لف ببطئ وهو رافع ايديه شاف نيار مصوبه المسدس ناحيته 

نيار بغضب كان باين في عينيها بتخونى من أول مهمه ليك ..

صهيب : إنتي مش مكسوفه من نفسك إنتي بنت زيك زيهم ليه تحرميهم من اهاليهم وكمان عايزه  تبيعيهم أعمالكم قذره ..

نيار : لا مش مكسوفه دا شغلنا ويلا أمشي قدامي علشان لازم تتعاقب اشكر ربنا إن الزعيم مش موجود ..

صهيب : عقاب إيه إنتي لازم تفوقي عقاب ربنا أقوى من أي عقاب سيبي البنات ..

نيار : يا حراس رجعوا البنات وحطوهم في العربيات هنتحرك دلوقتي ..

صهيب : هنطلع دلوقتي لسه بدري ..

نيار : حطوا صهيب في المخزن اللي تحت الأرض تمنعوا عنه الأكل والميه لحد ما أرجع ..

صهيب : أنا هروح معاكي مش هسمحلك تدمري حيات٠٠٠

وقبل ما يكمل كلامه وقع على الأرض بسبب ضربة قوية على رأسه من نيار 

نيار : ارموه جوا في المخزن مش عايزه حد يعرف لحد ما أرجع الزعيم هيجي الصبح ..

الحارس : تحت أمرك نيار هانم ..

نيار : البنات كلهم في العربيه إنت متاكد مش ناقص حاجة ..

الحارس : كله تمام مش ناقص حاجة ..

******************

عند ليلى كانت حاضنه إبنها وهي بتعيط  دخل زين حط قدامها الأكل 

ليلى : بص أنا ممكن أساعدك علشان أنا كمان عايزه أخلص من قصي هو دمر لي حياتي ..

زين : إنتي فاكره إني هصدقك تبقي غلطانه إلعبي غيرها .. 

ليلى : صدقني إحنا مش مهمين في حياته مش هتاخذ منه حاجة ..

زين : هههه حتى لو كنتي إنتي مش مهمه لكن إبنه ..

ليلى : اياك تقرب من إبني لأني وقتها مش هرحمك ..

زين : ههههه مش هترحمني أممم إنتي أصلاً مش فاضل فيكي حته سليمه جسمك كله متكسر ..

ليلى بدموع : صحيح جسمي متكسر لكن مستحيل أسمح لأي حد إنه يقرب من إبني و اللي إنت فاكره إننا مهمين عنده هو اللي  عمل فيا كدا ..

زين : لما يرجع قصي هنشوف دلوقتي خليكم هنا أنا هبدأ بإبنه لومش مهم عنده أنا هبعتله جثته سلام ..

ليلى حست بالخوف على إبنها ودموعها نزلت قررت إنها تنقذ ابنها مهما كان الثمن 

ليلى : بس يوسف مش إبنه ..

زين بصدمه : إيه ..

*****************

نيار وصلت للمكان المحدد نزلت من العربيه 

جاك : أهلاً أيتها الجميله ..

نيار بجديه : أهلاً طلبك وصل الزعيم بيسلم عليك ..

جاك : الزعيم محظوظ إن عندوا بنت زيك 

ووجه كلامه لرجالته : تعالوا  استلموا البنات ..

نيار : أولا فين الفلوس قبل ما تستسلم البنات ..

جاك : هاتوا الشنطه ..

فجأة وهما بيتكلموا بدأ إطلاق النار  

نيار : خونه بلغتوا البوليس يارجاله ماتسيبوش البنات لازم ناخذهم معانا ..

جاك : يلا نهرب من هنا قبل ما البوليس يمسكنا ..

الحارس: ياهانم المكان بقى خطر علينا يلا نهرب بسرعه ..

نيار بغضب : كلاب هاتوا العربية بسرعه ..

جاك هرب هو ورجالته نيار هربت حاول الضابط إنه يمسكها لكنها ضربت عليه النار وهربت 

الضابط : الحمدلله إننا أنقذنا البنات لكن كان لازم نقبض عليهم ..

البنت : عمو الضابط في عمو كمان منهم لازم تنقذوه كان عايز ينقذنا بس هما مسكوه ..

الضابط : خذوا البنات على القسم لحد ما أهاليهم يجوا علشان يستلموهم إحنا لازم نروح عند اللواء ..

****************

الصبح في قصر أسد الساعة 7 الصبح 

 أسد صحي دخل الحمام الكبير فتح حنفية الميه السخنه علشان يزيل آثار النوم والتعب من جسمه بعدما خلص خرج من الحمام وهو لافف المنشفه حوالين خصره وراح ناحية أوضة الهدوم لبس بنطلون إسود وقميص أبيض فتح الدولاب أخذ جكيت إسود لبسه فتح الدرج اللي فيه الساعات من أغلى الماركات اختاره واحده سوداء 

وقف قدام المرايه مشط شعره مسك عطره الرجولي حط منه  

خرج من أوضته بكل هيبة نزل الدرج شاف عمه ومراته قاعدين على السفرة ومعاهم ميرا ..

أسد : صباح الخير ياعمي ..

حميد : صباح النور يا إبني إمبارح رجعت متأخر ..

أسد : كان عندي إجتماع متأخر وضبطت كام حاجه ..

بص ناحية ميرا لاقاها بصاله 

أسد : إنتي مين سمحلك تقعدي وتفطري معانا ..

ميرا : عمو هو اللي سمحلي أنا كلمتك ..

أسد : عمي إزاي تسمحلها إنها تفطر معانا وهي بالمنظر دا..

ميرا بغضب : ماله شكلي مش معني إني في بيتك إني هسمحلك تيهني أشكال همجيه وزباله ..

ميرا ماحستش بنفسها غير وهي واقعه على الأرض بسبب قلم نزل على وشها من أسد

أسد بغضب : إنتي مفكره نفسك في بيت أبوكي إنتي هنا لحد ماأعرف مين الكلب اللي وراكي ..

ميرا بدموع : أنا همشي من هنا وريني بقى هتمنعني إزاي ..

أسد مسك من ذراعها بقوه : تعالي هنا من النهاردة أنا هفهمك شغلك وكمان أوضتك مش عاوز أشوف خلقتك ..

ميرا من شدة الألم متكلمتش لحد ما وصلوا الأوضه فتح الباب وزقها لجوا

أسد : بصي بقى شغلك هو إنك تهتمي بالست دي تغيريلها المحاليل وتنظفي الأوضه وكمان تهتمي بيها ..

ميرا : عملت فيها إيه هي كمان ..

أسد : شكل الضرب وحشك  إسكتي أحسنلك لحسن أقسم بالله غلطه واحدة هدفنك هنا ..

ميرا : خلاص خلاص وإنت عامل زي أبو جهل ..

أسد : قلتي حاجة اتكلمي بصوت مسموع ..

ميرا : أنا بقول روح وكون مطمن عليها هي معايا في أمان ..

أسد خرج ووقف قدام الباب علشان يشوف هتعمل إيه 

ميرا قعدت جنبها وباست إيدها

ميرا : بقولك ست حلوه زيك كدا إزاي مستحمله أبو جهل دا هههه ..

الست بصتلها بصمت 

ميرا : وربنا عندك نظارات قمر بس أنا هملي وقتك أحسن من أبو جهل دا ..

أسد إبتسم لما شاف تصرفاتها الطفوليه ..

******************

نيار بغضب : أنطق إنت اللي بلغت البوليس .. 

صهيب : هههههه انا مابلغتش البوليس لكن الحمدلله اللي استجاب لدعايا ..

نيار : اشكر ربنا إن مافيش أي دليل ضدك أنا هطلعك ولا كنت ميت دلوقتي ..

صهيب : انا مش خايف من الموت ولا منك ..

نيار : هتخاف لكن من النهاردة أي غلطه إنت عارف هيحصلك إيه ..

الفصل 7

زين بصدمه : إيه أومال هو إبن مين ..

ليلى : يوسف إبن أختي وقصي عمره ما كان أبوه ..

زين : أنا مش فاهم حاجة إزاي إبن أختك وهو معاكي ..

ليلى : اللي هقولوا دلوقتي مش لازم يتقال قدام يوسف ..

زين : تنام هخليه يروح أوضة تانيه لكن بتمنى إنك متكذبيش عليا . 

ليلى : وهكذب عليك ليه ..

زين : تعالى معايا يابطل مش هعملك حاجه ..

يوسف : إنت شرير مش هاجي معاك ..

ليلى : روح معاه يايوسف هو مش هيعملك حاجة ياقلبي ..

زين أخذ يوسف للأوضة ورجع عند ليلى ..

زين : إتفضلي احكي بس أقسم بالله لو كذبتي مش هتشوفي إبنك مرة تانيه ..

ليلى : أنا كنت عايشه أنا وأختي 

الصغيره غزال وماما كنا عايشين حياة سعيده لحد مادخلها قصي ودمرها ..

زين : إزاي قصي دخل حياتكم ..

ليلى : ماما كانت بتشتغل في بيت قصي وأنا وأختي كنا معاها كان عندنا أوضه في الجنينة لحد ماحصل اللي دمر حياتنا ..

زين : إيه اللي حصل ودمر حياتكم ..

ليلى اختنقت بالدموع وهي بتفتكر اليوم المشؤوم 

فلاش باك 

غزال : ليلى أنا عايزه أروح عند ماما علشان أقولها تعملي كيكه ونحتفل النهاردة عيد ميلادك ..

ليلى : لا ماتروحيش ممكن نحتفل مع بعض من غير الكيكه ..

غزال : إحنا عندنا كام لولو لازم الكيكه و بكرة هنجبلك الهدايا ..

ليلى : تمام روحي ياحبيبتي بس ما تتأخريش ..

غزال : حاضر مش هتأخر ياقمر باستها من خدها وطلعت تجري وهي مبسوطه ..

باك 

زين : حصل إيه بعدما راحت لعند مامتك ..

ليلى : أمي جت بعد ما غزال خرجت بشويه سألت عنها وأنا قولتلها إنها راحت لعندها ..

ليلى دموعها غطت وشها وكملت كلامها

زين : لو مش قادره ماتكمليش ..

ليلى : لا هكمل أنا كويسه طلعنا نجري لفوق كانت صدمتنا أكبر من اللي قصي عمله ..

زين بغضب لأنه يعرف قصي أكثر من أي حد : عمل إيه 

ليلى : اغت٠صبها من غير رحمه وسابها مرميه جثه  ..

زين : وإنتوا عملتوا معاه إيه ..

ليلى : إحنا ناس على قد حالنا مش هنقدر نقف في وشه خذنا غزال وروحنا على بيتنا وسبنى بيته ..

زين : ماروحتوش تبلغوا عنه ليه .. 

ليلى : بقينا كام يوم بعدها إكتشفنا إن غزال حامل غزل وقتها حصلها  إنهيار عصبي وحالتها النفسيه ادمرت حاولت أكثر من مرة إنها تنتحر لكن كنا بنمنعها بعدما ولدت بيوسف أنا قررت إني أروح أقدم بلاغ ضد قصي لأن كان عندي دليل قوي يدخله السجن ..

زين : دليل إيه ..

ليلى : عندي ملف فيه كل أعماله القذره لاقيته في يوم كانت ماما بتنظف بس اخذت معي يوسف و روحت عند الشرطه  وأنا في طريقي للقسم جالي إتصال صدمني ..

*******************

قعد أسد وقدامه مجموعه من الملفات كان بيراجعهم

منة : ممكن أقعد يابني وأخذ شوية من وقتك ..

أسد : مرات عمي إنتي هنا في بيتك إتفضلي أقعدي ليه بتستأذني ..

منة : أنا جيت علشان أعتذر منك على كل حاجة وحشه سمعتها مني ..

أسد : أنا نسيت كل حاجة إنتوا فضلكم عليا كبير مش هزعل منكم إنتوا أهلي ..

منة : يعني إنت مش شايل ولا زعلان مننا أنا عارفه إني كنت انانيه ومش بعاملك كويس ..

أسد : أنا مش شايل منكم لولا عمي حميد كان زماني دلوقتي ضايع ارتاحي أنا ماعنديش أي مشكلة معاكي ..

منة : تمام يابني مش عايزه أعطلك عن شغلك بس ضميري بيعذبني قلت أجي أعتذر منك ..

أسد : تمام يا مرات عمي اعتذارك مقبول ..

منة طلعت لأوضتها أسد جمع كل الملفات وخرج  

أسد في نفسه : هروح أشوف عملت إيه البنت المجنونه دي

في الأوضه عند ميرا الست كانت بتبص لميرا وهي بتحكيلها عن اليوم اللي عمها طردها فيه 

ميرا بدموع : يومها لقيت أبو جهل دا وجابني على هنا وعاملني معامله وحشه ..

أسد دخل بغضب : أبو جهل مين يازفته ..

ميرا : واحد كنت بحكيلها عنه وكملت بغضب مين الزفته دي ياأستاذ ..

أسد : واحده مش بنعرفها ووجه كلامه للست 

عاملة إيه النهاردة ياحبيبتي أنا شايف إنك أحسن ..

ميرا : ابعد عنها من النهاردة هي بقت أمي وأنا اللي هعتني بيها ..

أسد : دي أمي أنا ومش هسمحلك تقربي منها ..

ميرا مسكته من هدومه هي أقصر منه 

ميرا : دي مامتي أنا ولومش عاجبك إتفضل اطلع برا ..

أسد : وأنا قلت إنها أمي مفهوم  إنتي ليه ماسكه فيا بالشكل دا وإنتي شبر و نص هههه ..

ميرا بغيظ : مين دي اللي شبر ونص إنت اللي أبو طويله إبعد عن ماما أحسنلك ..

أسد : ماشي اهدي وإنتي زي أبو جهل فين الانوثه ..