ولا تحسبن الله غافلاً عما يعمل الظالمون إنما يؤخرهم ليوم تشخص فيه الأبصار }صدق الله العظيم 

قراتها روح وقالت يارب خليك معايا وجنبي عيني يارب مسحت دموعها وفتحت فونها لقت رساله صقر 

روح اكيد اتفضل

صقر فتح فونه ع طول اول ما الرساله وصلت

في واحد ي ستي فتح عيونه لقي ام رمياه ومش عيزاه شخص عمره ما حس ب امان الام من الأساس ولا يعرف يعني اي ام موجوده ف الحياه شخص اول م اتولد لقي نفسه مع جدته العجوزه ف بيت قديم مليان رطوبه وكل كام يوم تطفح المجاري واحنا ف الدور الارضي البيت كان بيغرق .شخص اشتغل جميع اي شغلانه عقلك يتصورها ولا لا شخص كان بيتعب ويرسم ويرجع يلاقي ميه المجاري مغرقه اللوحات الشخص دا انا ايوا أنا متتخضيش 

تعبت جدا عشان اوصل ل مكاني بدأت من تحت الصفر ب مراحل دا غير جدتي إلي كنت بعتني بيها والبي جميع طلباتها وكل حاجه كانت عليا من مصاريف وتنضيف واكل وكل حاجه ابويا عايش اه بس مكنش يعرف اي حاجه عني  من وقت انفصاله من امي اتجوز واحده تانيه وشالني من دماغه وامي إلي نسيت شكلها دلوقتي 

فضلت اعيطلها واترجاها انها متسبنيش بس سابتني ومشيت ولحد الان معرفش عنها اي حاجه 

وانتي تقولي معاناه اي معاناه انتي بتتكلمي عنها 

أنا عمري ما قولت لحد قصتي دي ولا حد يعرف 

بس حبيت اقولهالك عشان تعرفي أن الإنسان كل ما كان حياته صعبه كل ما لازم إصراره يكون قوي وكل ما هيتعلم اكتر وهينجح اكتر الموضوع كله عايز عزيمه وعايز شخص واثق من نفسه مينفعش نعيش في دور الضحيه العمر بيعدي

روح ف عقلها معقول الشخص دا حياته فيها كل دا

روح سكتت شويه وقالت 

ولما يبقي شخص كان عنده ام حنونه بتحبه بس ناس ازوها ودمروها وموتوها وازوني 

لما يكون حد كل يوم بيضرب ويتهان حتي الموهبه إلي عندي مفيش وقت يطور منها ومفيش ادوات

 رسمة المسابقه كانت ب فحم إلي بيشو عليه الفراخ 

كل يوم صراعات  

شخص كل يوم قبل ما ينام بيتمنا أنه يكون آخر يوم ليه ولكن بيصحي وبيكون يوم اصعب عن إلي قبليه مع اني مأذتش حد ولكن من صغري وهما يكرهوني وبأذوني كل دا 

والحضن الحنين إلي كان بينسيني الدنيا وبحس بيه ب الامان ماتت كانت مدياني القوه 

شخص بيحب دراسته جدا وعنده هدف حرموه من التعليم كنت جايبه مجموع حلو يدخلني الكليه إلي بحلم بيها حرموني منها 

شخص حابب يعيش حياه بس كلها امان وسلام بعيد عن المشاكل 

وغير كل دا شخص عايزين يجبروه علي حد مش عايزه ولا بيحبه عشان يعرفوا يخلوا حياتي جحيم كويس 

وفوق كل دا المسابقه إلي كان عندي امل فيها وبعد ما تعبت عشان ارسمها ب خامه رديئه جدا

اتلغت ب كل سهوله 

صقر كان بيتابع الكتابه وبيشرب قهوه 

ولما روح بعتتها وبدأ يقراء