أم شروق بصدمة: مطلق!!! جايبة لبنتي واحد مطلق، عشان كدا عايزها بشنطة هدومها يعني بيشتري واحده تبقى تحت رجله وخدامة له وتشوف طلباته وتكون طيبة وأهلها يكونوا غلابة عشان مايقدروش يعملوا ليها حاجة لو زعلها والله أعلم بقى طليقته سابته ليه ولا عمل فيها إيه 

زميلتها: حيلك يا أم شروق ماتظلمهوش أنا عارفه أحمد كويس، واللي مارضهوش على بناتي مارضهوش على بنات الناس، ببصلي كل فروضه ومحترم ولو لقي حد محتاج مساعدة مابيتأخرش على حد هو أنا تايهة عنه

دا عيال أختي اللي أنا زي أمهم بيستعروا مني عشان وظيفتي دي لدرجة إني مرة سمعت ابنها وبنتها بالصدفة بيقولوا لبعض أهي أختك اللي بتلم الزبالة أهي

هو عشان بكنس وبمسح المكان أبقى زبالة بس هنعمل إيه واحنا عايشين في مجتمع عقيم والقريب بيأذونا قبل الغريب، وأهو أحمد دا عمره ما كلمني بقرف غير بكل احترام وتواضع بس مشكلته إنه مطلق بس ماعندهوش عيال، وأهو أهم حاجة في الشخص يبقى محترم ويعرف يفتح بيت وقد المسؤولية ويحافظ على بنتك وأنا لو عندي شك في حاجة عكس دي ماكنتش هقولك عليه 

أم شروق: الناس تقول علينا إيه دول من دلوقتي مش راحمينا هيقولي دي ما صدقت ترمي بنتها لأي واحد معه قرشين وكمان مطلق مع إن دا عادي بس هما هيستغلوا وضعنا اللي احنا فيه 

زميلتها: كدا كدا الناس بتتكلم عملنا صح عملنا غلط مابيسكتوش وحاجة أخر قرف، بس لو اهتمنا بالقيل والقال مش هنعرف نعيش في الدنيا دي مرتاحيين حتى، فاللي يقول يقول أهو خليهم ياخدوا ذنوب وكلامهم لا بيقدم ولا بيأخر ولا بيأكلنا ولا بيشربنا، فاللي ليه حاجة عندك يجي ياخدها غير كدا ماتديش اهتمام لحد 

أم شروق: كلامك صح، بس احنا مش عايشين لوحدنا في الشارع عشان نهمش الناس أنا مابقولش يعني نهتم بكلامهم بس ناخد حذرنا بردوا إنهم عايشين معانا عالكوكب عشان نعتبرهم هوا حوالينا احنا بردوا بشر وبنحس والكلام بيجرح فعشان كدا مش ننسى إن مهما طنشنا وعملنا اللي على كيفنا في ناس حوالينا بينقدوا وبيتكلموا يا حبيبتي وكلام الناس مابيرحمش كأنه خناجر

بقلم إيسو إبراهيم 

زميلتها: كلامك صح بس كل اللي يهمنا رضا ربنا وطالما مابنعملش حاجة تغضب ربنا يبقى نمشي في الموضوع بقلوب جامدة طالما اللي بنعمله مش حرام وكمان مراعيين ضميرنا وماشيين بالحلال احنا بنشتغل ولينا دور مهم بردوا مابنمدش إيدنا لحد ولا منتظرين عطف من حد ولو الشغلانة دي مش موجودة كان زمان البلد كلها زبالة وماحدش كان هيعرف يعيش في المكان ولا بسبب الريحة ولا المنظر

أم شروق: على رأيك فعلا ومع إن كل واحدة في بيتها بتكنس وبتنضف وتمسح وتغسل مش عارفه ليه الناس قلوبها مريضة كدا، يعني المستشفى دي لو مافيهاش عمال نضافة كان شعور المريض إيه ولا هيتعافى إزاي ولا الدكاترة هتشتغل إزاي والممرضيين أي المرتب بيبقى قليل بس بردوا شغلانة كويسة وبنضف ونحافظ على صحة الناس ونخلي حتى نفسيتهم كويسة لما يلاقوا الدنيا حواليهم نضيفة وبتعود عالكل بالراحة 

زميلتها: صح واحنا عارفين قيمة اللي بنعمله بس الناس بتوع مظاهر ومش باصيين لنعمة النضافة اللي بيلاقوها، المهم فكري في الموضوع دا وشوفي شروق وكلميها براحة واقنعيها دي فرصة كويسة وشخص كويس، كدا أنا خلصت كنس وضهرنا اتقضم

بقلم إيسو إبراهيم 

أم شروق: مابقتش حاسة برجلي من كتر الوقفة، هروح أغير وأطلع عالمستشفى الخاص الشيفت التاني 

زميلتها: ماشي يا حبيبتي، وسلموا على بعض وكل واحدة راحت تشوف هتعمل إيه

بالليل كانت شروق بتذاكر لحد ما والدتها ترجع من شغلها 

وأخوها كان بيخلص واجباته بردوا لأن بعد المدرسة بيبقى شغال في ورشة مع نجار وبيروح بعد العشاء 

محمد: ماما اتأخرت النهارده يا شروق رني عليها كدا 

شروق: لسه مكلماها من خمس دقايق وركبت وجاية

محمد: بحب ماما أوي يا شروق بتعمل كل حاجه عشانا ومابتفكرش في نفسها أكبر بس وهعوضها عن دا كله

حضنته شروق بحب وقالت: احنا فخورين بيها أوي 

رجعت والدتهم وقاموا سلموا على إيدها وباسوا على إيدها وقامت شروق تجهز لها العشا لحد ما تاخد دش وتصلي العشاء

في الصعيد كان رحيم وصل وكان ترحاب كبير بيه وأخته كانت عندهم بتساعد والدتها في الأكل 

والدتها: شهلي يا بتي أخوكِ واقع من الجوع يا حبة عيني 

بنتها: حاضر ياما المرة الجاية مرت أخوي تكون هي اللي بتساعدك لكده

والدتها: بتمنى اكده يا بتي لازم نقنعوه يتقدم لبت الحاج كامل

بنتها: يوه ياما معقول يوافق عليها 

والدتها: مالها يا بتي العروسة حسب ونسب

بنتها: كيف خوي هيرضى بيها وهي مش معها تعليم عال

والدتها: مايهمناش التعليم والكلام الفارغ دا يا بتي، المهم هي من عيلة واصلة 

بنتها: خوي قالي قبل اكده إنه رايد واحدة تكون معها شعادة وعلام مليح ياما

والدتها: الحاج هيقنعه وشهلي معايا خلينا نخلص يا بتي 

وخلصوا ودخلت أخته تنادي رحيم عشان ياكل معاهم خبطت عليه مالقيتش رد

ياترى هيوافق رحيم عالعروسة وشروق هتوافق عالعريس اللي مامتها هتقوله عليها