رجعت مهرة شقتها فوق وهي مش شايفة قدامها من كتر الدموع والقهر اللي مالي قلبها النار كانت بتأكل في ضلوعها وفكرة إن صقر ممكن يروح للست دي دمرت كل مشاعر حلوة بدأت تحسها ناحيته حست إن كرامتها اتهانت في الأرض قدام ضرتها اللي جاية من بلاد برة تتمنظر عليها وتعايرها بإن صقر مبيعرفش ينام من غيرها

دخلت أوضتها زي المجنونة وسحبت الشنطة الكبيرة من فوق الدولاب ورمتها على السرير وبدأت تفتح الهدوم وترميها جوة الشنطة وهي بتشهق بالبكاء وبتقول بصوت مبحوح مستحيل أقعد هنه دقيقة واحدة عاد يا صقر مستحيل أعيش في ذل وقهر تحت سقف واحد مع الراجل اللي رخصني ورخص عيلتي وأهلي ورايح لواحدة كاشفة لحمها للكل.

في نفس اللحظة دي تحت في المندرة صقر كان واقف وعيونه بتطق شرار لف وشها وبص لإميلي اللي كانت لسه متمسكة بدراعه وبتعيط عياط كدب ونظرة الشماتة باينة في عيونها

صقر نفض إيدها منه بكل قوة وقسوة لدرجة إنها رجعت لورا وخافت من ملامح وشه الصعيدية المرعبة صقر قرب منها وقاله بصوت واطي وناشف زي الحجر أنتي افتكرتي صقر واد صغير هتمشي عليه لوعتك وكدبك ده يا بت الحريم أنا صقر راضي اللي شركات لندن ومصر كلها بتمشي بأمره أنا خابرك وخابر ألاعيبك وعارف إنك كدابة ومهرة مستحيل تمد يدها عليكي واصل إلا لو أنتي قولتيلها كلام ماسخ زي وشك

إميلي اتهزت وبدأت تترعش وتقول يوسف أنا

صقر قاطعها بصوت زلزل الأرض وقال اخرسي خالص ومسمعش اسم يوسف ده هنه واصل أنا هنه صقر وبس ودلوقتي حالا تاخدي شنطتك وتغوري برة الدوار ده وملمحش طيفك في البلد كلها ولو شوفتك هنه تاني قسماً بالله هتشوفي وش مني عمرك ما شوفتيه في حياتك

إميلي جيرت على أوضتها لمت حاجتها وخرجت في ذل من الدوار والكل بيبص عليها بقرف.

صقر ساب المندرة وطار على السلم زي الإعصار ودخل الشقة لقى الباب مفتوح ودخل الأوضة لقى مهرة عمالة تلم لبسها ودموعها نازلة على خدودها زي الشلال صقر قرب منها وفجأة مسك إيدها وقفل الشنطة بكل قوة وقاله على فين وعايزة تروحي فين وانتي في عصمة راجل

مهرة زقته بعنف وصرخت في وشه وقالتله سيبني في حالي يا صقر سيبني غتغور من هنه أنا راجعة دار أبوي وجدي ومستحيل أقعد معاك في مكان واحد روح لحبيبتك بتاعة لندن اللي مبتعرفش تنام من غيرها طلقني وريحني أنا بكرهك

صقر ثبت إيدها الاتنين وبص في عيونها الحمرا وقالها بنبرة فيها برود ومكر وفي إيه تتضايقي كد وعلامك قايدة نار يا مدام مهرة ما أنتي لساتك بتحبي حازم وعقلك معاه ورافضاني وجاية هنه تتخانقي على ضيفة وتعملي حوارات.

مهرة بصتله بكل قهر وصوتها طلع قوي ومزلزل وقالتله لاه يا صقر لاه مش بحب حازم ولا عمري هحبه واصل حازم بقى ماضي وانتهى من حياتي يوم ما اتجوز وعاش حياته أنا كنت خايفة منك ومن قسوتك زمان بس دلوقتي النار اللي في قلبي دي نار غيرة عليك أنت أنا مبقتش شايفة راجل في الدنيا دي غيرك أنت يا صقر أنا حبيتك وعشقتك وبقيت بتمناك في كل لحظة بس أنت اللي رخصتني وجبتلي واحدة برة تكسر قلبي وتقولي هتنام معاها الليلة

صقر أول ما سمع كلمات مهر واعترافها الصريح بحبها وغريتها عليه قلبه دق بقوة وفرحة عمره ما حس بيها في حياته كل الجمود والقسوة اللي كان متداري وراهم دابوا في ثانية واحدة.

صقر ساب إيدها براحة وقرب منها وأخدها في حضنه بكل قوة وعنف وحنان في نفس الوقت ومهرة بدأت تضربه على صدره وتعيط وتقوله سيبني يا صقر ابعد عني

بس صقر ثبتها جوة ضلوعه ودفن رأسه في شعرها الأسود الطويل المبلول وبدأ يطبع بوسات حنينة على راسها وعلى خدودها ويمسح دموعها وقال بنبرة صوت دافية وكلها ندم حقك عليا يا قلب صقر أنا أسف والله العظيم أسف أنا مستحيل ألمس غيرك ولا يدخل قلبي حريم برة ولا جوة غيرك أنتي يا مهرة الصقر إميلي دي كدابة وأنا طردتها برة الدوار وبرة البلد كلها حالا لما عرفت إنها تبلت عليكي وقالتلك الكلام الماسخ ده أنا كنت بعمل كد بس عشان أنشف راسك وأخليكي تنطقي وتقولي الكلمة اللي أحيت قلبي من تاني قوليها تاني يا مهرة قولي إنك بتحبيني ومبتريديش غيري.

مهرة هديت جوة حضنه وحست بأمان الدينا كله ورجعت لفت إيدها حوالين رقبته واستسلمت لحضنه الدافي وبصت في عيونه بكسوف وقالتله بحبك يا صقر ومبريدش راجل في الدنيا غيرك صقر ابتسم ضحكته الرجولية الجميلة وشالها براحة بين إيديه وأخدها على السرير وقفلوا وراهم باب العذاب والوجع وبدأت ليلتهم الحقيقية في الحلال وبكل رضا وحب مفيش بعده كد وعمرت دار صقر بمهرة بنت الأصول اللي بقت ملكه لوحده.