان وشلتها عشان يدايقوني كالعاده
*فلاااااش بااااااك*
ليان: شوفو يابنات مين هناك المعقده اهي
شلتها المكونين من تلات بنات وليان ميار ورفيف ومي وليان
ميار: هههه بصي منظرها عامل ازاااي
رفيف: بقا ده منظر بنت ولا بتهزر ولا بتضحك يععع
مي: عيب يارفيف ده خساره فيها كلمه بنت
ليان: اوووبس نسيت ان اخواتك ميتين سوريي
ميار: بقا دي اسمها قمر خساااره
كلهم ضحكو بسخريه
قامت قمر تجري على مكانها الوحيد الي كانت بتطلع كل زعلها فيه المكتبه كان في كتاب بتحبه اوي بتقرا في وهي بتعيط بهستيريه وبتقلب ف صفحات الكتاب بأيد مرتعشه
*بااااااااك*
قمر ودموعها ابتدت تنزل: بس كده هي دي قصتي مع ليان كانت طوول السنين الي كانت موجوده فيها ف المدرسه مكانتش بتسيبني ف حالي
كانت دايما بتتنمر عليا وتفكرني بموت امي واخواتي
بدر واشفق عليها واول مره يحس بالزعل ناحيه حد: ياااه كل ده حصلك واستحملتي ممكن اسألك سؤال
قمر: اتفضل
بدر: هي مامتك واخواتك متوفين من امتى
قمر بحزن: ماما ورهف وفرح ميتين قبل عيد ميلادي ال13ب اسبوعين
بدر: ربنا يرحمهم
قمر: امين يارب تصبح على خير هروح انام انا
بدر: وانتي من اهله
قمر وهي خارجه من الڤرندا وقفت ع الباب: صح لو عايز تجيب ليان هتلاقيها بتشتغل ف مطعم ف الزمالك اسمه........... انا بسمع عنها لحد دلوقتي يلا عن اذنك
بدر ابتسملها ومشيت قمر دخلت اوضتها قفلت الباب وتربسته ونامت على السرير وفضلت تفكر ف بدر وف ضحكته وف عيونه
قمر بتكلم نفسها: وقعتي ياقمر ولا اي
قلبها: وليه لأ
عقلها: عشان الي زي بدر ده مبيحبوش ولا هيحبو
قلبها: وليه ميحبش ليه منجربش
عقلها: لانه عايش طول حياته ف الوحده والضلام مش هيجي مره واحده ويحب ويفتح قلبه
قلبها بغضب: وليه متساعدوش ليه متبقاش صاحبته واخته وحبيبته ليه متخرجوش من الضلمه الي هو فيها
قمر بنزعاج: اووووف اسكتو بقا خلااص
عدا اليوم على ابطالنا بسلام جيه تاني يوم صحي بدر كعادته لبس بنطلون جينز اسود وتيشرت ابيض وشوز ابيض وساعته الروليكس الفخمه وبرفانه الجذاب ونزل سمع اصوات ف القصر
بدر: عملت مصيبه اي تاني
نده بصوت عالي: قمر ياقمر
قمر خرجت من المطبخ: نعم
بدر: اي الاصوات دي
قمر: ابدا ده الداده عايزه تحضر الفطار ف حبيت اساعدها وبنعمل الفطار سوا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر: تمام قولي ل الداده تجيب قهوتي على الجنينه
قمر: هتشرب قهوه من غير ما تفطر
بدر: اه انا مش بفطر اول ما اصحى ويلا عشان مصدع
قمر بعند: لا مفيش قهوه غير لما تفطر عشان كده هتتعب انت سامعني ومفيش نقاش مشيت وسابته ضحك بدر على المجنونه دي وراح قعد يستنا يشوف المصيبه زي ماهو سماها هتعمل اي
قمر بعد وقت جت جمبه على الركنه وحطت على الترابيزه الأطباق المكونه من بان كيك عليه عسل وكيك بالبرتقان وشاي بالبن
قمر: يلا دوق وقولي رأيك طبعا اول مره تفطر فطار كده
بدر ابتسم وابتدا ياكل وعجبه الأكل جدا وبالذات الكيك
بدر: الكيك طعمه حلو اوي
قمر ببتسامه: بالهنا والشفا
ابتدو ياكلو وهما بيتكلمو واول مره بدر بعد فتره طويله اويي انه يضحك من قلبه ومع بنت كمان
دخل عمر سلم عليهم وقعد معاهم شويه
قمر: دوق الكيك ده يا أستاذ عمر كده
عمر بمرح: استاذ اي بس انا عمر بس انا مش كبير على فكره
ضحكت قمر ضحكه رنت ف ودان بدر سحرته وف نفس الوقت حس بغيره
عمر وهو بياكل الكيك: لا مش معقول طعمه خرافه بجد لا برافو
قمر ببتسامه: ربنا يخليك
عمر: صح نسيت اسألك عن اسمك
قمر: قمر اسمي قمر
عمر بغمزه: قمر وانتي قمر الحقيقه
بدر كان بيشرب مايه شرق والمايه وقفت ف زوره: كح كح احممم
عمر بصله بنظره ذات مغزه وابتسم
قمر قربت بسرعه وابتدت انها تخبط على ضهره بحنيه: خلاص روقت
بدر ببتسامه: ها اه روقت
قمر بعدت بتوتر
عمر: طب اسيبكو انا والحق اروح الشركه
مشي عمر واتكلمت قمر
قمر بتردد: بدر
بدر: ممم
قمر: اء انا المفروض امشي انهارده
بدر بغضب ميعرفش سببه: نعمممم
يتبععععععع...........
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر بغضب ميعرفش سببه: نعممممم
قمر اتخضت من صوته واتكلمت بصوت مرتعش: اء اي انا قولت ل بابا اني قاعده يوم عند صحبتي واليوم عدا+اصلا مينفعش اني اقعد مع حد غريب ف بيت واحد يا استاذ بدر واعتقد انك ك مسلم عارف ده كويس
بدر بدون وعي: يعني هتسبيني
قمر ركزت فكل حرف من جملته واتكلمت بصدمه وحاولت تداري فرحتها: اسيبك اسيبك ازاي
بدر فاق ل نفسه واتكلم ب امر وحده مصطنعه: اء اقصد يعني طول ما انا مش لاقي ليان انتي هتفضلي هنا
قمر وانفعلت من اسلوبه الواضح من كلامه انه عايزها هنا ل غرض مصلحه وبعد كده هيرميها حتى محسش بمجرد اعجاب مش زيها.. حب قامت من جمبه بغضب: انت ازاي كده انت مستحيل تكون بني ادم كل الي همك المصلحه انا قولتلك عنوانها عايز مني اي تاني خلااص بقا سيبني انت انسان مغرور ومتملك و..... مكملتش كلامها وكان بدر واقف قصادها واداها كف خلا وشها يلف: انتي فاكره نفسك مين يابت ها هو عشان عاملتك حلو مره وضحكت معاكي مره يبقا اتساهلت متحلميش والي ف دماغك غلط انا عمري ما ابص ل واحده زيك
قمر حاطه ايدها على خدها بصدمه فاقت من صدمتها واتكلمت بقوه: وانا مش اسيره عندك عشان تحبسني هنا وهمشي ودلوقتي ومهما اتكلمت وضربت انا مش هقعد عند واحد زيك ومش هتخلى عن ديني وربي عشان واحد زيك اناني عايزني اقعد ف بيت واحد غريب وكمان ولا يعرفني ولا اعرفه ب صفتك اي ها قولي يلا انا مش هقعد هنا دقيقه واحده وسيب الي زيي يمشو بقا خلاص مشيت من قدامه وبدر فكر ف كلامها فعلا قاعده هنا بصفتها اي ولا هي اختي ولا مراتي ولا حتى تقربلي انا فعلا متملك واناني طول عمري كده
بدر اتكلم بصوت خافت وحزين جدا: اي كنت مستنيها تحبك هتقع تاني يامغفل هيضحك عليك تاني ياغبي ياغبيي ضرب دماغه بأيده ضربه قويه طلع على اوضته الي دايما شايلاه هو وحزنه ل درجه ان كلها باللون الاسود قعد على الأرض وضم رجليه ل بعض واتكلم ودموعه نازله: هي سابتني سابتني وراحت زي جدي هي فعلا محبتنيش واول مره احس احساس غلط حسيت انها حبتني واحساسي خيبني وكسرني سيرين خانتني وقمر كسرتني افتكرت انها هتبقا النور الي هينورلي حياتي ضلمتها اكتر واكتر بكلامها الي جرحني بدر الصاوي قاعد بيعيط عشان بنت بس مش اي بنت دي الي فعلا اتأكدت اني بحبها ليه ياقمر ليه
كل ده وفي ودن ورا الباب بتسمع كل الي قالو بدموع زي الشلال فتحت اوكره الباب بأيد مرتعشه ودموعها نازله اتكلمت بصوت بريئ مليئ بالحزن: انت الي غبي
بدر اول ما سمع صوتها مسح دموعه بسرعه.
كملت قمر كلامها: اه غبي مين قال ان احساسك غلط ياغبيي هاا كل الي بعمله معاك. ده ومتأكدتش اني..
بدر بالهفه: انك اي قولي ياقمر قولي
قمر ودموعها زادت: اني بحبك
بدر سمع كده وجري عليها خدها ف حضنه كان حضنه دافي وقوي ف نفس الوقت حضنها ل درجه جسمها وجعها بدر كان بيستمد منها الأمان
بدر بدموع: متسبنيش ياقمر ارجوكي انا انا كمان بحبك اوي اول مره احب كده ارجوكي متسبنيش ياقمر
قمر وهي بتعيط بعدت عن حضنه بهدوء ومسكت وشه مابين كفوفها الصغيرين: مش هسيبك عمري ماهسيبك يابدر مفيش حد بيعيش من غير روحه وانت روحي
بدر مسح دموعها: خلاص كفايه دموع ياحبيبتي خلاص
قمر ابتسمتله بكل حب
ونزلو سوا
قمر: بدر ممكن تخلي حد يجيب فوني من العربيه الي كنت فيها
بدر: حاضر
اتصل ب عمر وخلاه يجيب الفون ويجي
عمر اول ماجيه شاف بدر بيضحك بصوت عالي ودي كانت اول مره تحصل من وقت طويل اوي لان بدر طبعه مكانش حزين ولا اي حاجه بالعكس كان مرح وبيضحك وبيهزر ولكن عمره ما اتخلى عن قوته وقسوته وقت الزوم
عمر حمحم: احممم انا جيت على فكره
بدر: اقعد ياض
عمر بمرح: تصدق انا افتكرت سنانك وقعت عشان كده كنت بتخاف تضحك
بدر لسه هيرد قاطعه ضحك قمر الي بيوديه عالم تاني
عمر قعد معاها شويه واداها الفون ومشي
قمر فتحت فونها لقت مكالمات كتير من سماح جارتهم
قمر بستغراب: اي ده طنط سماح رنت عليا سبع مرات
بدر: مين طنط سماح دي
قمر: دي جارتنا الي ف وش الشقه بتاعتنا
بدر: مم طب رني عليها شوفيها كانت عايزه اي
قمر رنت عليها ردت مريم بنت سماح بسرعه: الو ياقمر
قمر: اي يامريم طنط سماح رنت عليا كتير اوي خير ان شاء الله
مريم برتباك: صراحه ياقمر عمو حسام تعب بليل وهو في المستشفى دلوقتي ودخل ف غيبوبه
قمر بهستيريه وبكاء: ايههه ازاي باابااا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
قمر بهستيريه وبكاء: ايههه ازاي بااباااا
بدر بخضه: ق قمر اهدي مالك ياحبيبتي
قمر ببكاء: ب بابا بابا ف المستشفى ودخل ف غيبوبه
بدر قام من مكانه بسرعه: طب يلا نروح المستشفى بسرعه
____________________________________________
راحو المستشفى بسرعه دخلت قمر وهي بتجري ف ممرات المستشفى وهي بتبكي بهستيريه: ب بابا بابا فين
شافت مريم بتعيط قدام اوضه وجمبها سماح مامتها
قمر وبتكدب تفكيرها: ب بتعيطو ليه وفين بابا
مريم طبطبت على كتف قمر: هو ف مكان احسن ياقمر ادعيله بالرحمه ياحبيبتي
قمر بطبقه شفافه من الدموع تلمع ف عينها: لاااا لااا يامريم ونبي متقوليش كده بابا كويس ان شاء الله
مريم ببكاء:ده قضاء ربنا ياقمر هنعترض عليه يعني لا ياحبيبتي البقاء لله ياحبيبتي
قمر لفت وشها وبصت ل بدر: بدر انا داخله اشوف بابا
مدتهوش فرصه يرد ودخلت ل والدها وبصت عليه لقتهم غطو وشه قمر بصتله والدموع تتلئلئ في عيونها: ب بابا حبيبي هما الي بيقولو ده صح يلا قوم ل قمر حبيبتك عشان نروح البيت واعملك القهوه الي بتحبها من ايدي قوم ياحبيبي يلا
طبعا باباها لارد
قمر بهدوء مرعب: يبقا الي بيقولو صح يبقا انت سبتني زي ماما واخواتي بس الفرق ان شوفتهم بيموتو قدام عيني لكن انت موت حتى من غير ما اودعك
دخلو الممرضين عشان ياخدو والدها على تلاجه الموتا حتى تتم تصاريح الدفن
قمر وقفتهم وحضنت والدها وبتمنع دموعها تنزل: هتوحشني اوي يابابا
خدو والدها وهي خرجت من الاوضه بهدوء مميت وباين ان ممكن يحصلها حاجه لو فضلت ف الهدوء ده
بدر: عيطي ياقمر عيطي ياحبيبتي مينفعش تكتمي جواكي
قمر: بصوت مهزوز من كتم بكائها ب بابا مش بيحب النكد والعياط انا مش هعيط لان مش هزعل بابا عشان اخرج الي جوايا والصراخ على الميت حرام تعالى نروح نكمل تصاريح الدفن وانتي يامريم روحي انتي وطنط سماح وتعالو على الدفنه كانت لسه هتعارضها اتكلمت قمر: ارجوكي يامريم ارجوكي
مشيت هي وبدر وتممو تصاريح الدفن وبعد وقت مش قليل ومش كتير اتصل بدر عرف عمر الي حزن جدا وقال انه هيجيلهم على المستشفى وبالفعل جالهم ونقلوه على الترب وابتدا بدر وعمر ينزلو والد قمر للتراب وقمر بتبص ل والدها النظره الاخيره وكأن نفسها تصرخ وتقولهم لا خلوه معايا وبتودعو ف نفس الوقت نظره خاليه من الروح كأن في جسد واقف بلا روح وبلا قلب دموعها حبساها ف عنيها ورافضه رفض تام انها تنزل او بمعنى اصح تنزل قدام حد طلع بدر بمساعده عمر من التراب وخلصو وكلو قعدت قمر وفضلت تقرأ ل والدها ف قرأن لحد ما الغروب قرب يظهر والناس كلها روحت معادا بدر وعمر الي بيقنعوها تروح وتقريبا ع الساعه 5 المغرب اقتنعت بالعافيه وقامت معاهم وودعتو
قمر وهي باصه قدامها زي المجنونه وبنظره خاليه من الحياه: بابا مش بيحب الضلمه ليه خلتوني امشي واسيبه هو كان بيقول ان انا ونسو الوحيد وانا الي سبتو ف عز الضلمه لوحده
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر بشفقه على حالتهاا: ياقمر اهدي بس وادعيله بالرحمه قعدتك مش هتفيده ب حاجه
قمر هزت دماغها وركبو العربيه ووصلو لحد قصر بدر وصلهم عمر لحد جوا واستأذن ومشي
قمر طلعت بدون اي كلمه على اوضتها وكأنها مصدقت ان اتقفل عليها باب وقعت على الارض ولا اقول لكم مهما كتبت سطور ل شرح انهيارها وحالتها لن يكفي هل اكتب عن كسرتها ولا كسره قلبها ولا شعور الفقدان ولا شعور ان مبقاش لها ضهر ف الدنيا او او او (حقيقي شعور صعب جدا ربنا ما يكتبه عليا ولا على اي حد ربنا يبارك ف ابهاتنا ويرحم كل موتانا)
قمر صوت شهقاتها علي وازداد احمرار وجهها من كثره البكاء كان صوت شهقاتها يسمعو الي ف اخر القصر مابالك بدر الي كان يفصل بين اوضتها واوضته حيطه
قمر كان شعورها صعب شعور كسرتها صعب وكل الي ف دماغها ان بدر السبب
فضلت تكرر بهستيريه: م مات هو السبب ه هو السبب هو الي خلاني اسيره عنده و وابويا م مات ب بسببه اهههه ياحرقه قلبي اهههه يااارب صبرني ياااارب
بدر كان سامع كل عياطها ومش قادر يتحرك لحد ما قرر وقام فتح باب اوضته ودخل اوضتها فتح الباب وهي كانت منهاره ل درجه ان حتى لما شافتو مقدرتش توقف بكائها
بدر بدموع: قمر اهدي ارجوكي
قمر بهستيريه: ابعد عنييي بقولك ابعددد مش عايزه اشوفك انت السبب ف موتو انت انت الي خلتني محبوسه عندك زي الكلاب ومعرفش اذا كان خد دواه الي لو مخدهوش هيموت ولا لأ انت السبب مش مسمحاك انا بكرهك يابدر بكرهك وهفضل طول عمري اكرهك وعمري ما هنسى انك السبب ف موته صرخت بهستيريه: بكرهكككك
بدر كانت كل كلمه بتقولها كأنه خن*جر بيغرس ف قلبه مع كل كلمه بيطلع ب شهقه طالعه من قلبه ويغرس مره تانيه شعوره هو كمان كان صعب شعور مابين انه حاسس نفسه اناني ومستغل وانه ندمان وانه مقهور وزعلان
قمر وقامت من مكانها: انا همشي والمرادي مش هرجع يابدر مش هرجع
مشيت وبدر حاول يلحقها ولكن للأسف كان بيجري وراها بسرعه رهيبه لحد ما وصل عند مكان ميقدرش يميز بيه هو فين هو حافظ كل شبر بين محيط القصر بتاعه ولكن باين من صوت العربيات انه خرج بره المحيط ده حتى صوت قمر مش ظاهر معرفش يتحرك يروح فين قطع كل تفكيره خبطه قويه من عربيه كانت ماشيه بسرعه عاليه وقع بدر على الارض بينذف بطريقه ترعب كان بينذف دم كتير جدا الي كان سايق العربيه وقفها بسرعه ونزل يشوف خبط مين بس اتسمر مكانه لما شافه: بدررررر
ودي كانت كلمه سليم صاحب بدر الي كان مسافر من سنتين ولسه راجع وكان رايح القصر عند بدر ولكن الصدفه جمعتهم بطريقه مش لطيفه ابدا
سليم شال بدر بسرعه وسنده على كتفه ودخله العربيه وطلع بسرعه على المستشفى
سليم سابو ف العربيه ودخل ينده ب اعلى صوته على دكتور جابو الترولي ودخلو اوضه العمليات سليم اتصل ب عمر ده الي بيقفل المثلث بتاعهم ف هم سليم الانصاري وعمر العزيزي وبدر المحمدي كانو ف كل حاجه يتجمعو مع بعض دايما مع بعض من وهما اطفال ولكن سليم بحكم شغله ك دكتور حب يبني ليه مستشفى تانيه برا البلد وخدت وقت كبير وعلى مدار السنتين دول فضل سليم ف فرنسا وكان بيتصل ب عمر وبدر كل فتره بسبب انشغاله القوي
سليم(عيونه بني شعره بني كثيف طويل جسمه رياضي وسيم وزي ماعرفتو دكتور 29سنه)
اتصل سليم ب عمر وعرفو الي حصل وجيه عمر بسرعه على المستشفى خرج الدكتور من العمليات وقال: الحمدالله هو حاليا مرحله الخطر عدت وكشفنا عليه وعرفنا انه كان فاقد بصره
سليم. اتصدم لانه مكانش يعرف وبص ل عمر الي مبانش على ملامحه الصدمه وعرف انه عارف
كمل الدكتور كلامه: ومن خلال فحصنا على عينه عرفنا ان نظره رجع
سليم وعمر بصدمهه: بجددد
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سليم وعمر بصدمهه: بجددد
الدكتور ببتسامه على فرحتهم: اه والله الحمدالله على قد ما كانت الحادثه دي فيها خطر على حياته على قد ما عوضته حمدالله على السلامه بعد اذنكو
عمر وسليم حضنو بعض بسعاده كبيره واشتياق ف نفس الوقت
سليم: تعالى ننزل الكافتيريه شويه على ما بدر يفوق
سليم: احكيلي بقا كل حاجه حصلت
عمر: شوف ياسيدي
حكالو عمر كللل حاجه حصلت من اول يوم جت فيه قمر حتى سبب مجيها او خطفوها ليه كل حاجه حكهالو والسبب الي خلا بدر يفقد بصره والسبب ده انتو هتعرفو قريب
سليم بصدمه: ياااه كل ده حصل ياعمر وقمر دي حرام بردو صعبت عليا اوي ياعمر بصراحه
عمر بحزن: وانا والله شكلها كان يصعب على الكافر وموت والدها كسرها بردو
اتكلمو شويه وبعد كده قامو عشان يطلعو ل بدر يشوفو فاق ولا لأ
طلعو فوق والممرضه قالت انه فاق وبيهلوس ب اسم قمر
دخلولو بسرعه لقو بدر نايم مغمض عينه بيقول بضعف: ق قمر ق قمر ا انتي ف فين قمر ا انا بحبك متسبنيش
سليم: قوم يابدر قوم ياصحبي
بدر فاق بتعب وبيفتح عينه وبيرمش كذا مره عشان يتأكد اتعدل بسرعه وفضل يرمش كتير هو هو شايف كل حاجه حواليه فضل يرمش كتير بص ل عمر لقا نفسه شايفه وبص ل سليم كذلك
بدر بفرحه: ههه انا انا بشوف ههه سليم واحشني ياض
جري سليم عليه وحضنو بشتياق والحضن طال ل دقايق
وبعد كده بعد عنه وحضن عمر نفس الكلام
بدر: انا فتحت ازاي
حكولو كل الي الدكتور قالو
فرح بدر وحمد ربنا بعد كده وشه اتبدل للحزن والندم تاني
عمر: اهدى ياصحبي انا بعت رجالتنا وراها وكلموني وقالولي انها حاليا ف البيت ومن ساعه ماراحت منزلتش
بدر بحزن: انا السبب ياعمر انا السبب ياسليم انا السبب ف موت باباها هي قالتلي كده انا السبب
سليم بحزن: الاعمار بيد الله ياصحبي ده عمره ومكتوب ليه حتى لو مكنتش ظهرت ف حياتها اصلا ده قدره مكتوب انه يموت ف الوقت ده
بدر: ازاي هرجعها ليا ازاي هخليها ترجع تحبني ازاي
عمر وسليم بصو ل بعض بخبث ونظراتهم بتقول الي بتفكر فيه انا كمان بفكر فيه
سليم: شوف ياسيدي انت خطوبتك الاسبوع الجاي
بدر بعصبيه: نعم ياخويا انا بحب قمر ياض ومش هتجوز غيرها
عمر ضحك بهستيريه كمل سليم: ياعم اتهد بقا اقصد يعني دي هتبقا مسلسل عشان نرجع ليك قمر وهنلعب على الحتى دي وف نفس الوقت مش هنسيبها هنفضل نراقبها عشان نطمن عليها
وفي مكان تاني عند نور صاحبه قمر فونها رن وكان المتصل ب اسم سيرين(ايواااا هي الي جت ف دماغكم😂)
ردت نور بسرعه: سيرو حبيبي عامله اي
سيرين بتمثيل: الحمدالله يانونو وحشتيني
نور: وانتي اكتر لسه فاكره تسألي عليا
سيرين: معلش بقا ياحبيبتي انتي عارفه اني بشتغل مع بابي ف الشركه ومشغوله مووت
نور: ولا يهمك ياحبيبتي
سيرين: بقولك يانور هي قمر مظهرتش يعني
نور بحقد: يووه ياسيرين كل حاجه قمر قمر
سيرين بتمثيل الزعل: ليه بس دي قمر حبيبتنا من ثانوي
نور: المهم بتسألي عليها ليه
سيرين: ابدا اصل بقالي فتره ملمحتهاش حتى
نور بكره: اه يختي ما بدر المحمدي اشهر رجل اعمال ف الشرق الاوسط وقع فيها كلمتني اول امبارح من فونو وقالتلي وقد اي اسلوبو معاها حلو وبيحبها معرفش على اي اصل
سيرين بصدمه: ايههه بدر المحمدي
نور بستغراب: مالك مستغربه ليه
سيرين بتمثيل الا مبالاه: ها لا ابدا مفيش بس مكلمتكيش ف حاجه تاني وبعدين هما حبو بعض بالسرعه دي
نور: تدفعي كام
سيرين: الي نفسك فيه
نور بستغلال: اوك اتفقنا اسمعي ياستي
نسيب العقربتين يتكلمو ونروح ل قمر
قاعده ف اوضه باباها وبتعيط بهستيريه وهي بتبص ل صورتها هي ورهف وفرح ومامتها وباباها وهما متجمعين ف صوره واحده وكلهم بيضحكو ضحكه صافيه
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بتلمس الصوره بهدوء ودموعها نازله: وحشتوني اوي بابا من كتر حبو ليكي ياماما مقدرش يستنى وراحلك انتي وفرح ورهف وسبتوني لوحدي ف الدنيا مخدتونيش معاكو ليه بابا كان دايما بيحكيلي عنكو وعن ذكرياتكو زمان وعن حبكو الي مكانش ليه مثيل عارف يابابا انا عارفه ان بدر ملوش ذنب وده قضاء ربنا بس بس مجليش الجرأه اني اقعد ف وشه وانا عارفه انه حتى لو مكانش السبب بس كان ليه يد ولو بجزء بسيط ف الي حصلك انا ضحيت بحبي عشان يابابا انا بحبو اوي بس مش هقدر مش هقدر
نسيب قمر ونروح عند بدر الي قعد وسمع كل خطتهم
بدر: طب وهنجيب البنت دي منين
سليم: انت اهبل ياعم ريم اختي انت ناسي هي حاليا بتكمل تعليمها ف تركيه ياعم الي كانت هتتجنن عليها قعدت معايا سنه واربع شهور وبقالها ست شهور ف تركيا
بدر: صححح دي وحشتني اوي
سليم: اهو بقا عندها 19سنه دلوقتي
عمر سرح بحب ف اميرته الي بيعشقها هو بيحب ريم جدا ومن زمان من قبل حتى ما سليم وريم يسافرو وحس بغيره بسيطه انها هتمثل حتى انها هتبقا خطيبته بس ده مش وقته
بدر: طب. انا عايز اشوفها ولو حتى من بعيد
عمر: مينفعش يابدر
بدر: حسو بيا ارجوكو انا عايز اشوفها مش هعرف كل ده مشوفهاش كفايه حتى معرفش ملامحها عامله ازاي عمر وسليم قدرو موقفه وخلو الدكتور يكتبلو خروج على مسؤليتهم وفعلا خرج وراح على طول على الشارع الي فيه عماره قمر كانت عماره متوسطه الحال وقفو العربيه ونزل بدر كان لسه هيطلع لقا قمر نازله من مدخل العماره وعلى ملامحها الهدوء والحزن بصلها بدر واتصدم وبرق من جمالها قد اي جمالها ساحر وعيونها الزرقا فضل مركز ف كل تفصيله فيها واتصدم اكتر لما لقا الحجاب على راسها مع انها مكانتش محجبه لما كان مغمى عليها لمس شعرها الي عدا نص السرير من طوله كان بيغطي شعرها حجاب زادها جمال ولابسه فستان خروج سمبل لونه اسود وفي ورد ابيض وشوز ابيض وشنطه كروس بيضا ومن غير ولا نقطه ميكب
بدر مقدرش ينطق من كتر جمالها الي صدمو
قمر كانت بتتصل ب نور: انتي فين يانور
نور: انا جايه اهو داخله عليكي
سليم الي كان واقف ورا بدر ووراهم عمر
سليم بيصفر: وااااو اي القمر ده اسم على مسمى
بدر ضربه ف كتفه: اتلم ياحيوان
عمر: بس دي كانت بشعرها
بدر اتغاظ ان عمر الي شاف شعرها بس هو لا
بدر: هو لون شعرها كان اي
عمر: غريب ياجدع لون الدهب بظبط
بدر: ما تتلم يااض
بصو تاني ناحيه قمر الي لقو بنت داخله عليها ووشها كله ميكب عكس قمر تماماً
عمر بتريقه: مين الأرجوزه الحمرا دي
كلهم ضحكو بهستيريه
بدر: تقريبا كده دي نور صحبتها حكتلي عنها قبل كده بس مكنتش اتخيل انها كده
سليم: اي ياعم ده اي البودره دي كلها تحسها دبه وشها ف طبق دقيق ونزلت لا وكأنها واكله حد بالروج الاحمر الي ف خلقتها ده
عينهم دمعت من كتر الضحك
لسه كانو قمر ونور هيمشو ف طريقهم راحو بسرعه ع العربيه واتحركو
كانو ماشيين وراكبين العربيه لقو بنت بتجري من كلب بلدي ف الشارع كانت ماشيه ناحيه عربيتهم وكان سليم الي سايق وقف سليم وداس فرامل على اخر لحظه والا كان خبطها
بدر: انت تخصص خبطات ولا اي
نزلو من العربيه وسليم متعصب: مش تحاسبي
البنت بصتله ببرائه: معلش والله بس انا بخاف من الكلاب وكان في كلب بيجري ورايا
بصلها سليم ببلاها من جمالها: واد يابدر اي القمر الي قدامي ده
البنت بعصبيه: احترم نفسك
سليم بصدمه: انااا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
:اتلم يازفت بقا
ضحك سليم وعمر واتكلمت ريم: انا سو اكسيتد اني اشوفها اوي يابدر بصراحه
سليم بمكر: كلنا سو اكسيتد ياريم احنا كده وشوفناها امال انتي بقا
قاملو بدر ونزل ضرب فيه وسليم بيضحك بهستيريه وريم وعمر مقدروش يبطلو ضحك
عند قمر كانت بتعيط بهستيريه: اء اكيد الي شوفتو ده مش صح اكيد لا يعني اي خطب هو لحق ليه طب ليهههه يعني كل الي كان بيقولهولي كدب يعني مكانش بيحبني كل الي بيقولو بيخدعني اههه ياقلبي ياخساره عشقي ليك هي مره واحده الي حاولت تشوفني فيها يابدر وبعد كده سبتني مكانش باين عليك انك بتكدب اههههه
عدا اليوم بجميع حلاته في الي ندمان زي بدر وفيه الي منهار زي قمر وفيه الي
قلبه بينبض بشده زي عمر وفي الي فرحان زي ريم وفي الي حاسس بشعور غريب زي سليم وفي الي بيحقد زي نور وفي الي بيجهز مصيبه ل ابطالنا زي سيرين
تاني يوم الصبح صحيت قمر وعيونها دبلانه من كتر البكاء قامت ادت فريضتها ولبست هدومها الي بتتكون من فستان فضفاض انيق باللون الأسود وعليه ورود بيضا وشوز ابيض وشنطه كروس بيضا وطرحه بيضا وليب جلوس(ملمع شفايف) وخرجت من البيت تحت عيون الحارس الي معينه بدر يحرصها ويقولو كل تحركاتها
الحارس كلم بدر في الفون: بدر بيه نزلت من البيت
بدر: تمام يا امجد
كانت قمر ماشيه عشان تعدي الطريق تركب تاكسي ووراها عربيه الحارس كانت ماشيه بتتكلم في الفون مع نور: معلش يانور مش هقدر اخرج انهارده في مشوار هعملو وهروح على البيت باي
قفلت قمر مع نور وركبت تاكسي ووقفت قدام مول كبير نزلت عشان تجيب شويه حاجات دخلت المول وابتدت تجيب كتب من الروايات المفضله ليها
قمر بصت بعيون بتلمع: اللههه لقيتها اخيرا راحت على كتاب كان مسنود على الرف وخدته جابت كتب كتير ف هي لما بتزعل بتطلع كل زعلها في القرائه والكتابه(زيي اوي👀)
خدت الكتب وكانت ماشيه بفرحه خبطت في جسم صلب
رفعت راسها وياريتها مرفعتها
البنت الي كانت معاه: مش تاخدي بالك
قمر بعيون تلمع بها الدموع:******
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
قمر وعيونها تلمع بها الدموع:اء احم ا انا ا اسفه
ريم بتكبر مصطنع: مم ياريت تركزي وانتي ماشيه ها
قمر بعصبيه: على فكره انا اعتذرتلك دي اسمها قله ذوق
بدر: خلاص ياروحي مش مهم
مشيو وهما بيمثلو عدم الاهتمام
وقمر واقفه مش طايقه نفسها ودموعها نزلت لوحدها هو بالسرعه دي نسيني بجد للدرجادي انا مكنتش فارقه معاه فضلت تعيط جامد اوي ف وسط المكان الي كان فضي ومبقاش غير قمر وبنتين بيشترو كتب
بنت منهم وهي نفس البنت الي قابلت سليم
فريده: تعالي نشوف البنت دي يافرح مالها بتعيط اوي كده ليه
فرح اختها: يلا
راحو ناحيه قمر
فريده: في اي مالك
قمر ببكاء: انا نفسي معرفش مالي ان انا متلغبطه اوي
فرح طبطبت عليها: طب تعالي نقعد ف مكان هادي وتهدي اعصابك
قمر وافقت ومشيو سوا لحد كافيه على البحر وهادي
فريده: تقدري دلوقتي تعتبرينا اصحابك وتحكيلنا مالك
قمر ببكاء حكتلهم كل حاجه من اول ما قابلت بدر لحد ما سابها
فريده: اوفف ده واطي اوي
قمر وهي ماسكه المنديل بطريقه مضحكه: ايوا يختي والله كل الرجاله كده
فرح: هييح شوفي يا اخت.. صح انتي اسمك اي
قمر: انا قمر
فريده بمعاكسه: اسم ع مسمى بصراحه انا اول مره اشوف بنت كده ثقتي بقت ف الارض ياجدع
ضحكت قمر: يابنتي انتي مشكله
فرح بضحك: لا بجد انتي عسوله اوي انا ياستي فرح ودي اختي فريده عايشين مع بابا وماما واخويا انا ف كليه اعلام وفريده ف كليه طب
قمر: وانا تانيه فنون جميله
فريده بمرح: جميله اوي
قمر ضحكت: يابنتي بقا انا عايشه لوحدي بعد وفاه بابايه ابتسمت ابتسامه حزينه: اتجمع مع ماما ناقص انا ونرجع العيله الجميله الي الكل كان بيحسدهم على تفاهمهم بس ف الجنه ان شاء الله
فريده زقتها: بس متقوليش كده بعد الشر ربنا يرحمهم ياحبيبتي
عند بدر: لا ياعمر انا هرجع اقولها ان دي خطه مش هقدر استحمل انت مشوفتش شكلها كان عامل ازاي
عمر: يابني اتهد بقا انت رايح جاي من ساعه ما جيت خيلتني
سليم: ياجماعه اهدو بس كده عشان نشوف هنعمل اي
عند قمر
فرح: اسمعو بقا مني
قمر: قولي يافرح
فرح: احنا هنلعب على بدر ده ونخليه يقول حقي برقبتي
قمر مسكت ايدها بحماس: بجد يافرح
فرح: طبعا يابنتي ده انتي معاكي فرح
ضحكو عليها
فرح: اسمعو بقا هنعمل اي
فريده بحماس: لكل اذناً صاغيه يامعلم
فرح: احنا هنردلو الي هو عملو بس هنمثل
قمر استغربت هي وفريده
قمر: ماتفهمينا يافرح هو لغز
فرح: اصبري ما انا جايه ف الكلام اهو مش انتي ياقمر قولتي انه خطب
قمر: اه
فرح: يبقا احنا هنمثل ف الحتى دي
قمر: بردو ازاي مش فاهمه
فريده: ولا انا فاهمه
فرح: لا بقا فتحولي مخكو ده
قمر: ماشي يلا
فرح: احنا هنكلم اخويا بس وهشرحلكو بعدها
قمر بغباء: واخوكي هنعمل بيه اي
فريده: اه صح يافرح
فرح: لا الغي رحلتي بقا اتكلمت بصوت عالي نسبياً من غبائهم: ركزي معايا يابت انتي وهي
قمر: احم اسفين ياصلاح يلا بقا
فرح: يجي بس وهقولكو اتصلي بيه يافريده
اتصلت فريده ب زين اخوهم
بعد نص ساعه جيه زين
زين بيجيب كرسي يقعد عليه واتكلم بمرح: سامو عليكو بص ل قمر: اي ده مين القمر دي
فريده بغباء: اي ده انت عرفت اسمها منين
زين: اي ده هي اسمها قمر اسم ع مسمى
قمر: سبحان الله كلكو مش متربين زي بعض
زين بمرح: اي ده بهزر ياباشا والله
ضحكت قمر
زين بضحك: ضحكه يبقا قلبها مال المهم عايزين مني اي انا عارف اني جان ومز وحلو بس تطلبوني بالاسم يبقا في حاجه
قمر: يخربيت تواضعك
زين: امال انتي فاكره اي يابنتي
فريده: المهم يعني
حكتلو فريده كل موضوع قمر وبدر من الاول لحد الاخر
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
زين: اووووف
قمر: ايه
زين: ها لا بتفاعل مع الموقف بس
قمر: يبني بقا هو اخوكو طايره منو على طول كده
زين: يعني بيقولو
فريده: الي احنا عيزينو منك عيزينك تبقا خطيب الي قاعده جمبك دي
زين سقف بأيده: اللههه هو حد يرفض النعمه
قمر: لامتصدقش اوي كده هيبقا كده وكده يعني
زين: كده وكده الي هو ازاي يعني
قمر قالتلو الي المفروض يحصل
زين بمرح: اشطا انا بحب التمثيل اصلا
قمر وفريده وفرح: يبقا اتفقنا
فريده حطت ايدها بعد كده قمر بعد كده فرح بعد كده زين
زين: اي هنلعب كيلو باميه ولا اي لا مليش فيه انا الي فيها
فريده: لا ده عقد اتفاق ياغبي
تاني يوم كان قمر وزين وفريده وفرح اتقابلو
قمر: ها هنعمل اي انهارده
فريده: هنروح ع البيت عندنا
قمر: هنعمل اي ف البيت
فرح: احنا بيتنا عباره عن فيلا يعني جنينه وبيسين وكده ف هنحط شويه تزينات وهتجيبي فستان وزين هيلبس بدله واحنا هنلبس فساتين وهنتصور على انها خطوبتك انتي وزين مش انتي قولتي انكو عند بعض ع الانستا
قمر: اه
فرح: يبقا هنزل صوركو ع الانستا بتاعك وبتاع زين وهتعملي ل زين منشن ع الصوره ونكتب شويه كلام من بتاع الخطوبات ده ولما تمنشني زين هيتأكد انه خطيبك لانه اكيد لما يشوفك ممنشناه هيدخل ع بروفايله ف هنخرج بردو بعد ما نصور صور الخطوبه وتتصورو صور برا وتنزلوها وانكو مبسوطين وكده
قمر زين: اشطا اتفقنا
راحو اشترو فستان ل قمر طويل ماسك ع الجسم ونازل من عند الوسط ب منفوش اوي لونه سيمون هادي وفي شويه جليتر وطرحه نفس اللون وهيلز سيلفر
وزين جاب بدله كحلي وقميص ابيض وجزمه هافان وبيبيونه بنفس لون فستان قمر
راحو على بيت زين وفرح وفريده
استقبلتهم مامت زين وهي بتسلم على قمر: ازيك ياحبيبتي عامله اي
قمر: الحمدالله ياطنط ازي حضرتك
فريده: احنا عرفنا ماما وبابا كل حاجه ياقمر عشان يبقو معانا
قمر بحرج: تمام انا اسفه ياطنط ع الكركبه الي هتحصل دي
مامت فرح واسمها فاتن: لا طبعا ياحبيبتي انا حبيتك زي فريده وفرح بظبط
فرح: يلا بقا نطلع اوضتي عشان تجهزي وانت يازين اطلع البس يلا
طلعت فريده وفرح وقمر عشان يجهزو لبست فريده فستان ازرق طويل وفيه جليتر بسيط وطرحه بيضه شيفون وميكب بسيط وفرح لبست فستان نبيتي ماسك ع الجسم ونازل ب واسع طويل وطرحه بيضه وميكب بسيط
قمر لبست فستانها وحطت تاج بسيط وميكب خفيف عباره عن ايلاينر وماسكرا وروج وبلاشر وطلعت حلوه جدا
زين خلص ونزلو على تحت كان فاتن وحسن ابوهم جهزو
فاتن بحماس: يلا جاهزين بتوع الزينه خلصو برا
فريده بضحك: ماما انتي متحمسه اوي ليه محسساني انه بجد ولا فرحك انتي
فاتن: اتلمي يابت بدل ما اديكي بالجزمه شوفت بنتك ياحسن
حسن: معلش ياحبيبتي مربنهاش يلا بقا
فريده: بقا كده ياحج
زين: يلا ياجدعان بقا
خرجو برا وابتدو يتصورو صورو قمر وزين لوحدهم وصورو فريده وفرح وزين وقمر واتصورو كلهم مع بعض مع فاتن وحسن
فرح: كده بقا نطلع نغير عشان نخرج
قمر بتعب: وربنا بعد التعب ده كلو ومجبش نتيجه هعيط
فرح بضحك: لا هيجيب متخافيش يلا بقا
طلعو غيرو هدومهم ونزلو ركبو عربيه زين وخرجو وابتدو يصورهوم هما بس كأنهم خرجو لوحدهم
وزين خد صوره سيلفي ليهم وخدو صوره كلهم مع بعض للذكره
قعدو في كافيه
زين: ها هننزلها دلوقتي
فرح: اه يلا ياقمر افتحي فونك
قمر فتحت فونها وكلهم علقو نظرهم عليه
نزلت فرح صوره الخطوبه وكتبت تحتيها((الحمدالله الذي تتم بنعمته الصالحات♡خطوبتي انا وزين كانت انهارده احلى يوم ف حياتي عشان قابلت احسن راجل ف الدنيا ربنا بيخلينا نخسر حاجه مقابل حاجه بتعوضنا♥️💍))
@zein hasan el3ode
قمر بزعل:لا يافرح بلاش عوض وحاجه بتعوضنا والكلام ده
فرح: اسمعي مني بس اي رأيك يافريده بذمتك
فريده: كلامها حلو يافرح عشان يعرف ان الدنيا مش واقفه عليه ويتعلم الدرس زي ما نسيكي بسرعه وخطب غيرك بينيلو ان انتي كمان نسيتي وخطبتي غيرو
فرح نزلت الصوره: هات فونك يازين
زين اداها فونو
ونزلت الصور بتاعه الخطوبه والخروجه وكتبت((ربنا عوضني بأجمل واحسن حاجه حصلتلي ف حياتي ربنا يحفظك ليا ويتمم زواجنا على خير♥️(تمت الخطوبه♥️💍)
عند بدر كان بيقلب ف الفون ودخل ع الانستجرام يقلب فيه اول ما فتحو ظهرلو صوره قمر وزين
زين بصدمه: اكيد لااا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بدر بصدمه: اكيد لااا ازااي يعني اتخطبت لا لااا
دخل بسرعه على بروفايل زين لقاه منزل صور خروجتهم وقرا الكلام واتصدم اكتر: لا لا اكيد لا مش بعد كل دههه تبقا لحد غيري لااا
قام كسر كل حاجه ف الاوضه وهو بيصرخ: اكيد لاا قمر ليا انا بس لااا
اتصل على سليم: سليم قمر اتخطبت
جمعهم كلهم عندو ف القصر
عمر: يعني ايه الي انت بتقولو ده اكيد لا يبني
بدر حط ف وشه الفون على صوره قمر وزين: وكده بردو لسه مش مصدق اقرا الكلام الي موجود وادخل على بروفايل ابن ال…….. هتلاقيه منزل صورهم بتاعه خروجه الخطوبه عمر وقف وهو مصدوم وسليم وريم نفس الكلام
عمر: هنعمل اي ياسليم
سليم بتفكير: مش عارف والله
بدر بغضب: انا بقا عارف
خد اليوزر بتاع زين وعمل اكونت فيك ودخلو منو ورن عليه انستا وكلهم قاعدين مستغربين من الي بيعملو
عند زين كان سهران ف الفرندا بتاعته لقا فونو بيرن على الانستا بأسم كريم محمد استغرب لان الاسم ده مش من عندو على الانستا ف رد يعرف مين
زين: الو
بدر: الو زين حسن معايا
زين بستغراب: ايوا انت مين
بدر: انا كريم محمد الي كان معاك ف المدرسه زمان
زين بستغراب: كريم محمد مين يبني
بدر: كريم محمد كنت معاك ف اعدادي وثانوي وسبنا بعض عشان انا سافرت
زين وهو اصلا مش فاكرو: اه تمام اهلا ياكريم
بدر: اي رايك نتقابل بكره يمكن تفتكرني
زين بتردد: اوكي نتقابل فين
بدر: هبعتلك عنوان البيت بتاعي وتعالى بكره الساعه 6بليل كده
زين بقلق: تمام
عند بدر
سليم: بدر اي الي انت بتعملو ده
بدر ببرود: اي بعمل اي
سليم: لا مبتعملش في ان انت هتجيب شاب هنا ل مجرد انه خطب واحده كان ممكن تبقو مخطوبين عشان تضربو هو انا مش عارفك يعني
بدر: وانا مش من النوع الي اجيب حد عندي عشان اضربو او افرد سيطرتي عليه
سليم بنرفزه من الي صحبو هيعملو: بجد والله وبالنسبه ل قمر الي كنت حابسها عندك هنا وابوها مات بسبب انها بعدت عنه ومكانتش مهتمه بيه ومخدش دواه وده الي سببلو الجلطه على كلامك مين الي فرد سيطرتو عليها مش لسه قايل مبتفردش سيطرتك على حد وبكل برود زعلت انها مشيت وسابتك واستغنت عنك وجاي تمثل انك هتخطب وهي تعرف منين انك بتمثل جاي قدامها تخطب وتعيش حياتك وهي تقابلك وتتكبر عليها وتفرض سيطرتك عليها وف الاخر جاي تزعل انها اتخطبت زي اي بنت ما بتتمنى وهي تتربط جمبك بأساس اي ها فهمني بأساس اي لما يجيلك مزاج تنهي التمسليه دي هتروح وتقولها سوري اصل كنت بمثل عليكي اني خطبت عشان ترجعيلي راكعه زي الكلبه ليه هو انت بس الي بني ادم وهي حيوانه وجاي بعد كل ده وتقولي بتحبها مينفعش يابدر مينفعش الي انت بتعملو ده اسمه انانيه يابدر مش حب
بدر دمعه نزلت من عيونه لأول مره صحابو يشوفوها: ليك حق تقول كده انا بني ادم وحش ومش محبوب واناني ويوم ما حبيت حبيت بتملك وانانيه ضيعتها مني
سليم حضنو: لا يابدر انت مش اناني ومتملك انت اتصرفت بس بعقل ملغي بس انت انسان جميل وكلنا بنحبك انت بس محتاج تصلح الموضوع بطريقه احسن من كده احنا مش ف فيلم علي بابا وعايشين خطط ليل ونهار ياحبيبي لو بتحبها بجد روح وواجهها وصارحها بكل حاجه وشوف هتقولك اي يا اما لو هتجيب خطيبها هنا من غير عنف يابدر انت تتكلم معاه وتفهم منه صدقني كده احسن ما تبوظ صورتك قدامها اكتر
عمر: سليم عندو حق يابدر اسمع منو
ريم: وانا معاهم بصراحه مش كل حاجه بتتحل بالكلام ده ولو بتحبها بجد ادو نفسكو فرصه تانيه
بدر: انتو صح انا هعمل كده